Atuagagdliutit - 13.05.1987, Blaðsíða 8

8
ATUAGAGDLI UTIT/GRØNLANDSPOSTEN
NR. 20 1987
1976 sioqqullugu toq-
qortat aserorterneqarput
Sorlak 40.000
kronenik pissarsisoq
Nordisk Ungdomskomite, — ataat-
simiititaliaq Nordisk Ministerrådip
ataaniittoq — Helsinkimi aprilip
27,-anni 28,-annilu ataatsimiissi-
mavoq. Ataatsimiinnermi Kalaallit
Nunaat peqataatitaqaqqaarpoq.
Ataatsimiinnermi ilaatigut inuusut-
tut suliniutaat 150-it missingi anin-
gaasanik 1.3 million kronet nalin-
ginnik tapiiffigineqarput. Taakku
akornanniipput kalaallit inuusuttut
suliniaqatigiiffiinut soqutiginaatil-
lit.
Sorlak suliniutinut marlunnut ta-
piiffigineqarpoq, ukuuppullu:
25.000 kronet inuusuttunik Dan-
markimut, Alandimut Finlandi-
mullu paasisassarsiortitsinissami-
nut.
15.000 kronet nunani avannar-
lerni suleqatigiinneq pillugu paasi-
sitsiniaanissaminut.
Suliniutit assigiinngitsut pinga-
sut nunatsinnut attuumassuteqar-
tut tapiiffigineqarputtaaq:
Saamit Inuusuttaasa Kattuffiat
50.000 kronenik pissarsivoq Saa-
mit, kalaallit savalimmiormiullu
inuusuttaasa aasarsioqatigiinnis-
saannut atugassaminnik.
Nunani avannarlerni socialistit
inuusuttaasa kattuffiat 20.000 kro-
nenik pissarsivoq nunat avannaa-
miut killiit inuusuttaasa isumasio-
qatigiisinnissaannut Islandimi pi-
sussami, ilaatigut Inuusuttut Ata-
qatigiit peqataaffigisassaannik.
Peter Grønvold Samuelsen nu-
narput sinnerlugu komitemi ilaa-
sortaq tusagassiuutinut nalunaa-
rummi oqarpoq Nordisk Ungdom-
skorpitemut aningaasanik tapiiffi-
geqqullutik nunatsinniit qinnute-
qartut aatsaat taama amerlatigisut.
Katillugit arfineq-pingasut nunat-
sinni qinnuteqaataasimapput, talli-
malli piffissaliunneqarsimasut uni-
orlugit nassiunneqarsimammata i-
maluunniit nunatsinnuinnaq tunn-
gasuuneri pissutaailuni tapiiffigi-
neqanngitsoorput.
B-52-ip nakkarnera:
Fokketingimi ilaasortap Kaj Poul-
senip (S) Kalaallit Nunaannut mini-
steri Tom Høyem (CD) aperisima-
vaa ilumoornersoq Thule Air Base-
mi sulisussat aallannginneranni a-
torfinitsitaanerannut uppernarsaa-
tit Kalaallit Nunaannut ministere-
qarfimmut nassiunneqartartut, tas-
sungalu akissummini ministeri ilaa-
tigut ima oqarpoq:
— llumoorpoq qallunaat sulif-
fiutaasa amerikamiut Kalaallit Nu-
naanni sakkutooqarfiini sulisitsi-
suusut sulisussanik ilaatigut Thule
Air Base-mut aallartitsisussanngo-
raangamik atorfinitsitsinermut up-
pernarsaatit Kalaallit Nunaannut
ministereqarfimmut nassiuteq-
qaartarmatigik.
Tamannalu pisarpoq sakkutuu-
junngitsut sakkutooqarfinni suli-
nissaminnut akuersissummik tuni-
neqaqqaartartussaammata.
1976-ili sioqqullugu allattugaasi-
masut assilineri aserorterneqarsi-
mapput. Taamaattumik Kalaallit
Nunaannut ministereqarfiup allat-
tugaatai aqqutigalugit imaaliinnar-
lugu paasineqarsinnaanngilaq qal-
lunaat sakkutuujunngitsut kikkut
B-52-ip 1968-imi nakkarnerata na-
laani Thule Air Base-mi sulisuusi-
manersut.
Kissaatigisat tamarmik
ilanngunneqarput
Kaj Poulsenip ministerimut taama-
tut apeqquteqarsimaneranut pissu-
taavoq Sundhedsstyrelsip kissaati-
gisimammagu sulisuusimasut suli
uumasut tamarmik qinngornernut
ulorianartunut Institutimi misis-
suiffigineqassasut.
Tom Høyemillu akissutaa akuer-
saarnertut isigineqarpoq, ilaatigut
ima oqarmat:
— Kalaallit Nunaata kommune-
qarfinnut aggornerata avataani
najugaqartut (sakkutooqarfinniit-
tut) 1983-ip tungaanut nalunaar-
sorneqartarsimapput, tamatumalu
kingorna Namminersornerullutik
Oqartussanut nakkutigisassan-
ngortinneqarsimallutik. Inuit aqqi-
nik nalunaarsuiffiit 1983-ip siorna-
tigumeersut Rigsarkivimi pigine-
qarput. Sundhedsstyrelsens stråle-
hygiejniske Institut isumaqatigine-
qareerpoq allattorsimaffiit taak-
kua qimerluuataarsinnaagaat,
naak sakkutooqarfinniissimasut
taakkunani ilaassanngikkaluartut
sakkutooqarfinniikkaluarunil-
luunniit qallunaat kommuniisa al-
lattuiffiinut ilaajuartussaanertik
pissutigalugu. Allattuiffinniittar-
pulli inuit Danish Construction
Corporation-imi sulisuusut, ameri-
kamiullu sakkutooqarfiini 1968-
imi sulisuusimasut.
neKeroruteKarit
ATUAGAGDLIUTINE
... akilersinauvoK