Morgunblaðið - 08.03.2007, Blaðsíða 20

20 FIMMTUDAGUR 8. MARS 2007 MORGUNBLAÐIÐ
HÖFUÐBORGARSVÆÐIÐ
ÞAÐ nýmæli að bjóða nemendum
og starfsmönnum upp á hafragraut,
endurgjaldslaust, áður en kennsla
hefst að morgni hefur hlotið góðar
viðtökur í Brekkuskóla á Akureyri.
Bergþóra Þórhallsdóttir, aðstoð-
arskólastjóri, sá frétt í Morg-
unblaðinu síðastliðið haust um að
skóli í Reykjavík hefði bryddað upp
á þessu, fannst það sniðugt og
ákvað að prófa.
Foreldrum var greint frá hug-
myndinni í síðustu viku og tilraunin
hófst í Brekkuskóla á mánudaginn.
Þá mættu tæplega 100 börn í morg-
unverð í skólanum, um 120 á þriðju-
daginn og álíka mörg í gær. Alls
eru 540 börn í Brekkuskóla.
„Margir vilja prófa og við hvetj-
um krakkana til þess,“ sagði Berg-
þóra við Morgunblaðið. Viðbrögð
aðstandenda hafa verið einstök,
segir hún. „Foreldrar og afar og
ömmur hafa stoppað mig úti á götu
eða í búðinni til þess að lýsa ánægju
sinni með þetta og netpósti rignir
yfir okkur,“ sagði hún.
Öll þau börn sem Morgunblaðið
ræddi við voru himinlifandi að fá
graut í skólanum fyrir kennslu.
Morgunblaðið/Skapti Hallgrímsson
Góðgæti Hálfsysturnar Kolbrún Ýr, 9 ára, og Helena Dís, 6 ára, voru alsælar með grautinn og fannst hann góður.
Sögðust vanar því að borða hafragraut heima hjá sér á morgnana og vonuðu að hann yrði áfram í boði í skólanum.
Fá hafra-
graut í bítið
í skólanum
Morgunblaðið/Skapti Hallgrímsson
Kurteis Börnin mynduðu einfalda röð, fengu graut í skál og svo mjólk út á.
Eftir Steinþór Guðbjartsson
steinthor@mbl.is
Vesturbær | Magnús Ingi Erlings-
son, framkvæmdastjóri Fasteigna-
félagsins Nýju Jórvíkur ehf., segist
vera undrandi á hve hægt gengur að
ljúka skipulagsvinnu á Slippasvæð-
inu við Mýrargötu í Reykjavík og
kallar eftir úrlausn skipulagsmála á
svæðinu.
Seinagangur
Nýja Jórvík hyggst reisa byggingu
með 61 íbúð á lóð Mýrargötu 26, þar
sem Hraðfrystistöðin var áður. Íbúð-
irnar eru svonefndar loftaíbúðir að
erlendri fyrirmynd með allt að fimm
metra lofthæð. Magnús Ingi Erlings-
son segir að það taki um 14 til 16
mánuði að ljúka framkvæmdum en
þær geti ekki hafist þar sem ekki sé
búið að ganga frá skipulagi svæðis-
ins. Fyrra deiliskipulag hafi verið
ógilt í lok júlí á liðnu ári, það hafi ver-
ið auglýst aftur og frestur til að gera
athugasemdir hafi runnið út 20. des-
ember. Athugasemdir við deiliskipu-
lagið hafi verið kynntar á fundi skipu-
lagsráðs 17. janúar og síðan hafi
málinu verið frestað. Það hafi ekki
verið tekið fyrir aftur þrátt fyrir
nokkra fundi.
„Það vekur furðu okkar að þetta
mál skuli ekki hafa verið afgreitt,“
segir Magnús Ingi og bendir á að fé-
lagið hafi beðið eftir úrlausn mála frá
2003. Í fyrrasumar hafi fengist þau
svör að það tæki um fjóra mánuði að
ljúka málinu en nú séu liðnir átta
mánuðir og lausn ekki í sjónmáli.
„Við teljum að þetta sé mjög óeðli-
legt,“ segir hann. Magnús Ingi bætir
við að fyrri skipulög hafi verið kynnt
og í raun hafi engar grundvallar-
breytingar verið gerðar á nýja skipu-
laginu. Nokkrir opnir kynningar-
fundir hafi verið haldnir, nánast talað
við alla sem hagsmuna eiga að gæta á
svæðinu og reynt að vinna með fram-
komnar hugmyndir. „Við erum undr-
andi á því hvað það tekur gríðarlega
langan tíma að ljúka málinu,“ segir
hann.
Umferðin í stokk
Undanfarna daga hefur verið mikil
umræða um byggingu stokka á
gatnamótum Miklubrautar og
Kringlumýrarbrautar. Magnús segir
að hornsteinn uppbyggingar á
Slippasvæðinu felist í því að setja um-
ferðina í stokk til að geta tengt vest-
urbæinn við nýju byggðina. Þetta
hafi verið rætt í mörg ár en nú sé allt í
einu verið að tala um seinkun þessara
framkvæmda. Það þýði að byggð
verði löngu risin áður en hugsanlega
verði ráðist í gerð stokksins og það
kalli á enn frekari vandamál. „Þá ótt-
ast ég jafnvel að stokkurinn komi
aldrei en með nýja skipulaginu var
hugsunin sú að forðast að skera
hverfið í sundur með hraðbrautum
framan við strandlengjuna eins og
þekkt er úr Skuggahverfinu. Á sama
tíma er verið að ræða um aðra stokka
en við teljum að yfirvöld eigi að setja í
forgang að ljúka afgreiðslu þeirra
mála sem hafa verið til skoðunar og
umræðu síðustu ár áður en ákveðið er
að ráðast í önnur sambærileg verk-
efni,“ segir Magnús Ingi Erlingsson.
Kalla eftir úrlausn skipu-
lagsmála á Slippasvæðinu
Stokkur VA arkitektar ehf., Björn Ólafs arkitekt, Landmótun ehf. og verk-
fræðistofan Hönnun hf. hafa unnið tillögu að rammaskipulagi Mýrargötu
og slippasvæðisins í samráði við skipulags- og byggingarsvið og umhverfis-
og tæknisvið Reykjavíkurborgar og Faxaflóahafnir (áður Reykjavík-
urhöfn). Lagt er til að byggja 370 metra langan stokk neðanjarðar milli
gatnamóta Ægisgötu og hringtorgs við Ánanaust.
Reykjanesbær | Vísbendingar eru
um að svifryk í Reykjaneshöllinni
hafi minnkað eftir að byrjað var að
hreinsa gervigrasið með sérstökum
tækjum í fyrradag. Mikið ryk og
önnur óhreinindi voru í grasinu-
.Unnið var að mælingum síðdegis í
gær og þær verða lagðar fyrir Heil-
brigðisnefnd Suðurnesja í dag.
Mælingar Heilbrigðiseftirlits Suð-
urnesja hafa sýnt að svifryk í
Reykjaneshöllinni er yfir heilsu-
verndarmörkum sem gilda um loft-
mengun utan dyra. Ríkharður F.
Friðriksson, fulltrúi hjá Heilbrigðis-
eftirlitinu, segir að svifrykið sé undir
hættumörkum á morgnana en fari
langt yfir mörkin um miðjan dag
þegar notkunin er mest. Til álita hef-
ur komið hjá Reykjanesbæ að kaupa
nýtt gervigras á Reykjaneshöllina.
Þó var ákveðið að reyna fyrst hvort
hægt væri að hreinsa rykið með sér-
stökum tækjum. Fékk bærinn frest
til að láta á það reyna.
Ragnar Örn Pétursson, íþrótta- og
tómstundafulltrúi, var vongóður um
árangur þegar hann fylgdist með
mælingum í gær en sagði að niður-
stöðurnar lægju fyrir í dag. Hann
sagði ljóst að halda yrði áfram
hreinsun til að koma ástandinu í lag
og bjóst við að í framtíðinni yrði að
hreinsa grasið einu sinni í viku.
Vélin er eins konar ryksuga. Hún
tekur upp sandinn í grasinu, hreins-
ar hann og skilar honum til baka.
Eftir verður í síum vélarinnar
smærra ryk og óhreinindi sem safn-
ast hafa í sandinn.
Ljósmynd/Dagný Gísladóttir
Ryksuga Tækið sem Gylfi Kristinsson dregur með dráttarvélinni á að
hreinsa rykið úr sandi gervigrassins í Reykjaneshöllinni.
Hreinsa gervigrasið
með „ryksugu“
AKUREYRI AUSTURLAND
SMYRIL-LINE, útgerðarfélag Nor-
rönu, hagnaðist um 20 milljónir
króna í fyrra, eftir samfelldan tap-
rekstur frá árinu 2003 þegar ný og
stærri ferja var keypt. Bókanir í
sumar hafa aukist um 45% frá sama
tíma í fyrra en vetrarsiglingar til
Íslands munu þungar í skauti.
Morgunblaðið/Steinunn Ásmundsdóttir
Norröna komin í plús
SUÐURNES
Egilsstaðir | Fundist hafa minjar
um grafreit, sem talinn er hugsan-
lega vera frá miðöldum, í kjallara
bæjarins Rangár í Hróarstungu á
Fljótsdalshéraði.
Segja heimildir frá bænhúsi á
svæðinu sem kirkjugarður gæti hafa
tengst. Bænhús eru einnig talin hafa
verið til forna á Sleðbrjót og Hrafna-
björgum í Jökulsárhlíð.
Íbúðarhúsið á Rangá var byggt í
byrjun síðustu aldar og varð þá vart
mannabeina, skv. heimildum núver-
andi íbúa hússins. Það var Soffía
Benjamínsdóttir á Rangá sem lét
minjavörð Austurlands vita af beina-
fundi, en sl. sumar var tekið til við að
dýpka gólf í hluta af kjallara hússins
nokkuð til að auka þar lofthæð.
Komu í framhaldinu í ljós mannabein
og útlínur tíu grafa í gólfinu og telur
Inga S. Kristjönudóttir minjavörður
að þær séu ugglaust fleiri. Bein eru
illa farin, sum föst undir gólfplötu
svo ekki er unnt að ná þeim með
góðu móti, en m.a. hafa fundist þrjár
nokkuð heillegar höfuðkúpur og þau
bein verið tekin sem hægt var að ná
með góðu móti. Ítarlegar rannsóknir
hafa ekki farið fram á fundinum en
vonast er eftir framhaldsrannsókn
og frekari uppgreftri í vor eða sumar
og aldursgreiningu þ. á m. Einnig er
talið að frekari ummerki kirkjugarðs
geti verið að finna utan veggja íbúð-
arhússins.
Heimilisfólk á Rangá vill sem
minnst láta raska líkamsleifunum
undir húsinu og segist ekki hafa haft
ama af þeim fram til þessa.
Miðaldamenjar
undir íbúðarhúsi