Morgunblaðið - 09.03.2006, Síða 41

MORGUNBLAÐIÐ FIMMTUDAGUR 9. MARS 2006 41
UMRÆÐAN
Ráðstefna haldin á Grand Hóteli, Háteigi, fimmtudaginn 16. mars kl. 14.00 – 16.30
Búsetumál aldraðra og nýjar leiðir í þjónustu
Stofnanavistun, mismunandi rekstrarform og fjármögnunarleiðir
Dagksrá:
Kl. 14.00 Ávarp
Kl. 14.10 Nýjar leiðir í þjónustu við aldraða
Vilborg Ingólfsdóttir, skrifstofustjóri í heilbrigðisráðuneytinu
Kl. 14.25 Valkostir í fjármögnun húsnæðis fyrir aldraða
Ragnar Atli Guðmundsson, framkvæmdastjóri Klasa
Kl. 14.40 Nýjar áherslur í rekstri og uppbyggingu hjúkrunarheimila
Sveinn H. Skúlason, forstjóri Hrafnistu
Kaffihlé
Kl. 15.15 Ný sýn í hjúkrunarmálum aldraðra
Ásgeir Jóhannesson, fv. formaður Sunnuhlíðarsamtakanna
Kl. 15.35 Samningar ríkisins við Akureyrarbæ - höfum við gengið til góðs?
Brit Bieltvedt, framkvæmdastjóri öldrunarheimila Akureyrar
Kl. 15.50 Umræður
Fundarstjóri: Kristján Kristjánsson, fréttamaður.
Allt áhugafólk hvatt til að mæta.
Þátttökugjald kr. 4.000.
Skráning á netfangið sol@reykjalundur.is og við innganginn
Félag forstöðumanna sjúkrahúsa
Landssamband sjúkrahúsa
Samtök fyrirtækja í heilbrigðisþjónustu
UNDIRRITAÐIR kennarar í hag-
fræði og fjármálum við viðskipta- og
hagfræðideild Háskóla Íslands hafa
fjallað um nýleg drög að námskrá í
stærðfræði fyrir framhaldsskóla. Nið-
urstaða okkar er sú, að veruleg hætta
sé á, að umrædd drög feli í sér, að í
deildina leiti nemendur með lakari
fótfestu í stærðfræði en verið hefur.
Þetta muni einkum koma niður á
þeim greinum deildarinnar, þar sem
mestrar stærðfræðikunnáttu er kraf-
ist, svo sem í hagfræði og fjármálum.
Veldur það enn frekari áhyggjum í
ljósi þess, að ákveðnar vísbendingar
eru um hrakandi stærðfræðikunnáttu
nýnema í þessum greinum á síðustu
árum. Skal nú gerð nánari grein fyrir
einstökum athugasemdum.
1. Með námskrá fyrir framhalds-
skóla, sem gildi tók árið 1999, var
námsefni kjarna í stærðfræði skert
verulega. Þannig fækkaði kjarna-
einingum í stærðfræði úr 21 í 15 á
námsbrautum í náttúrufræði, og úr 15
niður í sex á viðskipta- og fé-
lagsfræðibrautum. Námskránni hefur
verið fylgt með ýmsum hætti í fram-
haldsskólum landsins frá gildistöku.
Misjafnt er t.a.m. eftir skólum, hversu
bundin kjörsvið eru í ýmsum grein-
um. Sumir framhaldsskólar hafa
skorðað námsframboð þannig, að
nemendum á hag- og viðskiptabraut-
um ber að ljúka 18–22 einingum í
stærðfræði til stúdentsprófs. Í öðrum
skólum geta nemendur á nátt-
úrufræðibrautum útskrifast með að-
eins 15 stærðfræðieiningar að baki.
Af þessu má ráða, að fækkað hefur í
þeim hópi nýstúdenta, sem gott vald
hefur á stærðfræði. Viðbúið er að þess
sjái stað í þeim greinum háskólastigs-
ins, þar sem árangur í námi byggist á
góðri stærðfræðikunnáttu. Frammi-
staða nemenda í stærðfræði á ýmsum
námsbrautum HÍ að undanförnu vís-
ar því miður í þá átt. Af þessu má ljóst
vera, að veikist undirstaða nýnema í
stærðfræði að marki frá því sem þeg-
ar er orðið, mun það torvelda enn
frekar kennslu í hagfræði og fjár-
málum. Örðugra verður að fullnægja
alþjóðlegum kröfum um gæði náms.
Ljóst er hins vegar, að ef mæta á
kröfum tímans í téðum greinum þarf
að auka kunnáttu nemenda í stærð-
fræði, ekki minnka.
2. Hér verður ekki lagt mat á ein-
staka þætti í tillögum um styttingu
framhaldsskóla úr fjórum árum í
þrjú. Svo virðist sem um tæknilegar
töfratillögur sé að ræða. Til dæmis er
lagt til að fyrsta stærðfræðiáfanga
framhaldsskólanna verði skipt í
tvennt: hluti þess færður niður á
grunnskólastig, hluti sameinaður öðr-
um áfanga í framhaldsskóla. Þetta
hljómar eins og verið sé að skipu-
leggja tæknilegt atriði eins og dreif-
ingu á pósti. Ekki verður séð að
breytingar sem þessar séu auðveldar
í framkvæmd. Í þessu þarf að horfa
til hæfni kennara til að miðla efni
annars vegar og getu nemenda til að
taka við því hins vegar. Almennt
gildir, að til að nám beri nafn með
rentu, þarf tvennt til: Hæfa kennara
og undirbúna nemendur.
3. Ljóst er að margir nemendur
geta lært það efni, sem nú er í nám-
skrá til stúdentsprófs á 13 árum í stað
14. Sú aðgerð að stytta framhalds-
skólanám úr fjórum árum í þrjú er þó
tæplega skilvirkasta leiðin að því
marki. Vænlegra væri að stefna að
því, að nemendur gætu almennt lokið
grunnskólanámi á níu árum. Ber þó
að hafa í huga að þeir mynda mis-
leitan hóp, þar sem geta og þarfir
þróast mishratt.
4. Samkvæmt drögunum er náms-
efni í stærðfræði á köflum þjappað
saman frá því, sem er í núgildandi
námskrá. Þykir þó nógu langt gengið
þar að dómi margra, sem til þekkja.
Sú skoðun að hraðkennsla í stærð-
fræði henti fáum er byggð á áralangri
reynslu. Við höfum áhyggjur af
tæknigetu nemenda í greininni öðru
fremur. En þeir þurfa vitaskuld að
kunna skil á ýmsu öðru. Þarflaust er
að taka fram, að mikilvægt er, að
þegnar þessa lands hafi gott vald á ís-
lensku, bæði í ræðu og riti. Sama gild-
ir um sögu, erlend tungumál, menn-
ingu, náttúrufræði og fleiri greinar.
Er því hætt við, að kunnátta ung-
menna rýrist í fleiri greinum en
stærðfræði, komist fyrirliggjandi
námskrárdrög óbreytt til fram-
kvæmda.
Athugasemdir háskólakennara
við drög að nýrri námskrá í
stærðfræði til stúdentsprófs
Haukur C. Benediktsson, Helgi
Tómasson og Tór Einarsson
gera athugasemdir við drög að
breyttri námskrá fyrir
framhaldsskóla
’Niðurstaða okkar er sú, að veruleg hætta sé
á, að umrædd drög feli í
sér, að í deildina leiti
nemendur með lakari
fótfestu í stærðfræði en
verið hefur.‘
Helgi
Tómasson
Höfundar eru kennarar við viðskipta-
og hagfræðideild Háskóla Íslands.
Haukur C. Benediktsson er lektor í
fjármálum, Helgi Tómasson er dósent
í tölfræði og Tór Einarsson er pró-
fessor í hagfræði.
Haukur C.
Benediktsson
Tór
Einarsson