Morgunblaðið - 01.04.2005, Síða 3

ÍÞRÓTTIR
MORGUNBLAÐIÐ FÖSTUDAGUR 1. APRÍL 2005 C 3
RAYMON Domenech,
landsliðsþjálfari
Frakka í knattspyrnu,
segir óhugsandi að liði
hans takist ekki að
vinna sér keppnisrétt-
inn á heimsmeist-
aramótinu í Þýskalandi
á næsta ári.
Uppskera Frakkanna
í síðustu leikjum hefur
ekki verið neitt til að
hrópa húrra fyrir. Þeir
gerðu markalaust jafn-
tefli á heimavelli gegn
Svisslendingum um síðustu helgi og
1:1 jafntefli gegn Ísraelsmönnum í
fyrrakvöld. Frakkar tróna engu að
síður á toppi 4. riðils með 10 stig
eins og Ísrael en Svisslendingar og
Írar koma fast á hæla þeirra, eru
með 9 stig og eiga leik til góða. Það
stefnir því í gríðarlega baráttu um
efsta sætið í riðlinum.
,,Ég get bara ekki
ímyndað mér úr-
slitakeppni HM án
Frakka og það er óhugs-
andi í mínum augum að
það gerist,“ segir Dom-
enech sem þolað hefur
mátt mikla gagnrýni við
slælega frammistöðu
sinna manna. Frakkar
hafa aðeins skorað 5
mörk í leikjunum sex og
hafa ekki virkað sann-
færandi þrátt fyrir að
eiga sæg af góðum knattspyrnu-
mönnum.
David Trezeguet, sem kom
Frökkum yfir í leiknum gegn Ísr-
aelsmönnum, á yfir höfði sér þriggja
leikja bann en hann fékk að líta
rauða spjaldið fimm mínútum eftir
að hann skoraði.
Frakkar í vandræðum
MARTIN Jol, knattspyrnu-
stjóri Tottenham, neitar þeim
sögusögnum að félagið sé á
höttunum eftir tékkneska
landsliðsmanninum Tomas
Rosicky sem leikur með
Borussia Dortmund og hol-
lenska landsliðsmanninum
Mark van Bommel sem er á
mála hjá PSV í Hollandi.
,,Við höfum ekkert verið í
sambandi við þessa leikmenn.
Að því er ég best veit er
Bommel á leið til Barcelona.
Ég er ánægður með þann leik-
mannahóp sem ég hef yfir að
ráða hjá Tottenham. Ég sá í
blöðunum að við værum á
höttunum eftir einhverjum
fjórum eða fimm leikmönnum
en ég þekki ekki þessa leik-
menn,“ segir Jol.
Hann blæs einnig á þær
sögusagnir að markvörðurinn
Paul Robinson sé á förum frá
Tottenham og til Barcelona.
Jol er ekki
á eftir
Bommel
ist-
ð í
í
yrir
-11,
auð-
rra
la.
c í
lit
iða-
11,
Heldur fór leikurinn rólega afstað, sóknir voru ekki mark-
vissar og hægagangur á öllu. Smá
líf færðist í leikinn um miðjan hálf-
leik en spennan lét alveg á sér
standa þegar jafnt var á öllum töl-
um og 10:9 fyrir Val í hálfleik. Skipt
var upp um gír í hálfleik, ef ekki tvo
og þegar FH-stúlkur tóku sig á í
vörninni tókst þeim að hemja vel
sóknarleik Vals og ná meiri öryggi í
sinn eigin, sem aftur skilaði þriggja
marka forskoti, 19:16, þegar tæpar
tíu mínútur voru til leiksloka en þá
skildi leiðir.
„Þjálfarinn sagði við okkur inni í
klefa í hálfleik að við værum að
vanda okkur of mikið eins og við
værum hræddar við að gera mistök
og legðum ekki nógu mikið í færin,“
sagði Berglind Íris Hansdóttir,
markvörður Vals, sem fór á kostum
í gærkvöldi, hún varði 25 skot af
miklum móð og skoraði auk þess
tvö mörk. „Við duttum aðeins niður
í seinni hálfleik en tókum þá leikhlé
og með ólíkindum hvað við náðum
að komast inn í leikinn á ný og fáum
ekki á okkur mark. Okkur var sagt í
leikhléi í seinni hálfleik að við þyrft-
um að hafa vilja til að vinna því það
sást víst greinilega inni á vellinum
að okkur langaði ekki að vera þar.
Við ætlum að vinna strax fyrstu tvo
leikina og komast þannig í fjögurra
liða úrslit. Næsti leikur verður bar-
átta uppá líf og dauða því það er
öruggt að FH-liðið er ekkert frekar
til í að gefa sig en við. FH-ingar eru
komnir með bakið upp við vegg en
við ætlum líka að hugsa þannig,“
bætti Berglind við. Soffía Rut Gísla-
dóttir skoraði af öryggi fyrstu þrjú
mörk leiksins og næstu þrjú skoraði
Katrín Andrésdóttir með góðum
skotum utan af velli. Reyndir leik-
menn eins og Ágústa Edda Björns-
dóttir, Hafrún Kristjánsdóttir og
Arna Grímsdóttir náðu ekki fram
sínu besta og eiga það þá til góða.
Svipaða sögu má segja um FH
þar sem lítið fór fyrir Dröfn Sæ-
mundsdóttur og Guðrúnu Hólm-
geirsdóttur fram eftir leik. Frekar
var að Kristín M. Guðjónsdóttir
verði oft vel, Bjarný Þorvarðardótt-
ir skoraði nokkur góð mörk og
Berglind Björgvinsdóttir berðist
um á línunni. Best var samt Gunnur
Sveinsdóttir enda má skrifa enda-
sprett Vals að hluta á að hún var
tvívegis utan vallar síðustu mínút-
urnar. „Ég er mjög svekkt. Við vor-
um komnar með 19:16 forskot en þá
held ég að tvær brottvísanir á stutt-
um tíma hafi skemmt fyrir okkur
því það var einhver taugaveiklun og
allt fór í klessu,“ sagði Gunnur en
hefur ekki lagt árar í bát. „Við kom-
um ennþá betri í næsta leik því það
voru nokkrar okkar ekki nógu vel
stemmdar og það verður bætt úr
því. Við eigum að vinna Val og átt-
um að vinna þennan leik en vorum
óheppnar.“
Morgunblaðið/Golli
Arna Grímsdóttir, hornamaður Vals, reynir að komast framhjá Bjarnýju Þorvarðardóttur, leikmanni FH.
Valsstúlkurnar
sterkari en FH á
lokasprettinum
LEIKHLÉ Valsstúlkna þegar tæpar tíu mínútur voru eftir gegn FH í
Kaplakrika í gærkvöldi reyndist afdrifaríkt. FH-stúlkur höfðu þá
þriggja marka forskot, 19:16, en eftir það skoruðu þær ekki mark á
meðan Valsstúlkur léku á als oddi og með sex mörkum í röð snerist
taflið alveg við og þær fögnuðu sigri, 22:19. Leikurinn var sá fyrri
eða fyrsti í 8 liða úrslitum og næsti verður á laugardaginn.
Eftir Stefán Stefánsson
M

KRISTJÁN Andrésson skoraði 5
mörk, þar af eitt úr vítakasti, þegar
Guif vann Hammarby, 28:25, á úti-
velli í úrslitakeppninni í sænsku úr-
valsdeildinni í handknattleik í gær-
kvöld. Með sigrinum tókst Kristjáni
og félögum að knýja fram a.m.k.
einn leik til viðbótar í rimmunni þar
sem Hammarby hefur unnið tvo leiki
en Guif einn. Vinna þarf þrjá leiki til
að komast í næstu umferð.

EINAR Logi Friðjónsson var með
eitt mark þegar lið hans Friesen-
heim vann Gelnhausen, 34:28, á
heimavelli í suðurhluta þýsku 2.
deildarinnar í handknattleik í fyrra-
kvöld. Friesenheim er í 3.–4. sæti
deildarinnar ásamt Bayer Dormag-
en með 38 stig.

ÞÓREY Edda Elísdóttir, Norður-
landamethafi í stangarstökki
kvenna, heldur í dag til Suður-Afr-
íku þar sem hún verður við æfingar í
nokkrar vikur ásamt þýskum æf-
ingafélögum sínum.

CAMILLA Andersen, ein þekkt-
asta handknattleikskona Danmerk-
ur, hefur ákveðið að leggja skóna á
hilluna í vor eftir langan og sigur-
sælan feril. Andersen var ásamt
Önju Andersen helsta driffjöður í
hinu sigursæla danska landsliði á
síðasta áratug sem m.a. varð heims-
meistari og ólympíumeistari í Atl-
anta 1996. Andersen hætti að leika
með landsliðinu eftir að Danir vörðu
ólympíumeistaratitilinn í Sydney ár-
ið 2000.

DAVID Beckham leikur ekki með
Real Madrid gegn Albacete í
spænsku deildinni um helgina. Hann
meiddist lítillega í landsleik Eng-
lands og Aserbaídsjan á miðviku-
dag. Beckham ætlar að safna kröft-
um næstu daga til að vera klár í
slaginn þegar Real Madrid mætir
Barcelona um aðra helgi.

PAUL Scholes, sem hefur leikið
mjög vel með Manchester United að
undanförnu, ætlar ekki að svara kalli
Sven-Göran Eriksson, landsliðs-
þjálfara Englands, sem hefur beðið
hann að endurskoða afstöðu sína –
og byrja að leika með enska landslið-
inu á ný. „Ég hef tekið ákvörðun um
að leika ekki framar með landsliðinu
og ég tel að hún hafi verið fullkom-
lega rétt,“ sagði Scholes, sem ákvað
að leika ekki oftar landsleik sl. sum-
ar. Hann lék 66 landsleiki og skoraði
fjórtán mörk í þeim.

OLIVER Kahn, markvörður Bay-
ern München og þýska landsliðsins,
hefur trú á því að Bayern geti unnið
þrennu í vetur – Meistaradeild Evr-
ópu, þýska meistaratitilinn og þýsku
bikarkeppnina. Hann sagði í viðtali
við SportBild að Chelsea væri ekki
óyfirstíganleg gryfja. „Chelsea leik-
ur ekki eins vel og áður. Það er
spenna og þreyta í herbúðum liðs-
ins,“ sagði Kahn.
FÓLK
Raymond
Domenech