Tíminn - 22.02.1986, Page 6

vil ég segja...
Eg er oft í heimsókn hjá
ömmu minni því mamma
vinnur alveg til klukkan sex
og ég er búin í skólanum á
hádegi. Þess vegna fer ég
oftast til ömmu beint úr skóla
og er hjá nenni fram á
kvöldmat. Amma hjálpar
mér oft með handavinnuna
mína og svo fæ ég líka að
gera auka-handavinnu hjá
henni því hún á svo marga
hnykla. Ég prjónaði tvo fall-
ega bangsa og gaf frænku
minni annan og vinkonu
minni hinn í jólagjöf.
Svo er ég líka að teikna
og mála á daginn og svo;
spilum við oft. Oftast spilum
við spil sem heitir Marías.
Ég er líka búin að læra að
leggja kapal. Svo þegar
hann gengur upp þá hugsa
ég mér að ég fái ósk og
óska mér alls konar.
Um daginn vorum viö að
baka eða eiginlega ekki að
baka. Við bjuggum til alvöru
súkkulaði. Það versta er að
ég man ekki alveg hvað var
mikið af hverju, en ég ætla
samt að segja hvernig við
fórum að. Efnið í súkkulaði
var: Brædd jurtafeiti, flór-
sykur og kakó.
Fyrst er jurtafeitin eða
smjörlíkið brætt og á meö-
an það er að bráðna er
flórsykurinn og kakóið sett í
skál og hrært saman. Þegar
smjörlíkið er svo bráðnað
er því hellt saman við og
hrært vel í. Síðan er hrær-
an sett á smjörpappír og
settinn í ísskáp. Eftirsvona
klukkutíma er komið fín-
asta súkkulaði sem gott er
að borða með rúsínum.
Amma átti líka hnetur með.
Það var ofsa gott.
Stundum skrifa ég líka
bréf eins og til dæmis þetta
sem ég vona að verði birt,
elsku, besti Barna-Tími.
Kærar kveðjur,
Arnheiður G., 10 ára,
Reykjavík.
Magnús múrari þarf að flytja alla múrsteinana í
burtu. Hann getur aðeins borið þrjá múrsteina í
einu. Hvað þarf hann að fara margar ferðir til að
Ijúka verkinu?
(Svar aftast)
Allir eru þeir eins.... og þó???
Aðeins tveir karlar eru alveg
nákvæmlega eins í öllum
smáatriðum. Hvaða karlar eru
það? Reyndu að sjá þaö áður
en þú lítur á lausnina sem er
aftast í blaðinu.