Atuagagdliutit - 13.05.1987, Blaðsíða 11

IHussaqamikkut sanaartomikkullu
Inuit Ataqatigllt politikkiat
lllussaqarneq inissaqarnerlu ukiorpassuarni naalagaaffiulli oqartusaafffigigallarmagit
tassaasimavoq nunatsinni ajornartorsiutit annerpaat ilagisaat. Ullumikkut inissaaleqisut 4000
pallingajassimavaat, tamaannalu ikiorserniarlugu ukioq 2000 tungaanut ukiut tamaasa
minnerpaamik inissat 600-t sanasariaqassavagut, saniatigullu inissiat illullu iluarsagassat
nutartigassallu aningaasassaqartinniartariaqarlutik.
Oqartussaaffimmik tigusiniarluni isu-
maqatigiinniarnermi ajoraluartumik
Qallunaat naalakkersuisuisa aningaasa-
liinissap tungaatigut ikiuukkumanerat
annikitsuinnaasimavoq. Taamaattumil-
lu ullumikkut oqartussaaffik imaan-
naanngitsoq tigusimavarput namminer-
lu qanoq iliuuseqarfigisariaqarlugu.
Illuliorneq allatigullu
sanaartorneq ataatsimut
pilersaarusiorneqartariaqarpoq.
Oqartussaaffiit annertuut aningaasarsiorner-
mut sanaartornermullu tunngasut ukiuni ki-
ngullerni tigusimasagut, ataatsimut pilersaa-
rusiomissaat Inuit Ataqatigiit pingaartilluin-
narpaat. Sanaartugassatut pilersaarutit soorlu
inuutissarsiutinut illoqarnermullu tunngasut
aningaasartalerneqarnermikkut oqimaaqati-
giinnerusariaqarput, suliffissaqartitsinerup
qanoq issusaa, sanaartornerup qanoq anner-
tutigissusia il.il. naatsorsuutigalugit.
Sanaartugassat agguataarnissaat.
Namminersornerulluni oqartussaanermit
tunngaviusuni ilaajuarsimavoq inunnik eqiter-
titsinerup unitsinneqarnissaa, taamaakkalu-
artorli 1979-miilli 1986-mut illuliassat amerla-
nerpaartai kitaani illoqarfinnut annerusunut
sisamanut inissinneqarsimallutik.
Maanna periarfissaqalersimavugut nunat-
sinni aningaasarsiornikkut sanaartugassati-
gullu ataatsimut pilersaarusiorsinnaanngor-
luta. Taamaattumik Inuit Ataqatigiit ukiunut
arlariinnut nuna tamakkerlugu pilersaarusi-
ornissaq, tamatumalu piaartumik naammas-
sineqarnissaa sulissutigiumavaa. Nunarpum-
mi ataatsimut naligiinnerusumillu ineriartor-
tinneqartariaqarpoq.
Illuliornermi akit
qaffakkiartornerat unitsilli.
Inuit Ataqatigiit isumaqarput illussaaleqineq
atornerlunneqassanngitsoq iluanaarniapilun-
niarfiunanilu. Taamaattorli ullutsinni takus-
saanerujartuinnarpoq sanaartornermi akit
peqqutissaqanngivitsumik qaffakkaluttuin-
nartut.
Taariikkatsituut sanaartornerup siaruarter-
neqameratigut akit qaffatsinnaveersaameqar-
sinnaapput akinillu appartitsiniarnermi aqqu-
tissat assigiinngitsuupput.
Akigisitat annertussusissaat qummut aala-
jangereerlugu, suliarinnittussarsiornermi pe-
riusaasut tunngaviatigut allanngortittariaqar-
put — pissutsit ullumikkut atuuttut ilumoo-
russamik unammillernermik tunngaveqan-
ngimmata. Periarfissat allat tassaapput kom-
muunikkuutaartumik namminersortut teknik-
kikkullu pisortaqarfiit akornanni illuliorner-
mut sanaartornermullu sullivilioqatigiinnerit
aqqutigalugit, aammalu illuliornermi atortus-
sat sanariikkat atortorineqarnerisigut akikil-
lisaasinnaanerit.
Kalaallit sulisorineqarnerunissaat.
Inuiqatigiinni illunik sanaartorneq ingerlaju-
artuuvoq qaqugumulluunniit ingerlajuartus-
saq, nalinginnaasumillu inuutissarsiutitigut
ingerlatsinermi ilaalluinnartoq. Inuiaqatigiin-
ni aningaasarsiornikkut inuutissarsiomikkullu
akuujuartuuvoq suliffissaqarnermilu qitiu-
suulluni. Taamaakkaluartoq ullumikkut ka-
laallit illuliornermi akuunerat annikitsuarar-
suuvoq, tamannalu taamaaginnarsinnaajun-
naarpoq siunissamilu sanaartornermi illulior-
nermilu kalaallit salliutillugit sulisorineqamis-
saat aaqqiivigineqartariaqalerpoq.
Suliarinnittussarsiuussinermi kalaallit su-
lisussat qanoq amerlassusissai aalaj angersi-
masariaqarpoq, kiisalu ilinniartussat aamma
piumasaqaatinut ilaasariaqarlutik.
Inissiat
najoruminarsartariaqarnerat
attartortullu oqartussaaqataanerat
Inissiat nutaanngitsut sananeqarnerisa nalaa-
ni tuaviortumik inissaaleqisut ikilisinneqar-
nissat kisimi eqqarsaatigineqarsimavoq, eq-
qarsaatigivallaarnaguli qanoq najoruminarti-
gissanersut. Taamaattumik ullumikkut inis-
siatoqqat iluarsaateqqinneqarnissaat pisari-
aqalersimavoq assigiinngit sutigut najorumi-
narsaanikkut, inissianilu najugallit akornan-
ni katersuuttarfiusinnaasut pilersinneqarne-
risigut. Tamanna taamaallaat pisinnaavoq i-
nissiani najugallit peqatigiiffeqamermikkut o-
qartussaaqataanerat allisinneqarnerisigut,
aammalumi inissiani nutaani pisariaqarpoq
najugaqartut oqartussaaqatigiinnerata allisar-
neqarneratigut.
Piginneqatigiilluni illuliorneq
inissialiornerlu.
Siunissami illuliornermi tapiissutaasartut a-
taatsimut isigalugit nutaamik aaqqissuussi-
soqartariaqarpoq, soorunami inuit nammine-
erlutik ilaqutariittut ataasiakkaatut illutaar-
sinnaanerat periarfissaqartuassaq, siunissa-
mili piginneqatigiilluni illulioriaasit, ilaatigullu
sananerani suleqataanikkut annertuumik aki-
killisaasoqarsinnaavoq, tamannalu aqqutis-
siuunniarlugu Inuit Ataqatigiit inatsisitigut
periarfisseerusupput.
Periuutsinik nutaanik
qinerlertariaqarneq.
Nunarput sanaartornerup illuliornerullu tu-
ngaagut sanaartorfiuvoq periuutsit allanin-
nganit allaanerungaartut tunngavigalugit. Is-
sittumiinnerput piinnarnani inoqarfiilli aam-
ma ungasissussat pissutigalugu nutaamik pe-
riuuseqarluni aaqqiisariaqartarluni. Pisaria-
qarluinnarput ilisimatuussutsikkut misissui-
nerit, akikillisaanissaq pisariillisaanissarlu a-
nguniarlugit, ingerlatinneqarnissaannullu a-
ningaasaliinissaq.
Oqartussaaffiup siammarnissaa.
Tamakku anguniakkat annertuut piviu-
sunngortinneqassappata Inuit Ataqati-
giit pingaartilluinnarpaat qanittumik
kommuunit suleqatigineqarnissaat. Im-
mikkut pingaaruteqarpoq siunissami
kommuunit nammineerlutik ingerlatsi-
nermik sanatitsisutullu oqartussaaner-
mik tigusinissaat, taamaasilluni angu-
neqarsinnaammat innuttaasut qanittu-
mik oqartussaaqaraanerulernerat.
Illuliornermi akit pissusissarinngisa-
minnik qaffakkiartuinnarput. Tamanna
allanngortittariaqarpoq. (Ass.:LIL)
Byggepriserne stiger ukontrollabelt. —
Det skal ændres. (Fot.:LIL)
Oqartussaaqataanerit
illersoruk lA-nik qinersiit
For dine demokratiske
rettigheder — stem IA
Uukapaanngilagut —
talerperliit itigartikkit!
INUIT ATAQATIGIIT
ARNART AAT
SILATUSAARLUTIK
ARNAQATIMINIK
QINERSISARPUT
Taasivissami
»INUIT ATAQATIGIIT«
x-lersinnaavat
KALAALLIT NUNAANNI
talerpimmut
sangujartorneq itigartiguk!
Saamerliit ataatsimut
INUIT ATAQATIGIIT
qinikkit!