Tíminn - 30.07.1992, Blaðsíða 3

Fimmtudagur 30. júlí 1992
Tíminn 3
Búnaðarbankinn greiddi 280 milljónir í opinber gjöld í fyrra:
Landsbyggðin á meiri
inneignir en skuldir
Um 70 milljóna kr. hagnaður varð af rekstri Búnaðarbankans á síðasta ári,
eftir gjaldfærslu 102 milljóna kr. tekju- og eignarskatta. En heildargjöld
bankans til hins opinbera námu 281 núljjón kr. „og er vert að geta þess hér,
að bankinn nýtur engra sérréttinda gagnvart opinberri skattlagningu í skjóli
þess að eigandinn er ríkið sjálft", segir í ársskýrslu BÍ fyrir árið 1991. Eig-
ið fé bankans nám rúmlega 3,4 milþ'örðum kr. í árslok. Það þýddi 9,4% eig-
infjárhlutfall, sem er langt yfir lögbundnu (5%) lágmarki.
Heildarinnlán Búnaðarbankans
námu rúmlega 31 milljarði króna í
árslok, sem var 14,3% aukning á ár-
inu. Tæplega 58% innlánanna voru í
aðalbanka og útibúum á Stór-
Reykjavíkursvæðinu, þ.e. nánast
sama og það hlutfall landsmanna
sem býr á þessu svæði. Heildarútlán
bankans námu um 29,7 milljörðum
í árslok og höfðu aukist um 19% á
árinu. Vekur m.a. athygli að mua
meiri skuldaaukning varð á árinu
hjá fólki og fyrirtækjum í Stór-
Reykjavík heldur en á landsbyggð-
inni. Inneignir landsbyggðarmanna
í bankanum eru hærri upphæð en
skuldirnar, en það hlutfall er öfugt
hjá borgarbúum, sem skulda meira í
bankanum en þeir eiga þar inni.
Mest áberandi breytingarnar á skipt-
ingu útlánanna á s.l. fimm árum eru
þær, að hlutur landbúnaðarins hef-
ur snarminnkað, úr 24,4% árið 1987
niður í 15,2% í fyrra.
Lán til opinberra aðila hafa næst-
um tvöfaldast á sama tíma, úr 11,1%
upp í 20,9% í fyrra.
Hlutfall lána til einstaklinga hafa
einnig aukist töluvert, eða úr 15,5%
upp í 18,8% á síðasta ári.
Lánveitingar til atvinnuveganna
dreifast verulega: Samgöngur eru
með tæp 15%, verslun 14%, iðnaður
rúmlega 9% og sjávarútvegur 7%
heildarútlánanna.
Rúmlega 43% útlánanna eru verð-
tryggð lán. Skuldabréfalán eru ann-
ar stærsti útlánaflokkurinn (21%),
enda hafa þau aukist mjög á síðustu
árum. Hlutfall afurðalána hefur á
hinn bóginn minnkað stórlega, eða
úr 21% árið 1987 niður í tæplega
12% í fyrra.
Innlánamegin er Metbókin „algert
met“. Hlutur hennar í heildarinn-
lánum hefur vaxið ár frá ári, en þó
langmest á síðasta ári, eða úr 25% í
31% milli ára. Gullbókin hefur þó
ennþá vinninginn með tæplega 34%
heildarinnlána, en það hlutfall
lækkaði úr 38% árið áður.
Um 447 milljónir kr. voru á af-
skriftarreikningi útlána í byrjun síð-
asta árs. Á árinu voru afskrifuð útlán
upp á 130 milljónir, en 354 milljón-
ir lagðar inn á reikninginn. Á af-
skriftarreikningi útlána voru því um
672 milljónir í árslok, eða sem svar-
ar 1,8% af útlánum, áföllnum vöxt-
um og veittum ábyrgðum.
Stöðugildi hjá Búnaðarbankanum
voru 491 í ársbyrjun og héldust
óbreytt til ársloka. Heildarlauna-
greiðslur námu 873 milljónum
(tæplega 1.778 þús.kr.á stöðugildi
að meðaltali). Hlutfall yfirvinnu í
heildarlaunagreiðslum varð aSeins
rúmlega 5%. Bifreiðakostnaður
bankans var um 38 milljónir kr.,
hvar af rúmlega 29 milljónir fóru í
bílastyrki til starfsmanna og rúm-
lega 8 milljónir í reksturskostnað á
10 bflum í eigu bankans.
Samanlagður hagnaður af fimm
hlutdeildarfélögum bankans —
Kaupþingi hf., Greiðslumiðlun hf.,
Lýsingu hf., Kreditkortum hf. og
Reiknistofu bankanna — var rúm-
lega 37 milljónir kr. og hefur því
ekki alveg dugað til greiðslu fyrr-
nefnds 38 m.kr. bflakostnaðar bank-
ans. - HEI
Tryggingastofnun
ríkisins:
20% tekjutrygg-
ingarauki greidd-
urútnúíágúst
Þegar bætur Almannatrygg-
inga vegna ágústmánaðar verða
greiddar út, munu b'feyrisþegar
með tekjutryggingu fá uppbót,
20% tekjutryggingarauka.
Þessi uppbót er í samræmi vlð
kjarasamninga á vinnumarkaði
um greiðslu orlofsuppbótar.
Fulla uppbót, kr. 7.140 hjá
ellitífeyrisþegum og kr. 7.267
hjá öryrkjum, fá þeir sem hafa
óskerta tekjutryggingu, helmil-
isuppbót og sérstaka heimilis-
uppbót Tbkjutryggingaraukinn
skerðist svo í sama hlutfalli og
þessir bótaflokkar bjá lífcyris-
þega.
Þeir, sem ekki njóta tekju-
tryggingar, fá enga uppbót
A greiösluseðli mun þessi
uppbót ekki koma sérstaklega
fram, heldur verður hún lögð
við upphæð hvers þessara
þriggja bótaflokka.
Greiðslur lífeyrisþega með
þessar bætur verða heldur
lægri í ágúst en í júlí, vegna
þess að 28% tekjutryggingar-
auki (láglaunabætur) var
greiddur íjúlt -BS
Landlæknir og Kvennadeild Landspítalans:
Brjóstamjólkin er best
fyrstu 4-6 mánuðina
Alþjóðasamtökin WABA (Worid
Alliance for Breastfeeding Action),
sem vinna að því að verja, styðja og
örva brjóstagjöf í heiminum, hafa
ákveðið að helga vikuna 1.-7. ágúst
brjóstagjöf.
Margir aðilar vinna innan vébanda
þessara samtaka, s.s. alþjóðasamtök
Ijósmæðra, hjúkrunarfræðinga og
bamalækna og áhugafélög um
brjóstagjöf. Markmið samtakanna er
að samræma og koma áleiðis upplýs-
ingum um brjóstagjöf milli landa og
milli hinna ýmsu heilbrigðisfaghópa.
Ráðgjafahópur á vegum Alþjóðaheil-
brigðisstofnunarinnar hefur bent á í
skýrslum sínum að brjóstagjöf hafi
verið á undanhaldi og þurrmjólkur-
neysla hafi aukist. Þetta megi rekja til
þess að heilbrigðisstéttir hafi ekki
stutt brjóstagjöf nægilega, þekkingu
og fæmi til að leiðbeina konum með
barn á brjósti skorti og ekki sé skiln-
ingur á þörfum mjólkandi mæðra.
Hópur ljósmæðra og hjúkmnar-
fræðinga frá Kvennadeild Landspítal-
ans og Landlæknisembættið vilja
reyna að fá svar við spumingunni
hvort þetta eigi við um t'slenskar að-
stæður. Gera á könnun og safna upp-
lýsingum um brjóstagjöf. Hópurinn
segir að líklega hafi íslendingar sér-
stöðu meðal þjóða hvað brjóstagjöf
varðar, því að nær allar konur byrji
með bam sitt á brjósti eftir fæðingu.
Hins vegar sé lítið vitað hversu lengi
brjóstagjöf vari meðal íslenskra
kvenna. Bent er á að brjóstamjólkin
er besta næringin fyrir nýfædda bam-
ið og oftast þurfi það ekki aðra nær-
ingu fyrstu 4-6 mánuðina.
-BS
Tvö innbrot í fyrrinótt:
Tóbaki stolið
Tilkynnt var um innbrot í Golf- bylgjuofni stolið, en í sölutumin-
klúbb Ness á Seltjarnarnesi í um tóbaki og skiptimynt, og virð-
fyrradag og í söluturninn að Star- ist sem tóbaksinnbrot færist í vöxt
mýri 2. um þessar mundir. Málið er í
í Golfklúbbnum var tóbaki og ör- rannsókn hjá RLR. —GKG.
Starfsfólk hins nýja útibús Landsbankans á Seltjarnamesi. F.v. Ás-
dís Gunnarsdóttir afgreiðslustjóri, Helga Guðfinnsdóttir, Elín Jóna
Gunnarsdóttir og Þórunn Ragnarsdóttir útibússtjóri.
Nýtt bankaútibú
opnað á Nesinu
Fyrr í mánuðinum opnaði Landsbanki íslands nýtt þjónustuútibú að Aust-
urströnd 1 á Seltjamamesi, Seltjarnaraesútibú.
í Seltjarnamesútibúi Landsbankans
er veitt öll almenn bankaþjónusta, en
sérstök áhersla verður lögð á sérhæfða
þjónustu fyrir einstaklinga. Lands-
bankinn hefur verið brautryðjandi í
því að aðlaga þjónustu sína að þörfum
og óskum viðskiptavinanna. I þessu
sambandi má minna á Námuna —
námsmannaþjónustu Landsbankans,
Vörðuna, sem er sérhæfð þjónusta fyr-
ir einstaklinga, og RS, sem er regíu-
bundinn spamaður.
Landsbankinn hefur mótað nýja
stefnu varðandi útibú sín. Felst hún í
því að landinu og höfuðborgarsvæð-
inu er skipt upp í umdæmi og í hverju
þeirra verður staðbundið aðalútibú —
umdæmisútibú. Önnur útibú á sama
svæði heyra undir umdæmisútibúið.
Umdæmisútibú á höfuðborgarsvæð-
inu eru Austurstrætisútibú, Austur-
bæjarútibú og Breiðholtsútibú. Nýja
afgreiðslan á Seltjamamesi heyrir
undir Austurstrætisútibú. —sá
lambakjöl á funheitu grilltilboði • lambakjöt á funheitu grilltilboði • lambakjöt á funheitu grilltilboði • lambakjöt á funheitu grilltilboði
HREINASTI
BUHNYKKUR
LAMBAKJÖT Á FUNHEITU
GRILLTILBOÐI MEÐ MINNST
15% AFSLÆTTI
Kryddlegnar framhryggjarsneiðar, rauðvínsleginn hryggur, kryddlegnar grillsneiðar. Notið tækifærið, gerið kjarakaup
og setjið lambakjöt á funheitu grilltilboði - beint á grillið.
lambakjöt á funheitu grilltilbobi • lambakjöt á funheitu grilltilboði • lambakjöt á funheitu grilltilbodi • lambakjöt á funheitu grilltilbobi