Fréttablaðið - 15.08.2006, Blaðsíða 10

10 15. ágúst 2006 ÞRIÐJUDAGUR
HÁTÍÐ Í BÆ Pakistanar héldu upp á
þjóðhátíðardag sinn í gær. Þessi blómarós
klæddist hefðbundnum búningi pakist-
anskra kvenna í tilefni dagsins.
FRÉTTABLAÐIÐ/AP
NOREGUR, AP Norska ríkisstjórnin
er hæstánægð með það hversu
margir frumbyggjar sitja nú við
völd í Rómönsku-Ameríku. Þetta
kom fram í máli Eriks Solheims,
ráðherra þróunarmála í Noregi.
„Fólk sem hefur verið utan-
garðs áratugum eða jafnvel öldum
saman er nú að ryðja sér til rúms í
stjórnmálum hvers landsins á
fætur öðru,“ sagði Solheim.
Solheim lagði á sunnudag í viku-
langa ferð til Bólivíu, Brasilíu og
Perú, þar sem hann mun meðal
annars heimsækja Evo Morales,
forseta Bólivíu, en hann er fyrsti
maðurinn af frumbyggjaættum
sem gegnir forsetaembætti í Róm-
önsku-Ameríku. - smk
Norski þróunarráðherrann:
Sáttur við frum-
byggjastjórnir
EVO MORALES Forseti Bólivíu mun síðar í
þessum mánuði taka á moti Erik Solheim,
þróunarmálaráðherra Noregs.
NORDICPHOTOS/AFP
LÖGREGLA Ökumaður kraftmikillar
BMW-bifreiðar reyndi að aka
niður tvo lögreglumenn á vett-
vangi eldsvoða í Neshaga í fyrri-
nótt.
Tilkynnt var um eld á Neshaga
laust eftir miðnættið og fóru lög-
reglumenn þegar á vettvang. Þá
logaði út um glugga í mannlausri
íbúð á fyrstu hæð í þriggja hæða
fjölbýlishúsi. Slökkvilið náði fljótt
tökum á eldinum og tókst að koma
í veg fyrir að reykur breiddist um
húsið. Sót og reykur olli nokkrum
skemmdum á íbúðinni. Grunur
leikur á að um íkveikju hafi verið
að ræða.
BMW-bifreiðina bar að skömmu
eftir að lögregla kom á staðinn en
þegar ökumaður kom auga á lög-
reglu skipti hann í bakkgír og ók á
umferðarskilti. Þegar lögreglu-
menn nálguðust bílinn gaf hann
allt í botn og reyndi að aka þá
niður, en þeim tókst að kasta sér
frá. Bíllinn rakst í annan lögreglu-
manninn, sem slapp ómeiddur, en
við það brotnaði spegill af bíln-
um.
Bíllinn fannst síðar mannlaus
við Sundlaug Vesturbæjar. Lög-
reglan heimsótti eiganda bílsins,
konu á fertugsaldri, sem varð
margsaga um það hver hefði ekið
bílnum um nóttina. Að sögn varð-
stjóra lögreglu var saga hennar
ekki trúverðug og hún því látin
gista fangageymslur. Það er í
rannsókn hvort atvikið tengist
meintri íkveikju. - sh
Ökumaður BMW-bifreiðar flúði af vettvangi eldsvoða í Vesturbænum í fyrrinótt:
Reyndi að aka lögreglu niður
ÁRÁS Á LÖGREGLU Ökuníðingurinn hvarf af
vettvangi en bíllinn fannst skömmu síðar
við Sundlaug Vesturbæjar.
UMHVERFISVERND Umhverfisnefnd
Rangárþings veitti viðurkenningar
á dögunum fyrir góða umgengni og
snyrtimennsku í sveitarfélaginu.
Viðurkenninguna fengu að
þessu sinni Félagsbúið Raftholti
fyrir áratuga snyrtimennsku og
góða umgengni, sumarhúsið Klofa-
kot í Landsveit fyrir uppgræðslu-
störf og fleira, Söluskálinn Land-
vegamótum fyrir aðkomu- og
öryggismál og Guðni Jónsson og
Þórunn Jónasdóttir fyrir garð-
rækt.
Umhverfismál munu verða
tekin nokkuð föstum tökum í
Rangárþingi á næstu misserum og
eru þessi verðlaun liður í því. - sgj
Rangárþing:
Verðlaun fyrir
umhverfismál
HÚSNÆÐI Búið er að fylla allar
nýbyggðar stúdentaíbúðir og
fjöldi nema í Kennaraháskólan-
um, Listaháskólanum, Háskólan-
um í Reykjavík og Fjöltækniskól-
anum bíður eftir úthlutun
húsnæðis.
Sigurður Guðmundsson, rekstr-
arstjóri hjá Byggingafélagi náms-
manna, segir búið að úthluta rúm-
lega 430 íbúðum á þessu ári, þar af
405 í Reykjavík. „Íbúðum er
úthlutað um leið og þær eru til-
búnar,“ segir Sigurður og bætir
við að umsóknir um húsnæði hafi
aukist vegna breytinga á almenn-
um leigumarkaði. - hs
430 íbúðum úthlutað í ár:
Fleiri sækja
um íbúðir
Steypubíll valt Steypubíll frá BM Vallá
valt á hliðina í hringtorginu á Reyðarfirði
í gærmorgun. Ökumaðurinn fór heldur
hratt í hringtorgið, hemlaði og þá kom
kast á steypuna í tromlunni og við það
valt hann. Ökumann sakaði ekki en bíll-
inn lokaði fyrir umferð í nokkra stund.
LÖGREGLUFRÉTTIR
Atvinnuleysi eykst á Vesturlandi Að
meðaltali 51 maður var án atvinnu á
Vesturlandi í júlí, eða 0,6 prósent af
áætluðum mannafla, en hlutfallið var
hálft prósent í júní. Atvinnuleysi karla
var hálft prósent og hafði aukist úr 0,3
prósentum. Hlutfall kvenna á atvinnu-
leysisskrá var 0,9 prósent og hafði
aukist á milli mánaða úr 0,8 prósentum.
Atvinnuleysi var mest á Akranesi eða 28
manns, þar af 17 konur.
ATVINNUMÁL
Brúðkaupsgjafir
Óskalistar: Við höldum vandlega utan um alla óskalista
og öll brúðhjón sem setja saman óskalista hjá
Líf&List fá veglega brúðkaupsgjöf frá versluninni.
FRAMSÓKN Sæunn Stefánsdóttir og
Kristinn H. Gunnarsson vonast til
þess að geta lagt sitt af mörkum
svo að innra starf Framsóknar-
flokksins verði skilvirkara en það
hefur verið. Samkvæmt lögum
Framsóknarflokksins er innra
starf flokksins að nokkru leyti á
ábyrgð ritara flokksins en hann
gegnir embætti formanns lands-
stjórnar sem „mótar stefnu um
innra starf“, eins og segir orðrétt í
lögum flokksins.
Sæunn Stefánsdóttir, sem er
fyrrverandi aðstoðarkona Jóns
Kristjánssonar heilbrigðisráð-
herra, vonast til þess að geta sett
mark sitt á framtíðarhlutverk
Framsóknarflokksins ef hún verð-
ur kosin til áhrifa á flokksþinginu
um næstu helgi. „Framsóknar-
flokkurinn stendur á tímamótum
og hann þarf að endurnýja forystu-
sveit sína. Ég tel flokksþingið vera
heppilegt til þess að sætta ólík
sjónarmið um menn og málefni
innan flokksins. Með því getum við
skapað kraft til þess að sækja
fram, og snúið þannig vörn í sókn.
Endurnýjuð forysta í flokknum
verður í aðstöðu til þess að efla
flokksstarfið og ég hef áhuga á því
að vera í þeirri sveit.“
Kristinn segir nauðsynlegt að
skapa félagsmönnum í flokknum
stærra hlutverk. „Innra starf
Framsóknarflokksins þarf að efla
svo að grasrótin í flokknum geti
haft meiri áhrif á framgang mála
innan flokksins. Framsóknarflokk-
urinn er umbótasinnaður félags-
hyggjuflokkur sem þarf að gæta
hófs í markaðs- og einkavæðingu,
jafna lífskjör og gæta að tekju-
dreifingu í þjóðfélagi. Ég tel mig
geta orðið að gagni í starfi sem
miðar að þessum áhersluatriðum
og finn fyrir stuðningi meðal minna
stuðningsmanna.“
Birkir Jón Jónsson, þingmaður
Framsóknarflokksins, og Haukur
Logi Karlsson, fyrrverandi for-
maður Sambands ungra framsókn-
armanna, hafa báðir tilkynnt um
framboð til embættis ritara.
Á flokksþinginu verður fyrst
kosið til formanns, síðan varafor-
manns og síðast í embætti ritara.
Landsstjórn Framsóknarflokksins
fundar um innra starf flokksins að
minnsta kosti þrisvar sinnum á ári,
samkvæmt lögum flokksins. Lands-
stjórn flytur „skýrslu um störf sín
á haustfundi miðstjórnar ár
hvert“. magnush@frettabladid.is
Vilja efla innra starf
Framsóknarflokksins
Sæunn Stefánsdóttir og Kristinn H. Gunnarsson telja nauðsynlegt að efla innra
starf Framsóknarflokksins. Verður að huga betur að velferðarmálum, segir
Kristinn. Kraftar flokksmanna geta losnað betur úr læðingi, segir Sæunn.
FRAMSÓKNARMENN GREIÐA ATKVÆÐI Á FLOKKSÞINGI Spennandi kosningar eru framund-
an hjá Framsóknarflokknum á flokksþinginu um helgina. Samtals hafa níu flokksmenn
tilkynnt um framboð til forystustarfa fyrir flokkinn. FRÉTTABLAÐIÐ/GVA
Í framboði til formanns Í framboði til varaformanns Í framboði til ritara
SIV FRIÐ-
LEIFSDÓTTIR
JÓN SIG-
URÐSSON
HAUKUR
HARALDS-
SON
JÓNÍNA
BJARTMARZ
GUÐNI
ÁGÚSTSSON
KRISTINN H.
GUNNARS-
SON
HAUK-
UR LOGI
KARLSSON
SÆUNN
STEFÁNS-
DÓTTIR
BIRKIR JÓN
JÓNSSON
Birkir Jón Jónsson, þingmaður
Framsóknarflokksins, segir líflegar
kosningar á flokksþinginu geta eflt
flokkinn. Hann telur flesta flokks-
menn fagna því að hafa val á flokks-
þinginu um næstu helgi. „Ég fagna
þessum framboðum. Ég hef orðið
var við það á síðustu dögum, á fund-
um með flokksmönnum, að fram-
sóknarmenn fagna því að hafa val á því flokksþingi
sem framundan er. Þetta leiðir til þess að flokks-
menn hafa meira val og glæðir flokksþingið lífi, og
verður til þess að efla Framsóknarflokkinn.“
Birkir Jón telur framboð Sæunnar og Halldórs
ekki sýna skarpari skil á milli fylkinga innan
flokksins. „Ég býð mig fram á mínum eigin for-
sendum og tel aðra frambjóðendur gera það
líka.“ - mh
Birkir Jón Jónsson:
Fagnar frambjóðendunum
„Ég fagna mótframboði frá fólki
sem hefur hug á því að láta til sín
taka innan forystu flokksins,“ segir
Haukur Logi, en hann telur framboð
Sæunnar Stefánsdóttur og Kristins
H. Gunnarssonar til þess fallið að
glæða flokksþingið lífi.
Haukur Logi staðfestir að hann
styðji Siv Friðleifsdóttur í formanns-
slagnum og Guðna Ágústsson til varaformanns.
„Ég hef verið í þeim hópi sem hafði áhuga á því að
fá Siv í framboð. Jón er hins vegar örugglega fram-
bærilegur og ágætis maður, en ég hef ekki séð nógu
mikið til þess að geta dæmt hann af verkum. Ég
held að Guðni endurspegli ákveðin sjónarmið sem
nauðsynlegt er að hafa í fyrirrúmi, sérstaklega hjá
flokki sem hefur jafn sterka skírskotun til lands-
byggðarinnar og raun ber vitni.“ - mh
Haukur Logi Karlsson:
Glæðir flokksþingið lífi