Tíminn - 17.05.1989, Blaðsíða 2

2 Tíminn
■ • Miövikudagur 17. maí 1989
__Hugrún Linda Guðmundsdóttir, ungfrú Island:
Fer í útskriftar-
ferð til Rhodos
Hugrún Linda Guðmundsdóttir sigraði í fyrrakvöld keppn-
ina um fegurstu stúlku íslands. Hún hyggur á ferðalag til
Rhodos en mun að því loknu taka til við að malbika vegi
Iandsins. Hennar bíður nú að fara og taka þátt í samkeppni
um alheimsfegurðardrottningu en hyggur að því loknu á
frekara nám.
„Mér brá náttúrulega alveg rosa-
lega en róaðist fljótt niður. Annars
leggst þetta allt saman mjög vel í
mig,“ sagði Hugrún í samtali við
Tímann.
Hún sagðist ekki vita hvað tæki
við í kjölfar kjörsins. „Ég hef ekki
ennþá rætt við framkvæmdastjóra
keppninnar en ég fer allavega í eina
keppni erlendis. Þessa dagana eru
kennararnir mínir í Menntaskólan-
um við Sund í verkfalli og ef það
leysist ekki fljótlega fer ég Ifklega að
vinna. Annars er ég á leiðinni til
Rhodos í útskriftarferð þann 29.
þessa mánaðar. Við erum öll búin að
borga ferðina og ætlum að standa
saman hvað það varðar að fara þó
próf yrðu ákveðin á sama tíma.
Annað væri ekki hægt það myndi
skemma svo mikið fyrir allt of
mörgum," sagði Hugrún.
í sumar ætlar hún í malbikunar-
vinnu og stefnir síðan að því að
vinna í eitt ár áður en hún heldur í
frekara nám, en þar er matvæla- og
næringarefnafræði einna líklegust
eins og stendur. Að sögn var undir-
búningur keppninnar geysilega erf-
iður en álagsins virði. „Þetta er búið
að vera mjög gaman en jafnframt
því mjög erfitt og miklar æfingar.
Maður öðlast mikla reynslu, betri
framkomu og aukið sjálfstraust, lær-
ir að bera sig vel og hugsa um
líkamann," sagði Hugrún.
Keppnin fór fram á Hótel íslandi
og húsið var opnað klukkan hálf sjö.
Lúðrasveit tók á móti gestum sem
boðið var upp á sértilbúinn drykk
við komuna. En ísinn í hann var
sóttur sérstaklega í Vatnajökul
vegna tilefnisins. Klukkutíma sfðar
var fegurðardrottningunum ekið
upp að húsinu í svörtum glæsivögn-
um og þær kynntar.
Að því búnu var borinn fram
fjórréttaður kvöldverður, keppend-
ur komu inn á sundbolum og f
kvöldkjólum. Kynnar kvöldsins
voru Sigrún Waage og Valdimar
Öm Flygenring leikarar og inn á
milli innkoma keppendanna var
boðið upp á ýmis skemmtiatriði.
Upp úr miðnætti fór síðan sjálf
krýningin fram. í dómnefndinni áttu
sæti Ólafur Laufdal formaður, Erla
Haraldsdóttir, Sigtryggur Sigtryggs-
son, Friðþjófur Helgason, Ingi
Björn Albertsson, Anna Margrét
Jónsdóttir og Sóley Jóhannsdóttir.
Linda Pétursdóttir var heiðursgestur
keppninnar og krýndi arftaka sinn,
en auk hennar var ungfrú írland
viðstödd.
„Dagskráin var í sjálfu sér ekki
mikið frábrugðin því sem verið
hefur. En keppnin hefur verið svip-
uð frá ári til árs eftir að byrjað var
að leggja þetta mikið í hana. Nú var
ef til vill lagt heldur meira upp úr
skreytingum í salnum en áður,“
sagði Hörður Sigtryggsson aðstoðar-
hótelstjóri Hótel íslands í samtali
við Tímann.
Hann sagði að alltaf væri jafn
skemmtilegt að fást við undirbúning
keppninnar og að keppendur virtust
einnig hafa haft gaman af. jkb
Hugrún Linda Guðmundsdóttir var
kosin fegurðardrottning íslands í
fyrrakvöld á Hótel íslandi. Linda
Pétursdóttir krýndi arftaka sinn og
Ijósmyndafyrirsæta keppninnar,
Hildur Dungal sem varð í öðru sæti,
þerraði tár sigurvegarans.
Tímamynd: Pjetur
Lítið eftirlit með
erlendu kaupafólki
margir einstaklingar eru þarna á
ferðinni og þeir aðilar sem haft var
samband við út af máli þessu í gær,
vísuðu hver á annan.
Útlendingaeftirlitið skráir alla
sem koma hingað til lands, en hefur
ekki upplýsingar um þá útlendinga
sem koma hingað í þeim tilgangi að
vinna við bústörf. Útlendingaeftirlit-
ið vísaði á vinnumálaskrifstofu fé-
lagsmálaráðuneytisins, þar var vísað
á Stéttarsamband bænda, þar var
vísað á Búnaðarfélag íslands. Hjá
Búnaðarfélaginu fengust þær upp-
iýsingar að þeir hefðu einungis skrá
yfir þá aðila sem kæmu til vinnu í
sv<útum á þeirra vegum, en vegna
anna við að skrá unglinga í sveita-
vinnu hefði enn ekki gefist tími til að
taka saman fjölda útlendinga sem
ráðnir hefðu verið í sveit með milli-
göngu þeirra. Samband var haft við
yfirdýralækni og landbúnaðarráðu-
neytið, en þar lágu ekki fyrir upplýs-
ingar um málið.
Fólk frá Norðurlöndunum þarf
ekki atvinnuleyfi hér á landi og mun
vera þó nokkuð um að ungt fólk frá
Skandinavíu ráði sig í vinnu hér,
bæði til sveita og til annarra starfa.
Þá segja heimildir blaðsins að tölu-
vert sé um að fólk ráði sig á eigin
vegum í vinnu á íslenskum sveita-
bæjum til að eiga þess kost að
kynnast íslenska hestinum í sínu
rétta umhverfi. Þetta fólk fer ekki í
gegnum ráðningarskrifstofur og ó-
víst hvort margt af því hefur atvinnu-
leyfi, enda kaupið lágt í flestum
tilvikum, jafnvel einungis fæði og
húsnæði.
Tíminn hafði samband við bónda
í Skagafirði og sagði hann talsverð
brögð að því að útlendingar ynnu
tímabundið og fyrir lágt kaup á
býlum, í þeim tilgangi að safna
lífsreynslu. Þannig ku hægt að finna,
ef vel er leitað, indíána og Græn-
lendinga í innsveitum Húnavatns-
og Skagafjarðarsýslu. - ÁG
Mánaðaverkefni fyrir
þorra togaraf lotans
Tilraunaveiðar tveggja frysti-
togara Sjólastöðvarinnar hf. á djúp-
karfamiðum utan landhelgi SV af
landinu lofa góðu. Forráðamenn
Sjólastöðvarinnar telja að þarna
kunni að vera tveggja til þriggja
mánaða verkefni fyrir þorra íslenska
togaraflotans á hverju ári, sem gæti
gefið þjóðarbúinu hundruð milljóna
króna tekjuauka.
Eins og Tíminn hefur greint frá
fóru Sjóli og Haraldur Kristjánsson
á þessar tilraunveiðar 18. og 20.
apríl sl. Bæði skipin lentu í nokkrum
erfiðleikum með vörpurnar í byrjun,
en þegar þeir voru úr sögunni hafa
fengist allt að 30 tonn í hali, en verið
að jafnaði 20 tonn á dag.
Aflinn var heilfrystur um borð
fyrir Kóreumarkað, en um borð í
Sjóla voru gerðar tilraunir með fryst-
ingu á hausskornum karfa fyrir Jap-
ansmarkað, ef þær tilraunir takast
vel hefur það í för með sér talsverða
aukningu á aflaverðmæti. -ABÓ
Rúmlega 25 tonna hal tekið um borð í Harald Kristjánsson, sem var á
úthafskarfaveiðum utan landhelgi.
Samkvæmt heimildum Tímans er
töluvert um að útlendingar séu ráðn-
ir í vist á sveitaheimilum hérlendis.
Hins vegar virðist ekki til í fórum
neinnar stofnunar, listi um hversu
Sex tilboð í stjórn-
hús Blönduvirkjunar
Tilboð í byggingu stjórnhúss við
Blönduvirkjun voru opnuð á föstu-
daginn sl. hjá Landsvirkjun. Alls
bárust sex tilboð í verkið, auk eins
frávikstilboðs og hljóðaði lægsta
tilboðið sem kom frá ísberg sf. í
Reykjavík upp á rúmar 116 mill-
jónir króna. Hæsta tilboðið kom
frá Hagvirki hf. í Hafnarfirði og
hljóðaði það upp á rúmar 179
milljónir króna, en kostnaðaráætl-
un Landsvirkjunar nam rúmum
170,5 milljónum króna.
Önnur fvrirtæki sem buðu í verk-
ið voru Byggingarfélagið Hlynur
hf. og Trésmiðjan Borg hf. á
Sauðárkróki, fyrirtækin buðu um
151 milljón í verkið, Fossvirki í
Reykjavík bauð um 168,6 milljón-
ir, Trésmiðjan Stígandi hf. á
Blönduósi bauð tæpar 130 milljónir
og S.H. verktakar, Hafnarfirði,
buðu tæpar 127 milljónir króna í
verkið og frávikstilboð upp á 124
milljónir króna.
Stjómhúsið sem um ræðir á að
verða þriggja hæða steinsteypt
bygging, alls um 1350 fermetrar. í
því verður stjómherbergi, rofasal-
ur, verkstæði, geymslur o.fl. Hús-
inu á að skila að mestu fullfrá-
gengnu með loftræstibúnaði,
raflögn, pípulögn og innréttingum.
Gert er ráð fyrir að húsið verði
steypt upp að mestu á þessu ári, en
verkinu verði lokið að fullu á því
næsta.
Verið er að meta og bera tilboðin
saman, en í framhaldi af því verður
ákveðið hvaða fyrirtæki hlýtur
verkið. -ABÓ