Morgunblaðið - 17.08.2007, Blaðsíða 2

2 FÖSTUDAGUR 17. ÁGÚST 2007 MORGUNBLAÐIÐ
bílar
N
ýr Santa Fe var kynnt-
ur hér á landi fyrir um
ári síðan og fékk bíll-
inn strax góðar viðtök-
ur enda hafði eldri
kynslóð bílsins selst mjög vel hjá
B&L. Nýi bíllinn er þó mjög frá-
brugðin þeim gamla og í raun mætti
segja að þeir deili fáu nema nafninu
og einstaka tæknibúnaði.
Í fyrra var dísilbílnum reynsluekið
en nú hefur bílablaðið fengið til próf-
unar bensínbílinn sem er útbúinn 2,7
lítra V6 vél sem skilar 188 hestöflum
en að auki er bíllinn með lúxuspakka.
Gæðalegt yfirbragð
Hönnun Santa Fe hefur tekið
miklum stakkaskiptum frá fyrri gerð
bílsins og það sama má segja um
smíðagæðin. Þannig er nýi bíllinn
frekar vel heppnaður útlitslega að
mati undirritaðs og innréttingar bíls-
ins eru til fyrirmyndar, bæði hvað
varðar fyrirkomulag og efnisval en
einnig hvað varðar samsetningu. Á
þessa tilfinningu er aukið í lúxusút-
gáfu Santa Fe bílsins sem kemur
með leðri sem staðalbúnað. Það er þó
vissulega ekki allt því í lúxuspakk-
anum fylgja einnig skyggðar aftur-
rúður, tvívirk sóllúga, rafstýrt bíl-
stjórasæti, sjálfvirkur hleðslujafnari
sem er kærkomin viðbót t.d. fyrir þá
sem draga aftanívagna en einnig
kælibox og síðast en ekki síst eru tvö
aukasæti aftur í sem eru bara mjög
boðleg.
Hyundai hefur þannig tekist að
veita smáatriðunum nógu mikla at-
hygli til þess að yfirbragð bílsins
verði mun gæðalegra. Smáatriði eins
og kúptur barnabaksýnisspegill sem
hægt er að fella niður úr lofti bílsins
frammí og notast má við til að fylgj-
ast með börnunum aftur í er gott
dæmi um einföld en sniðug atriði sem
lyfta bílnum á hærra plan.
Lipur og þægilegur
Prófunarbíllinn var talsvert mikið
prófaður á þjóðvegum landsins, bæði
á möl og malbiki og þar skein gæða-
tilfinningin líka í gegn. Þannig er bíll-
inn t.d. áberandi hljóðlátur og af-
skaplega þægilegur í umgengni og
akstri.
Það er helst að hægt sé að kvarta
yfir tveimur atriðum. Fjöðrun bílsins
ræður frekar illa við holur og misfell-
ur í malbiki en þetta virðist orðið loða
við marga bíla í dag. Það er eins og
fjöðrunin sé ekki nógu „hröð“ til þess
að ná að dempa misfellurnar. Al-
mennt kemur þetta ekki mikið að sök
og má t.d. telja bílnum til framdrátt-
ar að almennir aksturseiginleikar
innanbæjar eru betri en hjá mörgum
öðrum jepplingum í þessari stærð.
Vélin hentar vel í innanbæjar-
keyrslu en er ekki sérlega öflug þeg-
ar út fyrir bæinn er komið og rýkur
hún upp á snúning með miklum lát-
um við framúrakstur án þess þó að
viðbragðið sé í samræmi við fyrir-
höfnina. Tog vélarinnar er þó ágætt
og í raun var mun skemmtilegra að
aka bílnum þannig að togið fengi að
ráða og þá var kjörið að nota ágæta
handskiptimöguleikann á sjálfskipt-
ingunni. Fyrir vikið varð aksturinn
að sjálfsögðu enn afslappaðri.
Í reynsluakstrinum frá því í fyrra
var bíllinn prófaður rækilega í veg-
leysum og kom hann á óvart fyrir
jeppling í þessari stærð. Það er t.d.
hægt að læsa aflmiðluninni þannig að
hún dreifist til helminga á fram- og
afturöxul og er bíllinn þá ansi seigur
en hann nýtur líka þess að vera á
ágætum dekkjum til þess að glíma
við léttari torfærur.
Þá virkaði stöðugleikastýring bíls-
ins afskaplega vel á malarvegum þar
sem bíllinn var rásfastur og stöðugur
þótt harkalega væri hemlað og
beygt.
Vel útbúinn
Í raun má segja að lítið skorti í
Santa Fe lúxusútgáfuna ef nokkuð – í
það minnsta ekki í þessum flokki bíla.
Hraðastilling og loftkæling, með sér
hitastillingum fyrir ökumann og far-
þega, er staðalbúnaður sem var mik-
ið notaður í veðurblíðunni og eins
kælihólfið á milli framsætanna. Útlit
bílsins er fremur látlaust en fágað.
Þegar verðmunurinn á dísilbílnum
og bensínbílnum er hafður í huga, en
hann er 300 þúsund krónur, má vera
ljóst að bensínbíllinn er mun betri
kostur en margir ætla. Dísilvélin hef-
ur vissulega mun meira tog, 335 á
móti 248 NM, sem hentar vel í fram-
úrakstri og til dráttar en við þær að-
stæður sem svona bílar eru oftast
notaðir er bensínvélin bara of hljóð-
lát og þýð til þess að hægt sé að líta
framhjá henni.
Þá má líka horfa til þess að þótt
dísilbíllinn sé ódýrari í rekstri þá
þarf að reka dísilbílinn í fimm ár til
þess að eldsneytissparnaðurinn
borgi sig og miðast það við 20 þúsund
kílómetra akstur á ári sem er víst ríf-
legt.
Morgunblaðið/Frikki
Nútímalegur Útlit Santa Fe bílsins er fágað og látlaust og skarar langt fram úr útliti eldri gerðar bílsins og ætti bíllinn að eldast vel hvað hönnun snertir.
Santa Fe nær góðri fótfestu
REYNSLUAKSTUR
Santa Fe II Lux Bensín
Ingvar Örn Ingvarsson
Rúmgott Skott bílsins er mjög rúmgott en augljóslega gengur á plássið
þegar aukasætin tvö eru tekin upp.
Lúxus Þessi gerð Santa Fe er útbúin lúxuspakka og bíllin þar af leiðandi
klæddur leðurinnréttingu en einnig fylgir ýmis annar aukabúnaður.
Vönduð Innrétting Santa Fe færir Hyundai skör ofar á
gæðaskalanum og í samkeppni við japönsku bílana.
Þýður Vélin er 2,7 lítra V6 vél sem skilar 188 hestöflum
og hentar hún bílnum mjög vel til innanbæjar aksturs.
Vél: Sex strokkar, V6,
2700 rúmsentimetrar.
Afl: 188 hestöfl við
6.000 snúninga á mínútu.
Tog: 248 Nm 4.500
snúninga á mínútu.
Gírskipting: 4 þrepa
sjálfskipting með
handskiptimöguleika.
Drif: Fjórhjóladrif,
driflæsing.
Hröðun: 11,7 sekúndur
úr kyrrstöðu í 100 km.
Hámarkshraði:
176 km/klst.
Lengd: 4.675 mm.
Breidd: 1.890 mm.
Hæð: 1.725 mm.
Eigin þyngd: 1.853 kg.
Veghæð: 20,3 cm.
Hjólbarðar og felgur:
235/65 17, álfelgur.
Eyðsla: 14,2 lítrar
innanbæjar. 10,6
í blönduðum akstri.
Verð: 4.340.000 kr.
CO2 útblástur: 252 g/km.
Umboð: B&L.
Santa Fe II Lux Bensín