Morgunblaðið - 01.11.2005, Qupperneq 1
2005 ÞRIÐJUDAGUR 1. NÓVEMBER BLAÐ B
B L A Ð A L L R A L A N D S M A N N A
BALDUR INGIMAR AÐALSTEINSSON TIL BELGÍU / B3
ARNAR Grétarsson, landsliðsmaður í knattspyrnu,
sem leikur með Lokeren í Belgíu, þarf að gangast
undir uppskurð vegna meiðsla. Arnar fer undir hníf-
inn á fimmtudag, þar sem fjarlægja þarf kalk sem
myndast hefur við bein og hásinarfestingar.
,,Þetta hefur verið að angra mig í nokkrar vikur og
ég taldi best að fara í aðgerðina sem fyrst. Það kem-
ur ekki í ljós hversu mikið þetta er fyrr en ég fer í
aðgerðina. Ef það er bara kalk sem þarf að fjarlægja
þá verð ég frá í tvo mánuði en ef eitthvað þarf að
eiga við hásinina þá verð ég lengur frá og í versta
lagi í sex mánuði,“ sagði Arnar við Morgunblaðið í
gær
Þetta er í annað sinn sem Arnar þarf að fara í upp-
skurð frá því hann gekk til liðs við Lokeren frá
gríska liðinu AEK Aþena sumarið 2000.
Fyrir tveimur árum þurfti hann að fara í aðgerð
vegna meiðsla í nára.
Arnar Grétars-
son í uppskurð
ÞÓRÐUR Guðjónsson knatt-
spyrnumaður ætlar að gera upp
hug sinn í þessari viku þess efnis
hvort hann leiki með Íslandsmeist-
araliði FH eða ÍA á næstu leiktíð.
Þórður sagði í gær við Morgun-
blaðið að hann væri með samn-
ingsdrög frá FH og ÍA í hönd-
unum og önnur lið væru ekki inni
í myndinni. „Valið er ekki auðvelt
en ég ætla mér að ljúka við þetta
mál áður en ég held til Englands
um næstu helgi,“ sagði Þórður í
gær en hann er væntanlegur til
landsins í dag. Þórður, er 32 ára
gamall, og hefur verið á mála hjá
Stoke City frá því byrjun ársins
2004 en hefur lítið fengið að
spreyta sig með liðinu. Hann lék
síðast með ÍA er hann lék hér á
landi árið 1993 en það tímabil
skoraði hann 19 mörk og gerði í
kjölfarið samning við þýska félag-
ið Bochum. Árið 1997 samdi hann
við Genk í Belgíu og var seldur til
Las Palmas á Spáni árið 2000.
Hann lék sem lánsmaður hjá
ensku liðunum Derby og Preston á
meðan hann var á mála hjá
spænska liðinu en árið 2002 samdi
hann á ný við Bochum.
Þórður hefur leikið 58 landsleiki
og skorað 13 mörk í þeim.
Þórður til ÍA eða FH FRAMKVÆMDASTJÓRI
sænska knattspyrnuliðsins Öster
segir á heimasíðu félagsins að
Öster hafi áhuga á að fá Helga
Val Daníelsson til liðs við sig en
Helgi Valur, sem nýlega fram-
lengdi samning sinn við Fylki,
var til skoðunar hjá liðinu um
helgina. Öster, sem varð í öðru
sæti í 1. deildinni á nýliðnu tíma-
bili og leikur því í úrvalsdeildinni
á næstu leiktíð, hyggst styrkja
liðið með fimm til sex leik-
mönnum og er Helgi Valur einn
þeirra sem koma til greina. ,,Það
er mikill karakter og stórt hjarta
í íslenskum knattspyrnumönnum
og það kom berlega fram þegar
21 árs lið Íslendinga tók það
sænska í bakaríið,“ segir Leif
Widén, framkvæmdastjóri Öster.
,,Ég veit að Helgi er fjölhæfur
leikmaður. Hann getur spilað á
miðjunni og eins í stöðu bakvarð-
ar,“ segir Lasse Jacobsson, þjálf-
ari Öster, á heimasíðu félagsins.
Öster spennt fyrir Helga
Reuters
Darius Vassell fagnaði tveimur mörkum sem hann skoraði fyrir Manchester City gegn Aston Villa
á City of Manchester Stadium í gærkvöldi, þar sem leikmenn City fögnuðu sigri, 3:1.
Óðinn hefur verið atkvæðamestileikmaður liðsins með 21,3 stig
að meðaltali í Iceland Express-
deildinni í þeim fjórum leikjum sem
hann hefur leikið. Að auki hefur
hann tekið tæplega 7 fráköst í leik.
Það var skammt eftir af leik Þórs
og Njarðvíkur á sunnudaginn er at-
vikið átti sér stað en Óðinn var að
leggja af stað í sókn er hásinin gaf
sig.
„Ég tók frákast undir eigin körfu
og ætlaði að fara af stað með bolt-
ann þegar ég heyrði smell og fannst
eins og einhver hefði sparkað aftan í
fótinn á mér. Sársaukinn var gríð-
arlegur og ég vissi að eitthvað alvar-
legt hefði gerst,“ sagði Óðinn við
Morgunblaðið í gær.
„Þetta eru að sjálfsögðu mikil
vonbrigði enda í fyrsta sinn sem ég
meiðist alvarlega á mínum ferli en
ég ætla mér að koma sterkur til
leiks á næstu leiktíð,“ bætti Óðinn
við.
Að sögn lækna verður Óðinn í allt
að 6 mánuði að ná sér að fullu eftir
þessi meiðsli en
hann er í sér-
stakri spelku á
fætinum. „Mér er
sagt að hásinin
geti gróið saman
án þess að ég fari
í aðgerð og von-
andi verður það
raunin,“ sagði
hinn 26 ára gamli
miðherji og kenn-
aranemi, Óðinn Ásgeirsson.
Bandaríski leikmaðurinn Mario
Myles meiddist einnig í leiknum og
var hann fluttur á sjúkrahús í fyrri
hálfleik en hann reyndist hafa farið
úr tálið og verður hann frá keppni
og æfingum í 10–14 daga.
Einar Valbergsson, liðsstjóri
Þórs, sagði í gær við Morgunblaðið
að líklega myndi stjórn félagsins
taka ákvörðun um að sækjast eftir
liðsstyrk þar sem að brotthvarf Óð-
ins væri liðinu mikið áfall enda lyk-
ilmaður liðsins. Þórsarar hafa auga-
stað á leikmönnum frá Evrópu en
ólíklegt er að Marion Myles verði
látinn fara frá liðinu þrátt fyrir
breyttar aðstæður.
Óðinn úr
leik út
tímabilið
ÓÐINN Ásgeirsson, leikmaður úrvalsdeildarliðs Þórs frá Akureyri í
körfuknattleik karla, sleit hásin í leik gegn Njarðvík á sunnudaginn
og verður Óðinn ekkert með Þórsliðinu það sem eftir er keppnis-
tímabilsins. Bandaríski leikmaðurinn Mario Myles sem leikur með
Þórsurum meiddist einnig í leiknum og verður frá í 10–14 daga.
Eftir Sigurð Elvar Þórólfsson
seth@mbl.is
Óðinn
Ásgeirsson