Atuagagdliutit - 26.07.1989, Blaðsíða 9

NR. 71 1989
ATUAGAGDLI UTIT/GRØNLANDSPOSTEN
9
sssssasssæs

Savalimmiunut unamminermi Jens Trolle ulapititaarujussuarpoq. Kinguarsimasut qasul-
luinnarsimammata Jens Trolle ajuuttarfmniit anillappoq isertitseriarnissaq ajornameru-
lersinniarlugu. Uanili isertitsisoqanngilaq.
Jens Trolle havde travlt i kampen mod Færøerne. Her er forsvaret blevet udspillet, og Jens
Trolle er gået ud af sit mål, for at gøre målet mindre. Der blev ikke scoret i dette tilfælde!
(Foto: John Jakobsen).
Savalimmiunut unamminermi ilaanni tamarmik kinguarsimalersarput. Savalimmiut pak-
kersimaamiarlugit arsartartut arllneq pingasut kinguarsimaqataapput. Uanili målmandip
Jens Trollep arsaq tigusimavaa.
Der var trængsel i det grønlandske forsvar i kampen mod Færøerne. Hele otte mand skulle
dæmme op for den færøske dominans. I dette tilfælde har målmand Jens Trolle dog erobret
bolden. (Foto: John Jakobsen).
Ajugaaneq eqqaamasassaq
Kalaallit Nunaat »Island Games«-eqarnermi isikkamik
arsamikkut siullerpaameerluni ajugaavoq - Shetland 4-1-
mik ajugaaffigaat
(AG - Torshavn - JJ) Ul-
luni qulini Islandimi
sungiusarluareersimal-
lutik kalaallit isikkamik
arsartartui »Island Ga-
mes«-imukarput pileri-
sorujussuullutik. Naak
sungiusarnermik nalaa-
ni ajoqusertoqartarsi-
magaluarlutik taamaat-
toq Sandavågurip arsar-
tarfiani ivigaasalersu-
gaasumi unammisussa-
nit tam anit arsallam-
maanersaapput. Ami-
gaatigeqaalli saassussi-
sartortik pikkorissoq,
Asa Kleist K-33-meersoq.
Taanna Islandimi sun-
giusartillutik ajoquser-
simavoq taamalu »Island
Games«-imi ataasiarlu-
niluunniit unammeqa-
taatinneqarsinnaasima-
nani.
Shetland aallartilluaralu-
arpoq all aat minutsit qulit
ingerlanerirmaanni marlori-
arlutik isertitsingajakkalu-
arlutik. Arsarnerli ingerla-
tillugu kalaallit sukataara-
luttuinnalerput, Shetlandip
ajuuttarfii qanilligaluttuin-
nalerlugit, tassalumi minut-
sit 40-issaanni iluatsitsip-
put. Mathæus Larsen pil-
laammik isimmitsisarfiup
killingan iit ungas iakkaa-
miit isertitseriarpoq, iluat-
sillugulu arsaq isertillugu.
Kalaallit Nunaat 1-0-imik
siuarpoq tassalu muminnis-
sap tungaanut taamatut
siuaqqapput.
Muminnerup kingoma
minutsit tallimat qaangiu-
tiinnartullu Shetland iser-
titsivoq anngulluni. Taanna
kalaallit nikalluallaatige-
qaat. Siullermertulli Kalaal-
lit Nunaat sukannerujar-
toqqilerpoq, minutsillumi
24-issaanni paggitaasarluni
isimmitseqattaanneqareer-
sorlu Kristen Kreutzman-
nip Kalaallit Nunaat 2-1-
imik siuartippaa. Arsaq
målmandip niuisa akornisi-
gut assakaalluni iserpoq!
Minutsit qulingiluat qaan-
giuteqqimmata Kristen
Kreutzmannip Kalaallit Nu-
naat 3-1-imik siuarteqqip-
paa. Kristenip isertitami
aappaa isertippaa talerpim-
minik, Kristen saamiugalu-
arpoq taamalu isertitseria-
rajunnerusaraluarluni saa-
mimminik.
Tunioorallaqqissut
Arsaanneq naalivissorlu
Mathæus Larsen isertitseq-
qippoq arsaq niaqormillugu
Kalaallit Nunaat 4-1-imik
siuartikkamiuk. Kalaallit
Nunaat landskampeqamer-
mi siullermeerluni ajugaa-
voq, tamannalu pivoq arsar-
tartut suleqatigiilluarsima-
nerata kingunerisaanik. Ka-
laallit arserillaqqillutik in-
gerlatsisimapput, sungiu-
sarluarsimagamillu Shet-
landimeersunit pitsaaneru-
nerat malunnarpoq. Kalaal-
lit tunioraatillaqqinnerune-
rat malunnarpoq, tassalu
unamminissat kingullersaa-
ta tullia qilanaarineqaler-
poq, tassalu aalajangiisuu-
sussamik Savalimmiunut
unamminissaq.
Sisamanngorneq 6. juli
I Sandavågur:
Kalaallit Nunaat - Shetland
4-1 (1-0).
Isertitat:40. minut 1-0
Mathæus Larsen. 50. minut
1-1. 74. minut 2-1 Kristen
Kreutzmann. 83. minut 3-1
Kristen Kreutzmann. 89.
minut 4-1 Mathæus Larsen.
Isiginnaartut: 300.
Kalaallit arsartui : Jens
Trolle, Ulf Abrahamsen,
Karl Lyberth, Palle Len-
nert, Jens Chr. Therkildsen,
Karl Iversen (anfører), Kri-
sten Kreutzmann, Anda Ki-
elsen, John Davidsen, Mat-
hæus Larsen aamma Ger-
hard Isaksen.
Taarsiinerit: 60. minut
Ulf Abrahamsen anivoq,
Gert Fleischer iserpoq.
Savalimmiunut unamminermi Kalaallit Nunaat sakkortuumik ajornartorsiortinneqarpoq.
UaniJens Trolle iluatsisivoq, malitsigaalu Ulf Abrahamsen.
Grønland var sat understort presikampen mod Færøerne. Her klarer Jens Trolle i flot stil,
mens Ulf Abrahamsen følger op. (Foto: John Jakobsen).
Artukkaminnut
unammipput
Arsartartuvut pingaaruteqartumik arsarnerminni
ajugaassangatinneqartunut Savalimmiuneersunut
unammipput - isiginnaartut 2.500-it missaanniittut
qiimmassaasuulluarput
(AG - Torshavn - JJ) Aju-
gaassangatinneqartu-
nut Savalimmiunut Fug-
lafjørdurimi unammis-
sallutik isaagamik Ka-
laallit Nunaata unammi-
sartui pissamaartorujus-
suupput. Allaaqqissor-
suulluni seqinnersor-
suuvoq, isiginnaariallu
2.500-it missaanniittut
arsartarfik kaqj allassi-
mavaat. Qiimaqalutik
aallartipput tamannalu
aamma isiginnaartut
akornanni malunna-
qaaq.
Allartipput mianersortu-
mik imminnut misilerartu-
tut illutik. Minutsilli qulin-
giluassaanni Savalimmiut
isertitsinissaminnut periar-
fissarserujussuaraluarput,
iserteriagarli kalaallit iser-
titsisarfii uniorlugit anivoq.
Kalaallit tunuarsimasui
inissaminniinngillat. Mi-
nutsit 12-issaanni kalaallit
målmandiata Jens Trollep
savalimmiormiut ungasiak-
kaamiit iserteriagaat ti-
gunngitsoorpaa. Arsaq assa-
kaasoq savalimmiormiut
ilaata iluatsittussanngor-
paa, Jens Trollelu illersuini-
arluni tingiinnartariaqar-
poq. Savalimmiormiup isim-
mitaata ajuuttarfiit napasu-
at eqqorpaa!
Karl Lyberth
ajoquserpoq
Muminnissap tungaanut
minutsit 21-issaanni Karl
Lyberth qjoquserpoq. Naq-
qulinnik arsaassuteqarsi-
magami ivigaasanik qallik-
kamut magguttoorpoq mar-
rivilluni. Isimmitseriaralu-
arpoq isikkamilu marrissi-
manera katatsinngitsoorlu-
gu. Taamaalillunilu singer-
nermigut ajoquserpoq. Karl
Lyberth animmat Ulf Abra-
hamsen isertinneqarpoq.
Nalunaaquttap akunnerata
affaa missiliorlugu sakkor-
tuumik akiuunneqareersor-
lu Mathæus Larsen isertit-
singajalluinnaraluarpoq,
iserteriagaali ajuuttarfiit sa-
neqqullugit anivoq. Minut-
sit tallimat qaangiummata
Kalaallit Nunaat siuamissa-
minut periarfissarseqqip-
poq. Tunuarsimasoq Orla
Rødgård sassarterpoq nia-
qormitsillunilu isertitseri-
arnissaminut periarfissar-
silluni, iserteriagaali ajuut-
tarfiit uniulaarlugit anivoq.
Akisillutik saassussigamik
savalimmiormiut iluatsit-
sipput. Savalimmiut isertit-
sipput, isertitarli siuarpal-
laarnikkut isertinneqarsi-
mammat atunngitsuutinne-
qarpoq. Tassalu muminner-
minni suli 0-0-eqqapput!
Savalimmiormiut
tullerliaaripput
Muminnermiit minutsit
marluinnaat qaangiuttullu
Savalimmiut 1-0-imik siuar-
put. Taartaalluni isertup
Jens Rasmussenip kalaallit
kinguarsimasui salloqittar-
sinnarlugit arsaq isertippaa.
Tamanna isiginnaartut
qimmattaatigeqaat.
Arsarnerup naanissaanut
minutsit 14-iinnanngortullu
sungiusaasup Simon Si-
monsenip tupallaatigine-
qartumik Gerhard Isaksen
allamik taarserpaa. Iserpor-
lu sioma GM-eqarnermi
isaatitsinerpaajusimasoq
Nukaraq Johansen, taanna-
li piffissaq taama sivitsigi-
soq atorlugu iluamik qanoq
iliuuseqarsinnaangilaq.
Taarsiinerli Savalimmiut
iluaqutigaat. Minutsimmi
marluk qaangiutiinnartullu
Jens Erik Rasmussen 2-0-
imut siuartitsivoq. Arsame-
rup naanissaanut minutsit
qulingiluaannanngortullu
aqutsisoq Karl Iversen mia-
nersoqqussummik tunine-
qarpoq, sakkortuallaartu-
mik saassussinini pissutiga-
lugu.
Arsarnerup naanissaanut
minutsit arfineq marlunn-
gortullu Jens Erik Rasmus-
senip isertitami pingajus-
saat isertippaa. Ar sallam-
mak inuusuttoq taamaalil-
luni tulleriiginnarnik pinga-
soraarpoq. Savalimmior-
miut ajugaasussaviugamik
ajugaapput, ajugaaneralli
immaqa sorsuakkiarisaria-
qarpallaanngilaq. Savalim-
miummi Kalaallit Nunaan-
nut 3-0-imik ajugaanerata
aamma ersersippaa arsar-
tartuvut »Island Games«-
imi pitsaanerpaanut akuu-
soq.
Sapaat9. juli
Fuglafjørdur:
Færøerne - Kalaallit Nu-
naat 3-0 (0-0).
Isertitat: 47. minut 1-0
Jens Erik Rasmussen. 78.
minut 2-0 Jens Erik Ras-
mussen. 83. minut 3-0 Jens
Erik Rasmussen.
Isiginnaartut: 2.500.
Kalaallit unammisui :
Jens Trolle, Karl Lyberth,
Jens Chr. Therkildsen, Orla
Rødgård, John Davidsen,
Kristen Kreutzmann, Anda
Kielsen, Karl Iversen (anfø-
rer), Palle Lennert, Mat-
hæus Larsen aamma Ger-
hard Isaksen.
Taarsiinerit: 21. minut
Karl Lyberth anivoq, Ulf
Abrahamsen iserpoq. 76.
minut Gerhard Isaksen ani-
voq, Nukaaraq Johansen
iserpoq.