Tíminn - 20.02.1988, Page 17

Laugardagur 20. febrúar 1988
Tíminn 17
IIIH MINNING
Hólmgeir Arnason
Fæddur 27. mars 1910
Dáinn 10. febrúar 1988
Hinn 10. febrúars.l. lést á Sjúkra-
húsi Húsavíkur Hólmgeir Árnason,
Laugarbrekku 20, Húsavík. Hann
hafði komið á sjúkrahúsið um morg-
uninn til stuttrar rannsóknar, en
varð bráðkvaddur er hann hvíldist
að rannsókn lokinni.
Pegar mér var tilkynnt um svo
óvænt og að mér fannst ótímabært
fráfall föðurbróður míns hvarflaði
að mér sú hugsun, að þetta væri ekki
svo ólíkt honum frænda mínum, þó
að hann fengi ekki neinu um slíkt
ráðið. Hann var maður sem ekki
þoldi neitt slór um dagana og þegar
eitthvað var afráðið varð það að
ganga hratt og óhikað fyrir sig.
Krafturinn í Hólmgeir minnti mig
stundum á svar Árna afa míns þegar
hann veiktist í Flatey 1958 þá 89 ára
gamall. Hólmgeir spurði þá gamla
manninn hvort hann vildi ekki að
hann yrði fluttur á sjúkrahúsið á
Húsavík. Hann vissi að hann myndi
fá svarið fljótt, en það var óvíst hvað
það yrði. Hólmgeir til mikils léttis
var svarið „já“, en hann bætti við -
„við skulum þá fara strax“.
í þessum anda fannst mér Hólm-
geir ljúka jarðvist sinni og ég er
nokkuð viss um að það hefði orðið
þungbært fyrir hann að liggja lengi
rúmfastur, en hann bjó við nokkuð
góða heilsu þar til yfir lauk.
Hólmgeir var fæddur á Knarrar-
eyri á Flateyjardal 27. mars 1910. .
Hann var áttunda barn hjónanna
Jóhönnu Jónsdóttur og Árna Tóm-
assonar, sem þar bjuggu frá 1904 til
1941. Jóhanna og Árni hófu búskap
sinn á Kussungsstöðum í Hvalvatns-
firði og voru síðustu ábúendur á
þeirri jörð. Þeim hjónum fæddust 16
börn og komust 14 þeirra til fullorð-
ins ára. Systkinin voru: 1. Jón f. 27.
júlí 1899, 2.Guðrún Sigfríður f. 10.
september 1900, 3. Jónatan Sigur-
björn f. 7. júní 1902 (dó í frumbern-
sku), 4. Gísli f. 24. júlí 1903, 5.
Guðmundur f. 27. febrúar 1906, 6.
Kristbjörg Líney f. 29. maí 1907, 7.
Þórveig Kristín f. 5. september 1908,
8. Hólmgeir f. 27. mars 1910, 9.
Sigurbjörn f. 4. október 1911, 10.
Guðný Anna f. 8. desember 1912,
11. Jónatan f. 4. júlí 1914, 12.
Tómas f. 23. september 1915, 13.
Stefán f. 30. desember 1917, 14.
Hólmfríður Rósaf. 1. apríl 1919,15.
Sigurveig Björg f. 24. júní 1920, 16.
andvana fædd stúlka 24. júní 1920.
Af þessum stóra systkinahóp eru nú
aðeins fjögur á lífi. Þau eru: Líney
fyrrum húsfreyja í Garði í Fnjóska-
dal, Stefán fyrrum bóndi Flöfða-
brekku, Grenivík, Rósa fyrrum hús-
freyja Þengilbakka, Grenivík og
Björg húsfreyja í Reykjavík.
Hólmgeir ólst upp á þessu stóra
heimili á Knarrareyri við mikila fá-
tækt eins og þá var víða. Hann
vandist ungur vinnu bæði á sjó og
landi. Dugnaður hans og harðfylgi
komu fljótt við sögu, enda var hann
öflugur og í alla staði vel gerður.
Hann byrjaði að stunda sjóinn með
föður sínum og eldri bræðrum, en
tók síðar við stjórninni og réri með
yngri bræðrunum.
Skólagangan var stutt en góð hjá
hinum rómaða barnakennara í
Flatey, Jóhannesi Bjarnasyni.
Knarrareyri var eini bærinn austan
Dalsár og varð því hver fjölskyldu-
meðlimur að leggja sitt að mörkum
í lífsbaráttunni um leið og hann
hafði til þess þrek og húsmóðirin
taldi það ekki eftir sér að koma
niður á kambinn til þess að setja
bátinn með bónda sínum, þó að hún
væri stundum þung á sér.
Hólmgeir mat alla tíð foreldra
sína mjög mikils og var æskuheimilið
hans honum afar kært umræðuefni.
Árið 1934 kemur í Knarrareyri
Sigríður Sigurbjörnsdóttir frá Vargs-
nesi sem ráðskona. Með henni voru
einnig foreldrar hennar Petrína Ingi-
björg Jóhannesdóttir og Sigurbjörn
Sigurjónsson. Sigríður var einka-
útgerðarmaður
frá Flatey á Skjálfanda
dóttir þeirra hjóna, en Petrína hafði
áður eignast son. Hann var Aðal-
björn Sigmarsson bóndi að Ketils-
stöðum á Tjörnesi.
Með komu Sigríðar urðu þáttaskil
í lífi Hólmgeirs. Þau felldu hugi
saman og giftu sig heima á Knarrar-
eyri 2. júní 1935 eftir að hafa sótt
messu á Brettingsstöðum. Þau hefja
búskap í Flatey í fyrstu, en flytja að
Látrum við Eyjafjörð 13. maí 1936
ásamt foreldrum Sigríðar, en þau
voru með þeim alla tíð. Þau bjuggu
að Látrum í tvö ár og þar fæddust
tvö elstu börnin.
Árið 1938 flytja þau aftur til
Flateyjar og reisa nýbýlið Grund.
Þau flytja í nýja húsið sitt 26.
október 1939 og þar stóð heimili
þeirra samfellt til 1961.
í Flatey stundaði Hólmgeir sjóinn
á eigin bátum og verkaði jafnframt
aflann. Snyrtimennska hans á öllum
sviðum var einstök og handbragð
hans á hlutunum til fyrirmyndar.
Fjölskyldan hjálpaðist að við verkun
aflans og útgerðina og þegar synirnir
stækkuðu byrjuðu þeir að stunda
sjóinn með föður sínum.
Sigríður og Hólmgeir eignuðust 7
mannvænleg börn. Þau eru: 1. Sigur-
björn Ingvar skipstjóri á Húsavík,
kvæntur Björgu Gunnarsdóttur. Þau
eiga tvær dætur Jóhönnu Árnýju og
Sigríði. 2. Jóhanna Árný. Hún lést
23ja ára gömul árið 1960. Séra
Friðrik A. Friðriksson segir um
Jóhönnu í Árbé>k Þingeyinga 1960:
„Stórvel gefin stúlka að gjörvuleik
og mannkostum. Lauk gagnfræða-
prófi á Akureyri með hárri einkunn.
Vann árið 1957 á sjúkrahúsum í
Svíþjóð og kom þaðan með glæsileg
meðmæli. Innritaðist næsta ár í
Hjúkrunarskóla íslands. Afburða
músikölsk, vakti eftirtekt sem barn
með harmonikuleik sínum, lærði
síðar orgel- og píanóleik og var
hvött til framhaldsnáms. Listfeng á
hannyrðir, skrifaði fagra og styrka
rithönd. Kappsöm og trú í starfi.
Harmdauði öllum sem hana
þekktu.“ 3. Guðmundur Aðalbjörn
skipstjóri á Húsavík, kvæntur Helgu
Stefánsdóttur. Þau eiga þrjú börn
Stefán, Sædísi og Árna. 4. Sigurjón
Ævar. Hann lést af slysförum er
hann var á síldveiðum á vélbátnum
Sigurborgu tæplega 28 ára gamall
árið 1967. Ævar stundaði sjó-
mennsku frá því hann var unglingur
og hafði lokið prófi frá Stýrimanna-
skólanum í Reykjavík. Hann var
músikalskur og lék fyrir dansi á
harmoniku sína. Hann var duglegur
sjómaður og drengur hinn besti. 5.
Sigrún Björg. Hún giftist Vilhjálmi
Bessa Kristinssyni frá Reykjavík.
Þau eignuðust þrjú börn Sigur-
hönnu, Kristin og Elvu. Björg lést
1984 aðeins 41 árs að aldri. Hún var
myndarleg húsmóðir og sérstaklega
ljúf og góð stúlka. 6. Ása Dagný.
Hún er gift Pétri Olgeirssyni fram-
kvæmdastjóra Tanga h/f á Vopna-
firði. Þau eiga þrjú börn Sigurgeir,
Lindu og Sævar. 7. Elsa Heiðdís.
Hún er gift Óla Austfjörð rafvirkja-
meistara á Húsavík. Þau eiga þrjú
börn Ævar, Hólmgeir og Heiðdísi.
Eins og að framan getur var hugur
Hólmgeirs mest bundinn við sjóinn
og um tíma gerði hann út tvo báta
frá Flatey, Sævar og Svan. Hann réri
sjálfur á öðrum með Ingvari, en
yngri bræðumir Guðmundur og
Ævar á hinum. En þó að sjómennsk-
an hafi jafnan verið hans aðal starf
hafði hann einnig landbúskap, kýr
og fáeinar kindur. Þá hafði Hólmgeir
póstferðirnar til Húsavíkur með
höndum og var farsæll í þeim
ferðum. Hann átti sæti í hreppsnefnd
Flateyjarhrepps um skeið.
Grundarheimilið var alla tíð ein-
stakt myndar heimili, þar sem glað-
værð og gestrisni sátu í fyrirrúmi.
Hjónin voru mjög samhent að gera
hlýlegt og vistlegt í kringum sig, og
húsmóðirin einstaklega myndvirk
við hvað sem hún tók sér fyrir
hendur. Það er ekki hægt að minnast
svo á fjölskylduna á Grund, að ekki
sé talað um tónlistina, því hún var
mikið iðkuð og í hávegum höfð.
Sigríður og Sigurbjörn faðir hennar
léku á orgel og börnin voru mörg
ágætir hljóðfæraleikarar. Hólmgeir
hafði sjálfur yndi af tónlist og var
ágætur söngmaður.
Árið 1961 flytja SigríðurogHólm-
geir til Húsavíkur og kaupa íbúðar-
húsið að Laugarbrekku 20 með Ing-
vari og Björgu og þar hefur heimili
þeirra staðið síðan. Þau voru þó
fram til 1967 á hverju sumri í Flatey
þar sem Hólmgeir stundaði áfram
útgerð, og grásleppuútgerð stundaði
hann í nokkur ár með Guðmundi
syni sínum frá Flatey eftir að hann
hætti að halda heimili þar. Síðustu
árin starfaði hann mest við útgerð
Ingvars á Húsavík meðan kraftar
leyfðu.
Þrátt fyrir þung áföll héldu Sigríð-
ur og Hólmgeir reisn sinni og glað-
værð svo aðdáun hefur vakið og
heimilið þeirra að Laugarbrekku 20
og garðurinn bera þeim góða sögu.
Eg og fjölskylda mín nutum í
ríkum mæli vináttu Hólmgeirs og
Sigríðar sem við þökkum af alhug.
Ferðirnar með þeim til Flateyjar eru
okkur ógleymanlegar.
Ég veit að skilnaðarstundin er
blandin trega, en sjóðir minning-
anna verma um hjartarætur.
Við Sigrún og börnin vottum Sig-
ríði, börnum hennar og tengdabörn-
um, svo og öðrum aðstandendum
okkar dýpstu samúð.
Blessuð sé minning Hólmgeirs
Árnasonar.
Gísli Jónatansson
Fréttaskýring
Þorsteinn daginn velja vildi.
Vigdís heima sitja má.
Steingrímur þegar skjótast skyldi
skyndilega til Rússíá.
Þaðan ætlaði að þjóta vestur,
þinga NATO-körlum með.
Auðvitað yrði hann góður gestur.
Gorbatsjov þessi brögðin réð.
Hjá prjónavélum við bingó bauka
blankar keríingar.
Horfa upp á Þorstein þrauka,
þjóðinni til hrellingar.
Jón Leví
OKKAR
KJÖT ER
ÓDÝRARA
ÚRVALS NAUTAKJÖT
MEISTARAFLOKKUR.......... 790 kr./kg
Buff............................ 720 kr./kg
Gullasch................. 670kr./kg
Fillet.......................... 960 kr./kg
Mörbráð.................1.290 kr./kg
Grillsteikur.............. 360 kr./kg
Bógsteikur...................... 395 kr./kg
Hakk............................. 435 kr./kg
Hamborgarar m/brauði 40 kr. /stk.
NÝTT
Folaldasnitchel
Folaldabuff...
Folaldagullasch
Folaldafillet.
Folaldahakk....
938 kr./kg
959 kr./kg
752 kr./kg
959kr./kg
* 199 kr./kg
SVÍNAKJÖT
Bacon aðeins.................. 421 kr./kg
Rifjasteikur aðeins............ 406 kr./kg
Lærissteikur.................. 485 kr./kg
Svínakótilettur................ 869 kr./kg
Svínalundir...................1.010 kr./kg
Opið til kl. 19.00 virka daga
m REYKJKJÍKURBORG |f|
----------------
Aeuttevi Stödívi
Þjónustuíbúðir aldraðra
Dalbraut 27
Eldhús
Starfsfólk vantar til starfa í eldhúsi. 75% vinna.
Vinnutími kl. 8.00-14.00. Unnið aðra hverja helgi.
Vakt - sjúkraliðar
Sjúkraliða vantar til afleysinga í júní - ágúst.
Deildarfulltrúi
Staða fulltrúa á skrifstofu er laus til umsóknar. Reynsla
við tölvuvinnslu æskileg.
Upplýsingar gefur forstöðumaður í síma 685377 virka
daga frá kl. 10.00-12.00.