Tíminn - 09.09.1983, Blaðsíða 3

FÖSTUDAGUR 9. SEPTEMBER 1983
fréttir
Kaupfélag Fáskrúdsfirdinga: y
HELPUR UPP A
50ARAAFMÆL-
ID HELGINA
■ Kaupfélag Fáskrúdsflrðinga hcldur
upp á 50 ára afmxli sitt nú um helgina.
„Við ætlum að vera með hátíðasam-
komu í Félagsheimilinu Skrúð kl. 15 á
laugardaginn fyrir starfsmenn, félags-
menn og nokkra gesti. Klukkan 10 um
kvöldið ætlum við síðan að bjóða öllum
Fáskrúðsfirðingum og fleiri gestum á
dansleik í Skrúð,“ svaraði Gísli Jóna-
tansson kaupfélagsstjúri, spurður
hvernig haldið verði upp á tilefnið.
Á félagssvæði Kaupfélags Fáskrúðs-
firðinga sagði Gísli íbúa hafa verið í
kringum 900 nú undanfarin ár. Starfs-
menn sagði hann hafa verið um 230
talsins að jafnaði í sumar. Á síðasta ári
hafi hins vegar komist nákvæmlega 500
manns á launaskrá hjá félaginu, sem
þýðir þannig um 55% af öllum íbúum á
félagssvæðinu.
Spurður um afkomu félagsins nú eftir
hálfrar aldar starfsemi kvað Gísli félagið
ganga nokkuð vel í heildina tekið,
miðað við aðstæður, þó verslun sé alltaf
nokkuð erfið í svona litlum plássum.
Auk verslunar rekur Kaupfélag Fá-
skrúðsfirðinga frystihús, saltfiskverkun,
útgerð á tveim skuttogurum, fiskimjöls-
verksmiðju, vélaverkstæði, trésmíða-
verkstæði og sláturhús. - HEI
■ Þór Vilhjálmsson, Leó E. Löve, Steingrímur Júnsson og Halldor E. Sigurðsson
sitja í ritnefnd afmælisritsins. Þeir standa þama á skákrcitum útitaflsins og Halldór
E. stóð auðvitað á Bl. Tímamynd: Árni Sæberg.
Olafsbók
— afmælisrit helgað Ólafi Jó-
hannessyni sjötugum væntanlegt
■ Afmælisrit helgað Ólafi Jóhannes-
syni kemur út að öllum líkindum í lok
október í tilefni af því að hann varð
sjötugur þann 1. mars sl. Mun ritið
heita Ólafsbók.
Það er ísafoldarprentsmiðja sem
hyggst gefa ritið út. í bókinni verða
margar greinar eftir samferðarmenn
Ólafs. Eru það samherjar hans í stjórn-
málum og lögfræðinni sem þær rita.
Sumar greinanna Ijalla um Ólaf sjálfan
og störf hans, en aðrar um efni úr
lögfræði og samtíðarsögu sem tengjast
fræða- og stjórnmálastörfum Ólafs. I
bókinni verður ítarlegt viðtal við Ólaf.
Að sögn Þórs Vilhjálmssonar forseta
Hæstaréttar, sem á sæti í ritnefnd ritsins
kemur í bókinni heilmikið nýtt fram,
sérstaklega hvað varðar „Framsóknar-
áratuginn“ svonefnda. Ýmislegt nýtt
kemur einnig fram um Ólaf áður en
hann virkilega komst í sviðsljósið. Leó
Löve, sem einnig situr í ritnefnd, sagði
þetta afmælisrit vera að sumu leyti
ævisögu Ólafs frá annarra sjónarmiði.
Höfundar greina eru: Ágúst Þorvalds-
son, Alfreð Þorsteinsson, dr. Ármann
Snævarr, Björn Bjarnason, Bogi Sigur-
björnsson, Eiríkur Pálsson, Eiríkur
Tómasson, Grímur Gíslason, dr. Guð-
mundur Alfreðsson, dr. Jóhannes
Nordal, Leó E. Löve, Magnús Torfi
Ólafsson, Páll Pétursson, dr. Páll Sig-
urðsson, Stefán Guðmundsson, Þór Vil-
hjálmsson og Þórarinn Þórarinsson. Að
auki verða í bókinni nokkur stutt viðtöl
við samstarfsmenn Ólafs á ýmsum tím-
um sem Tómas Karlsson hefur tekið.
Auk þeirra Leós E. Löve og Þórs
Vilhjálmssonar eiga sæti í ritnefnd þeir
Halldór E. Sigurðsson, fv. ráðherra,
Björn Sveinbjörnsson hæstaréttardóm-
ari og Steingrímur Jónsson, bókavörður.
Þeir, sem óska að gerast áskrifendur
og fá nafn sitt á heillaóskaskrá, sem
prentuð verður fremst í bókinni, eiga að
rita nafn sitt á sérstaka áskriftarlista,
sem liggja munu frammi í Bókaverslun
ísafoldar og víðar. Einnig geta menn
gerst áskrifendur með því að hringja í
síma ísafoldarprentsmiðju, 17165 fyrir
1. október n.k. Verð bókarinnar til
áskrifenda verður kr. 690.- og munu
áskrifendur fá senda gíróseðla. - Jól
Sjónvarpsstöðvar hinna
Norðurlandanna:
Keyptu allar leik-
rit Ásu Sólveigar
■ Leikritið Nauðug/viljug, eftir Ásu
Sólveigu var á fundi leiklistarstjóra norr-
ænu sjónvarpsstöðvanna sem haldinn
var í Þrándheimi um síðustu mánaða-
mót, valið til flutnings í Danmörku,
Noregi, Finnlandi og Svíþjóð. Það er
Viðar Víkingsson sem stjórnar leik og
upptöku verksins.
Nauðug/viljug verður á dagskrá ís-
lenska sjónvarpsins í byrjun nóvember.
Leikhópur með uppákomu
við Snorrabraut:
AFMÆUSVEISLA
FRAKKAKON U NGS
■ Leikhópurinn Svart og sykurlaust
hefur sett skemmtilegan svip á bæjarlífið
síðustu daga. í gærmorgun héldu þau
Frakkakonungi fyrrverandi, Loðvík
fjórtánda, afmælisveislu, með tilheyr-
andi sukki og svínaríi, en Loðvík var
mikill sukkari á sínum tíma. Skírskotar
þetta sjálfsagt til sukklifnaðar nútímans,
þar sem menn sukka með hugmyndir og
sitthvað fleira. Þarna varstiginn menúett
að fornum sið og tveggja manna hljóm-
sveit lék barrokktónlist og menúetta.
Leikendur höfðu greinilega lagt mikið í
búninga sína.
Litlu verurnar í skrýtnu búningunum
voru einnig á ferðinni í gær í Breiðholti
og Kópavogi. Búningar þeirra gætu átt
að vera til varnar geislavirkni, ég veit
ekki? Túlki bara hver sem vill.
Að sögn Kolbrúnar Halldórsdóttur
hjá Svart og sykurlaust má búast við
leikhópnum upp úr 17 í miðbæ Reykja-
víkur í dag.
Jól
■ Tímamyndir GE og Ámi Sæberg.
NI5SAN Cherry
Adeins kr. 245.000.-
NISSAN, þriðji stœrsti bifreiðaframleiðandi heims,
með 50 ára reynslu að baki.
Tveggja ára ábyrgð eða 30.000 km.
Tökum alla eldri bíla upp í nýja.
Munið bílasýningar okkar um helgar kl. 2-5.
INGVAR HELGASON HF ■ Sími 3356(1
SÝNINGARSALURINN / RAUÐAGERÐI