Morgunblaðið - 09.04.2006, Qupperneq 3

9.4.2006 | 3
4 Flugan
sá ævintýralega sýningu
á Kjarvalsstöðum, Átta
konur á Stóra sviði
Þjóðleikhússins og einn
flottan á silfurgráum
tveggja sæta Benz.
6 Porsche háloftanna
Í langstærstu og af-
kastamestu flug-
vélaverksmiðju lands-
ins smíða fjórir menn
fjögur fisloftför sem hafa ekki fleiri en
tvö sæti og vega aðeins 450 kg í flugtaki.
10 Kærleikurinn er það eina sem skiptir máli
Halldór Bragason er íslenski blúsinn holdi
klæddur. Kyndilberi sem hefur spilað í hér-
umbil hverju þorpi landsins, breitt boðskap-
inn út um lönd og er nú listrænn stjórnandi
Blúshátíðar í Reykjavík.
18 Eitthvert eldfjall í mér
Kristjáni Ingimarssyni hefur verið lýst sem
manninum með gúmmíandlitið og sumir
staðhæfa að hann hljóti að vera án liðamóta.
20 Vín
Portúgalar gleðjast yfir toppárangri í púrt-
víni og vínin frá franska víngerðarhúsinu
Mas de Morties valda ekki vonbrigðum.
22 Krossgátan
Hvaða hár er gert úr
gömlum gosdrykk
handa hnýsnum?
Skilafrestur úrlausna
krossgátunnar renn-
ur út næsta föstudag.
23 Pistill
Páll Ásgeir Ásgeirsson varð fyrir verulegum
vonbrigðum á þjóðvegi 1, því hann hélt að
venjulegt fólk hegðaði sér ekki eins og hann
varð vitni að.
15
16 17
19 20
2 23 24
26 27
30
31
34
Forsíðumyndina tók Kristinn Ingvarsson af Halldóri Braga-
syni í myndveri Morgunblaðsins 4. apríl 2006.
23
Hvernig skyldi vera
heima hjá fólki, sem
treður ruslinu út um bíl-
gluggana þegar það ekur
um þjóðvegi landsins?
L
jó
sm
yn
d:
E
gg
er
t
„Yfir kaldan eyðisand, einn um nótt ég sveima, nú er horfið
Norðurland, nú á ég hvergi heima.“ Svo kvað Kristján Jóns-
son fjallaskáld rétt fyrir aldamótin 1900 „… [Kristján] var
auðvitað ekkert annað en blúsari,“ upplýsir Halldór Braga-
son, tónlistarmaður og listrænn stjórnandi Blúshátíðar í Reykjavík 2006, í viðtali við Orra Pál Orm-
arsson í Tímaritinu í dag. Staðhæfingin er ekki út í bláinn, alltént orti fjallaskáldið, sem lést aðeins 27
ára, um mæðu sína og vanlíðan rétt eins og svartir þrælar í Suðurríkjum Bandaríkjanna sungu trega-
blandna söngva um áþekk örlög. Í allsleysi og ánauð varð blúsinn þeirra tónlist, þótt hugtakið yrði ekki
til fyrr en löngu seinna. „Okkar saga er saga ljóða og rímnakveðskapar. Þegar Íslendingar voru að
skemmta sér hér áður fyrr kváðu þeir rímur og við eigum mjög auðvelt með að skynja þetta form kveð-
skapar,“ segir Halldór, sem ekki að ósekju er oft kallaður blúsmaður Íslands. Ekki einasta hefur hann
ásamt vinum sínum spilað blús í áratugi í nánast hverju einasta þorpi landsins, heldur hefur hann gert
plötur og spilað og túrað víða um heim með þekktustu kempum bandarískrar blúsmenningar. Á vef-
síðu Blúsfélags Reykjavíkur, sem Halldór stofnaði ásamt nokkrum félögum sínum, er bent á að ljóð
Kristjáns séu sprottin af sama meiði og blústextarnir. „Berst mér negg í brjósti snautt,“ kvað hann, en
þjáningarbræður handan hafsins sungu „I got the blues…“ Þótt bæði listformin lýsi hugarástandi, þján-
ingu og sársauka hafa þau veitt mörgum ómælda ánægju um árabil. Þversögnin er sú að blúsinn er mús-
ík hamingjunnar eins og Halldór færir rök fyrir í viðtalinu. Hvernig íslenskur rímnakveðskapur fjalla-
skálds verður í blúsuðu ívafi kemur hins vegar ekki í ljós fyrr en á Blúshátíðinni, sem hefst núna eftir
helgina. | vjon@mbl.is
09.04.06
Tora Urup er hálfíslensk, dóttir Guð-
rúnar Sigurðardóttur og Jens Urup, og
búsett í í Danmörku. Hún hannar hring-
laga glerskálar sem blásnar eru úr lögum
af skærum litum, þykku glæru gleri og
þunnu ógagnsæju gleri. Afraksturinn er athugun á því
hvernig litur og þykkt efnisins hafa áhrif á það hvernig
við skynjum rúmtak og niðurstaðan sú að hægt sé að
skynja óendanlegt rými í litlum hlut með því að tefla
saman úthugsaðri samsetningu, skurði og gljáandi yf-
irborði glersins. Tora segir að hugmyndin hafi kviknað
þegar hún gerði sér í hugarlund hvernig hægt væri að
skilja að tvo ógagnsæja liti með þykku lagi af glæru
gleri í kunnuglegu formi, eins og til dæmis hringlaga
skál. „Þegar ég fékk hugmyndina var ég að vinna sem
hönnuður í Holmegaard-glerverksmiðjunni og fékk
tækifæri til þess að láta reyna á hana þegar við feng-
um flinka glerblásara frá Orrefors í Svíþjóð í heimsókn.
Þegar ég byrjaði að starfa sjálfstætt leitaði ég lengi að
handverksmönnum sem byggju yfir nægilega góðri tækni
til þess að búa til svona skálar og fann þá loks í Tékk-
landi, þar sem löng hefð er fyrir glerlist eins og í Sví-
þjóð.“
Sjá verk Toru á vefnum www.toraurup.dk.
Glerskálin | Tora Urup
Ís
le
ns
k
hö
nn
un
Tímarit Morgunblaðsins Kringlunni 1, 103 Reykjavík, sími 5691100, netfang: timarit@mbl.is Útgefandi Árvakur hf. Umsjón Valgerður Þ. Jónsdóttir, vjon@mbl.is
Auglýsingar sími 5691111 netfang augl@mbl.is Bréfsími 5691110 Prentun Prentsmiðja Morgunblaðsins ISSN 1670-4428