Tíminn - 01.12.1989, Side 16
AUGLYSINGASÍMAR: 680001 -
RÍKISSÍUP NÚTÍMA FLUTNINGAR Holnarhúsinu v/Tryggvagötu, S 28822 SAMVINNUBANKINN L ÍBYGGÐUM LANDSINS MLM:iii;na’iMiii:ifJiin PÓSTFAX TÍMANS 687691
ÞRttSTUR
68 50 60
VANIR MENN
Tímimi
FÖSTUDAGUR 1.DESEMBER 1989
Ríkisstjórnarflokkarnir ná saman um tillögur um framkvæmd virðisauka, eitt 24,5%
skattþrep um áramót og sem svarar 14% endurgreiöslu á matvæli. Tvö þrep verði athuguð:
Eitt 24,5% skattþrep í
virðisauka um áramótin
Samþykkt hefur verið í ríkisstjórninni að skattþrep
virðisaukans verði 24,5%, en endurgreiðsla á matvælum
nemi sem svarar 14% skattstigi. Skatturinn kemur til
framkvæmda um áramót. Þetta var niðurstaða ríkisstjórn-
arfundar síðdegis í gær.
Lækkun skattprósentu virðisauk-
ans úr 26% í 24,5% þýðir um 1,9
milljarða tekjutap fyrir ríkissjóð.
Verðlagsáhrif þessa verða um 1/
2% lækkun framfærsluvísitölunnar
og81/2% lækkun á kjöti ogmjólk.
Ríkisstjórnin kom tvívegis sam-
an til fundar í gær, í fyrra skipið
um hádegið og síðan aftur á milli
klukkan fimm og sex, en í millitíð-
inni héldu þingflokkar stjórnar-
flokkanna fundi sína þar sem tekin
var fyrir tillaga Steingríms Her-
mannssonar forsætisráðherra,
varðandi virðisaukaskattinn. Til-
lagan var samþykkt af öllum flokk-
unum og síðan af ráðherrum
stjórnarinnar á seinni fundinum.
Til að vega upp á móti tæplega
tveggja milljarða tekjumissi ríkis-
sjóðs verður tekjuskattur hækkað-
ur um 2% og verður því 37,7%
eftir áramót. Ráðgert er að auknar
tekjur ríkisins af þessari hækkun
verði um 2,4 milljarðar, en helm-
ingur þeirrar upphæðar, eða 1,4
milljarðar renna til hækkunar
barnabóta og persónuafsláttar.
Reiknað er með að tekjuskattur á
orkufyrirtæki skili um 250 milljón-
um í ríkissjóð og mengunarskattur
sem samsvarar 3000 krónum á
meðal bifreið skili um 350 milljón-
um.
Eitt skattþrep mun verða í virð-
isaukanum sem tekinn verður upp
um áramótin en með því eru tvö
þrep þó ekki úr sögunni. í plaggi
því sem samþykkt var í gær segir
að „athugun á framkvæmd viðrðis-
aukaskattsins muni haldið áfram
án tafar. Athugað muni hvort megi
ná meiri lækkun á matvælum með
tveimur þrepum, enda sé inn-
heimta skattsins tryggð og tekjutap
rfkissjóðs bætt. Taka verði jafn-
framt tillit til þeirrar ákvörðunar
sem tekin verði um virðisaukaskatt
í Vestur-Evrópu almennt."
Steingrímur Hermannsson for-
sætisráðherra skýrði frá þessari
niðurstöðu við umræður í samein-
uðu þingi í gærkveldi, þar sem
tekin var fyrir vantrauststillaga
stjórnarandstöðunnar á ríkis-
stjórnina. Með því að verja 1,4
milljörðum áf þeim 2,8 milljörðum
sem 2% hækkun tekjuskatts skilar
í ríkissjóð, til þess að hækka pers-
ónuafslátt og barnabætur hækka
skattleysismörk um rúmlega þús-
und krónur. Þau yrðuþáum 52.500
krónur í stað 51.500 króna. Þetta
er heldur minni hækkun er gert var
ráð fyrir í fjárlagafrumvarpinu.
Barnabætur munu hins vegar
hækka meira en gert var ráð fyrir í
frumvarpinu.
Niðurstaðan úr þessu verður sú
að skattbyrði lágtekjufólks og
barnafjölskyldna verður svipuð á
fyrri helmingi næsta árs og hún var
á þessu ári, en heldur þyngri að
meðaltali á árinu öllu. Skattbyrðin
þyngist þó mest hjá hátekjufólki.
- ÁG
Fyrirgreiðslupólitík gagnvart flokksgæðingum stefna Sjálfstæðis-
flokksins? Alfreð Þorsteinsson varaborgarfulltrúi:
DAVÍD GEFUR TÓNINN
Davíð Oddsson borgarstjóri
hefur, nýkominn úr Florídasólinni,
tekið upp hanskann fyrir flokks-
bróður sinn Júlíus Hafstein í lóða-
málinu við Lágmúla. í viðtali við
DV nýverið hafði borgarstjórinn
það á orði að mál þetta væri
einskonar reyksprengja sem Al-
freð Þorsteinsson varaborgarfull-
trúi frantsóknarmanna hefði kast-
að fram á rneðan sólin bakaði hann
sjálfan á suðlægari breiddargráð-
um.
í Morgunblaðinu í gær segir
Davíð einnig að málið sé ekki
þannig vaxið að efni séu til að
Júlíus skili lóðinni og f rauninni
hafi Alfreð gcngið óeðlilega fram í
málinu, bersýnilcga ekki til þess að
ieita sannleikans heldur eingöngu
til að þyrla upp moldviðri og í
þessu máli hefði verið veist að
Júlíusi á ósanngjarnan hátt.
Alfrcð Þorsteinsson sagði í gær
að greinilegt væri af þessum um-
mælum borgarstjóra og varafor-
Alfreð Þorsteinsson borgarfuUtrúi.
manni Sjáifstæðisflokksins að hann
legði blessun sína yfir fyrirgreiðslu-
pólitík til flokksgæðinga. Tónninn
hefði hér verið gefinn. Alfreð sagði
sfðan:
„Með ummælum sfnum í Morg-
unblaðinu í gær tekur borgarstjóri,
Davíð Oddsson, fulla ábyrgð á
lóðarmálinu í Lágmúla. Málið
snýst því ekki lengur um athæfi
eins borgarfulltrúa Sjálfstæðis-
flokksins heldúr er það orðið að
flokksmáli, því að auk þess að vera
borgarstjóri er Davíð Oddsson
jafnframt varaformaður Sjálf-
stæðisflokksins.
Ég hef orðið þess áþreifanlega
var að almenningur fordæmir þau
vinnubrögð sem viðhöfð hafa verið
í þessu lóðarmáli, þar á meðal
ýrasir sjálfstæðismenn. Þeir töldu
víst að borgarstjóri myndi skerast
í leikinn og fá Júlíus Hafstein til að
skila lóðinni, en annað hefur kom-
ið á daginn, samanber viðtalið við
Davíð Oddsson borgarstjóri.
borgarstjóra í Morgunblaðinu í
gær.
Það sem stendur óhaggað í máli
þessu er sú staðrcynd að borgar-
fulltrúi er að reisa 7(M) fcrmetra
atvinnuhúsnæði á besta stað í bæn-
um undir fyrirtæki sem rekið er
gegn um símsvara og hcfur enga
þörf fyrir þetta húsnæði.
Það liggur ennfremur fyrir að
skipulagi þessa svæðis var breytt úr
útivistarsvæði í lóðir undir verslun-
ar- og skrifstofuhús borgarfulltrú-
anum í hag.
Ennfremur liggur fyrir að lóðin
var aldrei auglýst.
Loks má á það benda að greiðsl-
ur gatnagcrðar- og byggingarleyfis-
gjalda voru með óvenjulegunt
hætti þó að embættismenn borgar-
innar reyni að kióra yfir það. Þegar
svona grímulaust er að málum
staðið hljóta borgarbúar að spyrja
hvort ekki sé víðar pottur brotinn.
Ég bcndi á að gangverð lóðar-
innar í Lágmúla er sex til átta
milljónir samkvæmt upplýsingum
kunnugra aðila. Það þýða þrjár til
fjórar milljónir í vasa borgarfull-
trúans, hafi hann selt lóðina eða
hyggist hann selja hana nteð einum
eða öðrum hætti.
Ég bendi loks á að Júlíus Haf-
stein borgarfulltrúi hefur haft heilt
ár til að skila lóðinni inn, eða allt
frá þeim tíma að hann seldi O.
Johnson & Kaaber rekstur fyrir-
tækisins um síðustu áramót. Þann-
ig cr það engin afsökun að erfitt sé
að skila lóðinni þar sem bygginga-
framkvæmdir séu hafnar," sagði
Alfreð Þorsteinsson. -sá
Framleiðsla heimamerkja, til að líma á nýju númeraplöturnar, er hafin.
Merkin eru með mynd af skjaldarmerki kaupstaðar eða sýslu.
Bifreiðaskoðun íslands:
HEIMAMERKI
Á ÖKUTÆKI
Bifreiðaskoðun íslands hefur haf-
ið framleiðslu og sölu á heimamerkj-
um sem svo má kalla, til að setja á
skráningarnúmer bíla. Merkin eru
skjaldarmerki kaupstaðar eða sýslu
og eru límd á þar til gerðan reit
fremst á númeraspjaldinu.
Þegar nýja skráningarkerfið tók
gildi hvarf um leið auðkenning bíla
eftir sýslum og kaupstöðum. Þessi
merki ættu því að verða bifreiðareig-
endum kærkomin, þar sem á tímabili
sáu menn nýja númerakerfinu það
helst til foráttu að ekki væri hægt að
þekkja hvaðan viðkomandi bifreið
var.
Alls er um 50 gerðir merkja að
ræða og er það Bifreiðaskoðun ís-
lands sem sér um framleiðslu merkj-
anna. Þau kosta eitt hundrað krónur
og eru fáanleg hjá Bifreiðaskoðun
íslands um allt land og á nokkrum
bensínstöðvum. -ABÓ