Tíminn - 24.02.1989, Blaðsíða 15

Tíminn 15
Föstudagur 24. febrúar 1989
MINNING
Þorvaldur Elísson
Fæddur 29. júní 1948
Dáinn 5. febrúar 1989
Með þessum fáu línum langar
okkur að minnast vinar okkar, Þor-
valdar Elíssonar. Hvað er það sem
gerist þegar fólk á besta aldri er
kallað héðan svona snögglega? Þessi
spuming leitaði á hugann þegar við
fréttum lát Valda. Hann sem átti svo
margt ógert, enda bara fertugur.
Fátt er um svör. En huggun er í
orðunum „Þeir sem Guð elskar
deyja ungir“. Þó kynni okkar væru
ekki löng, fundum við að þarna
áttum við góðan vin. Alltaf var hann
boðinn og búinn að rétta hjálpar-
hönd ef á þurfti að halda. Barngóður
var Valdi, það fann Óli fljótt og var
mikið heima hjá honum. Stundum
sagði Óli okkur frá glettnum athuga-
semdum Valda. Svo sem þegar hann
klappaði á koll Óla og talaði um litla
framsóknarandlitið. Oft sátum við
og ræddum þjóðmálin og voru ekki
allir á sama máli um þau. Valdi var
þá óragur að verja sínar skoðanir,
þó hann væri kannski einn á móti
öllum. En aldrei var kvaðst nema
gera örlítið grín að öllu saman. Nú
er komið að hinstu kveðjum og
viljum við þakka þér samveruna
með þessum ljóðlínum:
Daprast hugir, dauðinn kallar,
drjúpa tár og væta kinn.
Kæri vinur, höfði haliar
heim þig leiði frelsarinn.
Pökkum liðnu æviárin,
áttum saman marga stund.
í blóma lífsins birtust sárin,
er hrakinn sofnar hinstu stund.
Innilegar samúðarkveðjur send-
um við Eddu, börnunum og öðrum
ættingjum. Blessuð sé minning þín.
Kolbrún og Sigurður Einir.
Sigurvin Össurarson
Einn hinn ötulasti af liðsmönnum
Kommúnistaflokks íslands, Sigurvin
Össurarson, lést í Reykjavík 5.
febrúar 1989. - Sigurvin var fæddur
28. mars 1907 í Kollsvík í Rauða-
sandshreppi. Foreldrar hans voru
Össur bóndi þar Guðbjartsson, einn-
ig bónda þar, Ólafssonar, og eigin-
kona hans Anna Guðrún Jónsdóttir
bónda á Hnjóti í Örlygshöfn við
Patreksfjörð. Kona Guðbjarts
Ólafssonar, amma Sigurvins, var
Magdalena Halldórsdóttir, Einars-
sonar Jónssonar hreppstjóra í
Kollsvík, sem Kollsvíkurætt er af
komin (sjá „Kollsvíkurætt“, eftir
Trausta Ólafsson, Rvk. 1960, bls.
276).
Sigurvin ólst upp við hin daglegu
störf til sjávar og sveita, en ekki aðra
skólagöngu en þriggja vikna setu í
farskóla í fjóra vetur. Þeirrar tilsagn-
ar minntist Sigurvin með glettnis-
kenndri hlýju, en kennari var sr.
Þorvaldur í Sauðlauksdal. Á ung-
lingsárum fór Sigurvin til sjós, á sjó
var hann lengstum tvo áratugi. Tví-
tugur fluttist hann með foreldrum
sínum að Mýrum í Dýrafirði. Um
það leyti kvæntist hann (fyrra sinni)
og stofnaði heimili.
Sigurvin Össurarson fluttist bú-
ferlum til Reykjavíkur um 1930.
Tók hann þá vinnu, sem til féll, á
stundum atvinnubótavinnu. Gekk
hann þá til liðs við Kommúnistaflokk
íslands. Hann var við „Gúttó“, þeg-
ar átök urðu þar, meðan fundur í
borgarstjóm stóð yfir 9. nóvember
1932, og tók hann þá nokkrar ljós-
myndir. Litlu síðar var hann ráðinn
á b/v Geir, það mikla aflaskip, og
naut þess, að hann var góður flakari.
Á Geir var hann í 10 ár. Þess má
geta, að hann hafði jafnan með sér
kennslubók í ensku og las í henni,
þegar hann kom því við, og náði
hann góðum tökum á málinu.
Fyrstu stríðsárin sigldi Sigurvin
þannig til Englands á b/v Geir. Eins
og kunnugt er, var b/v Geir í 60-70
sjómílna fjarlægð, þegar þýskur kaf-
bátur sökkti b/v Reykjaborg, stærsta
fiskiskipi landsins, á leið til Fleet-
wood. Á bakaleiðinni stöðvaði kaf-
bátur b/v Geir og beindi að honum
fallbyssu. (Frá því atviki sagði Matt-
hías Johannessen í „Morgunblað-
inu“ 12. apríl 1968.)
I land mun Sigurvin hafa farið
1941. Um það leyti kynntist ég
honum í félagsstarfi Sósíalista-
flokksins, sem hann lét mjög til sín
taka. Tók ég eftir, að Sigurvin var
flestum betur að sér um gang styrj-
aldarinnar, en vissi þá ekki, hve
mjög hann lagði sig fram um það.
Hefur Halldór Kiljan Laxness sagt
svo frá: „ „Undursamlegt, að þessi
íslenski verkamaður skuli hafa verið
við hlið mér skref af skrefi, frá einni
dagstund til annarrar, allan tímann
sem ég var að berjast við Hitler,"
sagði Boris Polevoj, þegar ég kom
til hans í Moskvu eftir íslandsferð-
ina, sýndi mér gjöf vinar síns Sigur-
vins Össurarsonar: Evrópukort, þar
sem Sigurvin og félagar hans höfðu
dregið strik og fært til flagg oft á dag,
eftir því, hvar fréttirnar sögðu, að
Rauði herinn stæði þá, uns yfir lauk
fyrir Hitler og fáninn með hamri og
sigð var dreginn að hún yfir Berlín."
(Formáli að Saga af sönnum manni
eftir Boris Polevoj.) Þá er þess að
geta, að Sigurvin lagði jafnframt
stund á rússnesku og innan tíðar las
hann rússneskar bækur og blöð sér
til ánægju.
í hálfan annan áratug frá stríðs-
lokum viðhafði Sigurvin starfsheitið
bílstjóri, þótt verkamannavinnu og
grásleppuveiðar legði hann ekki síð-
ur fyrir sig en akstur vörubíls. En á
sjötta áratugnum stofnaði hann og
fleiri ístorg hf. Flutti ístorg hf. inn
ýmsa muni frá Ráðstjórnarríkjunum
og Kína og öðrum sósíalískum lönd-
um og hafði opna sölubúð á Hall-
veigarstíg. Um 1965 fór Sigurvin að
flytja inn Hellesen-rafhlöður, sem
hann seldi í fyrstu í búðir úr bíl
sínum. í kringum þann innflutning
stofnaði hann Hnitberg hf. Fékkst
hann sfðan við innflutnings-verslun
til dauðadags.
Fyrri kona Sigurvins var Guðrún
Helga Kristjánsdóttir frá Kollsvík.
Eignuðust þau sex börn. Hana missti
Sigurvin. Liðlega sextugur giftist
hann Zítu Kolbrúnu Benediktsdótt-
ur og eignuðust þau þrjú börn. -
Sigurvin þótti góður meðalmaður að
hæð, var vel að manni og hinn
röskvasti maður, hreinskiptinn og
einarður. Hann var líka glöggur
maður og víða vel heima.
Reykjavík 18. febrúar 1989
Haraldur Jóhannssun
SAMVINNUMAL Jllll................................................. .......Illllllllllll....... .......................................................................Illlllllll........ ""illlllllll.............................Illllll......................
Samkortið
breiðist út
„Þetta gengur hægt og bítandi,“
sagði Halldór Guðbjarnason frkvstj.
Samkorts hf. aðspurður um hvernig
gengi með hið nýja greiðslukort
samvinnufélaganna. Hann sagði að
núna þessa dagana væri verið að
vinna í því að velja út fyrirtæki á
Suðurnesjum og í Hafnarfirði, sem
boðið yrði að taka við kortinu.
Síðan væri ætlunin að taka fleiri
landshluta fyrir, og meðal annars
væru Akureyri og Húsavík framund-
an á næstunni. Korthafar eru núna
komnir á þriðja þúsundið.
Nánar til tekið sagði Halldór að
það væru kaupfélögin og önnur sam-
vinnufyrirtæki, og þar að auki fjöldi
annarra þjónustuaðila, sem tækju
við kortinu. Það væri stefnan að
velja mörg fyrirtæki inn í þennan
hóp og við það miðað að kortið gæti
veitt korthöfum alhliða þjónustu.
Nú þegar er búið að semja við
nokkra tugi fyrirtækja í Reykjavík
og á suðvesturhorni landsins um
kortaviðskipti, og þeim fjölgar dag
frá degi. Áð þessu máli er unnið
þannig að teknir eru fyrir einstakir
landshlutar og valin þar út fyrirtæki
til viðskiptanna.
Samkort hf. var stofnað s.l. haust
af Sambandinu, kaupfélögunum og
samstarfsfyrirtækjum þeirra. Hægt
er að nota kortið hjá nánast öllum
samvinnufyrirtækjum í landinu, þar
á meðal öllum stærri kaupfélögunum
og að heita má öllum hinum smærri.
Núna eru um það bil þrír mánuðir
síðan kortið var fyrst tekið í notkun.
og korthöfum fjölgar stöðugt. -esig
Auglysing um próf fyrir
skjalþýðendur og dómtúlka
Þeir, sem öölast vilja réttindi sem skjalþýðendur
og dómtúlkar, eiga þess kost aö gangast undir
próf, er haldin veröa í mars-apríl, ef þátttaka
verður nægjanleg.
Þeim, sem hyggjast þreyta slíkt próf, gefst kostur
á að taka þátt í undirbúningsnámskeiði, sem hefst
6. mars nk. Frestur til að tilkynna þátttöku í því
námskeiði er til 3. mars nk. Námskeiðsgjald er kr.
5.000.
Frestur til innritunar í próf rennur út 14. mars nk.
og skal þájafnframtgreiða prófgjaldið, kr. 20.000.
Skráning þátttöku í undirbúningsnámskeiðinu fer
fram í dóms- og kirkjumálaráðuneytinu, sími
609010. Umsóknum um þátttöku í prófinu skal
skila til ráðuneytisins á sérstökum eyðublöðum,
sem þar fást.
Dóms- og kirkjumálaráðuneytið,
22. febrúar 1989.
Styrkur til Noregsfarar
Stjórn sjóðsins Þjóðhátíðargjöf Norðmanna auglýsir eftir umsóknum
um styrki úr sjóðnum vegna Noregsferða 1989.
Samkvæmt skipulagsskrá er tilgangur sjóðsins „að auðvelda íslend-
ingum að ferðast til Noregs. í þessu skyni skal veita viðurkenndum
félögum, samtökum og skipulegum hópum ferðastyrki til Noregs í því
skyni að efla samskipti þjóðanna, t.d. með þátttöku í mótum,
ráðstefnum eða kynnisferðum, sem efnt er til á tvíhliða grundvelli,
þ.e.a.s. ekki eru veittir styrkir til þátttöku í samnorrænum mótum, sem
haldin eru til skiptis á Norðurlöndunum. Ekki skal úthlutað ferðastyrkj-
um til einstaklinga, eða þeirra sem eru styrkhæfir af öðrum aðilurn."
í skipulagsskránni segir einnig, að áhersla skuli lögð á að veita styrki
sem renna til beins ferðakostnaðar, en umsækjendur sjálfir beri
dvalarkostnað í Noregi.
Hér með er auglýst eftir umsóknum frá þeim aðilum, sem uppfylla
framangreind skilyrði. í umsókn skal getið um hvenær ferð verður
farin, fjölda þátttakenda og tilgang fararinnar. Auk þess skal tilgreina
þá upphæð sem farið er fram á.
Umsóknir óskast sendar til stjórnar sjóðsins, Forsætisráðuneytinu,
Stjórnarráðshúsinu, Reykjavík, fyrir 20. mars 1989.
Vegna útfarar
Eiríks Briem
fyrrverandi framkvæmdastjóra
verður skrifstofa Landsvirkjunar í Reykjavík lokuð
eftir hádegi föstudaginn 24. febrúar.
L
LANDSVIRKJUN
t
Emilía Albertsdóttir
frá Sléttu, Sléttuhreppi
Hraunbraut 14, Kópavogi
er látin.
Börnin.
Innilegar þakkir færum við þeim er auðsýndu okkur samúð og hlýhug
við andlát og útför eiginkonu minnar, dóttur okkar, móður, ömmu,
dótturdóttur og systur
Áróru Sjafnar Ásgeirsdóttur
hjúkrunarfræðings
Helgi Grétar Kristinsson
Lára Herbjörnsdóttir Ásgeir Ármannsson
Kjartan Sveinsson Ásgeir Sveinsson
Hanna Lára Sveinsdóttir Þórhiidur Sif Jónsdóttir
óskirðGunnarsdóttir Guðbjörg Jónsdóttir
ÁsgerðurÁsgeirsdóttir Guðbjörn Ásgeirsson
Árný S. Ásgeirsdóttir Einar Ásgeirsson