Atuagagdliutit - 07.09.1992, Blaðsíða 5

K AT. A ATI.TT RØDE KORSIAT ’92
Kalaallit Nunaat
— ikiueqataagit
Knud Rasmussen-ip qimussimik angalasarnerpas-
suarminit oqaluttuatoqqanit nassataanit oqalut-
tuatigut arlalitsigut atuarsinnaasimavarput siu-
litta eskimuut akornanni perlerortarnerujussuit —
perlerortarnersuit ullumikkut silarsuup ilaani
inuuffigisatsinni misigisimajunnaakkavutg. Oqa-
luttuatoqqanit tamakkunannga ilisimavarputtaaq
eskimuut ileqqutoqarigaat pitsaasoq pigisanik a-
vitsisarneq tunissuteqartarnerlu. Siulitsinnin-
ngaanniit qularnanngitsumik kingornussimavar-
put tunisinerup nuannaarnartua.
Nunarsuarmioqatigiillu siuariartornerujussuisigut
pisariaaruppoq kaannersuarnik oqaluttuanik tusar-
nissatsinnik utaqqissalluta. Naaggali, ullut tamaasa
tusartuarpavut — radio-kut minnerunrigitsumillu tv-
kut nutaarsiaat tamakkuninnga oqaluttuartut. A-
merlaqisutigut pissaaleqinngivilluta nerrisileruttor-
nitsinni.
Sap. akunnerini kingullerni tusartakkat — immaqa
sivikitsuinnaagaluartumik — Jugoslaviami innuttaa-
sut sorsoqatigiinneranneersut, inuit namminneq pi-
lersitaannit amiilaarnartumeersut, kisiisa tusararun-
naarpavut, tusartalerpavulli Afrika-p kangianit
Sudan-imillu nutaarsiassat amiilaarnarnerusinnaa-
gunik amiilaarnarnerit. Tamaani panernerujussuar-
mit aammalu ukiuni arlalinni innuttaasut sorsooqati-
giinnerannit pilersinneqartut kingunerisaannik inup-
passuit ilarpassui nungutaanissamik navianartorsi-
ortinneqarput. Tamaani ajornartorsiutit nutaajun-
ngillat, takusassatigulli tusagassiornermi Golf-imi
pissanganartorsiorneq siusinnerusukkullu Jugoslavi-
aasimasumi pisut sammineqarnerusimagunarput.
Tamanna qujanartumik allanngorsimavoq inuunia-
piloornerillu uatsinnut paasiuminaatsut ilisimasaqar-
figilersimavagut.
Assit pingaartumik uagutsinnut annernartut tas-
saapput meerarpassuit »uumasut saanikuinnaat« as-
singi. FN-ip aallartitaat oqarsimapput, naatsorsuuti-
gineqartariaqartoq meeqqat 60-70 procentii qular-
nanngitsumik perlerlutik toqujumaartut. Eqqarsaa-
tigilaariaruk, inuiaqatigiit 30-40 procentii annattutu-
aasut. 30-40 procentit inuunertik naallugu takorluu-
gapalaamik takorluugaqartussat.
Røde Kors taamatut pisoqarfiusumi sivisoorujus-
suarmik annertuumik suliniuteqarsimavoq, naala-
gaaffissuillu arlallit FN siuttoralugu paasilersimagu-
narpaat, pisariaqartoq annertoorujussuarmik ikiuini-
arnissaq pisariaqartoq, ajunaarnersuaq tamanna suli
ajorsiartussanngippat.
Siusinnerusukkut pissutsit ima erloqinarsimati-
gaat, ikiuutit annikitsunnguit tamaanga takkussima-
sut tamaani sakkulersuuttorpassuarnit sakkulersor-
luni tiguneqartarsimallutik. Tamannali FN-ip akule-
runneratigut pisinnaajunnaartinneqarsimavoq.
Røde Kors-ip nalunaarutigaa maanna ikiuutit ag-
guaanneqartarnerat aqunneqaleriartortoq, naak assi-
giinngitsunit eqqunngitsutut oqaatigineqartaraluar-
toq. Taamaattumik maannakkorpiaq anguniarneqar-
poq sapinngisamik ikiuutit annerpaartaat ikiortaria-
qartunut anngunneqarnissaat.
Taamaattumittaarlu tamanut — aamma uagut Ka-
laallit Nunaanni najugaqartuusunut peqataanitsigut
pisariaqarpoq ikiuutissat sapinngisamik amerlaner-
paat ikiortarialinnut anngutsinneqarnissaat.
Radio-kummi tusartaraluarparput Kalaallit Nu-
naanni aningaasatigut amikkisaarneq suli ajorsiar-
tussasoq, Afrika-lli kangiani, Afrikas Horn-imik taa-
neqartartumi, innuttaasut eqqarsaatigissagaanni ua-
gut pisuussutersuagut taasassaanngillalluunniit.
Taamaattumik eqqarsaatiguuk Afrika-mi meeqqat
kaattut, ukiap ingerlanerani ikiorsiinikkut qanoq nu-
annaartitsigilersinnaaneritit.
Kingusinnerusukkut nuna tamakkerlugu ikiuiniar-
neq pillugu erseqqinnersuumik paasissutissiisoqaru-
maarpoq.
Grønland
Vi knytter
sammen