Morgunblaðið - 29.06.2005, Blaðsíða 33

MORGUNBLAÐIÐ MIÐVIKUDAGUR 29. JÚNÍ 2005 33
AFMÆLI
Kennari af Guðs náð.
Lengi býr að fyrstu
gerð og góður kennari
er gulls ígildi fyrir öll
börn. Þegar ég fór í
barnaskóla, fyrir um
hálfri öld síðan, var
raðað í bekki eftir
lestrarkunnáttu barn-
anna. Þau börn sem
ekkert kunnu í lestri
við upphaf skólagöngu
voru sett saman í bekk.
Síðan sátu börnin þar
föst allan skólann því
ekki færðust þau bestu
upp í betri bekk né
voru þau lakari flutt til.
Ég var í fyrsta bekknum í Mela-
skóla sem Rannveig Löve kenndi.
Þegar kom að fullnaðarprófi um vor-
ið kom í ljós að prófa ætti í algebru
sem hafði einungis verið kennd í
bestu bekkjunum um veturinn. Slíkt
var mikill óleikur af skólayfirvöldum
því þá gætum við ekki fengið 10 í
reikningi eins og við vorum oftast
vön. Okkar góða kennara brá illa við
slíkar fréttir en lét ekki deigan síga.
Hún stefndi sínum bestu nemendum
heim til sín að kvöldi til og kenndi
okkur algebruna eins og ekkert væri
sjálfsagðara. Svo frábær kennari
var Rannveig að vetrarkennsluna í
algebru kenndi hún okkur á nokkr-
um kvöldum. Þetta varð til þess að
ég komst í A bekk í gagnfræðaskól-
anum og aðrir fóru í B bekkinn.
Þökk sé góðum kennara að við gát-
RANNVEIG
LÖVE
um því haldið áfram í
landspróf og í mennta-
skóla og þaðan í há-
skóla.
Rannveig gerðist
brautryðjandi í sér-
kennslu enda mikil
áhugamanneskja um
lestrarkunnáttu barna.
Tossarnir gætu líka
lært að lesa ef þeir
fengu rétta aðstoð að
mati Rannveigar sem
gerðist sérhæfður
lestrarkennari. Hún
samdi námsefni og
kennslubækur fyrir
börn og hefur skrifað ævisögu sína
sem nefnist Myndir úr hugskoti og
kom úr árið 2000. Hún kenndi lengi
við Melaskólann og var einnig æf-
ingakennari við Kennaraháskóla Ís-
lands. Rannveig lauk prófi í dönsku
og bókmenntum við Háskóla Íslands
og vann síðan sem kennsluráðgjafi
við Fræðsluskrifstofu Reykjanes-
umdæmis en hætti störfum árið
1996.
Í dag, 29. júní, er okkar góði
kennari, Rannveig Ingveldur Ei-
ríksdóttir Löve, 85 ára og óska nem-
endur G-bekkjarins frá árinu 1955
henni hjartanlega til hamingju og
þakka henni af alúð fyrir kennsluna
og þá umhyggju sem hún bar alla tíð
fyrir nemendum sínum.
Kolbrún S. Ingólfsdóttir,
lífeindafræðingur og
sagnfræðingur.
SKÁKFORRITIÐ Hydra gjör-
sigraði Michael Adams (2.741),
sjöunda stigahæsta skákmann
heims, í 6 skáka einvígi sem lauk
sl. mánudag. Tölvan vann 5 skákir
og gerði eitt jafntefli. Greinilegt
var að Adams undirbjó sig ekki
nægilega vel fyrir einvígið. Hann
hélt sér fast við þær byrjanir sem
hann teflir gegn mennskum and-
stæðingum en það hafði í för með
sér að taflið var opið strax frá
upphafi. Slíkar stöður gefa venju-
lega af sér marga möguleika og
þar eru tölvurnar mjög öflugar.
Til samanburðar má nefna það að
í einvígjum Kasparovs og Kramn-
iks gegn tölvuforritunum Deep
Junior og Fritz eyddu þeir mörg-
um mánuðum í að undirbúa sig og
tefldu mikið við forritin áður en
blásið var til leiks. Adams virðist
ekki hafa æft sig stíft fyrir einvíg-
ið þar eð hann tók þátt í mörgum
skákmótum rétt áður en það
hófst. Staðreyndin er sú að gegn
tölvum verður að þjálfa mjög sér-
stakan stíl og æfa sig mjög mikið
gegn þeim áður en teflt er við þær
opinberlega. Þessi niðurlægjandi
ósigur eins sterkasta skákmanns
heims hefur vonandi þau áhrif að
skákmenn undirbúi sig afar vel
fyrir næstu einvígi manns og
tölvu. Þeirri spurningu er enn
ósvarað hvort tölvur séu orðnar
betri en menn í skák.
Lélegasta skák Adams í einvíg-
inu var fjórða skákin. Hann tefldi
byrjunina illa og stóð þá strax
lakar með hvítu. Upp kom enda-
tafl sem sennilega hefði verið
hægt að halda jöfnu. Tölvan bætti
stöðuna hinsvegar hægt og síg-
andi svo að þegar hvítur lék sín-
um fimmtugasta leik var ljóst að
taflið var orðið tapað á hann.
Hann lék þá 50. h4-h5 og eftirfar-
andi staða kom upp:
Sjá stöðumynd
1stm – Adams - Hydra
Tölvan var ekki lengi að finna
besta leikinn og eftir 50. ... f4+!
gafst hvítur upp þar sem að fari
hann með kónginn fram á borðið
tapar hann hróknum og eftir 51.
Kf2 Hxh5 52. Hxg6 d4 er taflið
tapað á hvítt.
Fimmta skákin þróaðist á þá
lund að tölvan náði frumkvæðinu
með hvítu í spænska leiknum og
þjarmaði síðan að andstæðingn-
um þar til að eitthvað varð að láta
undan síga. Sjötta og síðasta skák
einvígisins var jöfn framan af en
tölvan náði síðan örlitlu frum-
kvæði. Adams fór þá í vanhugsaða
peðaframrás og eftir það hrundi
staðan hans eins og spilaborg.
Á heimasíðu einvígisins, http://
www.hydrachess.com, er að finna
margar sérstakar yfirlýsingar
sem gefnar voru út eftir að því
lauk. Þannig halda aðstandendur
vélarinnar því ennþá fram að
Adams sé mun öflugri andstæð-
ingur en Kasparov. Slíkt er mjög
furðulegt í ljósi þess að Kasparov
hafði aðlagast tölvunum vel eftir
að hafa beðið ósigur gegn
Dimmblá árið 1997. Telja má
næsta víst að frammistaða hans í
einvígi sem þessu hefði verið mun
betri og allur undirbúningur á
mun hærra plani en hjá Adams.
Þrátt fyrir þennan skell var stór-
meistarinn breski nokkuð boru-
brattur eftir einvígið og virtist
jafnvel sáttur við taflmennsku
sína. Skákaðdáendur geta vart
verið á sömu skoðun en fróðlegt
verður að sjá hvort aðstandend-
um vélarinnar takist að finna
styrktaraðila til að etja kappi við
annan mennskan andstæðing.
Bragi vann tvær í röð
á EM einstaklinga
Alþjóðlegi meistarinn Bragi
Þorfinnsson (2.442) hefur rétt úr
kútnum á Evrópumeistaramóti
einstaklinga með tveimur sigrum
í röð. Hann lagði pólska FIDE-
meistarann Maciej Rutkowski
(2.346) að velli í áttundu umferð
og landa hans Michal Olszewski
(2.387) í þeirri níundu. Hann hef-
ur því fjóra vinninga af níu mögu-
legum en félagi hans, Stefán
Kristjánsson (2.461), hefur 3½
vinning eftir að hafa tapað í ní-
undu umferð fyrir hinum öfluga
þýska stórmeistara, Alexander
Graf (2.632). Stórmeistarinn
Hannes Hlífar Stefánsson (2.573)
gerði jafntefli við hollenska of-
urstórmeistarann Loek Van Wely
(2.687) í áttundu umferð og þurfti
að lúta í lægra haldi gegn rúss-
neska birninum Vladimir Mal-
akhov (2.670) í þeirri níundu. Þeg-
ar fjórar umferðir eru eftir á
mótinu er Hannes í 63.–100 sæti,
Bragi í 131.–170. sæti og Stefán í
171.–193 sæti af 229 keppendum.
Af íslensku þátttakendum er
Hannes sá eini sem enn á raun-
hæfa möguleika að verða á meðal
þeirra 34 skákmanna sem tryggja
sér rétt til að taka þátt í næstu
heimsmeistarakeppni FIDE.
Efstir á mótinu eru stórmeistar-
arnir frá Úkráínu, Vassily Iv-
ansjúk (2.739) og hinn 14 ára
Sergey Karjakin (2.635) ásamt
rúmenska stórmeistaranum Liv-
iu-Dietier Nisipeanu (2.670), allir
með sjö vinninga. Heimasíða
mótsins er að mörgu leyti prýði-
leg en veffang hennar er http://
www.eurochamp.pl/.
Mót um helgina
í Trékyllisvík
Skákfélagið Hrókurinn og Tafl-
félag Trékyllisvíkur standa að
skákmóti í Árneshreppi dagana
1.–2. júlí næstkomandi í félags-
heimilinu í Trékyllisvík. Mótið
hefst kl. 20 á föstudaginn kemur
og verða þá tefldar þrjár atskákir.
Daginn eftir hefst taflmennskan
kl. 10 og verða þá tefldar tveir at-
skákir í viðbót. Í síðustu fjórum
umferðunum verðar tefldar hrað-
skákir með sjö mínútna umhugs-
unartíma. Á laugardagskvöldinu
verður hátíð haldin þar sem ýmsir
listamenn munu koma fram.
Prýðileg verðlaun verða í boði
ásamt ýmsum aukavinningum frá
vinum og samstarfsaðilum Hróks-
ins. Mótið er opið öllum og má
skrá sig með því senda rafpóst á
netfangið guttesen@hrokurinn.is.
Nánari upplýsingar um mótið er
að finna á vefsíðunni www.hrok-
urinn.is.
Hydra malaði Adams
Adams var kjöldreginn af tölvunni Hydra.
Helgi Áss Grétarsson
daggi@internet.is
SKÁK
London, England
EINVÍGI ADAMS OG TÖLVUNNAR HYDRA
21.–27. júní 2005
FRÉTTIR
Barnavörur
Útsalan er hafin! 20-60% afslátt-
ur. Róbert bangsi og... ungling-
arnir Hlíðasmára 12 - Firði -
Hverafold 1-3. Sími 555 6688.
Dýrahald
Hundabúr - hvolpagrindur
Full búð af nýjum vörum. 30% af-
sláttur af öllu. Opið mán-fös kl. 10-
18, lau. 10-16 og sun. 12-16.
Tokyo, Hjallahrauni 4,
Hafnarfirði, sími 565 8444.
Bengalkettir til sölu Gullfallegir,
silkimjúkir, fjörugir, blíðlyndir,
glitrandi blettatígursfeldur.
Sjá www.natthagi.is .
Upplýsingar í síma 698 4840 eftir
21.00 á kvöldin.
Garðar
Sláttuverk. Sláum garðinn,
tökum beðin, þökuleggjum, eitrum
og vinnum öll önnur garðverk.
Hlynur, sími 695 4864.
Ferðalög
Syðsti bær landsins
Sumarhúsið að Görðum í Reynis-
hverfi býður upp á notalega gist-
ingu í nánd við stórbrotna náttúr-
ufegurð. Uppl. í síma 487 1260.
Leirubakki í Landsveit.
Veðursæld og náttúrufegurð!
Óþrjótandi útivistarmöguleikar!
Opið alla daga. Uppl. í s. 487 6591.
Bíll í útlöndum. Frábær tilboð á
bílaleigubílum. Ford Mustang á
Florida frá 9.300 kr. vikan á mann
m.v. 2 í bíl. Fiat Punto á Spáni frá
6.250 kr. vikan á mann m.v. 2 í bíl.
Opel Corsa í Danmörku frá 10.500
kr. vikan á mann. m.v. 2 í bíl. Ren-
ault Clio í Frakklandi frá 9.400 kr.
vikan á mann m.v. 2 í bíl. Fiat
Punto á Ítalíu frá 8.700 kr. vikan
á mann m.v. 2 í bíl. Mismunandi
skilmálar gilda eftir löndum.
Vildarpunktar við hverja bókun.
Sjá einnig www.hertz.is
Bókið á hertzerlendis@hertz.is
eða í síma 505 0600.
Húsgögn
Tveir hægindastólar Til sölu
nýlegir hægindastólar.
Áklæði ljósbrúnt mýkróefni.
Verð 15.000 kr. stykkið.
Uppl. í s. 561 1316 og 848 3665.
Húsnæði óskast
Reyklaust og reglusamt par
Ungt reyklaust par óskar eftir
stúdíó eða lítilli íbúð við miðbæ
Reykjavíkur. Skilvísum greiðslum
heitið og meðmæli ef óskað er.
Sími 867 5565, Stefán
Sumarhús
ROTÞRÆR
Framleiðum rotþræ 2300 - 25000
lítra. Öll fráveiturör og tengistykki
í grunninn. Sérboruð siturrör,
tengistykki og fylgihlutir í situr-
lögnina.
Heildarlausn á hagstæðu verði.
BORGARPLAST
Seltjarnarnesi: S 561 2211
Borgarnesi: S 437 1370
www.borgarplast.is
Fyrirtæki
Radíó Reykjavík til sölu Til sölu
er útvarpsstöðin Radíó Reykjavík.
Allur búnaður og tæki ásamt við-
skiptavild. Gott tækifæri. Til af-
hendingar strax. S. 846 1948
Smáauglýsingar 569 1100 www.mbl.is/smaaugl
STARFSGREINASJÓÐUR Rótarý
veitti á dögunum hjónunum Ágústu
Hreinsdóttur og Ernst J. Backman
viðurkenningu fyrir að koma upp
sögusafni í Reykjavík. Sögusafnið er
staðsett í einum af hitaveitutönkum
Perlunnar í Öskjuhlíð, en það var
opnað í júní árið 2002. Þar gefur að
líta brot af Íslendingasögunni, frá
landnámi til ársins 1550 þegar Jón
Arason biskup var hálshöggvinn.
Fengu þau hjónin viðurkenningu sem
afhent var á fundi rótarýklúbbsins
Garða í Garðabæ.
Á myndinni eru Ernst Backman,
Ágústa Hreinsdóttir sem reka Sögu-
safnið í Perlunni og Ingibjörg Hauks-
dóttir forseti Rótarýklúbbsins Garða.
Morgunblaðið/Jón Svavarsson
Viðurkenning
vegna sögusafns