Fréttablaðið - 23.10.2003, Blaðsíða 22
Í kostulegu bréfi útvarpsstjóra tilstarfsmanna ríkisútvarpsins
sem fjallaði um fréttaskýringa-
þáttinn Spegilinn, er greinilegt að
pólitísk krumla Sjálfstæðisflokks-
ins heldur ríkisútvarpinu í heljarg-
reipum. Bréfið virðist vera skrifað
í beinu framhaldi af skrifum
Björns Bjarnasonar á heimasíðu
sinni um Spegilinn. Pólitíski út-
varpsstjórinn virðist haldinn al-
gjörri pólitískri blindu og finnur
Speglinum allt til foráttu. Þá upp-
nefnir hann þáttinn Hljóðviljann
og telur hann hafa á sér mikla
vinstrislagsíðu. Ekki nóg með það
heldur endurspegli þátturinn
óamerísk viðhorf. Að sögn útvarps-
stjórans lýsa þessi óamerísku við-
horf sér í krónískum pirringi út í
bandarísk stjórnvöld og antipati á
Bandaríkjunum og því sem amer-
ískt er, almennt talað.
Ég get tekið undir með útvarps-
stjóra að ef til vill má finna ein-
hverja vinstri slagsíðu en hvað
með aðra fréttatengda þætti RÚV?
Ætli útvarpsstjóra finnist einhver
slagsíða á öðrum þáttum RÚV? Ég
efa það stórlega.
Slagsíða á RÚV
Frjálslynda flokknum finnst
vera mikil slagsíða á ríkisútvarp-
inu. Ekki endilega vinstri eða
hægri heldur er slagsíða í að
þjónka stjórnvöldum. Hvert
drottningarviðtalið á fætur öðru
birtist á skjám allra landsmanna
eða berst á öldum ljósvakans.
Frægast slíkra viðtala tel ég vera
það sem heyrðist á bolludaginn og
fjallaði m.a. um vínber og mútu-
þægni. Þar fór forsætisráðherra
mikinn og fékk gagnrýnislaust að
sverta fjarstaddan mann og vitnaði
til staðfestingar á orðum sínum í
tveggja manna tal.
Við í Frjálslynda flokknum vilj-
um bjarga ríkisútvarpinu með því
að losa ríkisútvarpið úr flokkspóli-
tískri gíslingu Sjálfstæðisflokks-
ins. Margir telja sig sjá fingraför
Hannesar Hólmsteins á gíslatök-
unni. Ekki ætla ég að fullyrða að
svo sé, en það er fullvíst að þarf að
fá aðra hugsun en þá sem fram
kemur í bréfi útvarpsstjóra. Þess
vegna lögðum við fram þingsálykt-
un um nýja skipun útvarpsráðs.
Skipan og hlutverk útvarpsráðs
yrði með allt öðrum hætti en nú er.
Yfir stofnunina verði sett allfjöl-
mennt útvarpsráð, þverþjóðfélags-
lega, e.t.v. 15 manna sem valdir
væru af samtökum og stofnunum í
samfélaginu: úr menningar- og
listaheiminum, af fræðslustofnun-
um, úr vísinda- og rannsóknargeir-
anum, af landsbyggðinni, frá al-
mennum samtökum launþega og
e.t.v. fleiri aðilum. ■
22 23. október 2003 FIMMTUDAGUR
Nú, þegar ófriðlega horfir milliAustursins og Vestursins og
valdamesti maður heims hefur haf-
ið það sem hann sjálfur kallar
„krossferð“ í nafni hins „takmarka-
lausa réttlætis“ kemur biskupinn
okkar, herra Karl Sigurbjörnsson, í
sjónvarpið og segir
kirkju og ríki verða
að kúra áfram í
einni sæng, til að
standa vörð um
guðsótta og góða
siði á Íslandi. Hann
varar eindregið við
að hingað komi fólk
með ósiði úr öðrum
trúarbrögðum og
nefnir þar sérstak-
lega svokölluð
„ h e i ð u r s m o r ð “ .
Þarna tekur herra
Karl undir með
þeim kór sem hvað ákafast kyrjar
nú um öll Vesturlönd og æsir til
kynþátta- og trúarbragðaofsókna.
Hann talar gegn betri vitund og
engum dylst að hann vegur þarna
fyrst og fremst að Múhameðstrú.
Heiðursmorð eru glæpur
Biskupinn yfir Íslandi veit að
heiðursmorð eiga ekki rætur sín-
ar í íslömskum sið, eða nokkrum
öðrum trúarbrögðum. Þessi ódæð-
isverk eru leifar af ævafornum
siðvenjum sem eru eldri en bæði
kristni og íslam og tíðkast hvergi
lengur nema í afskekktum, fá-
mennum samfélögum á jaðar-
svæðum hins siðmenntaða heims.
Þannig lifa, til dæmis, ennþá leif-
ar af þessum sið í fjarlægustu af-
dölum Kúrdistan og afskekktustu
eyðimerkursvæðum í suðurhluta
Íraks, en einnig á kristnum svæð-
um eins og Sikiley og á einhverj-
um af grísku eyjunum. Heiðurs-
morð eru ekki til siðs á nokkrum
þeim stað sem þróun siðmenning-
arinnar og armur laganna hafa
mótað. Þau tíðkast aðeins í
„mafískum“ samfélögum þar sem
vilji Guðföðurins eða ættarhöfð-
ingjans er lög.
Bæði í kristnum og múslímsk-
um ríkjum hefur þessum glæp
verið útrýmt að mestu. Viðhorf
yfirvalda til heiðursmorða eru ná-
kvæmlega þau sömu í Kaíró,
Bagdad og Damaskus eins og í
Róm, Reykjavík og Washington.
Ekki einu sinni í Mekka eru heið-
ursmorð látin óátalin. Þau eru
glæpur, hvort sem vísað er til
Biblíunnar eða Kóransins.
Sá yðar sem syndlaus er...
Með orðum sínum móðgar
biskupinn og auðmýkir múslíma,
trú þeirra og ríki jafn svívirðilega
og ef honum sjálfum og kirkju
hans væri kennt um útburð ung-
barna, glæp sem enn hefur ekki
tekist að útrýma úr hinum kristnu
samfélögum Vesturlanda. Enn
berast fréttir um ungbarnalík í
ruslagámum og á sorphaugum
hins kristna heims. Hvít börn
kristinna foreldra. Enginn kennir
trúarbrögðum biskups um.
Það eru margir svartir blettir á
ferli kristinnar kirkju og bisk-
upinum væri nær að skúra það
musteri sem hann er settur til að
gæta en að ausa óhroða á þá með-
bræður sína sem kjósa að ákalla
Guð sinn undir öðrum merkjum
en hann heldur sjálfur á loft.
Skammastu þín herra Karl – og
gerðu yfirbót. ■
Umræðan
SIGURJÓN
ÞÓRÐARSON
■
alþingismaður skrifar
um Ríkisútvarpið.
Umræðan
SIGURÐUR
HEIÐAR
JÓNSSON
■
skrifar um ummæli
biskups Íslands í fjöl-
miðlum.
Gerðu yfirbót
herra Karl
Björgum ríkisútvarpinu
Umræðan
Þeir eru oft óknyttastrákar semberja höfðinu við stein aftur og
aftur er þeir fremja sömu stráka-
pörin og halda að þeir komist upp
með þau. En útúrsnúningaflan Öss-
urar Skarphéðins-
sonar í Fréttablað-
inu í síðustu viku er
með endemum. Um
þarsíðustu helgi
komst Össur í frétt-
irnar staddur hér á
Akureyri með hug-
leiðingar sínar um
þróun í sjávarút-
vegi á þessu ári og
þóttist hann hróðug-
ur þá hafa svarað
rökstuddum og
framsettum skoð-
unum fyrrverandi framkvæmda-
stjóra ÚA sem birtust í fréttabréfi
ÚA í vor. Reyndar leitaðist fram-
kvæmdastjórinn við að leiðrétta
þann misskilning sem gætti í um-
fjöllun Össurar í fréttum ljósvaka-
fjölmiðlanna um helgina, en Össur
bítur höfuðið af skömm sinni með
því að færa hugsanir sínar í letur.
Ekki er nóg með að Össur skrifi
eigin skoðanir heldur tekur hann
og snýr út úr orðum sem sett voru
fram í fréttabréfinu, þar sem fjall-
að var um óvissu í starfsemi fisk-
vinnslu ÚA ef veiðar og vinnsla
yrðu aðskilin.
Ánauð afskipta
Það er viðtekin venja hjá flest-
um sem standa í fyrirtækjarekstri
að meta styrk og veikleika fyrir-
tækjanna, tækifæri og ógnanir sem
viðkomandi atvinnugrein býr við. Í
alþjóðlegum samanburði er jafnan
horft til stöðugleika í stjórnmálum,
því óvissa um lagalegt umhverfi er
vissulega ógn við stöðugleika at-
vinnugreinar. Það sagði fram-
kvæmdastjóri ÚA í vor. Svo hélt
Össur áfram og minntist á upp-
sagnir sem forsvarsmenn Brims
gripu til í ljósi vaxandi samkeppni
á markaði með tvífrystan fisk
(framleiðsla Jökuls í samkeppni
við kínverska vinnslu) og gengis og
verðþróunar annarra afurða (sem
framleiddar hafa verið á Seyðis-
firði). Þessu hefur framkvæmda-
stjórinn einnig svarað. Staðreyndin
er sú að þar sem íslensk sjávarút-
vegsfyrirtæki keppa á alþjóðlegum
markaði þar sem brugðið getur til
beggja vona, bætir óhófleg af-
skiptasemi stjórnvalda af starfs-
greininni ekki úr skák. Allir geta
séð að ef aðskilnaður veiða og
vinnslu hefði reynst fyrirtæki á
borð við Brim þungur í skauti væri
íslenskum sjávarútvegsfyrirtækj-
um erfiðara um vik að bregðast við
markaðslegum breytingum á al-
þjóðlegum vettvangi með sjávaraf-
urðir, að þeirri breytingu yfirstað-
inni. Þá væri hæpið að sjávarút-
vegsfyrirtæki sem hefði lagt niður
hefðbundna frystingu á einum stað
væri fært um að opna þar saltfisk-
verkun stuttu síðar, eins og raunin
er með Raufarhöfn.
Engar skyndilausnir
Össur reyndi að spila á þá
óvissu sem hefur verið keyrð
áfram af Fréttablaðinu um framtíð
Brims og ruglar saman hugmynd-
um um stjórnvaldsbreytingar, sem
kynntar voru af stjórnarandstöðu-
flokkunum í vor, við vangaveltur
um hugsanlegar breytingar á eign-
arhaldi Brims sem hafa verið
fyrirferðarmiklar í Fréttablaðinu.
Á fyrsta fundi nýrrar stjórnar
Brims var vatnsglass stormurinn
lægður. Því skyndiákvarðanir skila
litlum árangri, mikilvægar
ákvarðanir þurfa að vera vel
ígrundaðar. Ef eitthvað var ákveð-
ið á áðurnefndum stjórnarfundi þá
var það sú ítrekun.
Undirritaður hefur fylgst með
breytingum sem orðið hafa hjá
ÚA síðan hann starfaði þar fyrir
nokkrum árum og rýndi þá í
fréttabréf fyrirtækisins og veit
því vel að Össur pantar frétta-
bréfin ekki, þau koma út vikulega
óháð hótfyndni stjórnmála-
manna. ■
Össur vill bréf
Andsvar
ARNLJÓTUR
BJARKI
BERGSSON
■
sjávarútvegsfræðingur
og formaður Hins Ís-
lenzka Sjávarútvegs-
fræðafélags skrifar um
fiskvinnslu ÚA.
■
Staðreyndin er
sú að þar sem
íslensk sjávar-
útvegsfyrirtæki
keppa á alþjóð-
legum markaði
sem brugðið
getur til beggja
vona, bætir
óhófleg af-
skiptasemi
stjórnvalda af
starfsgreininni
ekki úr skák.
■
Biskupinn yfir
Íslandi veit að
heiðursmorð
eiga ekki rætur
sínar í íslömsk-
um sið, eða
nokkrum öðrum
trúarbrögðum.
Þessi ódæðis-
verk eru leifar
af ævafornum
siðvenjum sem
eru eldri en
bæði kristni og
íslam.
Nú fást Cusinart
heimilistækin
loksins á Íslandi!
Blandarar, töfrasprotar,
kaffivél, brauðrist o.fl.
Hágæða tæki fyrir þá
sem gera kröfur
um gæði og
glæsilegt útlit.
Þú færð Cusinart í
Byggt og Búið, Kringlunni og Smáralind