Tíminn - 24.03.1993, Page 7

Miðvikudagur 24. mars 1993
Tíminn 7
llla farið með nemendur af erlendum uppruna í íslenskum skólum:
Dembt inn í bekki
og skilja ekki orð
Um tvö hundruð nemendur af erlendu bergi brotnu þurfa sértíma í
íslensku en er þess í stað dembt inn í íslenska bekki þar sem þeir
skilja ekki neitt og eru háðir sérkennslukvóta skólans með úrlausn.
Ráðherra menntamála svarar ekki áliti nefndar sem hann sjálfur lét
skipa sem vill koma þessum málum í sama horf og á Norðurlöndum
en til þess þarf rúmar 40 millj. kr. á ári. í Reykjavík er einni kenn-
arastöðu, eða 30 tímum á mánuði, varið í sérkennslu þessara nem-
enda.
Ingibjörg Hafstað átti sæti í nefnd
sem menntamálaráðherra skipaði í
vor sem leið til að fjalla um fræðslu
fyrir útlendinga sem hafa sest að hér
á landi. „Nefndin skilaði af sér í sept-
ember en síðan hefur ekkert heyrst
frá menntamálaráðherra," segir
Ingibjörg. Hún bætir við að nefndin
hafi beðið um viðtal við ráðherra
um leið og skýrslunni var skilað en
því hafi ekki verið sinnt.
Ingibjörg bendir á að það eina sem
ráðherra hafi gert var að skipa hana
sjálfa í hálfa stöðu til að sinna þess-
um málum. „Gert var ráð fyrir
tveimur starfsmönnum í fullu starfi
í ráðgjafamiðstöð. Mín staða var
hugsuð sem byrjun þess að koma
miðstöðinni á fót en henni er ætlað
að nýta það kennsluefni sem til er,
kortleggja vandann og ráðleggja
kennurum sem hafa útlend börn í
sinni umsjón," segir Ingibjörg.
Hún segir að nefndin hafi m.a.
komist að þeirri niðurstöðu að böm
af erlendum uppruna þyrftu að eiga
kost á 240 stunda íslenskunámi í
upphafi dvalar áður en þau fari í
skólana eða með skólanum. „Við
lögðum til að það yrði veitt í þetta
43 millj. kr. á ári til að standa
straum af kennslu barna sem og
fullorðinna," bætir hún við en eins
og áður segir hafa engin viðbrögð
komið frá ráðherra við þeirri beiðni.
Ingibjörg segir að um 200 börn af
erlendum uppruna þurfi á einstak-
lingskennslu í íslensku að halda.
Hún segir að það sé stöðugt að bæt-
ast í þennan hóp. „Hér em eingöngu
erlendu börnin en hér eru ekki þau
íslensku böm sem hafa verið lengi
Þingflokkur Alþýðubandalags leggur fram frumvarp um réttindi at-
vinnulausra:
Allir fái bætur og
biðtími falli niður
í gær kynntu forsvarsmenn Alþýðubandalagsins frumvarp um rétt-
indi atvinnulausra sem allur þingflokkurinn stendur að. Þar er m.a.
gert ráð fyrir að allir sem ekld hafi vinnu fái bætur og svokallaður
16 vikna biðtími falli niður. Gert er ráð fyrir að kostnaður vegna
breytinganna kosti einn til einn og hálfan milljarð króna sem myndi
falla á ríkissjóð. Að frumvarpinu standa allir þingmenn Alþýðu-
bandalagsins. í greinargerð með því eru raktar helstu breytingar
sem það myndi hafa í för með sér.
Þar er m.a. talað um að allir eigi rétt
á atvinnuleysisbótum hvort sem
þeir hafa verið í stéttarfélögum eða
ekki. Þá er lagt til að sextán vikna
tími án bóta falli niður og þar með
séu ekki lengur tímamörk á því
hversu lengi einstaklingur geti
fengið atvinnuleysisbætur. Einnig
er bent á að hinn atvinnulausi haldi
bótarétti þrátt fyrir veikindi. í frum-
varpinu er einnig bent á nauðsyn
þess að hækka bætur fyrir hvert
bam á framfæri umsækjanda úr 85
kr. á dag í 240 kr.
Tálað er um að þjónusta við at-
vinnulausa verði á einum stað í
hverju umdæmi en hún er nú víða á
þremur stöðum. Jafnframt er lagt til
að Landssamstarf vinnumiðlunar-
skrifstofa verði í einni miðstöð sem
hafi heildaryfirlit yfir vinnumarkað-
inn á hverjum tíma.
Þá er gerð tillaga um að opna, frek-
ar en nú er gert, rétt atvinnulausra
til að stunda reglulegt nám á at-
vinnuleysisbótum uns Lánasjóður
íslenskra námsmanna tekur við.
Lagt er til að sá sem hefur nám eða
tekur þátt í viðurkenndri starfsþjálf-
un á atvinnuleysistíma geti haldið
bótum í allt að sex mánuði í stað sex
vikna nú. Að sex mánuðunum lokn-
um er stjóm sjóðsins heimilt að
breyta stuðningnum í lán þannig að
viðkomandi verði í svipaðri stöðu og
þeir sem fá lán úr Lánasjóði ís-
lenskra námsmanna.
Á fundinum kom fram að talið er að
hvert þúsund atvinnulausra kosti
600 milljónir í atvinnuleysisbætur.
Jafnframt var bent á að atvinnuleys-
isbætur ættu að vera almenn mann-
réttindi sem fólk eigi að fá óháð því
hvort viðkomandi er aðili að stéttar-
félagi eða ekki.
Þá er og iagt til að ríkissjóður greiði
sérstaklega þann umframkostnað
sem frumvarpið hefði í för með sér.
Sinfóníuhljómsveit
íslands:
íslenskt tón-
verk og slag-
verksverk
Sjöundu tónleikar Sinfóníuhljóm-
sveitar íslands í gulri tónleikaröð
verða í Háskólabíói annað kvöld. Á
efnisskrá er Langnætti eftir Jón
Nordal, Konsert fyrir slagverk og
hljómsveit eftir André Jovlivet og
Sinfóma nr. 4 eftir Johannes
Brahms.
Stjórnandi verður Avi Ostrowskij,
rússneskættaður ísraelsmaður og
núverandi aðalstjómandi Norsku
útvarpshljómsveitarinnar í Osló.
Einleikari verður Maarten van der
Valk slagverksleikari en hann starf-
aði með Sinfóníuhljómsveit íslands
um árabil.
Maarten van der Valk slag-
verksleikari verður einleikarí á
tónleikum Sinfóníuhljómsveit-
ar fslands annað kvöld.
erlendis og eru að koma heim,“ seg-
ir Ingibjörg og telur hóp barnanna
vera nær 500 að tölu.
Hún segir að íslenskukennsla fyrir
útlend börn hafi verið tekin af sér-
kennslukvóta viðkomandi skóla.
„Það hefur komið fram að skólarnir
þurfa allan sinn kvóta í sérkennslu-
mál af því að hann var naumt skor-
inn fyrir. Það er hins vegar ekkert
skipulag á kennslunni fyrir þessi
börn og hver skóli reynir að bjarga
sér sem best hann getur,“ segir Ingi-
björg.
Ingibjörg bendir á að með EES-
samningnum hafi ísland skuld-
bundið sig til að veita börnum af er-
lendum uppruna kennslu við hæfi
og því þurfi að fara að taka á þessum
málum.
Hún telur að íslendingar séu eftir-
bátar Norðurlandanna þar sem t.d. í
Noregi eigi flóttafólk rétt á 500 tím-
um í norsku en innflytjendur 240
tímum. „Hér fær fullorðna fólkið
ekki neitt og verður að greiða fyrir
sína tíma sjálft," segir Ingibjörg. Til
viðbótar þessum 240 tímum sem
m.a. böm fá í Noregi em þau sett í
sérstaka móttökubekki að sögn
Ingibjargar en það er sammerkt öll-
um Norðurlöndunum nema íslandi.
„Hér er bömunum dembt inn í
bekkina. Þau sitja þar meira og
minna án þess að skilja nokkurn
skapaðan hlut,“ segir Ingibjörg.
Hún segir að kannanir sýni að t.d.
börn frá fjarlægum heimshlutum
þurfi 5 til 7 ár áður en þau geti nýtt
sér kennslu til fulls á nýja málinu.
Þá bendir hún á að sömu kannanir
leiði í Ijós að félagsleg vandamál geti
fylgt þessum börnum, fái þau ekki
sem fyrst úrlausn sinna mála.
-HÞ
Eldfjallið Gu-
agua Pichincha
í Equador:

Tveir ungir eldíjallafræðingar
frá Equador Iétust fyrir skömmu
þegar þeir voru að safna sýnum
úr gíg eldfjallsins Guagua Pic-
hincha í Equador. Mennimir
voru að taka sýni og mæla virkni
úr gíg fjallsins þegar það skyndi-
lega gaus og aska og gijót þeytt-
ist í þá og létust þeir samstund-
is. Lík þeirra fundust
gígharatinum snemma
eftir.
Þetta er f annað sinn á tiltölu-
lega stuttum tíma að jarðfræð-
ingar láta lífið þegar eldíjall gýs.
í Kólumbíu fyrir nokkram vik-
um létust níu jarðfræðingar
þegar eldijallið Galeras, sem þeir
voru að rannsaka í tengslum við
alþjóðlega ráðstefnu gaus óvænt
þegar mennimir voru ofan í gíg
þess. Guðmundur Sigvaldason,
forstöðumaður Norrænu eld-
ijallastöðvarinnar, var meðal
þeirra scm sóttu ráðstefnuna í
Kólumbíu og hafði verið á gíg-
barmi Galeras skömmu áður en
það gaus. Að sögn Guðmundar
er ekki hægt að rekja þessi
hörmulegu slys til fífldirfsku
jarðfræðinga, heldur segir hann
að frekar mættl segja að þetta
endurspeglaði það að fleiri eru
að fást við eldfjallarannsóknir á
virkum eldstöðvum en áður.
Hann sagði þó að það að jarð-
fræðingar ientu f gosi tvisvar á
stuttum tíma væri fyrst og
fremst ótrúleg tilviljun.
Ragnheiður
Sveinbjörnsdóttir
Ragnheiður Sveinbjömsdóttir, fyrr-
um bæjarfulltrúi í Hafnarfirði, er lát-
in. Hún er fædd að Þinganesi í Borg-
arfirði 1936. Foreldrar hennar voru
Þórdís Gunnarsdóttir og Sveinbjöm
Bjömsson bóndi.
Ragnheiður starfaði lengi í Sam-
vinnubankanum í Reykjavík. Hún tók
virkan þátt í störfum fyrir Framsókn-
arflokkinn og var um skeið bæjarfull-
trúi í Hafnarfirði en þar bjó hún. Hún
var varaþingmaður í Reykjaneskjör-
dæmi og sat um árabil í miðstjóm og
framkvæmdastjóm Framsóknar-
flokksins. Er þá ógetið annarra félags-
og trúnaðarstarfa sem Ragnheiður
gegndi um ævina.
Ragnheiður Sveinbjörnsdóttir.
Hreppsnefnd Hvalfjarðarstrandarhrepps:
Styður Halldór
Hreppsnefnd Hvalfjarðarstrandar-
hrepps hefur samþykkt eftirfarandi
ályktun í tilefni ummæla Halldórs
Blöndal samgönguráðherra um
göng undir Hvalfjörð og vegagerð
um Geldingadraga og Hestháls.
„Hreppsnefnd Hvalfjarðarstrandar-
hrepps lýsir fullum og eindregnum
stuðningi við ummæli og hugmynd-
ir samgönguráðherra um nauðsyn
þess að endurbæta veginn fyrir
Hvalfjörð og byggja upp varanlegan
veg um Geldingadraga og Hestháls.
Hreppsnefndin bendir á, að vegur-
inn um Geldingadraga og Hestháls
er og verður mjög fjölfarinn, hvað
sem líður göngum undir utanverð-
an Hvalfjörð.
Jafnframt lýsir hreppsnefndin
stuðningi við þá hugmynd, að byggð
verði brú á Hvítá hjá Stafholtsey.
Slík brú ásamt varanlegum vegi um
Bæjarsveit, Hestháls og Geldinga-
draga suður í Hvalfjörð myndi stytta
leiðina til Norðurlands og Vestfjarða
til mikilla muna og tengja auk þess
betur saman byggðir í Borgarfirði.
Slfk vegagerð yrði tvímælalaust arð-
söm og hagkvæm og kæmi öllum
vegfarendum til góða, sem eiga leið
um hinar fögru byggðir Borgarfjarð-
ar.“