Atuagagdliutit - 07.09.1992, Blaðsíða 7

KALAALLIT RØDE KORSIAT ’92
7
Kalaallit Røde Korsiat:
Kinguneqanngikkaanni
siunissaqarnanngilaq
»Kalaallit Røde Korsiat«-nik pilersitsinermut atatillugu
atuakkiaarannguaq oqaluttuarisaanermut tunngassutilik »Kalaallit
Nunaanni Røde Korsi« saqqummersinneqarpoq
Ukiup affaani kingullermi cand.mag. Karsten
Møller-ip Rigsarkivimi poortugaatit uninngatiin-
nakkat misissoqqissaarsimavai Dansk Røde Kors-
ip Kalaallit Nunaanni sulisimaneranik paasissutis-
sanik ujarlerluni. Tamatumunnga pissutaavoq
Nuummi Røde Kors-ip Børnehjem-ia 5. september
1992-imi ukiunik 40-runngortorsiornissaa. Tamatu-
muunalu apeqqutissanngorpoq børnehjem-iliornis-
samut aalajangernermut suna pissutaasimanersoq
aammalu kingorna qanoq ingerlasoqarsimaner-
soq?
Toqqortaatitoqqanilu suut paasineqarpat? —
Dansk Røde Kors-ip Kalaallit Nunaanni sulisimanera
1923-imiilli aallartissimasoq paasineqarpoq, taama-
nikkut Kalaallit Nunaanni peqqissuuneq ajorluinnar-
tuusimalluni.
Taamaattumik Røde Kors-ip pissusissamisut suli-
assarisimassavai nappaatit pinngitsoortinnissaannik
suliniarneq aammalu peqqissuunerup eqqiluisaarne-
rullu siuarsarnissaat. Piumassuseqartoqarluarsima-
voq pilersaarutillu pitsaasimallutik, ajorluartumilli
piviusunngunngitsoorput aningaasassaaleqineq pis-
sutaalluni.
Taamaattumik Dansk Røde Kors-ip suliniuteqarne-
ra taamaallaat tassaasimavoq Maniitsumi tupaku-
luusertut sanatoriaanni 1925-imiit 1951-imut forstan-
derip akissarsiaqartinneqarnera. Tamanna pivoq
(ASS./FOTO: VIVI MØLLER-ROSING)
»Kalaallit meerartaannik ikiuiniarnermut Peqatigiif-
fik« suleqatigalugu.
Ajunaarnerit toqqutaasaqisut
Tupakuluusip saniatigut ajunaarnerit 1930-ikkut
missaanni Kalaallit Nunaanni toqqutigineqakulaar-
nersaapput, taamaammallu agguaqatigiissillugu
inuunerup takissusaa taamanikkut appasissorujus-
suuvoq. Tamatuma kingunerisaanik meerarpassuit
angajoqqaaruttarput, amerlaqisutigullu atugaqar-
nerloqalutik inuusarlutik ilaquttaminni, tamatigut
pitsaasumik pineqarfigisanngisaminni.
Tamanna paasineqarmat Dansk Røde Kors Naala-
garsuit akuersinerisigut aalajangerpoq sorsunnersu-
up kingorna suliniuteqarnermini tamanna aallutari-
ni ar lugu.
Ikiueqqaarneq
Sorsunnersuulli kingorna Dansk Røde Kors-ip pin-
ngitsoortitsiniarluni suliniuteqarneq aallarteqqinnia-
lerpaa. Tamanna pisussaasimavoq kalaallit innuttaa-
sut ikiueqqaarnermik ilinniartinnerisigut. 1948-mi
atuagaq ikiueqqaarnermik imalik kalaallisooq siulleq
saqqummerpoq, eqqarsaataasimavorlu Nunatsinni
nakorsaqarfiit ilinniartitsinermik ingerlatsisuussa-
sut. Ajoraluartumilli tamamik suliassamik tamassu-
mannga tigusinissamut piumassuseqarpallaanngil-
lat.
Børnehjem-it
Nuummi Røde Korsit Børnehjem-iata, 1952-imi sana-
neqarsimasup, saniatigut Dansk Røde Kors Aasianni
Qaqortumilu, 1955-imi 1958-imilu børnehjem-ilior-
poq. 1960-ikkut qiteqqunnerisa tungaanut børne-
hjem-mit taakku pingasut Dansk Røde Kors-imit
ingerlanneqarput, tamatumalu kingorna Kalaallit
Nunaata Landsråd-ianut tunissutitut tunniunneqar-
lutik.
Paasissutissat pineqarsimapput ataatsimiinnermi
imaqarnersiutitoqqanit, allagatoqqanit allakkiatoq-
qanillu, maanna atuagaaranngorlugu saqqummersin-
neqaqqittunit atserlugu »Kalaallit Nunaanni Røde
Korsi«, atuagaaqqiamillu suliarinnittuupput Karsten
Møller aamma cand.mag. Barbara Zalewski.
Atuagaaqqiami atuarneqarsinnaapput børnehjem-
ini ulluinnat qanoq ingerlasarnerat aammalu suliniu-
teqarnermi aporfiusarsimasut.
Dansk Røde Kors Kalaallit Røde Kors-iannut tunis-
sutitut atuagaaqqiaq naqitertissimavaa amerlaval-
laanngitsunik. Soqutiginnittut atuagaaqqiaq pissar-
siarisinnaavaat uunga saaffiginnillutik: Kalaallit
Røde Korsiat, Box 148, 3900 Nuuk.
Matas til ansigtet:
Renselotion
Bruges dagligt - helst morgen og aften.
- Til afrensning af make-up og snavs.
Effektiv, mild og plejende.
NY STØRRELSE: 500 ml.
Introduktionspris
Spar 5,50
39,50
Mild skintonic
Anvendes på den nyrensede
hud.
Stimulerer og forfrisker.
500 ml.
Tilbud:
Spar 9,50
25,00
GREENLAND CONTRACTORSIP ALLAFFIQARFII:
3970 Pituffik 3910 Kangerlussuaq 2100 Kobenhavn 0
Tlf. 50696 Tlf. 11018 Tlf. 35 43 47 47
MATAS SKIBSHAVNSVEJ 20, BOX 910, 3900 NUUK, TLF. 21799 - FAX 2 40 99