Fréttablaðið - 03.03.2009, Síða 10

10 3. mars 2009 ÞRIÐJUDAGUR
STJÓRNMÁL Prófkjörin sem nú fara í hönd hjá
stjórnmálaflokkunum eru þau fyrstu sem
háð eru samkvæmt lögum um hámarks-
kostnað frambjóðenda í prófkjörum, sem
tóku gildi í júní 2007. Frambjóðendur í
Reykjavík mega eyða mestu, eða um sjö
og hálfri milljón króna, í prófkjörsbaráttu
sína.
Hámarksupphæðin er misjöfn eftir kjör-
dæmum, eins og sjá má á kortinu, og tekur
mið af fólksfjölda í kjördæminu og því
hversu dreifð byggðin er. Séu haldin sam-
eiginleg prófkjör í tveimur eða fleiri kjör-
dæmum hækkar upphæðin sem eyða má í
samræmi við það að frambjóðendur þurfa
að ná til aukins fjölda kjósenda.
Hverjum frambjóðanda er óheimilt að
taka við hærri einstökum styrk en 300 þús-
und krónum samkvæmt lögunum. Til slíkra
framlaga teljast meðal annars lögum sam-
kvæmt allir afslættir af markaðsverði aug-
lýsinga, eftirgjöf skulda, óvenjuleg lánakjör
og endurgjaldslaus lán vinnuafls, aðstöðu
eða búnaðar, sem metin skulu til fjár og
tilgreind í reikningum.
Til heildarupphæðarinnar sem verja má
í prófkjörið telst jafnframt allt það fé sem
frambjóðandinn leggur því til úr eigin vasa.
Frambjóðendur skulu svo lögum sam-
kvæmt skila endurskoðuðum reikningum til
Ríkisendurskoðunar ekki síðar en sex mán-
uðum eftir kosninguna og verða þeir reikn-
ingar gerðir opinberir. Þeir sem verja innan
við 300 þúsundum í baráttuna eru þó undan-
þegnir upplýsingaskyldunni.
Ríkisendurskoðun hefur þegar útbúið upp-
gjörsleiðbeiningar og komið þeim í hendur
flokkanna, að sögn Lárusar Ögmundssonar
skrifstofustjóra. Ríkisendurskoðun mun
síðan kalla eftir uppgjörunum þegar þar að
kemur.
Lárus segir að eftirlit af einhverju tagi
verði haft með eyðslu frambjóðenda og að
stólað verði á utanaðkomandi ábendingar
um frambjóðendur sem ekki kunna sér hófs.
stigur@frettabladid.is
Má mest kosta 7,5 milljónir
Þátttakendur í prófkjörum eru í fyrsta sinn bundnir af lögum um hámarkskostnað. Í Reykjavík er þakið
ríflega tvöfalt hærra en í Norðvesturkjördæmi. Ríkisendurskoðun mun fylgjast með eyðslu frambjóðenda.
■ Leiga á kosningamiðstöð í mánuð (miðað
við um 100 fermetra í miðborginni): Um 200
þúsund krónur.
■ Prentun og dreifing á litlum kynningar-
bæklingi í tíu þúsund eintökum: Um 200
þúsund krónur.
■ Launaður kosningastjóri í einn mánuð: Um
200 þúsund krónur.
■ Meðalstór úthringimiðstöð: 75-100 þúsund
krónur.
■ Tvær heilsíðuauglýsingar í Fréttablaðinu og
Morgunblaðinu: Um 600 þúsund krónur.
■ Veitingar í móttökum og veislum: Um 150
þúsund krónur.
Samtals: 1.425 til 1.475 þúsund krónur.
Miðað er við heldur umfangsmikla kosningabar-
áttu fyrir komandi prófkjör. Upphæðir eru þó
hóflega áætlaðar og eflaust fjölmörgum kostnað-
arliðum sleppt. Fyrir tveimur árum stóð baráttan
talsvert lengur og var því líkast til mun dýrari.
Hafa ber í huga að margir flokkar setja eigin
reglur um kostnað við prófkjör eða mælast til
þess að frambjóðendur gæti hófs.
Nokkrir þingmenn svöruðu Fréttablaðinu í
desember um prófkjörskostnað fyrir síðustu kosn-
ingar. Helgi Hjörvar sagðist meðal annars hafa
eytt fimm milljónum og Ágúst Ólafur Ágústsson
á fimmtu milljón. Einungis tveir sjálfstæðismenn
svöruðu. Þingmenn annarra flokka sögðust flestir
hafa eytt tugum þúsunda eða jafnvel engu.
NOKKRIR ALGENGIR KOSTNAÐARLIÐIR
HVE MIKLU MEGA FRAMBJÓÐENDUR EYÐA?
Hámarkskostnaður við
framboð í prófkjöri fer eftir
kjördæmi, eða kjörsvæði
eins og segir í lögum, og mið-
ast við íbúafjölda og hversu
dreifð byggðin er. Séu prófkjör
haldin sameiginlega í tveimur
eða fleiri prófkjörum, eins og raunin
er með öll prófkjör í Reykjavíkurkjördæm-
unum tveimur, er miðað við samanlagðan íbúafjölda.
Upphæðirnar á kortinu miðast við fólksfjölda á kjörskrá
fyrir kosningarnar 2007.
FRAMSÓKNARFLOKKUR
Una María Óskars-
dóttir býður sig
fram í 2. sæti á lista
Framsóknarflokks í
Suðvesturkjördæmi.
Helga Sigrún
Harðar dóttir sækist
eftir 1. sæti á lista
Framsóknarflokks í
Suðvesturkjördæmi.
VINSTRI GRÆN
Guðmundur Auð-
unsson sækist eftir
3. til 4. sæti á lista
VG í Suðvesturkjör-
dæmi.
ERLENTP ÓFKJÖR
HÁTÍÐARBRENNA Í BÚLGARÍU
Á sunnudaginn kveiktu íbúar
búlgarska þorpsins Dobrinishte í
þessari glæsilegu brennu í tilefni
föstuinngangs, sem jafnan er haldinn
hátíðlegur þar í landi. FRÉTTABLAÐIÐ/AP