Tíminn - 07.02.1991, Blaðsíða 20

AUGLYSINGASIMAR: 680001 & 686300
RÍKISSKIP
NUTÍMA FLUTNINGAR
Hatnarfiusinu v Tryggvagolu,
_____ S 28822
Ókeypís auglýsingar
fyri^instaklinga^
POSTFAX
91-68-76-91
MISSAM
Réttur bíll á
réttum stað
Ingvar
Helgason hf.
Sævartiöfða 2
Sími 91-674000
9
I í iiiinn
FIMMTUDAGUR 7. FEBRÚAR 1991
Endurkröfur vátryggingafélaganna á tjónvalda í um-
ferö sökum ásetnings eöa stórkostlegs gáleysis:
90% vegna ölvunarakst-
urs og meirihlutinn karlar
Á árinu 1990 afgreiddi endurkröfunefnd vátryggingafélaganna
154 mál, en af þeim voru samþykkt að öllu leytl eða hluta 149
mál, 90% af þeim voru vegna ölvunaraksturs.
Af þeim sem ollu hinum 149 end-
urkröfðu tjónum voru 123 karlar,
en 26 konur. Fjárhæð þeirra endur-
krafna sem nefndin samþykkti á
síðasta ári er talin nema samtals
18.379.477 krónum og hljóðaði
hæsta samþykkta krafan upp á
1.671.350 krónur og sú næsthæsta
upp á 1.250.000 krónur.
Samkvæmt umferðarlögum eign-
ast vátryggingafélag, sem greitt
hefur bætur vegna tjóns af völdum
ökutækja, endurkröfurétt á hendur
þeim sem tjóni valda af ásetningi
eða stórkostlegu gáleysi. Endur-
kröfunefndin fer með þessi mál og
ákveður hvort og að hve miklu leyti
beita skuli endurkröfurétti. Nefnd-
in er skipuð þremur mönnum af
dómsmálaráðherra.
Því geta umferðarlagabrot öku-
manna, t.d. ölvunarakstur, hrað-
akstur o.s.frv. ekki einungis valdið
ökuleyfissviptingu og refsingu í
formi sektar eða fangelsis og að
ökumaður þurfi að bera hugsanlegt
tjón á ökutækinu sjálfur, heldur
hefur vátryggingafélag einnig end-
urkröfurétt á hendur honum sam-
kvæmt umferðarlögum ef á hann
sannast að hann hafi valdið tjóni af
ásetningi eða stórkostlegu gáleysi.
í fréttatilkynningu frá nefndinni
segir að á árinu 1989 var heildar-
fjöldi mála 149 og samþykktar end-
urkröfur að öllu eða einhverju leyti
það ár voru 133, samtals að fjár-
hæö kr. 23.462.454. Árið 1989 voru
karlarnir 108, en konurnar 25.
Ástæða endurkröfu er langoftast
ölvun tjónvalds, þ.e. í 139 tilvikum
árið 1990, en aðrar en ölvun réðu
endurkröfum í 10 tilvikum. Á ár-
inu 1989 voru ástæður endurkröfu
vegna ölvunar í 120 málum, en
aðrar ástæður réðu endurkröfu í
13 málum. Ölvunartilvikum hefur
því farið hlutfallslega fjölgandi
milli áranna 1989 og 1990, eða um
3%.
í fréttatilkynningunni segir jafn-
framt að tjónvöldum sem endur-
krafðir voru vegna tjóna af völdum
ölvunar árið 1990, reyndust 62
hafa um og yfir 2 prómill vínanda-
magn í blóði, þar af 6 um og yfir 3
prómill. „Rétt er að hafa í huga við
mat á þessum tölum ákvæði um-
ferðarlaga varðandi ölvunarakstur.
Þar segir að enginn megi stjórna
vélknúnu ökutæki ef hann er und-
ir áhrifum áfengis. Nemi vínanda-
magn í blóði ökumanns 0,50 pró-
mill, en er minna en 1,20 prómill,
eða ökumaður er undir áhrifum
áfengis þótt vínandamagn í blóði
hans sé minna, telst hann ekki
geta stjórnað ökutæki örugglega.
Ef vínandamagn í blóði ökumanns
nemur 1,20 prómill eða meira
telst hann óhæfur til að stjórna
ökutæki." GEÓ
MJÖG HARÐUR ÁREKSTUR varð á gatnamótum Kringlumýr-
arhrautar og Borgartúns um hálfsexleytið í gær. Fimm voru fluttír á
slysadeild en ekki var vitað um meiðsli þeírra. Þau eru þó ekki tatin
mjög aivarieg. SkÖmmu áður var ekið á gangandi vegfaranda á
Snorrabraut á móts við Herraríki. Hann var fluttur á slysadeíid.
Nokkru síðar var ungur pittur fluttur með sjúkrabfl á slysadeild eftir
að hafa hjólað á kyrrstæðan bíl. TfmamymJ: Þorvaldur
Tillaga Sigrúnar Magnúsdóttur í borgarstjórn:
Ómengandi strætó
Fyrir borgarstjómarfundi í dag
liggur fyrir tillaga frá Sigrúnu
Magnúsdóttur, borgarfulltrúa
Framsóknarflokks, um að borgar-
stjóm samþykki að kaupa þrjá um-
hverfisvæna strætisvagna. Vagn-
arair gangi fyrir etanólbiöndu og
verði minni og spameytnari en nú
tíðkast. Tillagan er sett núna fram
svo hún geti hugsanlega náð fram
að ganga í fjárhagsáætlun borgar-
innar sem samþykkt verður á næst-
unni.
í greinargerð með tillögunni er
vikið að herferð iðnaðarráðherra þar
sem hvatt er til sparnaðar á olíu. í
tengslum við þá herferð hefur iðn-
aðarráðherra tekið undir hugmynd-
ir Sigrúnar og annarra stjórnar-
manna í stjórn Strætisvagna
Reykjavíkur um að fella niður að-
flutningsgjöld af strætisvögnum til
að létta undir þjóðhagslega hag-
kvæmum almenningssamgöngum.
„Það er nauðsynlegt að leita leiða
til að minnka mengun og ein leiðin
er að nota vagna, knúna alkóhóli. Þá
má einnig húgsa sér rafknúna
vagna,“ sagði Sigrún.
Sigrún Magnúsdóttir gerði nýlega
fyrirspurn í stjórn veitustofnana um
hvers vegna kosnaður við byggingu
útsýnishússins í Öskjuhlíð hafi
hækkað á síðasta ári um 240 millj-
ónir. Jafnframt því sem framkvæmd-
ir í fyrra hefðu farið 64 milljónir
fram úr áætlun hækkar kostnaðar-
áætlun þessa árs fimmfalt frá því
sem í fyrstu var ætlað eða úr 45 í 230
milljónir. -sbs.
Brotist inn í Menntaskólann viö Hamrahlíð,
hurðir eyðilagðar og peningum stolið:
HÖFÐU ENGAN ÁHUGA
Á HEIMAVERKEFNUM
í SPÆNSKU OG DÖNSKU
Brotist var inn í Menntaskólann við
Hamrahlíð í fyrrinótt í sjöunda sinn
á þessum vetri. Tjónið úr sex fyrstu
innbrotunum er metið á 980 þús-
und, að sögn Sverris Einarssonar
rektors, en nú bætast við það nokk-
ur hundmð þúsund. Sex hurðir
vom eyðilagðar, nokkrir peninga-
kassar og læstir skápar vom spennt-
ir upp og hundrað þúsund krónum í
peningum stolið.
Þjófarnir brutu m.a. annars upp
hurðir inn í vinnuherbergi kennara.
í fyrsta vinnuherberginu fundu þeir
einungis spænska stfla og virtust lít-
inn áhuga hafa á þeim. Þá sneru þeir
sér að næsta herbergi og ekki tók þar
betra við, herbergið var fullt af
dönskum stflum. Kennarar við skól-
ann segjast aldrei hafa orðið vitni að
annarri eins ásókn í spænska og
danska stfla. Sverrir Einarsson rekt-
or sagði í samtali við Tímann að í vet-
ur hefði verið stolið ýmsum dýrum
kennslutækjum, s.s. tölvum, mynd-
bandstækjum og upptökuvélum og
missir þeirra komi fyrst og fremst
niður á kennslunni. Hann sagði að
farið hefði verið fram á aukafjárveit-
ingu út af þessu en engin svör hefðu
enn borist.
„Þjófarnir bera sig þannig að, að það
er eins og þeir þekki ekki til í skólan-
um. Til dæmis brjóta þeir upp hurð
Sverrir Einarsson rektor stendur meö spýtnabrak úr hurðinni inn á kenn-
arastofu M.H. í höndunum. Kunnugir segjast aldrei hafa orðið vitni að
öðrum eins aðförum við að komast í tæri viö spænska og danska stfla.
Tímamynd: Pjetur
inn á skrifstofu en ef þeir hefðu labb-
að fyrir horn þá hefðu þeir getað
gengið inn um aðra hurð og komist
inn þannig," sagði Sverrir.
Öryggisfyrirtækið Securitas var
fengið til að vakta skólann þegar bú-
ið var að brjótast inn fimm sinnum.
Eftir það varð hlé á ósköpunum
þangað til nú. Fyrir nokkrum árum
bjó húsvörður skólans í húsinu. Ekki
er vitað til að brotist hafi verið inn í
skólann þá. Nýr húsvörður vill ekki
búa í skólanum. Gunnlaugur Ást-
geirsson, íslenskukennari í M.H.,
sagðist í gær endilega vilja koma
þeim skilaboðum á framfæri við und-
irheima Reykjavíkur að nú sé búið að
stela öllu steini léttara úr skólanum
og því verði þjófamir að leita eitthvað
annað. —SE