Tíminn - 04.11.1983, Side 2
2
FÖSTUDAGUR 4. NÓVEMBER 1983
fréttir
Alþingi:
■ Sú yHrlýsing bankastjórnar Seðla-
bankans að bankinn eigi sjálfur það fé
sem verið er að byggja fyrir er tómt bull,
sagði Guðrún Hclgadóttir er hún mælti
fyrir þingsályktunartillögu sinni um
stöðvun framkvæmda við byggingu
Seðlabanka Islands. Hún sagði að cins
og nú stæði á í þjóðfélaginu væri óverj-
andi að veita tugi milljóna kr. til þessarar
byggingar, og væru þeir fjármunir betur
komnir annars staðar.
Flutningsmaður héit því fram að sam-
kvæmt lögum um opinberar fram-
kvæmdirhefði ríkisstjórnin tvímælalaust
heimild til að stöðva framkvæmdirnar
og arður Seðlabankans notaður til
brýnni þarfa. Það næði engri átt að arði
bankans væri eytt í dýrt bókasafn,
málverk og laxveiðar og nú síðast skraut-
hýsi. Til vara lagði Guðrún til, að
ríkisstjórnin tæki húsið yfirogværi hægt
að hafa af því margs kyns nauðsynleg
not og Seðlabankanum yrði afhcnt hæfi-
legt horf fyrir starfsemi sína.
Hún vitnaði til ummæla Alberts
Guðmundssonar fjármálaráðherra, sem
sagði fyrir nokkrum dögum á Alþingi,
að hann væri hlynntur því að fresta
Byggingarframkvæmdum við Seðla-
bankahúsið.
Matthías Á. Mathiesen viðskiptaráð-
herra sagði, áð hér væri um að ræða
byggingarframkvæmdir sem staðið hafi
yfir í 10 ár. Á þeim árum hefðu margir
af samflokksmönnum Guðrúnar haft
tækifæri til að hafa áhrif á að fá þessum
áformum breytt og minnti á fulltrúa
Alþýðubandalagsins í bankastjórn, í
bankaráði og að tveir alþýðubandalags-
menn hefðu gengt embætti ráðherra
bankamála á því tímabili sem um ræðir.
Staðreyndin er sú að verið er að
byggja hús undir starfsemi Seðlabanka
íslands og þar til nú hefðu ekki komið
fram athugasemdir við þá framkvæmd í
bankaráði, bankastjórn eða hjá þeim
viðskiptaráðherrum sem farið hafa með
málefni bankans þennap tíma.
Viðskiptaráðherra sagði að þegar væri
búið að bjóða út þrjá áfanga við'bygging-
una og hefði síðasta útboðið verið gert í
febrúar sl. En þá hefði einmitt verið gott
tækifæri til að stöðva bygginguna, en
það var ekki gert. Kvað viðskiptaráð-
herra sér þykja seint í rassinn gripið að
fara nú að stöðva framkvæmdir þegar
búið er að ganga frá öllum þeim samn-
ingum sem nauðsynlegir eru til að fram-
kvæmdir geti haldið áfram.
Hann sagðist ekki leggja mat á hvort
þær 20 millj. kr. sem áætlað er að fari í
verkið á næsta ári, væru betur komnar
annars staðar, en hann væri flutnings-
manni sammála um að æskilegt væri að
meira fjármagn væri til að sinna öðrum
nauðsynlegum framkvæmdum.
Samkvæmt þeim samningum sem
gerðir hafa verið við verktaka verður
húsið steypt upp og þak sett á það að
mestu. Ef stöðva ætti framkvæmdirnar
yrði að gera það með beinni lagasetn-
ingu.
Jóhanna Sigurðardóttir lýsti yfir
stuðningi sínum við tillöguna og boðaði
þá breytingartillögu að féð sem ætlað er
í seðlabankabyggingu á næsta ári reknu
í Byggingarsjóð ríkisins.
Guðrún Agnarsdóttir sagðist styðja
tillöguna og kæmi sér spánskt fyrir sjónir
að nota þá peninga sem eru til, til þess
að byggja yfir pcninga sem ekki eru til.
Annars sagði hún að þessi bygging þyrfti
ekki nauðsynlega að hýsa Seðlabankann
þótt henni yrði lokið.
Ragnar Arnalds sagði að ekki væri við
hæfi að halda þessum byggingafram-
kvæmdum áfram á sama tíma og veru-
legur samdráttur er í þjóðartekjum og
almennum tekjum og framkvæmdir allar
dregnar verulega saman.
Jón B. Hannibalsson kvaðst styðja
tillögur og skoðanir fjármálaráðherra í
þessu máli. En annars væri upplagt að
leggja Framkvæmdastofnun ríkisins
niður og flytja Seðlabankann í glerhöll-
ina.
Albert Guðmundsson fjármálaráð-
herra sagði að í Ólafslögum væru
ákvæði um ríkisfjármál, sem hann skildi
svo að heimilt væri að þafa afskipti af
fjárfestingum ríkisfyrirtækja sem hefðu
eigin fjárhag. Hefði hann fullan hug á að
breyta forgangsröð framkvæmda og
kæmi þá til greina að fresta framkvæmd-
um til eins árs í senn.
Svavar Gestsson sagði að hann teldi
rétt að stöðva framkvæmdir við bygging-
una þar til búið væri að taka ákvörðun
um hvernig ætti að nota húsið. Kæmi vel
til greina að nýta það undir aðra starf-
semi en nú er stefnt að og kæmi þá t.d.
menningarstarfsemi til greina. Hann
sagði það vera hlálegt að þegar bygging
Þjóðarbókhlöðu er stöðvuð þýtur þessi
bygging áfram.
Ólafur Þ. Þórðarson sagði að í greinar-
gerð með þingsályktunartillögunni væri
allt tekið til baka í lok hennar sem
kveðið væri á um í upphafi. Vildi hann
fá að vita hvað ekki væri búið að bjóða
út af byggingunni. Ólafur sagði það
storkun við alþýðuna, að á meðan þrcng-
ingar væru á hverju heimili skuli óhikað
haldið áfram við þessa byggingu.
„Guð gaf mér
eyra„ frumsýnt
á miðvikudags
kvöld
■ „Guð gaf mér eyra,“ (Childrcn of
a Lesser God) nefnist leikrit sem Leik-
félag Reykjavíkur framsýnir n.k. mið-
vikudagskvöld. Höfundurinn, Nark
Medoff, er bandarískur og kúnnur leik-
ritahöfundur, en þetta verk sem var fyrst
sýnt árið 1980. Það fékk strax frábærar
viðtökur, og því hotnaðist m.a. eftirsótt-
ustu leiklistarverðlaun Bandaríkjanna,
Tonyverðlaunin. Síðan hefur það.farið
sigurför, jafnt um Bandaríkin sem
Evrópu.
Leikritið fjallar um samskipti heyrnar-
lausrar stúlku og heyrnleysingjakennara
og gerist að mestu í heyrnleysingjaskóla.
Þorsteinn Gunnarsson er leikstjóri, en
með aðalhlutverkin fara Sigurður Skúla-
son og Berglind Stefánsdóttir, en þetta
er fyrsta stóra'hlutverk hennar á leik-
sviði. Berglind er heyrnarskert, en frá
höfundarins hálfu er það skilyrði sett
fyrir sýningarrétti að heyrnarskert leik-
kona fari með hlutverk stúlkunnar
heyrnarlausu í leikritinu. Leikritið fer
bæði fram á tal- og táknmáli. JGK
Þjóðleikhúsið frumsýnir:
Návfgi eftir
Jón Laxdal
Lína langsokkur verður á fjölunum
kl. 15.00 á sunnudaginn að venju og
ekkert lát á aðsókn. Skvaldur verður
sýnt í 20. sinn annað kvöld og er uppseit
á þá sýningu. Lokaæfing eftir Svövu
Jakobsdóttur verður sýnt á Litla sviðinu
á sunnudagskvöld. kl. 20.30
■ „Eftir konsetrinn" eftir Odd Björns-
son verður sýnt í Þjóðleikhúsinu og í
kvöld og sunnudagskvöld og eru það 9.
og 10. sýning. Höfundurinn er lcikstjóri
en aðalhlutverk eru í höndum Helgu
Bachmann, I lelga Skúlasonarog Erlings
Gíslasonar.
Iðnó í kvöld:
Guðrún í síðasta sinn
■ Síðasta sýning á leikriti Þórunnar
Sigurðardóttur, Guðrún, verður í kvöld
í Iðnó. Leikritið byggir Þórunn sem
kunnugt er á ævi Guðrúnar Ósvífurs-
dóttur eins og greint er frá henni í
Laxdæla sögu. Þórunn er sjálf leikstjóii
að verkinu, en með aðalhlutverk fara
Ragnheiður Arnardóttir, Jóhann Sig-
urðsson og Harald G. Haralds. Jón
Ásgeirsson frumsamdi tónlist fyrir sýn-
inguna og Messíana Tómasdóttir gerði
leikmynd og búninga.
Þjóðleikhus;ð um heEgina
■ Þjóðleikhúsið frumsýnir n.k,- fimmtu-
•dagskvöld nýtt leikrit eftir Jón Laxda!
og nefnist það Návígi í íslenskri þýðingu
Árna Bergmann, en leikritið samdi Jón
á þýsku. Brynja Benediktsdóttir leik-
stýrir verkinu, en með hlutverkin í
leiknum fara Róbert Arnfinnsson,
Borgar Garðarsson, Guðrún Þ. Step-
hensen og Baldvin Halldórsson. Björn
G. Björnsson gerir leikmynd og búninga
með aðstoð Guðrúnar Sigríðar Har-
aldsdóttur. Hávar Sigurjónsson sér um
lýsingu.
Jón Laxdal hefur samið nokkur leikrit
og eitt þcirra „Heimssöngvarinn" hefur
verið flutt hjá Þjóðleikhúsinu og var það
höfundurinn sjálfur sem það gerði.
JGK
■ Kiwanismenn seldu um 50 þúsund lykla um síðustu helgi og var brúttóinnkoman um tvær og hálf milljón. Þetta er ekki
alveg eins góð útkoma og þeir vonuðust eftir, en þó alveg viðunandi. Sölumenn kváðust hafa orðið varir við það að fólk
héldi fastar um pyngju sína nú en áður. Vonandi tekst þó að Ijúka áfangaheimilinu fyrir geðsjúka að Álfalandi 15, í
Reykjavík, en allt það sem inn kom rennur til þess. Myndin er af áfangaheimilinu.
Tímamynd GE
Rádstefna um kjör kvenna:
Konur skipi 51%
sæta í stjórnum
launþegasamtaka
■ Niðurstöður um leiðir til úrbóa á
því hrikalega misrétti sem ríkir varð-
andi launakjör kynjanna beindust
einkum að tveim megin hugmyndum.
Annars vegar að koma á „kvótakerfi"
scm tryggði konum 51% sæta í stjórn-
urn og nefndum launþegasamtakanna.
Hins vegar að konur bindist samtökum
þvert á stéttarfélög í því skyni að
standa sameiginlega að baráttumálum
kvenna". segir i frétt frá ráðstcfnu un
kjör kvenna á vinrtumarkaðinum, se:n
haldin var um síðustu helgi.
Umræðuefni ráðstefnunnar var or-
J sakir launamisréttis karla og kvenna,
og leiðir til úrbóta. Framsöguerindi
fluttu þær Bjarnfríður Leósdóttir og
Flelga Sigurjónsdóttir. Að loknum
framsögucrindum skiptu þátttakendur
sér í hópa.
Varðandi orsakir misréttisins voru
niðurstöður þessar helstar: „Allt þjóð-
félagið er mótað af því viðhorfi að
sjálfsagt sé að kaflar hafi forystu og
forræði í öllum málum. Við konur
göngumst undir þessar karlveldishug-
myndir og treystum körlum betur en
okkur sjálfum til að tryggja hag okkar.
Afleiðingar þessa cru m.a. þær aö
körlum reynist auðvelt að sundra kon-
um í sameiginlegri hagsmunabaráttu
þeirra. Við vanmetum eigin getu og
dómgreind. Við látum það viðgangast
að vera skilgreindar sem varavinnuafl.
Fyrirvinnuhugtakið og þá eingöngu
tengt körlum, ræður launakröfum
launþegasamtakanna",
Á ráðstefnunni var-samþykkt að
koma á fundi með öllum þeim konum
sem sitja í næstu samninganefndum
launþegasamtakanna. Skorað er á
útvarpsráð að koma á föstum þáttum í
útvarpi og sjónvarpi sem fjalli um
stöðu kvenna og kjör. Þá kaus' ráð-
stefnan sjö konur til þess að undirbúa
stofnfund Samtaka kvenna á vinnu-
markaðinum.
BK