Morgunblaðið - 03.10.2005, Blaðsíða 3

ÍÞRÓTTIR
MORGUNBLAÐIÐ MÁNUDAGUR 3. OKTÓBER 2005 B 3

ÍSLENSKA 19 ára landslið kvenna
í knattspyrnu beið lægri hlut fyrir
Rússum, 5:1, í síðasta leik sínum í
undankeppni EM en riðillinn sem Ís-
land lék var spilaður í Bosníu/Herse-
góvínu. Þetta var úrslitaleikur um
efsta sætið í riðlinum en báðar þjóðir
voru búnar að tryggja sér sæti í milli-
riðli. Greta Mjöll Samúelsdóttir
skoraði mark íslenska liðsins og var
það sjöunda mark hennar í keppn-
inni.

JÓHANNES Karl Guðjónsson lék
allan leikinn fyrir Leicester sem
gerði 1:1 jafntefli gegn Derby á úti-
velli í ensku 1. deildinni í knatt-
spyrnu. Jóhannes var sem fyrr harð-
ur í horn að taka og fékk að líta gula
spjaldið í seinni hálfleik.

BJARNI Guðjónsson var í byrjun-
arliði Plymouth sem sigraði Stoke,
2:1. Bjarna var skipt útaf á 53. mín-
útu leiksins.

HANNES Þ. Sigurðsson lék sinn
fyrsta leik fyrir Stoke en hann lék all-
an síðari hálfleikinn. Hannes var
óheppinn að skora ekki því skot hans
fór í stöngina í byrjun síðari hálfleiks.

TONY Pulis stýrði liði Plymouth
til sigurs gegn Stoke en hann stýrði
liði Stoke í þrjú ár en hætti eftir tíma-
bilið síðastliðið vor.

GYLFI Einarsson sat allan tímann
á bekknum hjá Leeds sem gerði
markalaust jafntefli við Watford.

GRÉTAR Rafn Steinsson lék síð-
ustu 6 mínúturnar fyrir AZ Alkmaar
í gær þegar liðið sigraði NEC Nijme-
gen, 3:2, í hollensku 1. deildinni í
knattspyrnu. AZ Alkmaar og
Feyenoord eru efst og jöfn í deildinni
með 18 stig eftir sjö umferðir.

HELGI Sigurðsson lék allan leik-
inn fyrir AGF sem gerði 2:2 jafntefli
við Esbjerg á heimavelli í dönsku úr-
valsdeildinni í knattspyrnu í gær.
AGF lenti 2:0 undir í upphafi síðari
hálfleiks en Anders Kagh jafnaði
metin fyrir AGF með tveimur mörk-
um á 76. og 78. mínútu.

JÓHANN B. Guðmundsson var í
byrjunarliði Örgryte sem sigraði
Elfsborg, 4:2, í sænsku úrvalsdeild-
inni í knattspyrnu í gær. Jóhanni var
skipt útaf á 53. mínútu leiksins.

HJÁLMAR Jónsson lék ekki með
Gautaborg vegna meiðsla þegar liðið
sigraði Assyriska, 3:2.

PÉTUR Marteinsson er enn á
sjúkralistanum hjá Hammarby sem
steinlá fyrir Kalmar, 3:0.

HARALDUR Freyr Guðmundsson
vermdi varamannabekkinn hjá Aale-
sund allan leikinn þegar lið hans lagði
Lilleström að velli, 1:0, í norsku úr-
valsdeildinni í knattspyrnu í gær.

JÓHANNES Harðarson tók út
leikbann í liði Start þegar það tapaði
fyrir Tromsö, 3:1.

ÁRNI Gautur Arason lék í marki
Vålerenga sem tapaði fyrir Lyn, 1:0,
á heimavelli. Stefán Gíslason lék all-
an leikinn á miðjunni hjá Lyn.
FÓLK
HERMANN Hreiðarsson gat ekki
leikið með Charlton gegn Totten-
ham vegna meiðsla í læri en Charl-
ton missti niður tveggja marka for-
skot og tapaði, 3:2. Þetta var annar
tapleikur Charlton í röð en liðið lá
fyrir meisturum Chelsea á dög-
unum.,,Ég tognaði aðeins í lærinu
framanverðu á æfingu á föstudag-
inn og ég gat því miður ekki spilað.
Það var ansi svekkjandi að sitja í
stúkunni og aulaskapur hjá okkur
að vinna ekki þennan leik,“ sagði
Hermann við Morgunblaðið í gær
en segist verða frá æfingum í viku
til tíu daga.
,,Þetta er nú sem betur fer ekk-
ert alvarlegt. Það var svo sem ágæt
tímasetning á þessu fyrst þetta
þurfti að gerast þar sem hálfsmán-
aðar hlé verður á deildinni vegna
landsleikja,“ sagði Hermann.
Hermann verður ekki með ís-
lenska landsliðinu í leikjunum við
Pólland og Svíþjóð en þar sem hann
tekur út leikbann í leiknum gegn
Svíum ákváðu landsliðsþjálfararnir
að gefa Hermanni og Eiði Smára frí
í leiknum við Pólverja en Eiður tek-
ur sömuleiðis út bann í Svía-
leiknum.
Hermann ætlar að nota tækifær-
ið í fríinu til að fá sig góðan af
meiðslum sem hafa angrað hann í
ökkla og fer hann í sprautumeðferð
í dag.
Hermann Hreiðarsson
tognaði í lærinu
Fyrra markið skoraði Brynjar Björn á 3. mínútumeð viðstöðulausu skoti frá vítapunkti og síðara
markið með skalla eftir aukaspyrnu á 89. mínútu
leiksins. Sumir vildu meina að Brynjar hafi ætlað að
flikka boltanum með höfðinu fyrir mark Sheffield.
,,Ég var að reyna að skora og ekkert annað,“ sagði
Brynjar á vef Reading í gær.
,,Þetta var ekkert æft en ég fékk mikið pláss í
teignum þegar sendingin kom og mér tókst að stýra
boltanum í netið. Þetta var afar dýrmætur sigur og
vonandi helst þetta góða gengi hjá okkur. Það er
komið mikið sjálfstraust í liðið eftir þessa sigur-
göngu,“ sagði Brynjar en Reading er í öðru sæti
deildarinnar, þremur stigum á eftir Sheffield United,
og hefur ekki tapað nema einum af tólf leikjum sín-
um.
Þetta var sjötti deildarleikur Brynjars með Read-
ing en hann missti af fyrstu leikjum liðsins vegna
meiðsla í hné.
Brynjar verður í baráttunni með íslenska landslið-
inu á næstunni en Íslendingar sækja Pólverja heim til
Varsjár á föstudaginn í vináttuleik og mæta síðan Sví-
um í undankeppni HM miðvikudaginn 12. október.
,,Það er gott að fara í landsleikina með þessi tvö
mörk í farteskinu,“ segir Brynjar á heimasíðu Read-
ing.
Ívar Ingimarsson lék eins og Brynjar Björn allan
leikinn fyrir Reading og báðir áttu þeir afar góðan
leik. Brynjar Björn lék á miðjunni og lét mikið til sín
taka og Ívar var traustur í vörninni sem fyrr en
Reading hefur aðeins fengið á sig sjö mörk í leikj-
unum tólf. Ívar bar fyrirliðabandið í annað sinn en
Stöðfirðingurinn tók við fyrirliðabandinu af Grame
Murty þegar hann meiddist í leiknum á móti South-
ampton í síðustu viku.
Ívar hefur spilað alla þrettán leiki Reading á tíma-
bilinu, tólf í deildinni og einn í bikarnum, og hefur
hann skorað eitt mark.
Brynjar Björn
hetja Reading
BRYNJAR Björn Gunnarsson var hetja Reading
þegar liðið sigraði Sheffield United, 2:1, í topp-
slag ensku 1. deildarinnar í knattspyrnu á Ma-
dejski-leikvangnum í Reading. Brynjar skoraði
bæði mörk liðsins og voru þetta hans fyrstu mörk
fyrir félagið en Brynjar gekk í raðir liðsins frá Wat-
ford fyrir tímabilið.
Morgunblaðið/Brynjar Gauti
Brynjar Björn Gunnarsson
VEIGAR Páll Gunnarsson
skoraði tvö mörk fyrir Sta-
bæk í sigurleik gegn
Kongsvinger, 4:1, í norsku 1.
deildinni í knattspyrnu í
gær. Veigar skoraði þriðja
og fjórða mark Stabæk og
hefur hann skorað 11 mörk í
deildinni á yfirstandandi
leiktíð og er í 2.–5 sæti yfir
markahæstu leikmenn í
deildinni.
Þegar fjórum umferðum
er ólokið er Stabæk efst í
deildinni með 58 stig og fátt
sem getur komið í veg fyrir
að liðið endurheimti sæti sitt
í úrvalsdeildinni. Sandefjörd
er í öðru sæti með 53 stig og
Hønefoss í þriðja með 50.
Veigar Páll
með
tvö fyrir
Stabæk
SIR Alex Ferguson, knattspyrnu-
stjóri Manchester United, var mjög
ánægður með frammistöðu Park
Ji-sung gegn Fulham en hann átti
þátt í öllum þremur mörkum United
sem hafði betur, 3:2. Heiðar Helgu-
son, lék síðasta korterið í liði Ful-
ham og fékk frábært marktækifæri
á lokamínútum leiksins en hann
skallaði yfir markið af stuttu færi.
Park Ji-sung, sem er landsliðs-
maður Suður-Kóreu, vakti mikla at-
hygli fyrir góða frammistöðu en
þetta var besti leikur hans í búningi
United á tímabilinu en hann var
keyptur í sumar frá PSV Eindhoven.
„Park Ji-sung lék frábærlega og
hann er ávallt að bæta sig. Hann les
leikinn mjög vel og hann á aðeins
eftir að verða betri. Þetta var frá-
bær leikur og Fulham lék mjög vel,
við áttum í miklum erfiðleikum með
þá. Það er alltaf erfitt að vinna leiki
en það er meiri pressa á okkur, Ars-
enal og Liverpool en áður því
Chelsea hefur byrjað tímabilið frá-
bærlega. Við höfum átt mjög erfiða
útileiki og kannski hefur Chelsea
spilað við léttari mótherja en við.
Mótið er mjög langt og ef Chelsea
byrjar að misstíga sig er alveg
möguleiki á því að staðan í deildinni
breytist,“ sagði Ferguson. Hann
bætti því við að hollenski landsliðs-
maðurinn Ruud Van Nistelrooy væri
að ná fyrri styrk og segir Skotinn að
það séu engar líkur á því að Nistel-
rooy sé á förum til Real Madrid á
Spáni. „Það lítur út fyrir að Nistelro-
oy sé búinn að ná fyrri styrk, hann
var stórkostlegur og sýndi að hann
er einn besti framherji í heimi.“
AP
Heiðar Helguson, leikmaður Fulham, á hér í höggi við Alan
Smith hjá Manchester United. Báðir eru þeir öflugir leikmenn.Ferguson
ánægður
með Park
Ji-sung