Tíminn - 21.01.1987, Page 1

—
I
FRAMSÓKNARflokkurinn á I
| Reykjanesi samþykkti samhljóða á
fundi kjördæmissambandsins sl.
| mánudagskvöld framboðslistann fyrir
komandi alþingiskosningar. í efstu
sætunum eru: 1. Steingrímur Her-
mannsson, forsætisráðherra, 2. Jó-
hann Einvarðsson aðstoðarm. ráð-
herra, 3. Níels Árni Lund ritstjóri, 4.
Elín Jóhannsdóttir kennari, 5. Váldís
Kristinsdóttirkennari, 6. Gylfi Guðjóns-
son, 7. Hilmar Þ. Hilmarsson nemi, 8.
Erna K. Kolbeins verkstóri, 9. Soffía
Guðmundsdóttir fóstra, 10. Inga Þyrí
Kjartansdóttir snyrtifr.
Sameining Útvegsbanka og Búnaðarbanka:
Hlutafélagsbanki
ekki möguleiki!
- nema nýju bankalögunum verði breytt. Stofnendur hlutafélagsbanka skulu vera a.m.k. 50
FARMANNADEILAN var
komin í nokkurn hnút í gærog útlitfyrir
að lausn gæti látið standa á sér.
Deiluaðilar voru á fundi hjá sáttasemj-
ara frá kl. 17 I aær, en var þá lítið sem
ekkert farið ao ræða kröfur um lág-
markslaun háseta. Snurða hljóp á
þráðinn í viðræðunum vegna orðalags
um grein sem fjalla átti um vinnutilhög-
un háseta. Segja sjómenn að með
orðalagi greinarinnar hefði vinnuálag
þeirra verið stór aukið en fulltrúar
vinnuveitenda segja að þeir hafi breytt
orðalagi og því ríki efnislegtsamkomu-
lag um málið.
ÍSLENSKUR fjallgöngu-
leiðangur sem hugðist ganga á rúm-
lega 7.500 metra hátt fjall í Kína,
Kongur Tiube hefur neyðst til að hætta
við ferðina. Aðstandendur ferðarinnar
telja Ijóst að ekki náist að brúa bil milli
kostnaðar og eigin framlags auk þess
sem hluti leiðangursmanna forfallað-
ist. Hins vegar hefur hóþurinn fengið
leyfi kínverskra yfirvalda að klífa 8000
metra háan tind i Tíbet eftir nokkur ár.
SLÖKKVILIÐ Hafnarfjarðar
var kallað út 1183 útköll í Hafnarfirði,
Garðabæ og Bessastaðahreþþs á ár-
inu 1986. Hefur fjöldi útkalla aldrei náð
svo hárri tölu. Af þessum útköllum
voru 148 vegna elds. Árið 1985 voru
149 útköll, þar af 120 vegna elds.
Aukningin stafar nær öll af útköllum
í „rusli, sinu og mosa“, þar af urðu 26
útköll á nýársnótt vegna sinubruna.
Sjúkraflutningar urðu 1296, en voru
1186 árið 1985. Af þessum flutningum
voru 209 bráðatilfelli vegna slysa og
annarra áfalla.
NEMENDUR ölbrautaskólans I
í Breiðholti hafa hafið herferð gegn
eyðni og fordómum varðandi sjúkdóm-
inn. Ákveðið hefur verið að nemenda-
félagið gefi eina verju með hverjum
Iballmiða sem seldur er á böll nem-
endafélagsins. Einnig er von á lækni til
að halda fyrirlestur um eyðni og aðra
kynsjúkdóma. Einnig mun hann svara
fyrirsþurnum.
IÁLYKTUNUM þar sem ýmis I
félög og samtök, er starfa að skólamál-
um, fordæma Sverri Hermannsson
menntamálaráðherra fyrir brottvikn-
ingu Sturlu Kristjánssonar úr starfi
■ fræðslustjóra, rignir yfir fjölmiðla. Má
j þar nefna ályktun frá Sálfræðingafé-
| lagi íslands, Kennarasambandi
j íslands, Hinu íslenska kennarafélags,
| Félagi skólastjóra og yfirkennara, Fé-
| lagi fræðslustjóra, og starfsfólki
j Fræðsluskrifstofu Vestfjarðaumdæm-
| is. í ályktunum er m.a. bent á hvílíkt
áhyggjuefni það er opinberum starfs-
mönnum ef valdhafar geta svipt menn
atvinnu sinni með þessum hætti.
KRUMMI
„Nú hygg ek at
Sverr hafi verit at
lesa Sturlungu"
Sverrir Hermannsson menntamálaráðherra:
„Sturla leiksoppur
miklu verri manna“
Harkalega deilt á vinnubrögð ráðherra á Alþingi
Brottrekstur Sturlu Kristjáns-
sonar var tekinn til umræðu utan
dagskrár á Alþingi í gær. Allir
þeir þjngmenn sem tóku til máls
gagnrýndu mjög alla málsmeð-
ferð Sverris Hermannssonar og
sögðu hana einkennast af óbil-
girni. Margir þingmenn töldu
einnig að forsendur brottvikning-
arinnar stæðust ekki og væri hér
um valdahroka ráðherra að ræða.
Eðlilegt hefði verið að víkja
fræðslustjóra frá um stundarsakir
á meðan ástæður uppsagnarinnar
væru rannsakaðar ofan í kjölinn.
Fram kom að á ríkisstjórnarfundi
fyrr um daginn hafði Steingrímur
Hermannsson forsætisráðherra
reynt að fá menntamálaráðherra
til að sættast á tímabundna brott-
vikningu meðan málin væru at-
huguð, en því hafnaði Sverrir
alfarið.
Menntamálaráðherra hélt
langa ræða í þinginu um málið.
Rakti hann samskipti Sturlu
Kristjánssonar og menntamálar-
áðuneytisins s.l. sex ár og sagði
að fræðslustjórinn hefði greini-
lega ekki skilið valdsvið sitt og
talið fjárlög ómerk og vitlaus ef
þau hentuðu ekki áætlunum hans
um framkvæmd skólamála í
fræðsluumdæmi Norðurlands
eystra. Til dæmis hefði Sturla
ráðið í 22 stöður umfram það sem
honum hefði verið leyfilegt.
Þá sagði menntamálaráðherra
að fræðslustjóri og fræðsluráð
Norðurlands eystra hefðu vísvit-
andi gengið framhjá mennta-
málaráðherra og ráðuneytinu og
talið sig eiga betri leiðir til að
breyta áætlunum ráðuneytisins
varðandi kennslumagn í Norður-
landi eystra. Slíkt sagði ráðherra
bera vott um samsæri.
Sverrir Hermannsson var stór-
orður í ræðu sinni og sagði að
Sturla Kristjánsson væri
leiksoppur miklu verri manna,
sem hann tiltók þó ekki hverjir
væru. Þá kallaði hann alþýð-
ubandalagsmenn á Akureyri
„hyski“ sem héldu skildi yfir
fræðslustjóranum.
Gagnrýndi ráðherra einnig
vöxt fræðsluskrifstofanna víða
um land, „sem hefðu sálfræðinga
á hverjum fingri". Halldóri
Blöndal samflokksmanni Sverris
þótti anda heldur köldu í garð
sérfræðinga í kennslumálum, sem
ynnu störf sín af heilum hug.
Einnig kom fram í umræðunni
að til hvers nemanda, sem nýtur
sérkennslu í Reykjavík og á
Austurlandi, kjördæmi ráðherra,
er veitt yfir 25 þúsund krónum
hærra framlagi en til sams konar
nemenda í Norðurlandi eystra.
Allir þeir þingmenn sem tóku
lil máls töldu að eðlileg málsmeð-
ferð í þessu tilfelli hefði verið að
víkja fræðslustjóranum frá um
stundarsakir á meðan málsatvik
væru rannsökuð. Reyndar gerði
Guðmundur Bjarnason það að
tillögu sinni að sérstök rannsókn-
arnefnd yrði sett á fót til að
rannsaka málið og fá hlutlausa
niðurstöðu.
Umræðunni var ekki lokið í
gær vegna óska menntamálaráð-
herra og verður henni framhaldið
á fimmtudaginn. aw
Sjá nánar á bls. 2.
Ríkisstjórnin:
Heldur sér
við fast-
gengisstefnu
Ríkisstjórnin ákvað á fundi sín-
um í gær að halda fast við fastgeng-
isstefnu sína enn um sinn. Telur
ríkisstjórnin ástæðu til að bíða
aðeins lengur og sjá hvort dollarinn
hækkar ekki. Því mun ákvörðunar
um það hvort horfið verður frá
fastgengisstefnu ekki að vænta fyrr
en í fyrsta lagi í næstu viku.
Fall dollara á alþjóðlegum gjald-
eyrismörkuðum stöðvaðist í gær
og hækkaði hann raunar lítillega á
mörkuðum bæði í Asíu og Evrópu.
Ástæðan er fyrst og fremst sú að
sterkar líkur eru nú á að stjórnvöld
í Vgstur-Þýskalandi og Japan muni
ákveða að lækka vexti og minnka
þar með eftirspurn eftir gjaldmiðl-
um sínurn og auka eftirspurn eftir
dollar sem myndi hækka hann í
verði.
Sá valkostur sem Seðlabankinn
leggur til að nú verði kannaður, í
sambandi við sameiningu bank-
anna, þ.e. að Útvegsbanki og Bún-
aðarbanki verði sameinaðir og
stofnaður nýr hlutafélagsbanki, er
ekki raunhæfur nema því aðeins að
nýgerðum lögum um viðskipt-
abanka verði breytt.
í öðrum kafla laga um viðskipta-
banka, nr. 86 frá 1985 segir í 5. gr.
um stofnun hlutafélagsbanka:
„Stofnendur hlutafélagsbanka
skulu eigi vera færri en 50. Hluthaf-
ar skulu jafnan vera 50 hið fæsta.
Hlutafé í hlutafélagsbanka skal
skiptast í a.m.k. 50 hluti, nema
minnst 100 000 000 kr.“
í þeim tillögum sem fram hafa
komið um sameiningu Útvegs- og
Búnaðarbanka sem hlutafélags-
banka, hefur ekki komið fram að
ráð sé gert fyrir fleiri aðilum sem
hluthöfum, fyrr en eftir að nýi
hlutafélagsbankinn hefur verið
stofnaður. Virðist það reyndar
forsenda hugsanlegrar sameiningar
bankanna tveggja, að fleiri aðilum
verði ekki blandað í málið fyrst í
i stað, svo koma megi í kring nauð-
synlegum breytingum en mál ekki
flækt frekar.
Má einnig benda á að ekki eru
öll kurl komin til grafar með eigin-
' fjárstöðu Útvegsbankans vegna
skulda Hafskips. og verða þau mál
varla ljós fyrr en eftir a.m.k. ár. Og
fyrr verður ekki hægt að gefa
hugsanlegum hluthöfum hins nýja
hlutafélagsbanka réttar upplýsing-
ar um upphæð hlutafjár bankans.
Virðist sem þeim sem fjallað
hafa um sameiningu bankanna á
þessum nótum, þ.á m. Seðlabanka
og ríkisstjórninni hafi yfirsést þetta
atriði, þó ótrúlegt megi virðast.
Efákveðið verður að halda sig við
hugmyndina um stofnun hluta-
félagsbanka, þar sem ríkið er eini
eigandi hlutafjár, verður því að fá
undanþágu frá ofangreindum lög-
um um hlutafélagsbanka eða ein-
faldlega breyta þeim í fyrsta skipti
sem á þau reynir.
-phh