Morgunblaðið - 31.03.2006, Page 2
2 C FÖSTUDAGUR 31. MARS 2006 MORGUNBLAÐIÐ
bílar
SALA á nýjum bílum hefur verið góð það sem
af er þessu ári og meiri en bílasalar höfðu gert
ráð fyrir, samkvæmt upplýsingum þeirra.
Nokkrar verðhækkanir hafa orðið á bílaverði
undanfarnar vikur, í takt við lækkun á gengi
krónunnar. Fulltrúar þeirra bílaumboða sem
Morgunblaðið ræddi við sögðust flestir gera
ráð fyrir að bílasala ætti eftir að dragast nokk-
uð saman það sem eftir er ársins. Salan væri
hugsanlega að ná hámarki þessa dagana.
Egill Jóhannsson, framkvæmdastjóri Brim-
borgar, segir umboðið enn ekki hafa hækkað
verð bíla hjá sér og ákvörðun um hækkanir
hafi ekki verið tekin. Menn sjái fyrir sér að
verð muni hækka um 6-8% á næstunni og
vegna þessa festi margir kaup á bílum þessa
dagana. Hann segir Brimborg hafa spáð 20%
samdrætti í bílasölu í heild fyrir árið 2006. Sal-
an hafi hins vegar farið betur af stað en menn
reiknuðu með, væntanlega á þeirri forsendu að
gengi krónunnar var mun sterkara fyrstu tvo
mánuði ársins en ráð var fyrir gert. Það sem af
er árinu sé salan um 40% meiri en á sama tíma í
fyrra. „Núna er veiking krónunnar að koma
fram og væntanlega mun draga aðeins meira
en 20% úr sölunni það sem eftir er ársins. Við
miðum okkar áætlanir við það,“ segir hann.
Síðasta ár var metár
Helga Guðrún Jónasdóttir, kynningarstjóri
hjá B&L segir fyrirtækið ekki merkja miklar
breytingar á sölu bíla í marsmánuði, þrátt fyrir
að lækkanir á gengi krónunnar hafi leitt til
nokkurrar hækkunar verðs á nýjum bílum.
Hafi verð hækkað að meðaltali um 3-5% á síð-
ustu vikum. Ýmsar ástæður séu fyrir þeim,
meðal annars hækkanir á verði frá framleið-
endum. Hún segir erfitt að segja til um hvernig
bílasala muni þróast á árinu. „Við erum bjart-
sýn og gerum ráð fyrir að sala verði góð. Síð-
asta ár var hins vegar metár og það væri óvar-
legt að ætla að ekki verði einhver samdráttur á
þessu ári,“ segir hún.
Karl Steinar Óskarsson, sölustjóri hjá Ingv-
ari Helgasyni, segir að sala nýrra bíla hjá um-
boðinu fyrstu þrjá mánuði þessa árs sé umtals-
vert meiri en á sama tíma í fyrra. Flest
bílaumboð séu um þessar mundir að hækka
verð hjá sér. „Í síðustu viku tóku gildi hækk-
anir hjá okkur sem nema á bilinu 3-8%, en þær
eru mismiklar eftir tegundum,“ segir hann.
Þrátt fyrir hækkanirnar í síðustu viku hafi ekki
orðið samdráttur í bílasölu hjá umboðinu.
Karl Steinar segir bílasala reikna með sam-
drætti í bílasölu það sem eftir er ársins. Lækk-
un á gengi krónunnar muni hafa áhrif og
þrengja muni að hjá flestum fari verðbólga af
stað. „Um áramót spáðu flestir bílasalar á
bilinu 20-30% samdrætti í bílasölu á þessu ári,
miðað við árið í fyrra. Það er hins vegar langt í
frá að þessi samdráttur hafi komið fram fyrstu
þrjá mánuðina,“ segir hann og bætir við að
þetta hafi komið flestum gleðilega á óvart.
Ekki sé ósennilegt að salan sé að ná hámarki
um þessar mundir.
Meira að gera en venjulega
Haraldur Þór Stefánsson, framkvæmda-
stjóri sölusviðs Toyota, segir að miklu meira
hafi verið að gera hjá umboðinu en venjulega,
vegna breytinga á gengi krónunnar. Um það
bil 5% hækkun á flestum bílum sem umboðið
selur taki gildi á mánudag. „Það eru allir að
klára áður en við þurfum að hækka verðið og
við reynum að afgreiða sem mest,“ segir Har-
aldur Þór.
Haraldur segir erfitt að segja til um hvernig
bílaverð muni þróast á næstunni. Krónan hafi
hins vegar verið að styrkjast að nýju, sem sé
jákvætt. „Við biðum ansi lengi með að hækka
verðið, því við trúðum því að gengið myndi
styrkjast að nýju. Hækkunin nú er töluvert
undir þeirri veikingu krónunnar sem hefur
orðið. Við lækkuðum verð í október um 5% og
höfðum því ekki of mikið þol,“ segir Haraldur.
Sala á nýjum bifreiðum hefur verið góð á Íslandi það sem af er árinu og farið fram úr væntingum bílasala
Spá samdrætti í bílasölu á næstunni
Morgunblaðið/Ómar
Eftir Elvu Björk Sverrisdóttur
elva@mbl.is
Subaru-um-
boðsaðilar
ánægðastir
UMBOÐSAÐILAR Subaru eru
ánægðustu umboðsaðilar bíla í
Þýskalandi. Þetta er niðurstaða
nýjustu skoðanakönnunar á
ánægju bílasala (DSI, Dealer
Satisfaction Index) sem Bam-
berger Forschungsstelle Auto-
mobilwirtschaft (FAW) gerir og
er þetta í 9. skipti sem Subaru
hlotnast þessi heiður.
Líkt og árið áður lögðu um-
boðsaðilarnir mesta áherslu á
„gæði nýrra bíla“ og gáfu Sub-
aru einkunnina 4,6 af 5 mögu-
legum. Umboðsaðilar lofuðu
Subaru einnig fyrir „dagleg
samskipti við innflutningsaðila“
og „þjónustu fulltrúa varðandi
ábyrgðir og viðskiptavild“.
Er þetta í 12 skipti sem könn-
unin er gerð og náði hún að
þessu sinni yfir umboðsaðila 25
bílategunda sem eru með 93%
markaðshlutdeild.
Rúnar H. Bridde, sölu- og
markaðsstjóri Subaru á Íslandi,
segir samskiptin við Subaru í
Japan vera sérlega þægileg og
því komi niðurstöður DSI könn-
unarinnar sér ekkert á óvart.
RENAULT frumsýndi nýlega í
París Clio Hi-Flex, sem gengur
jafnt fyrir bensíni og etanóli. Skiptir
þá engu í hvaða hlutföllum eða hvort
um hreint bensín eða etanól er að
ræða (frá 0% og upp í 100% af öðru
hvoru).
Etanol er unnið úr jurtaríkinu og
tilheyrir því þeim eldsneytisflokki
sem er í dag talinn líklegasta lausn-
in á vaxandi CO2 megnun í Evrópu.
Clio Hi-Flex markar því nokkur
tímamót hjá Renault, sem hefur á
undanförnum árum lagt vaxandi
áherslu á þróun umhverfisvænni
bíla. Er í því sambandi skemmst að
minnast 2009 skuldbindingarinnar
sem Carlos Ghosn, forstjóri Ren-
ault, kynnti nýlega og felur m.a. í
sér fyrirheit um að 50% allra nýrra
bensínbíla í Evrópu frá Renault,
muni ganga fyrir allt að 85% etanól-
blöndu áður en árið 2009 gengur í
garð.
Metnaðarfull markmið
í umhverfisvernd
Þá er því jafnframt lýst yfir í 2009
skuldbindingunni að þar sem bílar
frá Renault séu með eitt lægsta út-
sleppi af CO2 sem þekkist, telji
framleiðandinn sig geta gert betur.
Í þessu sambandi eru tímamörkin
þó enn þrengri, en fyrir þann tíma
ætlar Renault að hafa aukið sölu á
bílum sem sleppa minna en 140 gr.
af CO2 á kílómetra í eina milljón á
ári. Þriðjungur þeirra á jafnframt
að sleppa út minna en 120 gr. á kíló-
metra. Clio Hi-Flex verður fyrst um
sinn bundinn brasilíska bílamark-
aðnum, en þar hefur etanól verið fá-
anlegt svæðisbundið sem eldsneyti
fyrir bíla.
Umhverfisvænn Clio Hi-Flex
Clio Hi-Flex, sem gengur jafnt fyrir bensíni og etanóli. Clio Hi-Flex verður fyrst um sinn eingöngu fáanlegur í Brasilíu.