Fréttablaðið - 26.11.2003, Síða 25

25MIÐVIKUDAGUR 26. nóvember 2003
FABRIZIO RAVANELLI
Kom til Dundee í september en var sagt upp störfum í gær.
Skoska knattspyrnan:
Dundee segir
upp 25 manns
FÓTBOLTI Skoska knattspyrnufélag-
ið Dundee hefur sagt upp 25
manns, þar af nítján leikmönnum.
Meðal þeirra sem sagt var upp
eru Fabrizio Ravanelli, Craig
Burley, Fabian Caballero og
Giorgi Nemsadze.
Dundee skuldar um tuttugu
milljónir punda og fékk greiðslu-
stöðvun í gær. Jimmy og Peter
Marr, eigendur félagsins, eru
sannfærðir um að greiðslustöðv-
un sé eina leiðin til að bjarga fé-
laginu frá gjaldþroti en Giovanni
di Stefano, sem hefur reynt að
eignast félagið, er ekki á sama
máli. „Greiðslustöðvun er ekki
svarið en við verðum að taka
þetta skref að þessu sinni,“ sagði
di Stefano, sem hefur boðist til að
leggja 26 milljónir punda í félag-
ið. „Auðvitað ætla ég að grípa inn
í vegna þess að ég tel að þetta sé
ekki rétta svarið. Ef enginn tekur
í taumana og ég hætti mínum af-
skiptum verða það sögulok fót-
boltans á Dens Park.“
Motherwell fór í greiðslustöðv-
un árið 2002 og sagði upp nítján
leikmönnum í kjölfarið. Félagið
hefur smátt og smátt unnið sig út
úr erfiðleikunum og sér nú fyrir
endann á greiðslustöðvuninni þar
á bæ. ■
Stoke City:
1,3 milljóna
punda tap
FÓTBOLTI „Tekjur okkar jukust um
600.000 pund frá síðasta ári,“ sagði
Gunnar Gíslason, stjórnarformaður
Stoke City í skýrslu til hluthafa.
„Hins vegar lækkuðu tekjur á leik-
mannamarkaðnum um tvær millj-
ónir og vaxtakostnaður óx, sem
leiddi til þess að tapið nam 1,3 millj-
ónum punda.“ Gunnar sagði einnig
að tapið hafi verið fjármagnað með
skammtímaláni auk þess sem helstu
hluthafar hafi lagt til lánsfé.
Gunnar sagði að þó að frammi-
staða liðsins hafi verið mjög
óstöðug finnist honum sem betri
leikir liðsins hafi sýnt hvers megn-
ugt Stoke City sé. ■
Enska knattspyrnusambandið:
Alan Smith
ákærður
FÓTBOLTI Enska knattspyrnusam-
bandið hefur ákært Alan Smith,
leikmann Leeds United, fyrir
ósæmilega framkomu í deildabikar-
leik gegn Manchester United í lok
október. Myndbandsupptökur
sýndu að Smith kastaði flösku upp í
áhorfendastúkuna.
Atvikið var kært til lögreglunnar
í Jórvíkurskíri en hún lét málið nið-
ur falla vegna skorts á sönnunar-
gögnum. Rannsókn lögreglunnar
varð til þess að Smith var settur út
úr enska landsliðshópnum sem lék
gegn Danmörku fyrir tíu dögum.
Alan Smith hefur frest til að
svara ásökunum til 9. desember. ■
FÓTBOLTI Þýska úrvalsdeildarliðið
Hertha Berlin má muna sinn fífil
fegri í þýsku Bundesligunni en eins
og kunnugt er lagði Eyjólfur Sverr-
isson skóna á hilluna síðasta vor eft-
ir að hafa leikið með liðinu í heil
átta ár. Hertha er sem stendur í 15.
sætinu, einu sæti frá fallsæti, og
hefur liðið aðeins unnið tvo af síð-
ustu fimmtán leikjum sínum. Síðast
glutraði liðið niður 2-0 forskoti gegn
Kaiserslautern um helgina og tap-
aði leiknum 2-4 og útlitið er því ekki
allt of bjart í Berlínarborg.
Nú er svo komið að fram-
kvæmdastjórinn Dieter Höness,
hefur endurskoðað markmið vetrar-
ins – í stað þess að stefna á að komst
inn í Meistaradeildina er markmiðið
komið niður í það að tryggja áfram-
haldandi veru í efstu deild. Hertha
komst í aðra umferð Meistaradeild-
arinnar 1999 til 2000 og var með í
UEFA-bikarnum síðustu fjögur ár.
Liðið datt þar út í fyrstu umferð í ár
og það eru breyttir tímar í Berlín
eftir að Íslendingurinn Eyjólfur
Sverrisson yfirgaf liðið. ■
Þýska Bundesligan:
Breyttir tímar
hjá Herthu
HERTHA BERLÍN
Hertha Berlín skoraði tvisvar hjá Tim
Wiese, markverði Kaiserslautern, í fyrri
hálfleik á sunnudag en Kaiserslautern svar-
aði með fjórum mörkum í seinni hálfleik.