Tíminn - 02.11.1993, Page 6

6 Tíminn
Þriðjudagur 2. nóvember 1993
Skipakaup og innflutningur stóriðju minnkað um þrjá milljarða milli ára:
Níu milljarða afgangur
af útflutningstekjunum
Útflutningur landsmanna var hátt í tveim milljöröum meiri í sept-
ember en innflutningurinn, enda var hann um þriðjungi minni en í
sama mánuöi (fyrra. Þrátt fyrir meira en 3% samdrátt í útflutningi
frá áramótum var verðmæti útflutningsins samt orðiö nærri 9.300
milljónum meira í septemberiok en búið var að eyða í vörukaup til
landsins.
Þetta er rúmlega þrisvar sinnum
hærri upphæð en fyrir ári, þegar
vöruskiptajöfnuður var hagstæður
um 2.900 milljónir. Innflutningur
fyrstu níu mánuði ársins er um 13%
minni en í fyrra ef reiknað er á föstu
gengi.
Þetta fellst í fyrsta lagi í 2.440 millj-
óna samdrætti í skipakaupum, í
öðru lagi um 500 milljóna minni
innflutningi ísal og síðast en ekki
síst í 9% samdrætti almenns inn-
flutnings, eða sem svarar 4.200
milljónum króna reiknað á föstu
gengi.
Verðmæti vöruútflutningsins frá
áramótum var um 68,3 milljarðar
en vöruinnkaup námu tæpum 59
milljörðum króna á sama tíma. þar
af nam almennur vöruinnflutningur
annar en olía um 49,6 milljörðum.
Það var rúmlega 9% „sparnaður"
miðað við sama tímabil á síðasta ári,
en þá var innflutningur samt um
8% minni en fyrstu níu mánuði árs-
ins 1991. Reiknað á föstu gengi hef-
ur innflutningur það sem af er þessu
ári verið álíka og hann var sama
tímabil árið 1990.
Meðalverð erlends gjaldeyris var
12,6% hærra nú í september en í
sama mánuði í fyrra, miðað við
meðalgengi á viðskiptavog. Fyrir
tímabilið janúar-september er verð-
hækkunin 7,5% milli ára.
- HEI
Eriendur A Garðarsson handsalar samvinnusamning vlð fulltrúa hollenska fyrírtæklslns Kees Reimerlng.
Tímamynd Áml Bjama
Formaður Náttúruverndarráðs á Náttúruvemdarþingi:
Votlendis- og
lághitasvæði
í mestri hættu
„Þau svæði sem eru í mestri hættu
nú eru votlendis-, lághita og hvera-
svæði. Þama eru örverur og gróður
sem menn vita ekki um,“ sagði
Arnþór Garðarsson, formaður Nátt-
úruverndarráðs á þingi ráðsins í
gær. Hann telur því einna brýnast
að friðlýsa þessi svæði ásamt því að
setja almennar reglur um strand-
lengju landsins.
„Friðlýsingar eru sérstaklega brýn-
ar en einnig þarf að skilgreina betur
almennar reglur," segir Amþór. Þar
nefnir hann sérstaklega almennar
reglur um meðferð strandlengjunn-
ar.
„Strandlengjan við landið er um
7.000 km löng. Sá sem á strand-
lengju ræður því hvort hann hefúr
hana óbreytta eða fer að fikta eitt-
hvað í henni,“ segir Amþór og telur
að betur fari á því að eigendur við-
kvæmra svæða þurfi að sækja um
leyfi til breytinga.
Amþór segir að umgengni um
landið hafi batnað mikið undanfarin
tuttugu ár og á þar helst við frágang
rusls. Hann segir að akstur utan
vega sé þó mikið vandamál nú sem
fyrr en bindur vonir við nýútkomna
reglugerð um akstur utan vega.
A þinginu var rætt um svokallaðan
almannarétt í drögum að stefnu
ráðsins segir að þegar lög um nátt-
úruvemd verði endurskoðuð þurfi
þau að tryggja að allir geti átt þess
kost með góðu móti að njóta útiveru
á þann hátt sem hverjum henti án
þess að skerða tækifæri annarra til
sama réttar. „Það er mikil tíma-
skekkja og öfug stefna í 11. laga-
grein núgildandi náttúruvemdar-
laga. Samkvæmt henni má í raun
hvergi fara yfir girðingu,“ segir Am-
þór og telur að lög eigi ekki að vera
út í hött eins og hann kemst að orði.
Hann segir að miðhálendið sé
framtíðarsvæði fýrir þjóðgarða. Það
verður samt ekki alveg í bráð og tal-
ar Amþór um áratugaferli í því sam-
bandi. „Við teljum engu að síður
brýnt að ákveða hvað eigi að gera við
landið," segir Amþór að lokum.
-HÞ
Nýtt fyrirtæki á Eyjafjarðarsvæðinu:
Bs. Sorpeyðing Eyjafjarðar
Stofnað hefur verið nýtt byggða-
samlag á Eyjafjarðarsvæðinu sem
annast móttöku og förgun úrgangs
fýrir sveitarfélög í Eyjafirði. Aðilar
að samlaginu eru þau sveitarfélög á
Eyjafjarðarsvæðinu sem umdæma-
nefnd um sameiningu sveitarfélaga
gerir tillögu um að sameinist, að
undanskildu einu.
Þetta eru sveitarfélög og hreppar
allt frá Grímseyjarhreppi til Eyja-
fjarðarsveitar og því mun samlagið
annast móttöku sorps frá um tutt-
ugu þúsund manns.
Stofnfé byggðasamlagsins er tutt-
ugu milljónir króna, en auk þess að
annast móttöku sorps frá heimilum
þá verður verkefni samlagsins að
reka móttökustöðvar fýrir brota-
málma, setja upp og reka eða semja
um rekstur móttökustöðvar fýrir
spillilefni, skipuleggja svæði til förg-
unar á salernisúrgangi, stuðla að
aukinni endurvinnslu og fleira.
Móttöku- og geymslustöðvar fýrir
brotamálma verða í Krossaneshaga,
en ekki hefur verið tekin endanleg
ákvörðun um hvort slíkur staður
annar verði á Ólafsfirði. Móttöku-
stöðvar fýrir spilliefni verða á Akur-
eyri, Dalvík, í Grýtubakkahreppi og
á Ólafsfirði.
—Þórgnýr Dýrfjörð, Akureyri
íslenskt lambakjöt markaðssett með nýjum
hætti erlendis:
Selt ásamt
heilsteik-
ingarofnum
Kaupsýslan hf. gengst nú fýrir
markaðsátaki í samvinnu við tvö
hollensk fýrirtæki, Ifö Kampri og
Kees Reimering. Átakið er tvíþætt:
Ifö Kampri framleiðir ofna fýrir
veitingahús og hótel sem sérstak-
lega eru hannaðir til þess að heil-
steikja lambaskrokka.
Kaupsýslan selur síðan í sam-
vinnu við kjötsölufýrirtækið Kees
Reimering veitingahúsunum
lambakjöt í heilum skrokkum til
þess að steikja í ofnunum.
Að sögn Erlends Á. Garðarssonar,
framkvæmdastjóra Kaupsýslunnar,
er íslenska lambakjötið í þessu
átaki kynnt sem gæðavara fýrir
veitingastaði og hótel í Evrópu og
víðar um heiminn. Ofnamir verða
seldir með sérstökum greiðslukjör-
um ef kaupandi gerir jafnframt
langtímasamning um kaup á
lambakjöti frá íslandi. „Við teljum
að seljist 100 ofnar þá geti það þýtt
60-120 tonna kjötsölu á ári,“ segir
Erlendur.
Það sem vinnst með þessu er m.a.
það að sala á kjöti í heilum skrokk-
um verður til þess að verðminni
skrokkhlutar verða ekki eftir í land-
inu. Með því að selja beint til veit-
ingastaða verður komist hiá 2-3
milliliðum og skilaverð til Islands
verður hærra. Erlendur segir að
sérstök áhersla sé lögð á það að hér
sé um fágæta gæðavöru að ræða
sem framleidd er án allra aukaefna
í mengunarlausu umhverfi. „Við
vitum alveg sjálf hvemig hráefni ís-
lenska lambakjötið er. Við þurfum
hins vegar að koma erlendum neyt-
endum upp á bragðið og kynna
þeim hvers vegna þessi vara er svo
sérstök. Ef það tekst, er þetta kom-
ið,“ segir Erlendur Á. Garðarsson.

Hollensklr grillofnar sérstaklega hannaðlr tll þess að heilgrilla fslenskt
lambakjöt