Morgunblaðið - 04.08.2005, Page 6

6 B FIMMTUDAGUR 4. ÁGÚST 2005 MORGUNBLAÐIÐ

S
teypustöðin ehf. hefur ný-
lega hafið rekstur bygg-
ingarleigu, sem bjóða
mun til leigu byggingar-
krana, steypumót, vinnu-
lyftur og annað sem til þarf við hús-
byggingar.
Páll Kristjánsson, deildarstjóri
byggingarleigunnar, segir þess ekki
langt að bíða að velflestir íslenskir
verktakar verði með stóran hluta
sinna krana, steypumóta og lyfta á
leigu.
„Það að vera með sæmilegan hluta
tækjabúnaðarins í leigu eykur mjög
rekstraröryggi verktakafyrirtækja,“
segir Páll. „Verkefni eru misstór og
stundum er minna að gera en á öðrum
tímum. Verktaki sem kaupir tæki og
tól þegar mikið er að gera – eða fyrir
stórt verkefni – situr uppi með dautt
fé þegar verkefninu lýkur og hægist
um hjá honum. Tekjurnar dragast
saman en fjármagn hans liggur enn í
stórum krönum og steypumótum.“
Páll segir að með því að leigja þau
tæki sem upp á vanti aukist rekstr-
aröryggi verktaka til muna, því tækin
fari aftur til byggingarleigunnar þeg-
ar verkinu ljúki. „Kostnaður verktak-
ans takmarkast því við lengd verkefn-
isins og fjármagn verður ekki lengur
bundið í ónotuðum tækjum og tólum.“
Kjarni af tækjum og tólum
Páll segir leigu einnig auka rekstr-
aröryggi á annan hátt. „Biluð tæki
auka á kostnað verktaka bæði af því
að viðgerðir kosta sitt og einnig í töp-
uðum tíma. Við munum hins vegar
gera okkar besta til að minnka slíkan
kostnað. Í fyrsta lagi mun verktakinn
aldrei bera kostnað af viðgerðum
komi til þeirra. Viðhald og viðgerðir
eru alfarið á okkar könnu og munu
vélamenn okkar heimsækja hvert
tæki á tveggja vikna fresti, yfirfara,
smyrja og gera annað sem venju-
bundið viðhald krefst. Ef svo illa fer
að tæki bilar þá koma viðgerðarmenn
okkar strax á staðinn og gera við tæk-
ið. Viðgerðarkostnaður viðskiptavin-
arins verður því enginn og tapaður
tími vonandi í lágmarki,“ segir Páll.
Páll segist sannfærður um að fram-
tíð verktaka- og byggingariðnaðarins
liggi í leiguforminu. „Ekki alls fyrir
löngu þá var ég í Svíþjóð og menn frá
stóru verktakafyrirtæki sögðu mér að
þar væru menn nánast hættir að
kaupa mót, krana og vinnulyftur,
heldur tækju þeir það á leigu fyrir
hvert verk.“
Hann segir að eðlilega sé ekki
hvert einasta verkfæri í leigu, en að
venjulega eigi verktakarnir ákveðinn
kjarna af tækjum og tólum sem séu
meira eða minna alltaf í notkun, en
svo leigi menn það sem upp á vantar
fyrir hvert verkefni.
„Þetta eykur líka möguleika minni
verktaka til að taka að sér verkefni
sem undir venjulegum kringumstæð-
um væru þeim ofvaxin.“
Steypustöðin hefur á undanförnum
árum verið í miklum vexti og hefur
markaðshlutdeild hennar aukist ár
frá ári. Opnuð hefur verið verslun fyr-
ir múrara, Múrbúðin, sem þjónustar
múrara. Þá hefur Steypustöðin ný-
verið hafi sölu á járnum og lykkjum
og fyrir ári hóf hún framleiðslu og
sölu á hellum og steinum. Nýjasta út-
spilið er svo byggingarleigan, en
kjarni starfseminnar er, og hefur allt-
af verið sala á steypu.
Páll segir markmið Steypustöðvar-
innar að geta veitt húsbyggjendum,
þá aðallega verktökum, alhliða þjón-
ustu varðandi múrverk og steypu. Að
verktaki geti keypt – eða leigt – mót,
tæki, steypu, járn, steina og hvað það
annað sem til þarf til byggingarinnar.
„Markhópurinn okkar samanstendur
af verktökum, því við gerum ekki ráð
fyrir að einstaklingar muni eiga við
okkur mikil viðskipti,“ segir Páll. „Við
munum ekki, að minnsta kosti til að
byrja með, leigja út smærri tæki
heldur einbeita okkur að leigu á krön-
um, lyftum og steypumótum og slík
leiga er aðallega fyrir verktakafyrir-
tæki.“
Mikill uppgangur
Páll segir byggingarleiguna ekki vera
fyrsta fyrirtækið sinnar tegundar hér
á landi en að Steypustöðin ætli sér að
taka verkefnið mjög föstum tökum og
stefni á að verða leiðandi á þessum
markaði. „Eðlilega mun starfsemi
leigunnar taka mið af meginfram-
leiðslu Steypustöðvarinnar, sem er
steypan sjálf. Þess vegna spyrjum við
okkur hvað það er sem verktakar og
múrarar þarfnast. Þess vegna mun-
um við, til að byrja með, einbeita okk-
ur að steypumótum, lyftum og öðru
slíku, sem notað er við húsbygging-
ar,“ segir Páll.
Dæmi um fyrirtæki, sem tekið hef-
ur á leigu krana frá byggingarleig-
unni, er verktakafyrirtækið Feðgar
ehf. Bjarni Bjarnason, annar eiganda
Feðga, segir leigu auka rekstrarör-
yggi og sveigjanleika fyrirtækisins.
Feðgar hafi nýlega keypt einn krana,
en hafi þurft einn í viðbót fyrir verk
sem fyrirtækið vinnur nú við Flens-
borgarskóla í Hafnarfirði. Tilvalið sé
að leigja aukakranann í þann tíma
sem hans sé þörf og skila honum svo
að verkinu loknu.
Páll segir eftirspurn eftir þessari
þjónustu mikla og segist hann búast
við örum vexti byggingarleigunnar.
Nýlega gekk byggingarleigan frá
samningi um kaup á á þriðja tug Gen-
ie-skæra- og spjótalyfta af írska fyr-
irtækinu Height for Hire. „Genie-
lyfturnar eru að mínu mati Rollsinn í
bransanum og við höfum ákveðið að
bjóða aðeins Genie-lyftur til leigu,“
segir Páll. „Height for Hire er stærsti
kaupandi af Genie-vélum í Evrópu og
svo skemmtilega vill til að samning-
urinn sem við höfum gert er stærsti
kaupsamningur sem þeir hafa gert á
árinu,“ segir Páll.
Byggingarleigan hefur þegar leigt
tíu af áðurnefndum lyftum til Bechtel
við Reyðarfjörð.
John Ball, forstjóri Height for
Hire, segir leigufyrirtæki eins og
byggingarleigu Steypustöðvarinnar
eiga bjarta framtíð hér á landi. „Það
er mikill uppgangur í byggingarstarf-
semi hér á landi og þá er ég ekki bara
að tala um stórframkvæmdir eins og
virkjana- og álversframkvæmdir,“
segir Ball. „Þá eru álverin mikilvægir
viðskiptavinir eftir að byggingu
þeirra er lokið, sérstaklega varðandi
leigu á skæra- og spjótalyftum.“
Páll segist sjálfur búast við örum
vexti byggingarleigunnar og segir
frekari kaup í undirbúningi.
Framtíðin felst í leigunni
Ný byggingarleiga
Steypustöðvarinnar
ehf. tók nýlega til
starfa og af því tilefni
ræddi Bjarni Ólafsson
við Pál Kristjánsson,
yfirmann bygging-
arleigunnar, sem er
sannfærður um kosti
leiguformsins.
Morgunblaðið/ÞÖK
Flensborg Feðgar ehf., sem sjá um framkvæmdir við Flensborgarskóla í Hafnarfirði voru meðal fyrstu viðskiptavina byggingarleigu Steypustöðv-
arinnar, en á myndinni sjást þeir Páll Kristjánsson, deildarstjóri bygginarleigunnar, og Bjarni Bjarnason hjá Feðgum.
„Eðlilega eiga verktak-
arnir ákveðinn kjarna
af tækjum og tólum
sem eru meira eða
minna alltaf í notkun,
en svo leigja menn það
sem upp á vantar fyrir
hvert verkefni.“
bjarni@mbl.is
ÍRSKA tækjaleigu- og sölufyr-
irtækið Height for Hire var stofnað
fyrir tæpum þremur áratugum og
er nú stærsta leigufyrirtækið á Ír-
landi í byggingariðnaði og fer sölu-
deild fyrirtækisins ört vaxandi.
John Ball, forstjóri Height for
Hire, segir að nú komi um þriðj-
ungur tekna fyrirtækisins frá sölu
tækja og tóla og sé hún sá þáttur
sem hraðast vaxi.
„Við erum nú að endurnýja
leiguflotann okkar og höfum því
verið að selja mikið af tækjum.
Flestar eru seldar til minni verk-
taka eða leigufyrirtækja sem eru
að stíga sín fyrstu skref í geir-
anum, eins og byggingarleiga
Steypustöðvarinnar er að gera
nú,“ segir Ball.
„Það má þó ekki skilja það sem
svo að við séum að selja hér afgam-
alt dót,“ segir Ball. „Öll tækin eru í
góðu ástandi, yfirfarin og með sex
mánaða ábyrgð frá okkur. Vegna
þess að við viljum hafa sem nýjust
tæki til leigu eru tækin sem við
seljum ekki gömul heldur,“ segir
Ball.
„Þá getum við líka boðið kaup-
endum okkar upp á ráðgjöf varð-
andi val á tækjategundum, viðhald
og viðgerðir, enda gjörþekkjum
við markaðinn og vitum hvað virk-
ar og hvað ekki. Við erum eins
hlutlausir og ráðgjafar geta verið,
því ekki verðum við í samkeppni
við byggingarleigu Steypustöðv-
arinnar, heldur sjáum fyrir okkur
gott samstarf í framtíðinni. Við
höfum á okkar ferli gert nokkur
mistök og það er ástæðulaust að
aðrir læri ekki af mistökum okk-
ar.“
Ball segir að miðað við það sem
hann hafi séð hér séu Íslendingar
ekki jafnlangt komnir og ná-
grannaþjóðirnar þegar kemur að
leigu í byggingariðnaði. Þess
vegna sjái hann mikla vaxtarmögu-
leika fyrir fyrirtæki eins og bygg-
ingarleigu Steypustöðvarinnar sem
byrji snemma og hafi sterka bak-
hjarla.
Miklir vaxtarmögu-
leikar hér á landi
Morgunblaðið/Sverrir
Félagar Á myndinni sjást Snorri Stefánsson, sölufulltrúi hjá Merkúr, John
Ball, forstjóri Height for Hire, Ronan MacLennan, yfirmaður útflutnings-
deildar fyrirtækisins, og Páll Kristjánsson, deildarstjóri byggingarleigu
Steypustöðvarinnar.