Morgunblaðið - 14.07.2007, Side 2

2 LAUGARDAGUR 14. JÚLÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Í HNOTSKURN
»Nýtt öryggishlið hefur verið sett upp íflugstöðinni. Spurningar vöknuðu um
hvort opinbert fé færi í sérþjónustu fyrir
ákveðna hópa.
»Lögreglustjóri segir klárt að embættisitt beri engan kostnað af tilrauninni.
Eftir Önund Pál Ragnarsson
onundur@mbl.is
BJÖRN Bjarnason dómsmálaráðherra tjáði við-
horf sín til nýs öryggishliðs á Keflavíkurflugvelli á
heimasíðu sinni í gær, en í flugstöðinni er nú boðið
upp á sérstaka braut fyrir Saga Class-farþega Ice-
landair í gegnum vopnaleit. Segir hann að í því efni
eigi að „gilda sama regla og í skattamálum, það er
að fjárhagslegt svigrúm nýtist til að lækka skatta
á öllum en ekki til að ívilna sumum“. Einnig segir
hann þá kenningu góða, að sérreglur fyrir útvalda
leiði frekar til mistaka en alúð við almennar regl-
ur, sem gilda fyrir alla. Viðbragða var leitað hjá
Jóhanni R. Benediktssyni, lögreglustjóra á Suð-
urnesjum, vegna ummæla ráðherra.
Sjálfhætt ef ráðherra er því andsnúinn
„Þetta er tilraunaverkefni sem stendur yfir í tvo
mánuði og með því átti að skoða kosti og galla
þessarar framkvæmdar. Það átti að koma til aukin
þjónusta sem átti að bæta aðstæður fyrir alla.
Kostnaðurinn skyldi vera sérgreindur og greiddur
af þeim sem báðu um þjónustuna. Ef dómsmála-
ráðherra er hins vegar á móti þessu og það er af-
staða ráðuneytisins eftir að farið hefur verið yfir
verkefnið frá öllum hliðum í lok ágúst, þá er verk-
efninu einfaldlega sjálfhætt,“ segir Jóhann.
Sérstök hlið eru þegar fyrir hendi
Jóhann segir sérstök hlið lengi hafa verið í flug-
stöðinni, eitt fyrir starfsmenn og annað fyrir
áhafnir. „Þetta er framkvæmt í öðrum flugstöðv-
um, meðal annars í Kaupmannahöfn, Amsterdam
og Frankfurt. Við töldum okkur vera að gera gott
kerfi ennþá betra með þessu,“ segir hann. Jóhann
segir það hins vegar alveg skýrt að sitt embætti
beri engan kostnað af hliðinu. Það hafi verið for-
senda fyrir samstarfi af þessu tagi við flugstöðina
og Icelandair. Hann kveðst því ekki skilja for-
stjóra flugstöðvarinnar þegar hann segir kostn-
aðinn dreifast á aðila verkefnisins.
„Verkefninu er sjálfhætt
ef ráðherra er á móti því“
Morgunblaðið/ÞÖK
Leifsstöð Ráðherra efast um nýja hliðið.
 Dómsmálaráðherra viðraði efasemdir sínar um öryggishlið fyrir Saga Class
Dr. INGÓLFUR Johannessen hefur
hlotið 35 milljóna króna rannsókn-
arstyrk frá skoska heilbrigðisráðu-
neytinu til þróunar nýrrar meðferðar
við inflúensusýkingum. Verkefnið fer
fram við læknaskóla Edinborgarhá-
skóla þar sem Ingólfur starfar sem
lektor í klíniskri veirufræði.
Verkefnið byggist á nýrri að-
ferðafræði þar sem ónæmisfrumum
er beint gegn tilteknum veirupró-
teinum.
„Frumur sýktar af inflúensuveir-
unni hafa á yfirborði sínu prótein
sem veiran framleiðir. Það ætti því
að vera hægt að forrita ónæm-
isfrumur þannig að þær sjái slík
veiruprótein og drepi flensusýktar
frumur, “sagði Ingólfur í samtali við
Morgunblaðið. „Auðvitað er áhugi
skosku heimastjórnarinnar á verk-
efninu að hluta til sá að
enginn veit fyrir víst
hvort núverandi veiru-
lyf muni duga vel gegn
H5N1 fuglaflensunni
sem er líklegust til þess
að valda næsta flensu-
heimsfaraldri. Hins
vegar er okkar nálgun
ekki bundin við H5N1,
og verkefnið ætti að
nýtast gegn öðrum af-
brigðum flensu sem er
mikilvægt þar sem
næsti heimsfaraldur
gæti allt eins verið eitt-
hvert annað flensuaf-
brigði en H5N1. Skoska
heimastjórnin hefur ný-
verið varið 250 milljónum króna til
samstarfsverkefnis háskólanna í Ed-
inborg, Glasgow og St.
Andrews um flensu-
rannsóknir undir for-
ystu Anthony Nash
prófessors og yf-
irmanns smit-
sjúkdómastofnunar
Edinborgarháskóla, en
áður höfðu skólarnir
lagt fram svipaða upp-
hæð. „Tony studdi okk-
ur vel og við hlökkum
til að starfa náið með
honum innan þessa
nýja samstarfs milli há-
skólanna þriggja, sagði
Ingólfur. „Enda þótt
ég stýri þessu verkefni
hafði ég góða með-
umsækjendur sem voru dr. Simon
Talbot, dósent í veirufræði, og
Dorothy Crawford, prófessor í sýkla-
fræði hér í Edinborg, en ég hef unnið
með Dorothy allt frá því ég var fyrst í
Lundúnum fyrir 15 árum. Ég ætlaði
þá að vera á rannsóknarstofunni
hennar í 1 ár og taldi að ég færi síðan
heim, en það hefur ekki gerst enn.
Ég held þó að ég sé og verði ævinlega
á heimleið. Eru það ekki örlög allra
Íslendinga erlendis?“
Ingólfur lauk embættisprófi í
læknisfræði frá læknadeild Háskóla
Íslands 1992 og hlaut almennt lækn-
ingaleyfi og sérfræðileyfi í veirufræði
árið 2000. Hann lauk MSc-prófi í
sýklafræði 1993 og PhD-prófi í veiru-
fræði árið 1997 frá London School of
Hygine & Tropical Medicine. Hann
fékk 5 ára styrk frá bresku Well-
come-stofnuninni til framhaldsrann-
sókna í veirufræði við læknadeild
Edinborgarháskóla þar sem hann
hlaut klíníska lektorsstöðu árið 2002.
Ingólfur lýkur öðru doktorsprófi frá
Edinborgarháskóla síðar í sumar.
Hann er sonur Matthíasar Johann-
essens rithöfundar og Hönnu Jo-
hannessen hárgreiðslumeistara.
Edinborgarháskóli var stofnaður
1583 og læknadeild skólans á rætur
að rekja allt aftur til 16. aldar enda
þótt hún hafi fyrst verið formlega
viðurkennd innan skólans árið 1726.
Fyrstu læknar Bandaríkjanna voru
menntaðir á vegum deildarinnar, og
meðal fyrrum læknanema hennar má
telja Charles Darwin, höfundinn að
kenningunni um þróun dýrategunda,
og meðal kennara deildarinnar var
Joseph Lister, prófessor í skurð-
lækningum og frumkvöðull að sótt-
vörnum.
 Dr. Ingólfur Johannessen hlýtur 35 milljóna króna rannsóknarstyrk frá skoska heilbrigðisráðu-
neytinu  Áhugi vegna óvissu um hvort núverandi veirulyf muni duga gegn H5N1-fuglaflensunni
Ný meðferð við fuglaflensu
Dr. Ingólfur
Johannessen
„HANN var óskaplega líflítill og ég
hélt að hann væri að drepast,“ segir
Þórólfur Árnason í Lambhaga við
Skógtjörn á Álftanesi, sem í gær
bjargaði háhyrningskálfi frá því að
verða reka á land í fjörunni við
Skógtjörn.
Að sögn Þórólfs voru það barna-
börn hans tvö, systurnar Hildur
Dóra og Helga Guðný Hallsdætur,
sem fundu kálfinn og gerðu afa sín-
um viðvart.
„Ég fór þegar niður í fjöru þar
sem ég fann hvalinn hreyfing-
arlausan í fjöruborðinu. Ég óð út í
og beindi honum til hafs með því að
taka í sporðinn á honum og ugg-
ann,“ segir Þórólfur og tekur fram
að hvalurinn hafi við þetta tekið við
sér og synt frá landi þar sem
straumurinn bar hann út á haf síð-
degis í gær.
„Þetta var mjög spennandi og
gaman á meðan því stóð,“ segir
Þórólfur sem eðlilega var hetja
dagsins í augum barnabarna sinna.
Bjargaði háhyrningskálfi frá því að reka á land á Álftanesi
Ljósmynd/Magnhildur Gísladóttir
Þungt dýr Að sögn Þórólfs Árnasonar var hvalurinn um 3 m að lengd og hefur sennilega vegið um 100-200 kg.
„Ég hélt
hann væri
að drepast“
INGIBJÖRG
Sólrún Gísladótt-
ir utanríkisráð-
herra heldur í
vikulanga vinnu-
ferð til Mið-Aust-
urlanda nk.
mánudag. Til-
gangur ferðar-
innar er að kynna
sér stöðu mála í
Ísrael og Palest-
ínu og kanna aðstæður Íraka sem
flúið hafa ofbeldið í landi sínu og
hafast nú við í Jórdaníu.
Í heimsókninni til Ísraels mun
Ingibjörg hitta þarlenda starfssyst-
ur sína, Tzipi Livni, og einnig er
gert ráð fyrir fundi með Ehud Bar-
ak varnarmálaráðherra. Þá er von-
ast til þess að fundur komist á með
Shimon Peres sem nú um helgina
tekur við sem forseti Ísraels. Ráð-
herrann mun einnig hitta þing-
mennina Yossi Beilin og Colette
Avital, skoða aðstæður á Gólanhæð-
um og heimsækja Helfararsafnið í
Jerúsalem.
Ingibjörg mun einnig heimsækja
Ramallah og eiga þar fund með
Mahmoud Abbas, forseta Palestínu-
manna, og Salam Fayyad forsætis-
og utanríkisráðherra. Þá mun hún
hitta dr. Mustafa Barghouti, en
hann var heiðursgestur á flokks-
þingi Samfylkingarinnar hér á Ís-
landi 2002. Ingibjörg mun heim-
sækja Fæðingarkirkju frelsarans í
Betlehem og palestínskar flótta-
mannabúðir í nágrenni Betlehem.
Í Jórdaníuhluta ferðarinnar mun
utanríkisráðherra eiga fund með
Abdul Illah Khatib, jórdönskum
starfsbróður sínum, hitta fulltrúa
Flóttamannastofnunar Sameinuðu
þjóðanna og heimsækja spítala sem
Rauði hálfmáninn rekur í Ashrafieh.
Fer til
Mið-Aust-
urlanda
Ingibjörg Sólrún
Gísladóttir
Hittir ísraelska og pal-
estínska ráðamenn
Mahmoud Abbas Shimon Peres