Tíminn - 15.02.1991, Blaðsíða 16

AUGLYSINGASIMAR: 680001 & 686300
AKTU EKKI ÚT
I ÓVISSUNA.
AKTUÁ
Ingvar
Helgason Kf.
SœvarKöföa 2
Sími 91-674000
TVÖFALDUR1. vinningur
m
I í niiim
FÖSTUDAGUR 15. FEBRÚAR 1991
Góð veiði er á loðnumiðunum, en lítill tími er til stefnu:
Skipin hafa
hálfan mánuð
Tíu loðnuskip voru á veiðum á svæðinu milli Alviðruhamra og
Skarðsfjöru, vestur af Ingólfshöfða, fyrir hádegi í gær. Átta skip
til viðbótar voru á sama tíma á Ieið á miðin. Að sögn Willards
Ólasonar, skipstjóra á Grindvíkingi, gengur veiðin mjög vel og
voru nokkrir bátar á leið af miðunum með fullfermi, um hádeg-
ið í gær.
Willard sagði að loðnan væri
ágæt en stæði nokkuð djúpt þessa
stundina. Áætlað er að landa loðn-
unni úr Grindvíkingi á Seyðisfirði,
en þar fer hún í bræðslu. Hjálmar
Vilhjálmsson, fiskifræðingur og
leiðangursstjóri um borð í Bjarna
Sæmundssyni, sagði að veiðarnar
gengju ágætlega. Hins vegar hefðu
skipin ekki langan tíma til að veiða
úr þessari göngu, hálfan mánuð
eða jafnvel minna, en þá er búist
við því að loðnan fari að hrygna.
„Síðan er svolítið af loðnu fyrir
austan land, sem er miklu styttra
komin, og það á eftir að koma í ljós
hvað um hana verður, þegar hún
kemur inn að landinu," sagði
Hjálmar.
Aðspurður hvernig stæði á því að
loðnan hefði ekki fundist fyrr en
nú, sagði Hjálmar að í sjálfu sér
væri það ekkert voðalega skrýtið.
„Ein skýring á þessum mismun er
sú að við mælum á móti göngunni
fyrir austan og þegar það er gert
færðu mælingu í lægri kantinum.
Síðan mælum við með göngunni
hérna við suðurlandið. Auk þess
eru 50 þúsund tonn af þessu, sem
við fundum út af Austfjörðum
núna, sem áður voru saman við
smáloðnu inni á grunnunum,"
sagði Hjálmar.
Aðspurður hvort taka þyrfti upp
nýjar aðferðir við loðnumælingar,
sagði Hjálmar að alltaf væri tími
til að leita að nýjum aðferðum, en
Guðmundur VE
kemurtil hafnar
í Vestmannaeyjum í vikunni
með fullfermi af loðnu.
Tímamynd: Inga
hann sæi engar nýjar í augnablik-
inu.
„Þegar lítið er af loðnu, eins og
nú, þá eru svona frávik mun stærri
hluti af heildinni heldur en sams-
konar frávik af sömu stærðargráðu
myndu vera, þegar mikið er af
loðnu,“ sagði Hjálmar.
Aðspurður hvort hann byggist við
að finna meira, sagði Hjálmar að
sér þætti það afar ólíklegt á þess-
um slóðum. —SE
Grímur Jón Grímsson, skipstjórí á Guðmundi VE, sést hér með Guð-
rúnu eiginkonu sinni þegar hann kom í land. Guðrún tók á móti hon-
um við komuna, eins og hún gerir raunar ævinlega á nóttu sem degi,
og sjást þau hér í brúnni. Timamynd: Inga
Sjömannanefnd skilaði landbúnaðarráðherra tillögum í gær:
Sauðfé fækkað um 13%
og bændum greitt beint
í gær afhenti sjömannanefnd
Steingrími J. Sigfússyni landbún-
aðarráðherra áfangaskýrslu um
leiðir til að lækka verð á sauðfjáraf-
urðum. í tillögum nefndarinnar er
stefnt að umfangsmikilli fækkun
sauðfjár.
Miðað er við að sauðfjárframleiðsla
verði 8.300 tonn á verðlagsárinu
1992-1993. Lagt er til að teknar
verði upp beinar greiðslur til bænda
og niðurgreiðslum verði hætt. Þá er
lagt til að tekið verði upp svokallað
greiðslumark, en það er spá um
neyslu innanlands. Með tillögunum
er stefnt að því að lækka verð á
framleiðslunni, lækka framleiðslu-
kostnað og draga úr útgjöldum rík-
issjóðs af sauðfjárframleiðslu.
Landbúnaðarráðherra mun kynna
ríkisstjórninni tillögurnar á fundi
hennar í dag og að honum loknum
kynna þær á blaðamannafundi.
Samninganefndarmenn voru í gær
ánægðir með að hafa náð samkomu-
lagi eftir langa og stranga fundar-
setu, en ekki voru allir himinlifandi
yfir innihaldi tillagnanna. Hjörtur
Eiríksson, framkvæmdastjóri VMS
og einn nefndarmanna, sagði að
samkomulag hefði tekist eftir að all-
ir höfðu gefið eftir, en allir nefndar-
menn væru óánægðir, eins og oft
væri að loknum erfiðum samning-
um.
Sjömannanefnd var skipuð í kjölfar
þjóðarsáttarsamninga og er litið á
starf hennar sem mikilvægan lið í
þeim samningum. Jafnframt er litið
á tillögur nefndarinnar sem nauð-
synlegt skref að nýjum kjarasamn-
ingum, en þeir verða væntanlega
gerðir í haust.
Tillögur nefndarinnar miða að því
að fækka sauðfé í landinu um 70
þúsund fjár frá því sem nú er og að
sú fækkun verði um garð gengin
haustið 1992. Þetta er um 13%
fækkun.
Gert er ráð fyrir að ríkið kaupi
3.300 tonna framleiðslurétt, en
framleiðsluréttur bænda er í dag um
12.000 tonn. Nefndin gerir tillögu
um að tekið verði upp svokallað
greiðslumark sem er spá um innan-
landsneyslu, en í meginatriðum eru
um sambærilegt hugtak að ræða og
fullvirðisrétt. Miðað er við að mark-
iö verði 8.300 tonn á fýrsta verðlags-
ári nýs samnings og endurskoðist
árlega í samræmi við breytta neyslu.
Ef framleiðsla verður minni en spáð
er, minnka greiðslur til bænda að
sama skapi. Miðað er við að árið
1993 verði viðskipti með greiðslu-
mark gefin frjáls. Vonast er eftir að
með frjálsum viðskiptum náist fram
hagræðing, minni búum fækki og
framleiðsla verði ódýrari.
Gert er ráð fýrir að bændur fái
50% af greiðslumarki greitt beint.
Vonast er eftir að þær greiðslur vegi
upp á móti niðurgreiðslum, en gert
er ráð fyrir að þeim verði hætt. Þetta
fyrirkomulag er talið hagkvæmara
fýrir ríkissjóð og bændur. Afurða-
stöðvarnar óttast að þetta breytta
fyrirkomulag þrengi mjög þeirra
hag og geti þýtt að erfitt verði að
halda starfsemi þeirra áfram. Nefnd-
in leggur fram ákveðnar tillögur til
að tryggja hag þeirra.
Reiknað er með að útgjöld ríkis-
sjóðs til landbúnaðarins minnki um
6-8 milljarða á árunum 1992-1996,
nái þessar tillögur fram að ganga.
Hugsanlegt er að gengið verði frá
nýjum búvörusamningi á næstu
dögum ef tillögurnar fá góðar við-
tökur í ríkisstjórn.
Nánar verður greint frá tillögun-
um á morgun og viðbrögðum ríkis-
stjórnarinnar við þeim.
-EÓ
Landhelgisgæslan:
Frammi-
staða
þyrluflug-
manna
lofuð
Þyrla Landhelgisgæslunnar fór í
gær austur að Vík í Mýrdal og
sótt! þar konu sem fenglð hafðl
blóðtappa. Konan var þungt
haldin og var flogið með hana á
Borgarspftalann. Þá flaug Land-
helgisgæslan til Vestmannaeyja í
fyrrakvöld og sótti þangað ný-
fætt bam og móður þess og var
það flutt á Bamaspítala Hrings-
ins. Mikil þoka var þegar þyrlan
flaug til Eyja og þurfti þyrlan að
skríða, elns og það var orðað, í
100 fetum eða minna, alla Ieið-
ina til Eyja. Þar sem þokan var
mikil, komst þyrlan ekki yflr
Hellisheiðina og fór því yfir
Krísuvík. Skýhæðin var um 100
fet þegar þyrlan komst inn á
Eiðið í Eyjum og um eins kíló-
metra skyggni. Frammistaða
þyrluflugmannanna hlaut mikið
lof hjá Eyjamönnum sem fylgd-
ust með, þvf ógjömingur virtist
að lenda þyrlunni. Lendingin
tókst vel sem og ferðin aftur til
Reykjavíkur. —SE
Ökumaður brotnar
Vélhjól og bifreið ientu f árekstri á Selfossi um hádegisbilið í gær með
þeim afleiðingum að ökumaður vélhjólsins fótbrotnaði.
Áreksturinn varð á gatnamótum Engjavegar og Tryggvagötu og
skemmdust ökutækin talsvert, að sögn lögreglunnar á Selfossi. —SE