Tíminn - 09.01.1986, Qupperneq 13

Fimmtudagur 9. janúar 1986
Tíminn 13
Bætt staða á Bandaríkjamarkaði
■ Heildarsala dótturfyrirtækja SÍS og SH í Bandaríkjunum, Cold-
water og Iceland Seafood var samtals rúmar 350 milljónir dollara árið
1985. Rekstrarafkoma þessara fyrirtækja var jafnframt með betra
móti, Coldwater skilaði hagnaði í fyrsta skipti í nokkur ár og að sögn
Guðjóns B. Ólafssonar forstjóra Iceland Seafood var 1985 besta ár
fyrirtækisins.
Nokkur skortur var á ýsu og karfaflökum en endar náðust saman
varðandi þorskflök og blokk. Verðhækkanir urðu á árinu á ýsu og
karfa, en verð á þorskflökum stóð nokkurn veginn í stað. Verð á blokk
hækkaði mjög verulega, eða u.þ.b. 30% einkum síðustu mánuði árs-
ins og er komið upp í 1,30 dollara pundið.
Iceland Seafood:
„Besta ár sem
við höfum átt“
- segír Guðjón B. Ólafsson,
forstjóri
■ Hjá Iceland Scafood, dóttur-
fyrirtæki SÍS, var heildarsalan árið
1985 47.850 tonn að verðmæti 136,2
milljónir dollara, en það er aukning
frá fyrra ári um 13,5% í verðmæti og
10% í magni. Salan skiptist þannig í
megindráttum, að 28.000 tonn voru
seld af verksmiðjuframleiddum fisk-
réttum fyrir 69 milljón dollara sem er
7,8% magnaukning og 8,5% verð-
mætaaukning. Seld voru um 15.500
tonn af fiskflökuin sem er aukning
um 12.6%.
Verðmæti flakanna nam 52,9 mill-
■ Guðjón B. Ólafsson, forstjóri Iceland Seafood.
■ Um 25% allra verksmiðjuframleiddra fiskrétta sem scldir eru til stofnana í Bandaríkjunum koma frá Iceland
Seafood, dótturfyrirtæki Sambandsins í USA.
jónum dollara sem er 17,5% aukning
frá fyrra ári. Lang mest varð aukn-
ingin þó í sölu skclfisks (rækja, liurn-
ar hörpuskel) eða um 126%. Alls
voru seld 1.060 tonn af skelfiski fyrir
9,7 milljón dollara en það er 48,1%
aukning frá því árinu áður í dollur-
um talið.
Guðjón B. Ólafsson forstjóri Ice-
land Seafood sagði að enn væri
ekki cndanlega búið að gera upp árið
en þó væri ljóst að rekstrarniðurstað-
an væri góð. „Árið 1985 er trúlega
besta árið sem fyrirtækið heíur átt“,
sagði hann. Söluaukningin hjá fyrir-
tækinu nemur 16 milljón dollurum,
og sagðist Guðjón telja, að þeir
hefðu aukið hlutdeild sína í mark-
aðnum. „Þó enn liggi ekki fyrir nein-
ar tölur um heildarneyslu fyrir 1985
geri ég ráð fyrir að aukning hennarsé
ekki jafn niikil og nemur söluaukn-
ingunni hjá okkur," sagði Guðjón
ennfremur.
Iceland Scafood hefur nú um 25%
af stofnanamarkaðnum fyrir verk-
smiðjuframleidda fiskrétti, cn fyrir-
tækið skiptir eingöngu við stofnanir
en er ekki á smásölumarkaðnum.
Aðspurður um hvort nægjanlegt
framboð hefði verið af fiski frá ís-
landi sagði Guðjón það ekki hafa'
verið. „Það var skömmtun og skort-
ur á árinu á ýmsuni fisktegundum,
einkurn ýsu- og karfaflökum og það
var naumt með þorskblokk. Birgðir
eru nú í lágmarki bæði hjá okkur og í
landinu, og ég reikna ekki með að
jafnvægi komist á þorskblokkar-
framboðið lyrr en með vorinu."
Varðandi markaðshorfur á þessu
ári sagðist Guðjón nokkuð
bjartsýnn, þar sent ntiklar pantanir
væru að berast þessa dagana, og
desember hafi verið mjög góður
mánuður. en þá var söluaukningin
35,2% miðað við sarna tírna 1984.
„Ef dænia ntá út frá þessuni dögunt
sem liðnir eru af árinu virðist fram-
hald ætla að verða á þessum pöntun-
um. Ytri skilyrði eru góð um þessar
ntundir og ef framboð verður nægj-
anlegt af hráefni og sveiflur ekki of
miklar, má ætla aö útlitið sé nokkuð
hagstætt lyrir næstu mánuði," sagði
Guðjón að lokunt.
Coldwater:
„Lítils háttar hagnaður“
- segir Magnús Gústafsson, forstjóri
■ Hjá Coldwater var heildarsalan
1985, 215,7 milijónir, en það er 4%
verðmætaaukning cn 5% magnsam-
dráttur frá því 1984 að sögn Magnús-
ar Gústafssonar forstjóra. Samdrátt-
urinn í magninu stafar einkum af
áherslubreytingum hjá fyrirtækinu,
sem hefur dregið úr framleiðslu á
fiskréttum úr ódýru hráefni, en lagt
meiri áherslu á verðmætari vöru í
staðinn. Skipting sölunnar hjá Cold-
water var með þeim hætti að sal'a
verksmiðjuframleiddra fiskrétta
minnkaði um 9% að magni til en um
1% aðverðmæti. Salaáflökumjókst
hins vegar um 7% að magni til og um
3% að verðmæti. Nokkur skortur
var á ýsu og karfaflökum, og sagöi
Magnús að þrátt fyrir aukið framboð
ýsu frá Færeyjum hefðu þeir haft
kaupendur að meiri ýsu. Aðspurður
um það hvort aukinn útflutningur á
ferskum fiski til Evrópu hefði dregið
úr á framboði vestra sagði Magnús
■ Coldwater Seafood Corporation er dótturfyrirtæki Sölumiðstöðvar hraðfrystihúsanna í Bandaríkjunum.
■ Magnús Gústafsson, forstjóri Coldwater.
að sá útflutningur hefði haft einhver
áhrif þó hann hafi ekki vcrið afger-
andi.
„Evrópumarkaðinn þarf vissulega
að vinna. En það verður að gera með
langtímasjónarmið í huga og af hnit-
niiðun og viö megum ekki missa fót-
anna vegna þess að við höldum að
við séum að vinna í happadrætti."
Ef svo fer, sagði Magnús ennfrem-
ur, að samkeppnin aukist frá Evr-
ópu, verðum við að sjálfsögðu að að-
laga okkur að því.
Rekstrarafkoman hjá Coldwater
var betri 1985 en undanfarin ár og
var um lítilsháttar hagnað að ræða.
Magnús vildi ekki tjá sig nánar um
hagnaðinn fyrr en þær upplýsingar
hefðu verið kynntar stjórn og eig-
endum fyrirtækisins.
Þegar Magnús var spurður út í um-
mæli sem höfð hafa verið eftir hon-
unt í fjölmiðlum að undanförnu
varðandi hvalveiðar íslendinga í vís-
indaskyni, sagði hann að meira hefði
verið gert úr þeim en efni stóðu til.
Því væri hins vegar ekki að neita að
þessar hvalveiðar væru fiskseljend-
um áhyggjuefni, því hugsanlega
gætu þær stórskaðað fiskmarkað fs-
lendinga í Bandartkjununt. Hann
sagði málið alvarlegra en svo, að ein-
liver öfgasamtök eins og Green-
peace ein og sér hygðust beita sér
fyrir því að kaupa ekki íslenskan
fisk. Hvalafriðun væri rnikið tilfinn-
ingamál meðal almennings í Banda-
ríkjunum, og þar teldu nienn ein-
faldlega, að ekki ætti að drépa hval,
sama hver ástæðan væri. „Ég vil bara
leggja áherslu á að hlutfall hagsmuna
íslendinga á Bandaríkjamarkaði
annars vegar og af hvalveiðum hins
vegar er hvalveiðunum mjög í óhag.
Það tekur langan tíma að vinna
markað, og þetta þarf að hafa í huga
þegar fjallaö er um þessi mál," sagði
Magnús að lokun.