Atuagagdliutit - 30.09.1987, Qupperneq 8

8
ATUAGAGDLIUTIT/GRØNLANDSPOSTEN
NR. 40 1987
Aaqqiagiinngitto-
qartuarsinnarpoq
Sisamanngormat septembarip ulluisa 24-ani Nuummi nunatta eq-
qartuussiviani eqqartuussinikkutaalajangiisoqarpoq. Inunnik Isu-
maginnittut Peqatigiiffiat — IIP — SIK-mut attaveqartoq ukioq
isumaqatigiissutit uniorlugit sulinermik unitsitseqattaarsimanini
pillugit akiliisinneqartussanngorpoq, aningaasanik 37.000 koruu-
ninik naleqartussatut missingersuunneqartumik. Taamaaliornik-
kut aammattaaq aalajangiunneqarujoq suliamut tunngassuteqar-
tut pillugit nunatsinni akiliisitsisoqarsinnaanngornera.
Eqqartuussinerli taamatut inerneqaraluartoq SIK-p IlP-iillu
akornanni aaqqiagiinngittoqartuarsinnarpoq. SIK-p siulittaaso-
rigallagaa IlP-imut siorasaarisaleqaaq »Avinniarluni«. Oktobarip
ulluisa 27-anni SIK-p Qaqortumi immikkut ittumik ataatsimeer-
suarnissaanut Finn Heilmannip oqaluuserisassatut siunnersuuti-
gisimavaa IlP-ip SIK-mit immikkoortortatut atorunnaarsinneqar-
nissaa, IlP-ilu pasillerlugu kattuffiup iluani avissaartuutsitsiniar-
tuunerarlugu.
IlP-Ui SIK-miiginnarusuppoq isumaqarlunilu eqqartuussisu-
tigut akiliisitaasussanngortitaanertik pillaatisiarissallugu naam-
mattoq. Aamma namminneq isumaqanngillat avissaartuutsitsi-
niartuullutik isumaqarlutilli kattuffiup iluani partiilersuunneq aaq-
qiagiinnginnermut pissutaanerpaasoq.
Kikkut eqqortumik oqalunnersut SIK-mi ilaasortat nammin-
neq iluminni nalilerniagassaraat aaqqiagiinnginnertillu naaper-
tuilluartumik iliorlutik anigorniartariaqarlugu.
Kisianni kattuffeqarnerup iluani aaqqiagiinnginnerit avataa-
ninngaaniit malinnaaffigigaluaraanniluunniit soorluuna pisaria-
qalivissoq nunatsinni sulisartut taakkuningalu tapersersuisut kik-
kulluunniit erseqqissumik paasitissallugit aaqqiagiinnginnernut
pissutsit suut pissutaarpiarnersut qanorlu anigornialikkersaarne-
qarnersut. Nunatsinni sulisartoqarnerup oqaluttuarisaanerata
ataqqinartup pissutsit massakkut atuuttut nikanarsaatigiinnalin-
nginnerpai?
Tikisitaq
salliutinneqartoq
Normumi uani atuartartut ilaat allappoq atorfimmut aalajanger-
simasumut qinnuteqarsimagaluarluni itigarsimanini mamiaga-
lugu. Atorfik pineqartoq tassaavoq radioavisimi avisiliortutut
atorfik. Atorfillu pineqartoq saqqummiunneqarmat piumasari-
neqartut ilagaat qinnuteqartup marlunnik oqaaseqartuunissaa.
Taamaakkaluartoq qallunaamik atorfinitsitsisoqarsimavoq taa-
maalillunilu kalaaleq qallunaatut aamma pisinnaasoq tunuartin-
neqarpoq, qallunaaq avisiliortoq tikisinneqartussanngormat.
Soorunami suliffiup suulluunniit nammineq kissaateqarnini ma-
lillugu suleqatissaminik iluarinerusamik toqqaasinnaatitaanera
ataqqivarput. Kisianni avisiliortutut nunaqavissutut illersorneqar-
sinnaasorinanngilaq kalaallisut oqaasillip tunulliutinneqarnera,
massami ullutsinni qaqqalaarutigineqartuarpoq kalaallit ilinniar-
simasut tikisitanit salliutinneqarnissaat.
T aamaattumik Radiop Aqutsisoqarfia T usagassiortullu Peqa-
tigiiffiat apererusunnarput avisiliortut kalaallit ilinniarsimasut
amigaataanerisa nalaanni pisinnaasoqartillugu qallunaat avisilior-
tut tikisitat salliutinneqartalernissaat ileqquliunneqarnialerner-
soq?
ILLIT isummat AG-imi oqallinnermut ilanngutassiariuk
— naatsukullanngorlugu nukingiullugulu. Aaqqissuiso-
qarfimmi naliliisinnaarusuppugut, suut tamaasanaqissin-
naajumallugil. Kinaassutsit isertuussinnaaviat, oqallin-
nermulli aaqqissuisorisatla atit sumilu najugaqarnerit
nalunngittariaqarpaa.
Radioavisimi tikisitamik
atorfinitsitsineq pillugu
KNR-imut allakkat ammasut
Ivalu Duelund, Avisiliortoq, Nuuk
Uku allakkat KNR-imi avisiliortumik tikisitamik atorfinitsitsinermut tunngasuupput
Qanittukkut KNR-ip ulluinnarni
aqutsisuisa aalajangiussimavaat ra-
dioavisimi tusagassiortoq tikisitaq
qallunaajusoq atorfinitsinneqassa-
soq. Sulisussarsiornermi saqqummi-
unneqarpoq qinnuteqartoq kalaalli-
sut qallunaatullu oqaasilik salliutin-
neqassasoq, naallu atorfimmut pine-
qartumut qinnuteqarsimasut talli-
maasut akornanni kalaaleq qinnute-
qarsimagaluartoq tikisitamik qallu-
naamik atorfinitsitsisoqarpoq. (A/G
nr. 30, 22 juli 1987, aaq.) Kalaaleq,
tassa uanga, ilaatigut radioavisip aaq-
qissuisuanit kaammattorneqarluni
qinnuteqarsimagaluarpoq.
Nalulluinnarpara qallunaaq qin-
nuteqarsimasoq uannit pikkorinne-
runersoq tusagassiinissamullu sungi-
ussinerunerulluni. Aamma imaassin-
naavoq uanga avisiliortutut ineq-
qammernera pissutigalugu kalaaliu-
galuarlunga salliutinneqarsiman-
ngitsunga, kisianni avisiliortutut i-
nernikuuvungauppernarsaateqarlu-
ngalu.
Tupiginngitsuunngilara radioavi-
sip aaqqissuisuata Danmarkimut a-
ngalasimanera atorfinitsitassamik
oqaloqatiginnikkiartorluni, uangali
Nuummi najugaqartunga qinnute-
qarsimanera pillugu qaaqquneqan-
ngilanga oqaloqatigineqarnangalu.
Tassa paasiniaaffigineqarsimanngi-
vippunga atorfimmut qanoq pigin-
naaneqarsorinersunga pillugu.
Aamma ilinniarfigisimasama, Tusa-
gassiortunngorniarfiup ittua Nuum-
mi Niuernermut Ilinniarfimmiittoq,
paasiniaaffigineqarsimanngilaq —
taanna ilinniarnerup immikkoortui-
sa kingulliup ingerlanerani ilinniar-
titsisuusimavoq.
Akueriuminaatsippara
Akueriuminaatsippara tikisitap qal-
lunaajusup uannit kalaaliusumit sal-
liutinneqarnera, uanga piginnaassut-
sikka suli misilinneqanngitsulluun-
niit.
Isumaqarnarpoq Radiop Aqutsi-
soqarfiani ilaasortat tikisitamik ator-
finitsitsissallutik aalajangiigamik pu-
igorluinnarsimagaat, ullutsinni eq-
qartorneqartuartoq nunatsinni tiki-
sitat atorfiisa kalaallinit ilinniarsima-
sunit sapinngisamik tiguartuaarne-
qarnissaata anguniarneqarnera.
Kialuunniit nalunngilaa suliaq su-
naluunniit sungiussassaasartoq suli-
nerullu ingerlatilerneragut sulisoq
pikkorissiartortartoq — piumassuse-
qaruni. Uanga nammineq taamatut
angusaqarniarnissarasiunertarilluin-
narpara.
Keermiaasiit qallunaaq
Kalaallit ilinniarsimasut taamatut ta-
tigineqanngittuassappatasiunissami
kikkut inuiaqatigiinnut sullissis-
sanersut takorlooreerneqarsinnaa-
voq.
Ullumikkut nunatsinni kalaallit
tusagassiortut ima ikitsigaavut, allaat
tusagassiorfinni ilinniarsimanngitsu-
nik sulisoqartitsineqarluni, aamma
Ilinniarnitta nalaani ataasiaannarata
oqarfigineqartarsimavugut naam-
maassinissarput qilanaarineqartoq
nunatta atorfissaqarteqimmatigut,
taamaattumillu nakkaannarfiusin-
naasunut nakkaannarata sukataarlu-
tali ilinniarnerput naammassiniarsi-
mavarput.
Oqassanngilanga ilinniarnera
naammassiniarsarigakku sualla-
qaangamita. Oqassaangali radio ani-
ngaasakilliorneraqisoq kalaallisullu
oqasilinnik ilinniarsimasunik sulisus-
saaleqinerartuartoq keermiaasiit qal-
lunaamik tikisitsilerpoq. Nutser-
nermi aningaasartuuteqartoqassaaq,
inissaqartitsiniartoqassaaq il.il. —
uffa qinnuteqartunga nammineri-
sannik ineqarlunga, marlunnik oqaa-
seqarlunga ukiullu tamakkiallugit
Danmarkimut feriartariaqassananga
pisortat akiligaannik.
Suliffissaaruttut
pineqanngillat
Allattoq: Else Lange
»Kaammattorneqanngilagut« taa-
matut qulequtserlugit aallakaatitas-
sianni marluusuni pingaarnertut
sammineqarpoq: Nunatsinni sulisus-
sarsiuussisarnermut atatillugu inat-
siseqanngimmat. Taamaasillunilu
kalaallit namminersorlutik ingerlat-
sisuusut inatsisitigut kaammattorne-
qannginnerat, imaluunniit illersorne-
qannginnerat, saqqummiunneqar-
poq.
Uparuaqqaartariaqarparali
Atuagagdliutit-ni normu 39-mi, Wil-
helm Olsen-ip allagarisaanut atatil-
lugu ilisimatinneqarsimannginnama.
Kiisalu normup uuma siuliani akinis-
sannut periarfissinneqaqqaarsi-
mannginnera pissusissamissuun-
ngimmat.
Soorlu Wilhelm Olsen-ip allaase-
risaatut Sisimiuni, aammalu ullu-
mikkut Nuummi, suliffissaarusima-
sut suliffissamik neqeroorfigineqara-
luarlutik suliumanngitsut pillaatis-
sinneqartarnerat, imaluunniimmi
»atugarisaat« eqqaallatsiarneqar-
poq.
Taakkualu assersuutitut eqqaane-
qarneratigut ersersinniarneqaannar-
poq una: Kalaaleqatigut sulisinnaa-
galuarlutik suliumanngitsut aaqqiif-
figineqarsinnaappata, taava sooq
avataaniit tikisitanik, sulinissamut
akuerineqarsimanngitsunik.sulisul-
lit aamma aaqqiivigineqarnianngil-
lat?
Nunattami iluani aningaasat kaa-
viiaartinneqarnissaat anguniarne-
qassaguni, suliffiit Nunatta avataa-
niit pigineqartut, aamma avataaniit
sulisoqartuassagunik, aningaasat
Nunatta iluani kaaviiaalernavian-
ngimmata!
Aallakaatitassianni maluginiarne-
qarsinnaavoq, salliullugit paasiniaaf-
figigikka, nunami suliffeqarfiit ka-
laallinit ingerlanneqartut.
Nalunngilluinnarparput aalisar-
neq Nunatsinni pingaarnertut inuu-
tissarsiuutaasoq.
Aallakaatitassiannili taakkartor-
neqarpoq una: Nunami piorsaanerit
annertoqisut ingerlanneqarneranni
puigulinnginnerparput, aamma nu-
nami piorsaanerit, nunatsinni ani-
ngaasarsiornermutiluaqutaangaar-
sinnaanerat?
Wilhelm Olsen, allaaserisanni i-
nuit »eqiasuttut« kiisalu inuit »ataq-
qisariaqartut« oqaaseqarfigissallugit
pisariaqarsorinngilakka, ajornan-
ngeqisumik inuit tamakku tungaati-
gut tamarmik nalileeriaaseqarmata.
GRØNLANDS TELEVÆSEN
meddeler
Radioamatørprøver
Der afholdes almindelig teknisk prøve for radioamatører onsdag
den 18. november 1987 klokken 12.30.
Sidste frist for tilmelding er fredag den 16. oktober 1987 kl. 16.00.
Tilmeldinger foretages til følgende:
H. Vilhelm Rasmussen, Qaqortoq, tlf. 3 82 55
Hans Peter Kleemann, Nuuk, tlf. 2 12 55
Poul Erik Nissen, Aasiaat, tlf.4 22 55
Grønlands Televæsen
Qaqortoq Teleregionscenter,
Box 187, 3920 Qaqortoq.
Grønlands Televæsen
Nuuk Teleregionscenter
Box 1002, 3900 Nuuk.
Grønlands Televæsen
Aasiaat Teleregionscenter
Box 217, 3950 Aasiaat