Tíminn - 31.05.1986, Blaðsíða 16

Laugardagur 31. maí 1986
PRIMOPLEX
Diska- og hnífakerfi í öllum stæröum
Vönduð tæki á góöu veröi
Plógar í öllum stæröum og gerðum
Frá Menntaskólanum
við Hamrahlíð
Innritun nýnema í dagskólafyrirskólaárið 1986-87
fer fram í Miðbæjarskólanum 2. og 3. júní kl. 9 til
18.
Á umsókn skal greina (1) námsbraut og (2) það
tungumál sem umsækjandi hyggst leggja stund á
sem þriðja erlent mál (á eftir dönsku og ensku).
í skólanum er stundað nám til stúdentsprófs á
fornmálabraut, nýmálabraut, félagsfræðibraut,
náttúrufræðibraut, eðlisfræðibraut og tónlist-
arbraut. Sem þriðja mál eru í boði franska,
spænska og þýska.
Þeir nemendur sem skilað hafa umsóknum til
skólans án þess að tilgreina námsbraut og/eða
þriðja mál eru beðnir að tilkynna val sitt skrifstofu
skólans í síma 685155 eða 685140.
Rektor.
16Tíminn
llllllllllillllllllllll r
SímonÞórirJúlíusson
Fæddur 12. apríl 1966
Dáinn 17. maí 1986
í dag verður til moldar borinn, frá
hinum iorna helgistað Þykkvabæjar-
klaustri, Símon Þórir Júlíusson.
Símon fæddist að Norður-Hjá-
leigu í Álftaveri 12. apríl 1966,
sonur hjónanna Arndísar Salvars-
dóttur, f. 14/5. 1929 og Júlíusar
Jónssonar, f. 26./2. 1920.
Foreldrar Arndísar voru hjónin
Salvar bóndi að Bjarnastöðum, síðar
Reykjafirði, Ólafssonar í Lágadal,
Jónssonar og Ragnheiður Hákonar-
dóttir bónda að Reykhólum, Magn-
ússonar bónda að Kletti í Geiradal,
Jónssonar.
Foreldrar Júlíusar voru hjónin Jón
alþingismaður Gíslason í Norður-
Hjáleigu og Þórunn Pálsdóttir Sím-
onarsonar.
Faðir Jóns var Gísli hreppstjóri
Magnússon í Norður-Hjálegu, en
móðir Gísla var Anna Jónsdóttir
komin í beinan karllegg frá Þorsteini
Magnússyni, sýslumanni að Þykkva-
bæjarklaustri og voru margir sýslu-
menn og lögréttumenn í karllegg
hennar.
Kona Gísla var Þóra Brynjólfs-
dóttir, Þykkvabæjarklaustri, Eiríks-
sonar og var heimili þeirra hjóna
orðlagt fyrir rausn og myndarskap.
Þannig standa að Símoni og syst-
kinum hans skaftfellskir og vestfirsk-
ir ættastofnar, ættir manna sem
kunnu að velja viðsjál jökulvötn og
lög í brimlendingu og gjörhygli þess-
ara manna átti Símon í rtkum mæli.
Þau hjónin Jón Gíslason og Þór-
unn Pálsdóttir kona hans héldu uppi
hinni gömlu reisn Norður-Hjáleigu
heimilisins með skörungsskap og
hafa arftakar þeirra dyggilega fetað
í þeirra fótspor.
Á þessu heimili ólst Símon upp og
leyndi það sér ekki, að hann var
alinn upp á rótgrónu menningar-
heimili.
Símon var glæsimenni og ætíð
snyrtilegur, háttprúður og hógvær í
allri framkomu og viðkynningu og
hugljúfi allra.
Hann var íhugull maður og hugs-
andi, íþróttamaður og miklum gáf-
um gæddur, athugull og vandvirkur
að hverju sem hann gekk.
Símon hafði nýlokið húsasmíða-
námi og átti aðeins eftir að ljúka
sveinsprófinu, hann var hagur vel og
kont vandvirkni hans og nákvæm
athygli sér vel í þessu starfi hans.
Hann var heitbundinn Margréti
Árnadóttur, dóttur Árna Jóhannes-
sonar frá Gröf í Skaftártungu og
konu hans Helgu Ingimundardóttur.
Ég votta henni. foreldrum hans,
systkinum, aldurhniginni ömmu
hans, Þórunni Pálsdóttur og öllum
aðstandendum mína dýpstu og inni-
legustu samúð og bið algóðan Guð
að styrkja þau í hinni miklu sorg
þeirra.
Blessuð sé minning hans.
Ingimundur Stefánsson
Yfir storð fer döpur dánarfregn.
Drúpir hugur. - Byrgir sólu ský.
Vinahjörtun sœrir sorgin tnegn.
Svíður undin djúpa brjóstum í.
Sorglegt er að sjá þitt rúmið atiða,
sveinninn prúði,
ernú varðst herfang dauða
Fyrir skömmu fórstu til þin heim,
fannst þá pabba og mömmu,
vinur minn.
Gleðin ríkti góða í ranni þeim.
Glöð þau litu barnahópinn sinn. -
Nú er skipt, - og skildi fyrir orðið
skarð, - því nú er sœtið autt
við borðið.
(Böðvar Bjarnason)
Enn er höggvið stórt skarð í
systkinahópinn okkar. Hann Símon
bróðir okkar er látinn. Það var sem
ský drægi fyrir sólu og hugur vor
fylltist myrkri og vonleysi. Aðeins
eitt komst að, hver er tilgangurinn
með lífinu? Hver er tilgangurinn
með því þegar ungmenni er kippt
burt svo skjótt úr blóma síns lífs? Ér
hann einhver? Ef svo er, þá sjáum
við hann ekki!
Símon var yngstur okkar systkin-
anna og munum við ætíð minnast
hans sem okkar „litla bróður“. Hann
var glettinn og hýr og var ávallt létt
og bjart í kringunt hann. Öll eigum
við fagrar minningar um þennan
góða dreng. Þegar í barnæsku sýndi
hann merki þess að hann væri bráð-
greindur og að allt léki létt í hendi
hans, þó hann létið lítið yfir því. Að
lundarfari bjó Símon yfir miklu
jafnaðargeði sem kom best frani í
öllum hans samskiptum við aðra,
hvort sem var við vinnu, í leik eða
gagnvart mótlæti. Hann var einstak-
lega hjálpsamur og natinn og vildi
öllum allt hið besta. Hann var ekki
að æðrast yfir hlutunum og ef í
harðbakkann sló, brást hann ávallt
við á sinn glettna og friðsama hátt,
þannig að málin fengu farsælan endi.'
Við kveðjum þig Símon, hinsta
sinni með þessum ljóðlínum Davíðs
Stefánssonar.
í blóðið var þér borin
bróðurtryggð og festa.
Heldur kaust þú hylli
heimamanna en gesta.
Fáskiptinn við fjöldann
fórstu þína vegi.
Afl og andans þroski
óx með hverjum degi.
Ástkæri bróðir! Við þökkum þér
af heilum huga fyrir ógleymanlegar
samverustundir sem urðu allt of
fáar. Hvíl þú í friði!
Systkinin
Bakföll af lækk-
andi olíuverði í
austri og vestri
1. Bandarískir bankar hafa veitt
olíufélögum firnamikil lán, sem ekki
sætir tíðindum í sjálfu sér. Síðan
olía féll í verði, hefur hins vegar
verið ofarlega á baugi, að 563 banda-
rískir bankar eiga fjórðung lána
sinna eða meira hjá olíu- og gasfé-
lögum, að því er Federal Deposit
Insurance Corporation hermir.
Nema þessi lán $ 61 milljarði, en af
þeirri fúlgu hafa 59 bankar lánað $
57 milljarða eða 92%. Óttast banda-
rísk yfirvöld, að að ýmsum þeirra
kreppi, ef olíuverð helst lengi eins
lágt og það hefur verið undanfarnar
vikur. Þetta er þó aðeins önnur hlið
málsins.
Mörg vanþróuð lönd skulda
bandarískum (og evrópskum) bönk-
um stórfé, og sum þeirra hafa gjald-
eyristekjur sínar að miklu leyti af
olíusölu. Til dæmis fóru í fyrra
35,8% af andvirði útfluttrar olíu frá
Mexíkó til greiðslna á afborgunum
og vöxtum til útlendra banka. Við
þessum vanda hafa bandarískir
bankar að nokkru leyti brugðist með
því móti að selja þessi lán sín með
afföllum til annarra banka. Er sagt,
að slík tilfærsla lána hafi numið $
2,5-3,5 milljörðum í fyrra. (Sjá Ec-
,onomist 12.04.86).
2. Lækkun vaxta í Bandaríkjunum
að undanförnu hefur að sjálfsögðu
haft í för með sér hækkun verðbréfa.
Hafa auðhringir og stór fyrirtæki
sætt lagi. Frá því snemma í janúar í
ár og fram í apríl varð upphæð
útboða þeirra eins og svarar $ 40
milljörðum á ári eða næstum tvöfalt
hærri en í fyrra. Að auki munu um
160 fyrirtæki hafa gefið út almenn
hlutabréf eins og svarar til $ 74
milljarða á ársgrundvelli. Þannig
hefur Indland Steel gefið út 3 millj-
ónir almennra hlutabréfa í ár. Af
þessum sökum hefur dregið úr
skammtímalánum banka til fyrir-
tækja í ýmsum greinum.
. Hins vegar hafa skuldir banda-
rískra fyrirtækja verið vaxandi hlut-
fall af markaðsverði þeirra á undan-
förnum árum. Talið er, að skuldir
annarra fyrirtækja en peningastofn-
ana sem hundraðshluti markaðs-
verðs hafi hækkað úr 45 árið 1979
upp í 57 árið 1984. (Ecenomist
29.03.86).
3. Olía og gas hafa á undanförnum
árum verið í kringum fjórir fimmtu
hlutar útflutnings Rússa að andvirði.
En þeir drógu úr útflutningi á olíu í
fyrrahaust, þegar verð á olíu lækk-
aði. Giskaði Efnahagsstofnun Evr-
ópu í fyrra á, að gjaldeyristap Rússa
af verðfalli olíu ofan í $ 15-20 á
tunnu næmi $ 5-7 milljörðum. Halda
nú Rússar að sér höndum um inn-
flutning á matvælum, þótt þeir
keyptu í fyrra 57 milljónir tonna af
komi, meira en nokkru sinni áður.
Minnkaði innflutningur á matvælum
um 21% fyrstu þrjá ársfjórðunga
1985.
Stígandi