Atuagagdliutit - 14.12.1993, Síða 13

Nr. 115 • 1993
73
GRØNLANDSPOSTEN
Sunaluunniit naassaanngitsuunngilaq
Niuemermik inuuniuteqaraanni asanninneq inissaqartinneqarsinnaanngilaq, taamatut isumaqarpoq Nuka din
Tøjmand-imik piginnittoq Jakob Berthels
- Pisiniarfiutiga inuussutigilluarpara, kisiannili isertittakkavut soorunami ukiumiit ukiu-
mut assigiinneq ajorput. Taamaammallu ukiunut ajornerusunut aningaasanik toqqorsisa-
riaqartarpunga, Jakob Berthels Nuka din Tøjmand-imik piginnittoq oqarpoq.
- Jeg lever godt af min forretning, men indkomsten er selv følgelig forskellig fra år til år. Jeg
er jo også nødt til at lægge til side til dårligere år, siger Jakob Berthels fra Nuka Din
Tøjmand. (Ass./Foto: Knud Josefsen)
NUUK(LRH) - Jakob Ber-
thels, Nuka, 1985-imi pisini-
arfiutiminik BS Partner-
imik Peter Skifte peqatiga-
lugu aallartitsinissami tu-
ngaanut assigiinngitsunik
misilittagaqarsimavoq.
Jakob Berthels Nuup eq-
qaani Qoornumi inunngor-
simavoq. 1962-imi ilaqutta-
nilu Nuummut nuupput Ja-
kob-ilu 1968-imi atuarun-
naarluni. Atuarnini soquti-
gisorsuusimanngilaa aam-
mami atuarfimmiit aniaar-
tarneq nalinginnaasorujus-
suuvoq. Taamaammallu Ja-
kob 9. klassi qiteqqukkalu-
arluguli atuarfimmi taa-
maatiinnarluni Nuummi
Oles Varehus-imi ilinnialer-
niarluni aalajangersimavoq.
- Nioqqutissat akomanni
pinngoriartorpunga, Jakob
nassuiaavoq, taassumalu
angutaa Qoornumi niuerto-
rusiusinnarluni Nuummut
nuukkami kioskinnguamik
namminerisaminik aallar-
titsisimavoq.
Jakob sivisunngitsumik
Oles Varehus-imiissinnar-
luni KGH-jusimasumut
nuuppoq, tassanilu ilaatigut
pequtinik tuniniaanermik
isumagisaqartuusimalluni.
- Taasakuluinnartut ator-
neqarnerugunarpugut, Ja-
kob qungujulluni oqarpoq. -
Taamanikkorpiaq Nar sar-
suarmi inissiarsuit inertiti-
leruttorput inuillu nutsile-
ruttorlutik. Taamaammallu
pisattanik tunisaqangaatsi-
artaratta pequtinik tum-
meqqatigut majuussuisar-
nerput ilungersunakujus-
sinnaasarluni.
Niuemermik ilinniarfik
Jakob 1969-imi qaammatini
pingasuni Ikastimi niuer-
nermik ilinniarfimmut pik-
korissariartorsimavoq,
1970-imilu ukiup affaani ki-
ngullermi ilinniamini
Ikast-imi naammassillugu.
Tamatuma kingornagut Ja-
kob Københavnimi niuer-
tarfimmi angutit atisaannik
nioqqutilimmi sulisimavoq.
Ukiut pingasut tassanee-
reerluni Kalaallit Nunaan-
nut uterami Magasiinaasi-
masumi sulilerpoq.
- Taamanikkut periarfis-
sar is saar tor suunngilagut,
Jakob oqarpoq. - Aammalu-
mi qallunaat kalaallit akis-
sarsiaasa assigiinngisinne-
qarnerujussuat naamma-
ginngilluinnarsimavara.
Marluinnik oqaaseqartuu-
gatta taakkununnga naleq-
qiulluta suliaqarnerujus-
suuvugut, taamaammallu
akissarsiat assigiinngisinne-
qarnerujussuat naamma-
giinnarsinnaasimanagu.
Taamaammallu 1976-imi
idrætshøjskolimut qinnute-
qarpunga ukiorlu ataaseq
Sønderborgimi Idrætshøj-
skolemiillunga. Assorsuaq
nuannisarpunga.
Jakob-ip Danmarkimiin-
nini sivitsorlugu naatsor-
suuserinermut pikkorissar-
poq, kisiannili Nuummut
uteruni sussanerluni suli
aalajangiussimanngilaa.
1981-imi Nuummi Niuer-
nermik Ilinniarfimmi kon-
torassistentitut atorfinin-
nissami tungaanut assigiin-
ngitsunik suliaqarsimavoq.
- Aalisarpunga taxartar-
lungalu aammalu allanik
suliaqarlunga. Piflissami
tassani aalajangersimasu-
mik suliffeqanngilanga, ki-
siannili susassaaleqinngi-
saannarlunga. Taamanik-
kulli eqqarsaatigisalersima-
vara imminut naalagarissal-
luni qanoq nuannertigissa-
ngaluarnersoq.
Aalisameq
- Aalisamerma nalaani im-
minut naalagarigaluarpu-
nga, kisiannili nassuerutigi-
sariaqarpara aalisartutut
pikkorippallaannginnama.
Taamanikkut saarulleqar-
luarami aalisagarissaartor-
suugaluarpoq, kisiannili ul-
laakkut sinnartuujullunga
unnukkut eqqummartuuju-
vunga, Jakob illarluni oqar-
poq, taamaammallu pitsaa-
vallaamik ingerlasimanngi-
laq. Aalisartutut piniartu-
tullu inuussagaanni taa-
maattunik avatangiiseqar-
luni peroriartorsimasaria-
qarunarpoq. Aatsaammi ua-
nga inuusuttunngoreerlu-
nga aallartikkaluarpunga.
- Kisiannili eqqarsaatigi-
sarsimavara naalagaqarani
inuusinnaaneq qanorissa-
nersoq.
Jakob ukiualunni Niuer-
nermik Ilinniarfiup allaffia-
ni sulereerluni aammalu
Atuagagdliutit/Grønlands-
posten-imi forretningsføre-
rioreerluni aatsaat 1985-imi
takorluukkani piviusun-
ngortippaa.
Sanasup Spindlers Bak-
ke-mi illuliani naammasseq-
qammersimavaa, taannaku
ullumikkut Kalaallit Forsik-
ring-ip allafteqarfigaa. Ja-
kob-ip Peter Skifte suleqati-
galugu misissulersimavaat
Ulup taassuma ilaa pisiniar-
fittut atorsinnaannginner-
soq, 1985-imilu marluullu-
tik BS Partner ammarpaat.
- 1987-ip tæungaanut eq-
qissilluta ingerlateqqaar-
parput. Assigiinngitsorpas-
suit paasiniaoqaartussaava-
gut. Niuemermik sammisa-
qartutut nutaarluinnaavu-
gut aammami pilersuisussa-
gut ilisarisimalerniaqqaar-
tussaavavut. Inuuneq allar-
luinnaavoq aammalu niuer-
nermik inuuniuteqaraanni
asanninneq inissaqartinne-
qarsinnaanngilaq. Taman-
na aamma soorunami paasi-
niaqqaartussaavarput.
- Niuemermik inuuniute-
qarneq unammillerfiusom-
jussuuvoq. Nioqqutissat tu-
nemsutatta arlalissuit assi-
gi KNI-mi, Bmgsen-imi Ma-
gasin-imilu tuniniarneqale-
reertarput, taamaammallu
isumaqatiginninniartaria-
qartarpugut, Jakob Ber-
thels oqaluttuarpoq.
Tamarmik inissaqarput
Jakob Berthels aamma Pe-
ter Skifte BS Partnerimi
aallartikkamik kikkulluun-
niit niuerfigissallugu akis-
saqarfigisinnaasaannik niu-
ertarfiliornissartik kissaati-
gisimavaat.
- Pingaartittorujussuuar-
put aalajangersimasuinnar-
nik mærkilinik tunisaqan-
nginnissarput, kisiannili
aamma nioqqutissat aamma
akikitsuinnaassanngillaat,
aammattaarh aserujaat-
suussallutik. Periaaseq
taanna suli ullumikkumut
ingerlappara.
- Ullumikkut inuit atisat
aalajangersimasunik mær-
kil lit pingaartittorujussuan-
ngorsimavaat. TV-kku nipi-
lersuutitigullu ussassaam-
tit imaanginnavimmata
inuusuttut sunnertittarput.
Soomnami mærkit taakku
atisat akisunerulersittar-
paat. Qujanartumilli ullu-
mikkut qinigassarpassua-
qarpoq, aammalu atisat aa-
lajangersimasumik mærke-
qanngikkaluartut pitsaa-
suusarlutik. Nuannarine-
qartut tamaasa sapinngisar-
put naapertorlugu eqqar-
saatiginiarsarisarpagut.
1989-imi Jakob Berthels-
ip Peter Skifte-p piginneqa-
taassutaa pisiarisimavaa,
taamaalillunilu kisimi pi-
ginnittuulerami pisiniarfini
ininut annertunemsut
Spindlers Bakke-miittunut
nuuppai, pisiniarfiullu aqqa
Nuka din Tøjmand-imut al-
lanngortillugu.
- Pisiniarfiutiga inuussu-
tigilluarpara, kisiannili iser-
tittakkavut soorunami uki-
umiit ukiumut assigiinneq
ajorput. Taamaammallu
ukiunut ajornerusunut ani-
ngaasanik toqqorsisariaqar-
tarpunga.
- 1990/91-imi nunatsinni
akiliisinnaajunnaartu t
amerlasimapput, inuillu
oqarfigisarpaannga alliliis-
sasunga. Kisiannih taamaa-
siorusussimanngilanga. Ul-
lunut pissakilhorfiusunut
aningaasanik immikkoortit-
sinissara orininginerugak-
ku, Jakob isumatusaarpa-
lulluni oqarpoq.
1989-iuhinnartoq Jakob-
ip pissusiviusut paasisaria-
qalersimavai. Inuit aningaa-
saatikinnerulersimapput.
Jakob-ip aningaasartuuti-
nik annikilhsittariaqarsi-
mavai, tamannalumi ullu-
mikkut nuannaarutigisar-
paa.
Sulisorisat
Jakob allanik pikkorinneru-
nini pissutigalugu taama
iluatsitsilluarsimatiginer-
soq aperineqarami anneru-
niarpalugani oqarpoq.
- Naamik taamaanngillu-
innarpoq. Sulisorisat tun-
saaniartuarnissaasa qanoq
pingaartiginera pingaartit-
tuarsimavara. Siunissaq pil-
lugu oqaaseqarmaraanni
nalorninngitsoorfiunngilaq.
Niuernermi ilinniakkamik
naammassinnittoqarsin-
naanngilaq. Aammalu niu-
ertut arlaannaalluunniit
kukkunngivilluni ingerla-
neq ajorpoq.
- Nioqqutissat tikisinne-
qartut inunnit pisiarineqas-
sanersut oqaatigiuminaat-
tarpoq. Qujanartumillli ni-
oqqutissat toqqakkavut
inunnit pisiariumaneqar-
tarput, kisiannih toqqaa-
nerlukkaangatta allatut ili-
orluta tuniniartariaqartar-
pagut. Nuannaarutigisarpa-
ra eqquilluartarama, kisian-
nih oqaatigineqarsinnaan-
ngilaq niuertut akornanni
kina pikkorinnerunersoq,
Jakob aalajangersimarpa-
luhuni oqarpoq.
- Kisiannili inuit sunik pe-
rusunnerunersut malin-
naaffigiuarniarlugu piffis-
sarujussuaq atortariaqar-
poq. IlaanneeriarlungaDan-
markimi, Norgemi, Sverige-
milu tuniniaanerup ingerla-
nera mahnnaaffigisarpara.
Nunani taakkunani suut tu-
nineqartarpat, igalaaq qa-
noq pinnersaasersorneqar-
tarpat aharpassuillu. Isu-
massarsiortuaannarpunga.
Inuit isiginiartarpakka
aammalu maluginiartarlu-
git atisat suut atorneraat.
Niuertuugaanni tamakku-
nunnga piftissarujussuaq
atortariaqarpoq.
Uaqutariit
Jakob-ip piffissaq sulinngif-
fini ilaquttaminut atortar-
paa, ilaqutaalu tassapput
nuali Hanne, Kathrine quli-
ngiluanik ukiulik aamma
Ditte arfinilinnik ukiuhk. -
Aammami uatsinni errorsi-
sartuuvunga, kisiannih
ilaanni nerisassiornissara
nuannarisarpara, nerisassi-
ussagumah frikadellihornis-
sara orningivahaarneq ajor-
para, Jakob iharluni oqar-
poq.
- Qasuersaartariaqaleraa-
ngamah umiatsiaaqqannik
Vilma-mik aahsariartarpu-
nga. Aasat tamaasa ilaqut-
takka tamaasa ilagalugit ka-
ngerlunnut pulasarpugut
arlaannukartarlutaluun-
nut. Nunanut ahanukarneq
ajorpugut. Soormi aamma
nunarsuarput ahanaatsigi-
soq qimassavarput, Jakob
aperivoq.
- Siunissara? Naluara.
Imaassinnaavoq pisiniarfiu-
tiga aqagu tuneriataariga.
Taamaahoriaannaavunga-
mi. Ilaassinnaavoq allamik
misilitaqarusulersunga. Pi-
siniarfiuteqarluni suhnar-
torujussuuvoq, aammami
pisartunut sulisorisanuhu
akisussaaffik annertooq pi-
gisariaqarpoq. Pinngitsoor-
neqarsinnaajunnaavinnis-
sara kissaatiginngisaannar-
simavara.
GRØNLANDS LANDSRET
TVANGSSALG
På begæring af Kønig, Homann & Erichsen ved advokat
Ole Horsfeldt på vegne BRFkredit A/S alholdes tvangs-
salg over ejendommen B-1242 af Qaqortoq by’s koordina-
ter 765/380 beliggende Prinsesse Benediktesvej, 3920 Qa-
qortoq.
Tvangssalget sker i henhold til bekendtgørelse nr. 201 af 3.
maj 1978.
Ejendommen er en beboelsesejendom med et bruttoareal
på ca. 116 kvm.
Enhver interesseret opfordres til at fremkomme med bud
på køb af ejendommen. Kopi af de vedtagne tvangssalgs-
vilkår og salgsopstilling kan rekvireres ved advokat Ole
Horsfeldt.
I øvrigt opfordres registrerede som uregistrerede rettig-
hedshavere til at gøre deres rettigheder gældende ved det
endelige tvangssalg.
Ukendte uregistrerede rettigheder over ejendommen, der
ikke er gjort gældende inden tvangssalget af ejendommen,
fortabes.
Endeligt tvangssalg afholdes i Grønlands Landsret, Tjal-
fesvej 1, 3900 Nuuk.
Fredag, den 14. januar 1994 kl. 10.00.
Skriftlige bud, der skal være endeligt fastsat til et bestemt
beløb, kan fremsendes til Kønig, Homann & Erichsen ved
advokat Ole Horsfeldt, Fjeldvej 16, Postboks 59, 3900
Nuuk.
På tvangssalget vil eventuelle skriftlige tilbud blive frem-
lagt, og der vil for de mødende være mulighed for mundt-
ligt overbud.
Den 26. november 1993
Landsdommeren i Grønland
Postboks 1040.3900 Nuuk
Kønig, Homann & Erichsen
ADVOKATFIRMA
FJELDVEJ 16 • POSTBOX 59 • DK-3900 NUUK
TELEFON (299)2 13 70 • TELEFAX (299) 24117