Tíminn - 30.01.1987, Síða 13
Föstudagur 30. janúar 1987
liggja flatir fyrir Sjálfstæðisflokkn-
um. Þeir bjóða gull óg græna skóga
og það þarf áreiðanlega nokkuð
sterk bein til að hafna þeim boðum.
Ég veit hins vegar ekki hvernig
sjálfstæðismönnum líst á krata til
samstarfs. Mér lýst að mörgu leyti
vel á myndun vinstri stjórnar ef hún
er ábyrg í efnahagsmálum. Ég kem
til með að gera ákaflega stífar kröfur
til þess að verðbólgan magnist ekki
á ný. Mér hefur virst að Alþýðu-
flokkurinn hafni þessari afstöðu
minni og þá kemur vinstri stjórn vart
til greina. Því sýnist mér að eftir
kosningar sé fyrst og fremst um þrjá
kosti að ræða; Samstarf Sjálfstæðis-
flokks og Alþýðuflokks, samstarf
Sjálfstæðisflokks og Framsóknar-
flokks eða samstarf þessara þriggja
flokka."
Nú hafa ýmsir stjórnmálainenn
sérstaklega úr röðum Alþýðuflokks
og Alþýðubandalags nefnt þær ríkis-
stjómir sem setið hafa síðan 1971
Framsóknarstjómir og jafnframt
getið þess að á þessum árum hafi
íslenskt efnahagslíf verið í miklu
ójafnvægi. Nú er Ijóst að frægar
ríkisstjórnir án þátttöku Framsókn-
arflokksins og með þátttöku þessara
flokka, annars eða beggja hafa end-
að með íslenskt efnahagslíf í algcru
öngþveiti og má þar fyrsta fræga
telja Nýsköpunarstjórnina og síðar
Viðreisnarstjórnina. Finnst þér ekki
að í Ijósi þessa hafi umfjöllun þessara
aðila verið ósanngjörn í garð Fram-
sóknarflokksins?
„Umræður þessara aðila hafa ver-
ið mjög einhliða og ósanngjarnar.
Ég verð að segja að eftir því sem ég
lít betur yfir Framsóknaráratuginn
því stoltari verð ég.
Ég tel að þar hafi verið tekið mjög
vel á þeim málefnum sem nauðsyn
bar til eftir langa óstjórn. Það var
nauðsynlegt að reisa við atvinnulíf,
sem komið var í rúst. Ef skuttogar-
amir hefðu ekki verið keyptir þá
væri ekkert góðæri hér nú. Hitt er
rétt að viðurkenna að of geyst var
farið. Þrátt fyrir það held ég að þessi
svonefndi Framsóknaráratugur sé
eitt mesta framfaraskeið sem orðið
hefur hér á landi.“
Tvær persónulegar spurningar í
lokin. Hafðir þú snemma hug á því
að gerast stjómmálamaður?
„Nei, ég fór í nám mjög ákveðinn
í að taka ekki þátt í stjórnmálastarfi.
Það var þrýstingur annarsstaðar frá
sem olli því að ég gaf kost á mér,
fyrst sem formaður ungra framsókn-
armanna í Reykjavík og síðan í
framboð. Það vill verða þannig í
stjómmálum að ef litli puttinn er
gefinn þá hverfur öll höndin. Þegar
ég hins vegar lít yfir farinn veg þá sé
ég ekki eftir þeim tíma sem farið
hefur í stjórnmálavafstur. Þetta er
fróðlegt og þroskandi starf. Ég hef
ómælda ánægju af að vinna með
þeim mikla fjölda fólks sem tekur
þátt í stjórnmálastarfi og hef hlotið
af því miklu meiri menntun en í
löngu háskólanámi.“
Verður þú aldrei leiður á stjóm-
málum?
„Jú, ég verð oft dauðþreyttur, og
. ég furða mig stundum á að nokkur
maður skuli vera í þessu sérstaklega
þegar ég hlusta á þá endaleysu og
ábyrgðarleysi sem upp úr sumum
stjórnmálamönnum vellur.“
Hverju spáir þú um kosningaúr-
slit?
„Ég tel að málefnastaða okkar
framsóknarmanna sé mjög góð og
ætti við eðlilegar aðstæður að færa
flokknum góðan kosningasigur. Ég
neita því hins vegar ekki að ég hef
áhyggjur af þeim deilum sem hafa
verið innan flokksins. Ég held þó að
það sé allsstaðar að jafna sig nema í
Norðurlandi eystra. Ég hef einnig
áhyggjur af þeim skefjalausa áróðri
sem árum saman hefur verið rekinn
gegn Framsóknarflokknum. Flokk-
urinn hefur verið sakaður um að
vera afturhaldssamur dreifbýlis-
flokkur sem er að sjálfsögðu alrangt.
Framsóknarflokkurinn hefur ætíð
látið skynsemina ráða gerðum
sínum. Þessum áróðri verðum við að
snúast gegn. Ef okkur tekst að ganga
samhent til kosninga og sína viljann
í verki þá er ég bjartsýnn.
Stjórnmál eru vilji og vinna.“
Texti: Hilmar Þ. Hilmarsson.
Tíminn 13
Hér má sjá þá félaga Hilmar Pétursson og Jóhann Einvarðsson rædast við.
Ljósmyndastofa Sudurncsja.
ÖLL ALMENN PRENTUN LITPRENTUN
TÖLVUEYÐUBLÖÐ
• Hönnun
• Setning
• Filmu- og plötugerö
• Prentun
• Bókband
PRENTSMIÐJAN
d^dda h f.
SMIÐJUVEGI 3, 200 KÓPAVOGUR
SÍMI450Q0
wm
11
mnmnguí~
í
Lóttóinu
ep?
œgm
genguí' úfj
ÞÁTTTÖKUIÍVITTUIIER ÁVÍSUN Á VINNING,
EF ÞÚ HEFUR VALW RÉTTAR TÖLUIf.
■
■
mm
$