Ísafold - 25.04.1921, Blaðsíða 4

4
ÍSAFOLD
Kolaverkfallið breska.
Khöfn 16. apríl.
Frá London er símað: í gærkyeldi slitnaði upp úr bandalagi Kola-
námuverkmanna við járnbrauta- og flutningaverkamenn. Hinir síðarnefndu
kölluðu aftur samúðarverkfall sitt, sem áður hafði verið frestað til föstu-
dagskvelds, og enn fremur hafa sjómennirnir kallað aftur verkfallshótun
sína.
Hodges foringi námaverkamanna hefir sagt af sér starfi sínu.
Stefnuskrá Hardings.
Harding forseti hefir nú gert kunna stefnuskrá sína, að því er sím-
að er frá Washington.. Eru það sjö atriði, er hann hefir látið uppi stefnu
sína um. Hið fyrsta er Versaillesfriðarsamningarnir, sem hann vill láta
nema úr gildi, og með þeim ákvæðin um Alþjóðabandalagið. Sjöundi liður
stefnuskrárinnar er um það, að nýir samningar séu hafnir með það fyrir
augum að stofna nýtt alþjóðabandalag, sem Bandaríkin verði þátttakandi
í, en geti þó jafnframt haldið fast við stefnu sína, hvað snertir algert
athafnafrelsi og afskiftaleysi af deilumálum í Evrópu.
„IXIOV Cabin Biscuits (-kipsbrauð) er búið til af tnörg-
um mismunandi te^undutn sérstaklega hentugt fyrir ídendinga.
í Englandi er „IXION'* brauð aðalfæðan nm borð i fiski-
skipum.
Fæst í öllum he'ztu verzlunum.
Aðgætið að nafnið „IXION“ sé á hverri köku.
Vörnmerkið „IXION“ á kexi er trygging fyrir hollri og
góðri fæðu.
„IXIOST“ Lunch og „IXION“ Snowflake Biscuits
sætt er óviðjafnanlegt með kaffi og te.
KaupmaDMFáð Islands í Danmörku
hefir skrifstofu i Cort Adelersgade 9 í Kaupmannahöfn. Skrifstofan
gefur félagsmönnum og öðrum islenzkum kaupmönnum fúslega ókeypis
upplýsingar nm almenn verzlunar- iðnaðar- og samgöngumál og annað
er að verzlun lýtur.
H. C. Ficher
Roaagade 86 Köbenhavn
Danske og Fremede Tresorter í Planker, Tykkelaer í
Tiner, Skipatre, saavel krumt som ret.
máli, en í sambandi við það verðum
við alt af að hafa það hugfast, að til
þess að það gangi greiðlega og reyn-
ist vel, er það óumflýjanleg nauðsyn,
að fullkomin og góð afgreiðslutæki séu
til staðar.
Vegna okkar sjálfra, vegna niðja
okkar, megum við aldrei sleppa hug-
sjóninni: Hafskipabryggja á Hvamms-
tanga, fullkomin og góð bátabryggja
á Blönduós innan árinnar og hafskipa-
höfn á Skagaströnd.
Við verðum að krefjast fyrst nauð-
synlegra rannsókna og síðan að klifa
hamarinn, hvað hár eem hann er.
Og ef við hvikum ekki, mun þetta
hafa framgang um eíðir, til blessunar
fyrir alda og óborna.
Ósum 24. mars 1921.
Eggert Levy.
--------0--------
Erl. Jsimfregnir
frá fréttaritara l.afoldar^ l$i
Khöfn 16. apríl.
Frakkar og Austurríkismenn.
Frá Vín er símað, að Frakkar hafi
krafist þess af Austurríkismönnum,
að öjlum undirróðri fyrir því, að Aust
urrikismenn gengju í samband við
pýzkaland, verði hætt þegar í stað,
ella fái Austurríkismenn framvegis
engan styrk frá Þýzkalandi.
(Hinn núverandi forseti Austurríkis
hefir látið þá skoðun ótvírætt í ljósi,
að eini viðreisnarvegur Austurríkis
væri sá, að sameinast pýzkalandi, og
er þegar hafin sterk hreyfing í þessa
átt í landinu. Það mun vera þessi
„alþýzka" hreyfing, sem gefið hefir
Frökkum tilefni til kröfunnar, *r
skeytið segir frá).
Olympíuleikamir.
Næstu Olympíuleikar verða haldnir
í París árið 1924. (í skeytinu stend-
ur 1925, en hlýtur að vera rangt).
Khöfn 18. apríl.
Bandamenn og Þjóðverjar.
Frá París er símað, að ef pjóðverj-
ar fullnægi ekki samningunum innan
1. maí, þá muni bandamenn fyrir
fult og alt leggja hald á Ruhr-fylkið.
í þessu skyni hafa verið kvaddir til
herþjónustu 200 iþúsundir manna af
árgöngunum 1918—21. Áætlað er að
kolin ein gefi af sér 250 miljðnir
franka á mánuði. Belgiskir sérfræð-
ingar hafa samið áætlanir um hag-
nýtingu námanna og verksmiðjanna.
Khöfn 20. apríl.
Bretar og írar.
Frá London er símað, að Lloyd
George hafi lýst því yfir, að hann vilji
ekki verða við sjálfstæðiskröfum íra,
ekki kalla heim hersveitir Breta frá
írlandi, né í neinu öðru hverfa frá
þeirri stefnu, sem upp hafi verið tekin
í írlandsmálum af bresku stjórninni
gagnvart Sinn-Fein-flokknum.
!
Útför keisaradrotningarinnar þýzku.
Frá Berlín er símað, að við útför
keisaradrotningarinnar, sem fram fór
í gær, hafi alt farið friðsamlega fram
og með „fornkeisaralegri1 ‘ viðhöfn
og auðsýndri mikilli hluttekningu
manna hvaðan æfa úr ríkinu.
FmsOourur I hdM Wlngu.
Frá því segja norsk blöð, er síðast
komu hingað, að „Riksmaalsværnst"
hafi um nokkurt skeið haft í hyggju
að gefa út í norskri þýðingu ýrnsar
af fornsögunum íslensku, sem enn -éu
ekki til í fullnægjandi þýðingu á
rcrsku máli. Er tilætlunin að sög-
urnar komi út smátt og smátt, eftir
því sem þýðingunum verður aflokið.
Segja blöðin, að eftir samningum
þeim, sem gerðir hafa verið við Asche-
hougsforlagið í Noregi, sé nokkum-
veginn víst, að alt sem lúti að útgáf-
unni sé komið í kring.
Enn fremur segja blöðin, að full
trygging sé fyrir því, að til þýðing-
arinnar verði vandað hið besta, bæði
hvað list og vísindagildi snerti. Eru
tvö nöfn nefnd ' því sambandi, þau
Sigrid Undset skáldsagnahöfundur og
próf. Frederik Paasche.
Ekki kvað vera ráðið enn á hvaða
sögum verði byrjað, né hvernig og
hversu mikið þær verði myndprýddar.
En alt slíkt á að verða ráðið á fundi
í nánustu framtíð. Er gefið í skyn,
að búast megi við, að fyrsta bókin
geti komið út nú þegar á þessu ári.
-------0-------
Reykjavíkur annáll.
Hjónaband. Fyrir skömmu voru gefin
saman í hjónaband ungfrú Ragnhildur
Hjaltadóttir (skipstjóra) og Kristján
Siggeirsson kaupm.
Trúlofun. Ungfrú Guðríður Yii-
hjálmsdóttir, Traðarkotssundi 3 og
Pálmi A. Loftsson 1. stýrimaður á
Lagarfossi hafa opinberað trúlofun
sína.
Farþegar voru 50—60 á íslandi
síðast og meðal þeirra Sighvatur
Bjarnason bankastjóri og frú hans,'
Eskildsen forstjóri, Ingvar Ólafsson
stórkaupmaður og frú hans, A.
Obenhaupt heildsali, Rothe kapteinn,
G. Eiríkss heildsali, Egill Jacobsen
kaupmaður, Stefán Gunnarsson kaupm
Raguar Ásgeirsson garðyrkjumaður,
frú E. Bartels, Gottschalck forstjóri
og frú, Laurits Gunnlögsson stór-
kaupm., B. H. Líndal, Halldór Gunn-
arsson, E. Hermaunsson, Jón Björns-
son, Stefán porláksson, Guðmundur
Guðrnundsson, von Kaufmann og
Kapt. Storm útlendir vátryggingar-
umboðsmenn, Niels Monber verkfræð-
ingur og frú.
Nýlega hafa opinberað trúlofun sína
hr. Axel Magnússon kennari og ung-
frú Matthildur Sæmundsdóttir frá
Gufuskálum á Snæfellsnesi.
Erindi Guðm. Friðjónssonar fyrra
sunnud. um hvort Bolsivisminn ætti er
indi hingað til lands, var hið fjölsótt-
asta — meira en fult hús og varð
fjöldi frá að hverfa. Erindið var
snjalt að mörgu leyti. Hefir helst
verið að því fundið að það hafi ekki
verið nógu skorinort í garð þessarar
ofbeldisstefnu og þeirra sem eru að
ryðja henni braut. En ræðumaður
mun hafa litið svo á, að ekki sæmdi
þeim stóryrði er bera vildu friðarorð
milli manna hér. — pó varð ekki
tíðindalaust með öllu í Nýja Bíó. Ólaf-
ur Friðriksson ruddist upp á ræðu-
pallinn og hóf mál sitt til andmæla.
Gerðist þá ófriðvænlegt í húsinu og
var æpt að þessum óboðna og óleyfi-
lega gesti. Hafði hann ekki leyfi til
að tala þarna þar sem tími sá var
útrunninn er fyrirlesara var úthlut-
aður. Tilkynti forstjóri kvikmyndahúss
ins honum það. Og lét hann þá skip-
ast.
Fiskafli er nú sagður heldur treg-
ur í Sandgerði. Yeldur þar eflaust
nokkru um gæftaleysið.
Rauðmaginn hefir nú lækkað hér
niður í 50 aura úr 60 aurum.
Sumargleði stúdenta var haldin síð-
asta vetrardag í Iðnó. — Var þar
leikið atriði úr Faustþýðingu Bjarna
Jónssonar frá Yogi og ljóleikur Guðm.
Guðmundssonar sýndur o. m. fl. til
skemtunar.
íslendingar í Ítalíu. Með íslandi
komu fregnir af þeim Davíð Stefáns-
syni og Ríkarði Jónssyni, sem dvalið
hafa á Ítalíu síðan um jól í vetur.
Hafa þeir nú verið í Róm en eru nú
sennilega farnir þaðan. Ætluðu þeir
til Neapel og Feneyja þaðan — en
liafa þó ekki f hyggja að „deyja síð-
an‘ ‘. Láta þeir hið besta yfir sér.
Upphaflega var Ingólfur Gíslason
læknir í förinni með þeim, en hans
er ekki getið nú. Er hann kominn til
Kaupmannahafnar.
Hillingar heitir ný bók, esm nýkorn-
in er á markaðinn. Er höfundurinn
•ngur maður, Andrés G. Pormar að
nafni. Bókin inni heldur bæði smá-
sögur og æfintýri. Nafnið er sama og
á ljóðakveri, sem út kom fyrir nokkr-
um árum eftir Sveinbjörn Bjömsson.
Er leiðinlegt, að tvær bækur í svo
bókafáu landi og ísland er, sknli
bera sama nafn, og óvíst hvort heim-
ilt er.
Hæstiréttur. Mánudaginn 25. þ. m.
verður tekið fyrir málið: Hreppsnefnd
Kjósarhrepps (Guðm. Ólafsson) gegn
Jes -Zrmsen (Lárus Fjeldsfced), um
aukaútsvarsskyldu.
Fé til byggingar berklahælis á Norð
urlandi er veitt móttaka í Yallar-
stræti 4 (brauðbúðinni).
Víðavangshlaup fór fram fyrsta
sumardag. Höfðu 35 þátttak. gefið sig
fram, en nokkrir gengu úr skaftinu
á síðustu stundu, þar á meðal sigur-
vegarinn frá í fyrra, porgils frá
Valdastöðum, svo eigi hlupu nema 29.
Fyrstur varð að markinu Guðjón Júlí-
usson frá Reynisvatni; hljóp hann
vegalengdina (ca. 4 km.) á 14 mín
j 5,2 sek. og er það nýtt met, en vega-
lengdin var heldur styttri en í fyrra.
Flokkur ungmennafélaganna „Aftur-
elding“ og „Drengur“ vann því nú
eins og í fyrra og hafa því Reykvík-
ingar borið skarðan hlut frá borði
fyrir Kjósarmönnum og Mosfellssveit-
ar. Verður bikarinn eign félaganna
ef þau vinna næsta ár, og mega Reyk-
víkingar því vera varir um sig.
Fjalla-Cyvinöur
var nýlega leikinn í New York og
þótti leikdómurum mikið til hans
koma, sérstaklega seinni hlutans. A
ensku ber leikurinn nafnið „Eyvind of
the Hills“ og er þýðingin eftir H. K.
Schanche. Leikhúsið sem sýndi leik-
inn heitir The Greenwich Village
Theatre og sýnir aðallega útlend lista-
verk. Höllu lék ein af helstu leik-
konum Bandaríkjanna, Margaret Wy-
cherley, kona leikritaskáldsins Bayard
Veyler, höf. leiksins Within the Law.
Ekki segja blöðin að Fjalla-Eyvindur
muni falla alþýðu manna í geð. Arth-
ur Hohl, sem eitt sinn var við Vinni-
peg leikhúsið lék Eyvind.
Hitt og þetta.
Sögur Kplings kvikmyndaðar.
Kipling hefir alt fram að þessum
líma ekki verið fáanlegur til þess að
Iáta kvikmynda sögur sínar. Nú fyrir
stuttu hefir þó amerísku kvikmynda-
félagi tekist að fá leyfi hans til að
kvikmynda 3 frægustu sögur hans.
Og mun hann ekki gera það fyrix
ekki neitt. 1
Heilbrigðismálaráðuneyti.
í ritinu „Ugeskrift for Læger‘ ‘
kemur próf. Viggo Christiansen fram
með þá uppástungu, að stofnað sé
heilbrigðismálaráðuneyti. Pess konar
ráðuneyti eru nú til í ýmsum löndum
prófessorinn bendir á, að heilbrigðis-
málin séu nú orðin svo umfangsmikil
að heppilegt mundi að setja á stofn
sérstakt ráðuneyti, er hefði þau með
höndum.
Bent hefir verið á prófessor Rovs-
ing líklegastan til þess að hafa stjórn
þessa ráðuneytis.
Þegar Croupier fórst.
Blað eitt í Hull getur þess um leið
og það segir frá Croupier-slysinu hér
fyrir Vesturlandi, að einn skipverja,
sem átti að vera með, hafi orðið eftir
þareð hann hafi verið drukkinn og
verið settur í „steininn” kvöldið sem
skipið fór. Whiskyið frelsaði mann-
inn, segir blaðið.
------ —0------—