Morgunblaðið - 21.07.2006, Síða 6

6 B FÖSTUDAGUR 21. JÚLÍ 2006 MORGUNBLAÐIÐ
bílar
Land Rover Defender 90 árg. 1998
ek. 132 þús. Verð 1130 þ., áhv 675 þ.
Renault Megane árg. ‘04
ek. 34 þ., tvær toppl., álf., flottur bíll.
Verð 1850 þ., áhv. 1740 þ.
Nissan Micra árg. 2006
ek. 8 þ., 5 dyra. Sjálfsk. Verð 1490 þ.
MMC Pajero Sport árg. ‘00 ek. 106 þ.,
35” breyttur. Verð 1850 þ., áhv., 1450 þ.
Toyota Corolla Touring árg. 1999
ek. 120 þús. Verð 740 þús.
Chrysler PT Cruiser árg ‘01 ek. 63 þ.
Verð 1470 þ., áhv., 1088 þ.
Renault Megane árg. 2004
ek. 34 þ., 2 topplúgur, álf., flottur bíll.
Verð 1850 þ., áhv. 1740 þ.
Jeep Liberty árg. 2003
ek. 64 þ., 33” breyttur. Verð 2800 þús.
Ford Mustang árg. 2003
ek. 18 þús. Verð 1950 þús.
Plymouth Voyager 2,4 árg. 1996
ek. 178 þús. Verð 420 þús.
Funahöfða 1 • Opið virka daga kl. 10-18 og laugardaga kl. 10-16
SKOÐIÐ FLEIRI MYNDIR Á WWW.100BILAR.IS
V
egfarendur hafa líklega
margir hverjir tekið eftir
sérkennilegum jeppa sem
minnir um margt á Land Ro-
ver – það er kannski ekki nema von
enda er um að ræða jeppa framleidd-
an á Spáni en fram til 1990 voru fram-
leiddir um 300.000 jeppar með leyfi
Land Rover hjá Santana-verksmiðj-
unni. Bíllinn sem er til prófunar í bíla-
blaðinu nú er því einskonar tvíbura-
bróðir Land Rover sem hefur hlotið
allt annað uppeldi á Spáni og er meiri
vinnuþjarkur og ekki eins fágaður og
bróðirinn sem býr á Bretlandi. Þetta
er Santana PS10 sem er einni og
hálfri milljón ódýrari en fimm dyra
Land Rover Defender og var valinn
besti jeppinn árið 2005 af hinu virta
breska jeppablaði 4X4 Magazine.
Hönnunarspekin að baki Santana
PS10 er grundvölluð út frá þörfum
verktaka, bænda og evrópskra herja
og því var lagt upp með
að framleiða eins ein-
faldan bíl og hægt var,
með það að markmiði
að hafa umgengni og
þjónustu við bílinn sem
ódýrasta og einfald-
asta. Sem dæmi má
nefna að bíllinn hefur
lítinn búnað sem getur
bilað. Hann er búinn
loftkælingu, öflugri 2,8
lítra túrbó dísilvél frá
Iveco með einbunu inn-
sprautun sem skilar
125 hestöflum við 3.600
snúninga og 275 NM
við 1.800 snúninga. Allt er þann-
ig úr garði gert að hægt er að
gera við bílinn og þjónusta hann
hvar sem er án þess að gera sér
sérstaka ferð í þjónustuumboð
bílsins til að fá aflestur af tölvu
eins og algengt er í dag. Óvenju-
leg natni við smáatriði, á allt
annan hátt en maður er vanur er
niðurstaðan. Í stað fágaðs mæla-
borðs úr vönduðum plastefnum
þá er mælaborðið haft ofur ein-
falt, sterklegt og allar skrúfur á
því eru t.d. berar svo hægt sé að
taka það í sundur án mikilla
vandræða. Á gólfum bílsins er
gúmmídúkur svo hægt sé að
skola drullu og óhreinindum út.
Það eru engar samlæsingar í
bílnum, hurðarnar er hægt að
taka af hjörunum auðveldlega
og allt virkar mjög sterklegt og
stíft – reyndar svo stíft að stund-
um hélt blaðamaður að hurðar
væru læstar því svo erfitt var að
opna þær.
Þegar litið er í húddið sést að
vélin er búin krókum svo auðvelt
sé að hífa hana upp úr bílnum ef
viðgerðar er þörf. Bíllinn kemur
á fáblaðafjöðrun sem lítur mjög
gamaldags út en virkar svona
líka vel þegar bílnum er ekið í
torfærum. Umboð bílsins hér
heima, BSA varahlutir ehf., hef-
ur í ofanálag útbúið bílinn með
farangursgrind og dráttarbeisli
sem eru staðalbúnaður.
Líkur Defender, en þó
mjög frábrugðinn
Að viðbættum þeim atriðum sem
við höfum þegar talið upp má nefna
fleira sem skilur bílinn frá Defender.
Sem dæmi má nefna þakið sem er
einangrað plastþak, afturhlerinn er
talsvert stærri en á Land Rover, það
stór reyndar að hægt er að setja
vörubretti aftur í bílinn, framrúðan
er einnig hærri, allar innréttingar eru
aðrar en í Defender, hjarir á hurðum
eru aðrar en á Defender, ljós, grill,
fjöðrun og bíllinn er auk þess byggð-
ur á heilli grind. Nú getur vel verið að
eitthvað gleymist í upptalningunni en
megin atriðið er það að þó bíllinn sé
líkur Land Rover Defender þá er
hann eins ólíkur honum undir yfir-
borðinu og hann er líkur honum á yf-
irborðinu.
Framúrskarandi í vegleysum –
stirðbusalegur innanbæjar
Það ætti kannski ekki að koma
neitt á óvart að bíll af þessari stærð-
argráðu sé stirðbusalegur í innan-
bæjarakstri. Það er þó ekki helst
stærð bílsins sem er til trafala því út-
sýni er gott úr bílnum og stjórntæki,
sæti, stýri, gírskipting, bremsur og
fleira er til þess fallið að gera akst-
urinn léttan og þægilegan. Það sem
mest um munar er hve stóran beygj-
uradíus bíllinn þarf en líklega er
hægt að kenna fáblaðafjöðruninni um
það. Beygjuradíusinn er
það stór að taka þarf
beygjur í bænum að vel
yfirlögðu ráði. Oft lenti
blaðamaður í því að skaga
með framenda bílsins yfir
á akrein úr gagnstæðri átt
þar sem pláss var lítið. En
fyrir bíl sem líklegast mun
verða notaður mjög lítið
innanbæjar ætti þetta
ekki að skipta svo miklu
máli – miklu frekar eitt-
hvað sem gott er að vita
af.
Í akstri á vegleysum
komu góðir eiginleikar
bílsins best fram. Slag-
lengd fjöðrunarinnar er mikil og
erfitt að ímynda sér þær að-
stæður þar sem bíllinn lyftir
dekki en það er einmitt lykilat-
riði í utanvegaakstri að tryggja
öllum dekkjum grip. Hjólabún-
aður bílsins er geysilega sterk-
legur og þó mikið gangi á heyr-
ist hvergi brak eða brestur í
yfirbyggingu eða innréttingu.
Sætin halda vel við ökumanninn
og auðvelt er að beita bílnum í
torfærum þar sem framhjól
hans eru eins utarlega og hægt
er og afturendi bílsins slútir
ekki langt aftur fyrir afturdekk-
in og því er bæði hægt að klifra
brött börð og fara niður af þeim
án vandræða.
Blaðamaður fer venjulega
sama vegarslóðann þegar jepp-
ar eru prófaðir. Á þeim slóða
þarf að fara yfir á, klifra upp á
börð, þræða mjóa vegarslóða í
halla og mikilli drullu og loks
reyna að klifra brekku sem hef-
ur reynst flest öllum jeppum
hingað til ómöguleg. Santana
fór þetta allt, eins og ekkert
væri og niður brekkuna erfiðu
að auki og vakti mikið traust.
Vélarbremsan í lága drifinu hélt
bílnum stöðugum á meðan læðst
var niður snarbrattar og forug-
ar brekkur og hafði framsætis-
farþegi á orði að þetta væri
ferðabíllinn sem margir væru að
leita að – bíll sem fólk tímir að
nota, þolir flest það sem honum
er boðið uppá en fer samt vel
með farþega og farangur.
Hagstætt verð fyrir traustan og
einfaldan bíl sem ferða- eða vinnu-
tæki hlýtur að höfða sterkt til þeirra
sem gera miklar kröfur til fjórhjóla-
drifsbíla – þessi jeppi er einfaldlega
magnaður á sinn einfalda hátt.
Fáblaðafjöðrunin er einföld og er góð málamiðlun milli burðargetu,
utanvegagetu og þæginda en kemur niður á beygjuradíus bílsins.
Afturhurðin er nógu breið til að hægt sé að koma inn vörubretti.
Hægt er að fá öryggisbelti fyrir bekkina og þá er bíllinn 9 manna.
Mælaborð er einfalt og praktískt, allar skrúfur og festingar að-
gengilegar. Loftkæling er staðalbúnaður í öllum bílunum.
Mikil vinna hefur verið lögð í að endurhanna yfirbygginguna fyrir Santana PS10.
Iveco vélin hentar vel í jeppa og er einföld og þægileg í umgengni -
það ætti að vera einfalt að vinna við vélina.
Stundum er einfaldleikinn bestur
REYNSLUAKSTUR
Santana PS10
Ingvar Örn Ingvarsson
Afl: 125 hestöfl við 3.600 snúninga
á mínútu.
Tog: 275 Nm við 1.800 snúninga á
mínútu.
Gírskipting: 5 gíra ZF-S5-31, bein-
skiptur, með háu og lágu drifi í milli-
gírkassa.
Hámarkshraði: 140 km/klst.
Fjöðrun: Parabolic, Fáblaðafjöðrun
framan og aftan.
Drifbúnaður: Manual 4WD.
Hemlar: Kældir diskar að framan,
þvermál 123,8 mm staðaldiskar að
aftan, þvermál 125 mm, handhemill
á afturdrifskafti við gírkassa.
Hjólbarðar og felgur: 235/85 R16.
Stálfelgur.
Stýri: vökvastýri ZF.
Lengd: 4.714 mm.
Breidd: 1.840 mm á hjólnöf.
Hæð: 2,000 mm.
Eigin þyngd: 2.100 kg.
Eyðsla: 12 lítrar í blönduðum akstri,
11 lítrar í þjóðvegaakstri, 13 lítrar í
innanbæjarakstri.
Verð: frá 3.295.000 kr.
Umboð: BSA Varahlutir ehf.
Santana PS10