Atuagagdliutit - 31.03.1994, Blaðsíða 21

Nr. 25 ■ 1994
----^--------
GRØNLANDSPOSTEN

Inuusuttut Nipaat 2
All.: Hans A. Lynge
Inuusuttut nipaannik 1-
imik taasaminik saqqum-
mersitsereerluni tulliuttu-
mik nr. 2-mik Miki Peterse-
ni aappiivoq. Erinniat taal-
lartaliit ukiuni kingullerni
25-ni saqqumilaartut, sulilu
maannamut puigugaaqqa-
janngitsut 30-t, katersorsi-
mavai guitar knut pattagis-
samullu key-boardimut
nuutitalersorlugit.
Suliaq kusanartuuvoq,
isumaliorpunga ikiortissat
siunnersuisullu pitsaasut
Jim Milnemi Ellen N. Chri-
stensenimilu nassaarisima-
gai, taamalu nipilersorner-
mut tunngasortai taamaalil-
lutik isumannanngitsumik
naammassineqarsimasut.
Atuagaq aamma titarta-
gartalersugaavoq, tamatu-
muunakkut GU-mi ilinniar-
tut suliaannik. Soorunami
inuusuttut suliaat tassani
takutinneqartut tamarmik
suli pitsaanerpaafiissamin-
nut pisimanngillat, aamma-
lu suli eqqumiitsuliortut
ilaasa suliaannit isumassar-
sitinneqartarsimanerat ma-
lunnartoqaqaaq. Akornan-
nili ipput qaqugu nammin-
neq isumassarsiatik atorlu-
git eqqumiitsuliornikkut
saqqummiussaqartaleru-
maartussat, neriunartut ar-
lalinnguupput eqqumiitsu-
liornikkut nutaaliornermik
takutitsiumaartussat.
Atuagaq atuar fimmi ator-
neqartussatut eqqarsaataa-
voq, kisiannili soorluuna
inuusuttut katersuuttarfii-
ni tamani pigissallugu pisa-
riaqassasoq, taamaassap-
pummi atuakkap inissavii-
nik taaneqarsinnaasut.
Inuusuttut nipaat 2,
aaqqissuisoq Miki Petersen.
Erinnanik aaqqissuisut Jim
Milne aamma Miki Peter-
sen.
Qupp. 116-it Titartagarta-
lersugaq.
Atuakkiorfik 1993.
Paaseqatigiinngittamermut
pissutaasut
All.: Hans A. Lynge
Qallunaat ilisimatuut mar-
luk Ole Var min g aamma Lil-
lian Zøllner nunatsinni inu-
it amerlasuut perorsaane
pillugu pingaarneru titaan-
nik misissuisimanerminnut
nalunaarusiaminnik atuak-
kioqqammerput. Illoqarfin-
ni sisamani apersuisarsi-
mapput, nunatta sineriaa
kaajallangajallugu. Atua-
garpassuit Hans Egedep na-
laanili saqqummersinneqar-
tartut nutaallu atuarlugit
paasiniaaffigisimavaat inui-
aqatigiit allanngorsimane-
rat tunngavissalimmik al-
laaseriumallugu. Atuakki-
aat taanna kalaallisuun-
ngorlugu nutserneqarsima-
voq Kunuunnguaq Fleische-
rimit.
Atuagaq piukkunnartuu-
voq Ilinniarfissuarmi ilinni-
artitsisunngomiarlutik atu-
artunut perorsaasunngorni-
anut ikiuinermillu suliaqa-
lerniarlutik ilinniartunut.
Kalaaliusugut oqartara-
luarpugut immitsinnut ilisi-
maaraluta, kissaatigisavut
takorluukkavullu tamaasa
eqqumaffigalugit. Kisiannili
ilisimatuussuseq atorlugu
misissueriaatsinik »sakko-
qarluni« misissuisoqarsima-
tillugu ilisimasorisavut ilaa-
tigut paasilersarpavut ami-
gaateqartut, inuillu nali-
nginnaasut qamanerpiaq
kissaatigisartagaat arajutsi-
sarsimallugit. Kissaatigisat
perorsaanermilu naleqarti-
tat kiisalu kalaallit qama-
nerpiaq takorluugaat angu-
jumasaallu ilisimaleruma-
gaanni atuagaq aallaqqaa-
tissaalluarpoq oqallinnissa-
mut inuiaqatigiillu ineriar-
tortitaaneranni peqataanis-
samut. Oqartoqartaralua-
runi misissuisimasut qallu-
naajugamik paasisimasaat
killeqassaqisut, taava taama
oqartoq atuakkamik atua-
runi pakatsissaqqoorpoq
oqaatsinili iisariaqassallu-
git. Oqaaseqaqatiginngisa-
raluit misissueriaatsinik
misilittagaareersunik atuil-
lutik misissuisimasut paasi-
saat annertusarput pitsaa-
sunillu inerniliisinnaasarlu-
tik, tamannalu nunarsuar-
mi arlalitsigut uppernarsi-
neqartareerpoq.
Atuagaq allagaanermini
tunngavilersorluagaavoq.
Aallartinnerani nassuiaatit
soqutiginartut arlaqarput,
soorlu kulturit assigiinngit-
sut pingasut pillugit Marga-
ret Meadip nassuiaatai ilan-
ngunneqarsimasut paasis-
sutissaalluarput ullumik-
kut inuiaqatigiittut killiffi-
gisatsinnut. Kulturi »ippas-
sarnisaq« »ullumikkut
atuuttoq« aammalu siunis-
sami piulerumaartussaq im-
minnut aporaaffeqarput
utoqqaat inuusuttullu paa-
seqatigiigatik inooqatigiin-
nerannut tunngaviusumik
nassuiaataagami. Knsalu
annertuumik malugisaria-
qartoq tassaavoq atuakkami
immikkoortoq kinguller-
paaq ullumikkut inuusut
akornanni oqallinnissamut
aallaqqaatissaalluartoq. Qa-
noq iluartigissagaluarpa
KNR-imi tusagassiortut
isumassarsiorfigalugu oqal-
litsitsisarnerminni tunnga-
vissarsiorfigisalersuuppas-
suk!
Misissuisut paasisaasa
ilagaat kalaallit »peqatigiil-
luassuseq« isumaqartillugu
’pissutaaqatigiinnermik
aamma akisussaaqatigiin-
nermik’ kinguaariiaarlutik
kingornuttaqattaagarisima-
gaat, kisiannili suli kulturi-
mi »ippassarnisami« inun-
ngorsimasut suli eqqaama-
galuaraat kulturimi »ullu-
mikkut atuuttumi« ersigun-
naangajavissimasoq. Apeq-
qutigaallu suna pillugu eq-
quteqqinnialersaarneqan-
ngitsoq.
Atuagaq nutserneqarner-
migut (qallunaatuualumi
nammineq) paasiuminaat-
sunik akoqaqaaq. Kisiannili
paasinngisat qaangiataar-
pallaarnagit uteqattaarlugit
atuaqattaaraanni qanoq
isumaqarneri paasinarsin-
naasarput. Ilisimatuutut
misissukkat atuarniarneri
oqimaakujuttaramik sooru-
nami tupinnanngilaq, paasi-
nartortaali annerujussuup-
put.
Ole Varming & Lillian Zøll-
ner:
Attaveqameq tammara-
mi? Kalaallit akornanni
meeqqanik perorsaanermi
qanga maannalu naleqarti-
tat.
Kalaallisuunngortitsisoq
Kunuunnguaq Fleischer.
Qupp. 160,
akia 184,00 kr.
Atuakkiorfik 1993.
Ulloq
All.: Hans A. Lynge
tamanut paasinnikkiartor-
Kalaallisut atuartitsinermi
atortussiat nutaat saqqum-
merartut ilagaat »Ulloq«
marlunnik immikkoortorta-
lik, tassa atuagartaanik
aammalu suliassanik.
Kalaallisut atuartitsiner-
mi atortussianut ataatsimut
»Sunaaffa«mik taanilim-
mut ilaapput. Atortussianut
tunngatillugu isumassarsi-
aq tunngaviusoq tassaavoq
meeqqat imminnut tunnga-
sut aallaqqaatigalugit qaa-
tuussiartornerat alliartor-
tinneqassasoq. Taamaalillu-
ni siullermik atuartut eq-
qannguaminni pisunut
alaatsinaannerat allisarne-
qassaaq, kingorna ineriar-
tornerat malittaralugu paa-
siumaagassaannut oqi-
maannerusunut piartortin-
neqassallutik, taamalu im-
minnut iluaqutaasussanut
nissaat aqqutissiuunneqar-
tussaavoq.
Atortussiat tamaannar-
mik piumasaraat oqaloqati-
giinneq annertuumik ator-
neqartassasoq. Oqallorissu-
seq oqalunnikkut angune-
qartarpoq, paasiniakkallu
apersuisarnertigut, oqalo-
qatigiinnikkut saaffiginnit-
tarnertigullu anguneqartar-
lutik.
Ulloq - atuagartaa aamma
suliassat.
Suliarinnittut Karoline
Nikolegsen aamma Abia
Abeisen.
Atuagartaani assiliisoq Bent
Olesen.
Suliassanilu titartaasoq
Kris Søgaard.
Atuakkiorfik 1993.

Ingerlatsinermut
ASSISTENTI
Royal Greenland A/S
ROYAL GREENLAND-ip Nuummi
immikkoortortaqarfia ingerlatsiner-
mut assistentissamik inuusukaamik
misilittagaqarlualaartumik nunap im-
mikkoortuani tunisassiorfittaassami
Kuummiuniittussami 1994-imi
aasakkut sananeqartussami pisortatut
sulisussamik piaartumillu atorfmit-
tussamik pissarsiorpoq. Tunisassior-
fik sananeqassaaq saarullinnik qale-
ralinnillu 400 tonsinik qerinasuartit-
sivigineqarsinnaanngorlugu.
Ingerlatsinermut assistenti nunap
immikkoortuani pisortamut akisus-
salluni suliaminik ingerlatsissaaq,
tunisassiorfiullu ulluinnami pitsaasu-
mik ingerlanneqamissaa pilersaaru-
siortarlugulu siuttuuffigissallugu.
Tamatuma saniatigut ingerlatsiner-
mut assistentip distriktimi nunaqar-
finni tunisassiassanik tunisisamerit
qullersatut akisussaaffigissavai aam-
malu Tunumi pisisartut pilersor-
neqamissaat siunertaralugu Kalaallit
Nunaanni nioqqutissanik tunisassior-
nemp aallartisamissaa pimoorullugu
peqataaffigissallugu.
Ingerlatsinermut assistentip mak-
ku Disinnaasaaarfigissagai naat-
sorsuutigaarput:
- Aalisakkanik tunisassiomermut
tunngasunik imaluunniit inuussu-
tissanik tunisarsiomermut tunnga-
sunik allanik misilittagaqassasoq
aammalu tamakkununnga naaper-
tuuttumik ilinniagaqarsimassasoq
- Suleqatiginnilluarsinnaassasoq
aammalu sulisut siulersorsinnaas-
sagai suliaminnullu piumassuseqa-
lersissinnaassagai, tamanna aqqu-
tigalugu tunisassiat pitsaasuunis-
saannik piumasaqaatit naammassi-
neqarsinnaaqqullugit
- Nammineersinnaassuseqarluassa-
soq aammalu tunisassiomerap
sapinngisamik aningaasartuutikin-
nerpaalluni ingerlanneqamissaa
siunertaralugu pilersaarusiomermi-
ni siulersuinerminilu tamakkiisu-
IWKTIO
IK WMa tMMlH COUII
Royal Greenland’
mik isiginnissinnaassuseqassasoq.
- Nalinginnaasumik qarasaasiarsor-
sinnaassasoq
- Qinnuteqartut kalaallisut dansk-
isullu piginnaasallit salliutinneqas-
sapput.
Neoeroorutigaavut:
- Suliffik pissanganartoq alutomartu-
nillu aallutaqarfigineqarsinnaasoq
aammalu ineriartomissamut periar-
fissarissaartitsisoq
- ROYAL GREENLAND NUUK-
mi (GFI-mi) sungiusartinneqamis-
saq
- Inuttut isumaqatigiissuteqameq
malillugu akissarsiaqartitsinissaq
- Inissaqartitsinissaq, tassanilu naju-
gaqamermut akiliuteqartoqartas-
saaq il.il malittarisassat atuuttut
tunngavigalugit
- Malittarisassat Kalaallit Nunaanni
tjenestemandinut qanoq ilisukkul-
luunniit atuuttut malillugit akiliun-
ncqarluni angalasamissat, tassu-
ngalu ilanngullugit sulinngiffeqar-
nermi (ferieqamermi) akiliunne-
qarluni angalasamissat kiisalu
pisattat assartomissaat.
Paasissutissat erseqqinnerusut nunap
immikkoortuani pisortamut Jørn
Holding-imut telefonimut 2 10 85-
imut saaffiginnilluni piniameqarsin-
naapput.
Atorfik soqutigigukku sapinngisa-
mik piaartumik, kingusinnerpaa-
millu ull. 22. april 1994 nallertin-
nagu, allaganngorlugu qinnuteqaam-
mik nunap immikkoortuani pisorta-
mut Jørn Holdning-imut nassitsiit,
tassanilu ilanngullugit ilisimatitsis-
sutiga-lugit ilinniagarisimasat suliffi-
gisimasallu kiisalu oqaaseqaatinik
peqarpal taakku ilanngullugit nassi-
ullugit.
ROYAL GREENLAND A/S
Postboxl023
3900 Nuuk
Royal Greenland AIS kalaallminernik pitsaasunik, nunarsuaq tamakkerlugu
lunineqariariunik aalisakkerinermi. tunisassiornermi tunlniaanernulu inunnik
3.000-it missaanniillunik sullsoqarpoq. Suliffissuaq ullumikkut arfineq pingasunik
kilisaataateqarpoq, Nunatsinni 16-inik nutaaliaasunik tunisassiorfeqarluni kiisalu
Danmarkimi, Japanimi Tuluit Nunaanni, Tysklandimi, USA-mi, Frankrigimi Ita-
liamilu inmikkoortortaqarfeqartiterluni.