Atuagagdliutit - 12.05.1982, Blaðsíða 48

Oqallinneq / Debat
Inuit Ataqatigiit
suliffissaaleqinerlu
SIK-p suliffissaqartitsiniarneq
pillugu Aasianni ataatsimeersu-
artitseqqammernera pillugu Inu-
it Ataqatigiit kattuffiat imatut o-
qaaseqaateqarpoq:
Soorlu Inuit Ataqatigiit tu-
ngaannit uparuarneqartarsima-
soq Sulinermik Inuutissarsiutillit
Kattuffiat suliffissaqartitsiniar-
nermi ajornartorsiutit qaangerni-
arlugit suliniuteqarnerusariaqar-
nera pisariaqarluinnarpoq, taa-
maattumillu maanna SIK-p pi-
moorussamik suliniuteqalernera
tikilluaqqunaannarani alloriarne-
ruvoq sulisartut oqaluttuarisaa-
neranni siuariaqqinnertut oqaati-
gisariaqartoq.
Ataatsimeersuarnermi suliffis-
saaleqisut peqataatinneqarsi-
maqqut, siullermeerlutillu atuga-
risaminnik nassuiaatinneqarlutil-
lu ajornartorsiutit qaangerniarlu-
git aqqutaasinnaasunik siunner-
suusioqataasarsimallutik. Manna
tikillugu suliffissaqanngitsut atu-
garisaat annertunerusumik suli-
niutigineqaratik pisimapput, su-
liffissaaleqisullu ataatsimoorfigi-
sinnaasaminnik tulaavissaaleqi-
sarsimallutik. Inuit Ataqatigiin-
nit pisariaqartilluinnarparput su-
liffissaaleqisut, sulisartut, aali-
sartut piniartullu suleqatigiillu-
tik atukkanik allannguiniarnermi
suleqatigiinnissaat, taasaasilluni-
lu aamma kattuffiit immikkoorto-
qarfiinut pisussaaffik imaannaan-
ngeqisoq ungaqqunneqarsinnaan-
ngitsorli akisussaaffinngortaria-
qarluni.
Aasianni SIK ataatsimeersuar-
titsinerani suliffissaaleqisut ullu-
innarni atugarisaasa eqqartorne-
qarnerata saniatigut suliffissa-
qartitsiniarneq tunisassiorfinnil-
lu ineriartortitsinissaq eqqartor-
neqarmat pingaartillugit uparu-
arneqartut ilaat Inuit Ataqatigiit
tapersersorsuinnarpaat:
Nunatta tunniussinnaasai sal-
liutillugit inuussutissanik nunat-
ta inuisa iluaqutissaannik tuni-
sassiornerup annertusarneqarnis-
saa.
Suliffinnik sulisartut, aalisar-
tut, piniartullu piginneqatigiillu-
tik pilersitaannik salliutitsinis-
saq, iluanaapallannissamillu siu-
nertaqartumik ingerlatseriaatsit
akuersaannginneqarnerat.
Siunissaq qaninneq ungasinne-
rusorlu isigalugit suliffissaqartit-
siniarnermut atatillugu tikisitat
nunaqavissunik taarserneqarnis-
saat pimoorussamik pilersaarusi-
orneqartariaqartoq, aamma ilin-
niartitaanikkut anguniagassanut
inuusuttunullu siunnersuinissa-
mut pilersaarusiornerit taama it-
tut pinngitsoorneqarsinnaan-
ngimmata.
Inuit Ataqatigiit nalunaarum-
minnut naggasiullugu oqaatigaat
SIK ataatsimeersuartitsinerata
takutikkaa ajornartorsiutit qaa-
ngerniarnerini qinikkat kisiisa u-
taqqisarissallugit naammanngil-
luinnartoq, inuilli ataasiakkat,
peqatigiiffiit kattuffiillu pisus-
saasut aningaasarsiornermi poli-
tikkimilu ilisimasassat suleqati-
giinnikkut atussallugit — pissut-
sinik allannguiniarnermi sakkus-
satuaammata.
Jens G eisler
Kattuffiup siulittaasuata tullia
INANGILERPAATIGUT
Maskinanik inuusianik sanasarnerup
siunertaraa inuit suliassanit ulorianar-
tunit, toqunartulinnit qinngornipalaa-
linniliu illersorneqarnissaat imaluun-
niit immap naqqani sulisinnaasussa-
nik. »Beetle« sanaaq 80 tonsilik US
Air Force-mi (sakkutuut timmisartor-
tartut) »atomeqarluartumi« atorne-
qartarpoq, talersui 5 meterinik takiti-
gipput. Inuttai marluk illersugaalluin-
nartumi ineqarput (1). »Beaver« aq-
qartartunnguaq immap naqqani talini
atorlugit passussisinnaavoq assigiin-
ngitsorpassuarnik (2). »Handy man«
iluarsaanermi nakkutiginninnermilu a-
torneqartartoq sannamigut ilarunnar-
tutut pissuseqarpoq, taanna qarasaa-
siamik aqunneqarluni sanaamik alla-
mik taamaattumik tuit assaallu aalaa-
siinik sukkanerusunngortitsilluni issu-
aasinnaavoq (3). Ataasiinnakkut a-
tassuteqaraluarluni »Mascot«ip »naa-
lakkami« aalariaasinngui tamaasa iik-
kap tunuani aaiaasiugaluartut eqqor-
luinnarlugit issuarsinnaavai, taamaal-
laat »naalagaata« TV atorlugu nakku-
tigaa (4). Radiup maligaasai atorlugit
ungasissumit aqutsineq sunaluunniit
pisinnaavoq. Qaammammi angallas-
sissutit inuttaqanngitsut nunamit a-
qunneqarput (5). Suliffissuaqarnermi
sanaat nikissinnaasut annerujartuin-
nartumik atugaalerput (6), tamakku
assigiissumik suliani unissanngitsuni
iluaqutaapput oqimaatsulerinermullu
inunnut oqilisaataallutik. »Assak sila-
tooq« TV-imik »isimigut« qarasaasia-
mit aqunneqarpoq, assaap tallillu aa-
laasii tamaasa aalaaseralugit (7). Ja-
panimi inuusiavik sananeqareerpoq
— suliassaq titartarnera malillugu a-
tortussanik katiterisinnaavoq. Isai
tassa taaneqartartut »vidicon tv ca-
mera« assiliiviit, ataatsip titartagaq
assilippagu aappaata katitigassat »isi-
gissavai« Qarasaa tassa qarasaasiaq
suleriaasissamik pitsaanersiuisoq as-
sanniliu aqutsisoq (8). Suliassanut
immikkut ittunut inuusianik sananeq
ineriartorluartorujussuuvoq, inuusiat
atuarsinnaasut, nalimmatserisinnaa-
sut, misissuisinnaasut eqqarsarsin-
naasullu. Maskinat tamakku inuttut
eqqarsartarnissaat ulorianaateqan-
ngilaq, inuilli maskiinatut eqqarsartar-
nissaat kisimi.
Qangarsuaq inuiaat atugartoorsuit
tassanngaannaq nungusarnerat paa-
siuminaassinnaavoq. Naalagaaffiit pi-
orsarsimasorsuit illoqarf iillu naala-
gaaffiusut Mesopotamiami imminnut
taarseraallutik qullersaaqattaartarsi-
masut kuussuit Eufratip Tigrisillu i-
maannik narsanut ikerasaaqqat imer-
terinermillu periaatsit piorsarluarsi-
masut tunngavigaat. Eqqoriaanerit i-
lagaat kuuit taakku imerterinermut a-
tortuisa paarilluarneqannginnerisigut
nungujartorneq pilersimasoq, taama-
lu nunarujussuaq tassanngaannaq i-
noqajuitsunngortitaasimasoq. Baa-
bali (Babylon) nunarsuarmi illoqarfis-
suit siullersaat nivingatitanik naatsii-
vilik qaqiffiliarsualillu (1) illoqarfiit al-
lat alliartuinnartut peqatigalugit taa-
maatinneqarpoq ukiualunnguillu i-
ngerlanerini tassaalerpoq qattunin-
nguit marraasut inoqajuitsumi malun-
nartut (2). Incat atortorissaarutitigut
assorsuaq angusaqarsimapput. Illo-
qarfii qaqqarsuit uigulukuttut Andesit
portornginiittut tupinnaqaat (3). Taa-
matut piorsarsimassuseq spaniamiut
1530-imi isaaneratigut inuiannillu na-
nertuilernerisigut aserorneqarpoq.
Kampucheami illoqarfissuaq Angkor
tupinnartunik qaqiffiliarpassualik mili-
uuninillu inoqaraluartoq ukiut 600-it
matuma siorna inuiannit saniliminnit
thai-init ujajaaffigineqartareerluni sor-
suffigisaasareerlunilu inumminit qi-
manneqarpoq, ukiullu ikittunnguit
qaangiummata kiattup orpippassua-
qarnerata naggorissusersuatalu ma-
tuaat (4). Qaangiiffiup Qeqertaata
(PSskeøen) inuttaasa piorsarsimas-
sutsiminnik tupinnartumik nunarsuar-
mioqataasugut qimatsivigaatigut kii-
narujussuit ujaqqamik qiperukkat (5)
atorlugit, inuiaat taakku nappaatinit
tunillaassortunit umiartortunit tikiun-
neqartartunit nungutaapput. Allat-
taasiat nunarsuup kujataata imartaani
kisiartaasoq ullumikkut paasineqar-
sinnaanngilaq. USAp inulersorneqa-
leqqaarnerani illoqarfippassuit tua-
viinnaq sanaat sivikitsuinnarmik piu-
sarput, tassa ineriartornermit qima-
taasoortaramik. Tamakku ilaat pigi-
neqarput ullumikkut illoqarfittut alior-
tukkatut napallutik (6). Illoqarfiit »ali-
ortuanngortut Europami amerliartuin-
narput, illoqarfitoqarsuarni inuuniar-
nikkut pissutsit ajornarsilluinnarmata
inuisa qimagarpaat (7).
Assistent
Til Nuuk Kommunes incassokontor søges en dobbeltsproget
assistent for tiltrædelse snarest eller efter nærmere aftale.
Assistenten skal deltage i incassokontorets daglige arbejde,
herunder løbende kontrol af udestående fordringer, rykning
af debitorer, etablering af betalingsaftaler, løntræk og fore-
tage sagsbehandling.
Kendskab til incassoarbejde vil være en fordel, men ikke
nogen betingelse, idet oplæring vil finde sted.
Ansættelse og aflønning sker i henhold til overenskomst
mellem Det offentlige Aftalenævn og SIK henholdsvis HK.
Nærmere oplysninger kan fås ved henvendelse til kontor-
fuldmægtig Egon Pedersen, tlf. 2 33 77 lokal 454.
Ansøgning, mærket stillingsopslag 165/82, med oplysninger
om uddannelse og tidligere beskæftigelse bilagt kopi af eks-
amensbeviser og evt. anbefalinger fremsendes senest 27.
maj 1982 til:
Nuuk kommune
Box 1005 . 3900 Nuuk
48
Atuagagdliutit