Morgunblaðið - 08.12.2007, Qupperneq 63

MORGUNBLAÐIÐ LAUGARDAGUR 8. DESEMBER 2007 63
HÉR voru góðir gestir frá Ný-
fundnalandi; gítarleikararnir Duan
Andrews, sem er vel þekktur í
heimalandi sínu, og Brad Powell,
hryngítaristi, sem þó fékk að leika
eitt blússóló, er þeir hittu Björn
Thoroddsen gítarvirtúos og Jón
Rafnsson bassaleikara á fjölsóttum
tónleikum í DOMO. Django-sveiflan
var á dagskrá og hefur Björn ekki
yfirgefið hana þótt rafvæddari hafi
hann verið í seinni tíð með Gömmum
og Cold Front-sextettnum. Björn
hefur leikið með fjölda þekktra er-
lendra gítarleikara, en hér voru eng-
ir heimssnillingar á ferð. Andrews
er smekklegur gítaristi og merkilegt
nokk; bestu sóló hans voru ekki í
djassstandördum sem hann þekkir
út og inn heldur í „Tangó“ Björns
Thoroddsens og „Sofðu unga ástin
mín“, einföld og einlæg. Björn lék
skemmtilegan rapsódískan inngang
að „Tangó“, ljúffagran, en hefði mátt
sleppa sjóvinu, sem var einskonar
millikafli með gítartrommi og grí-
neffektum, áður en „Tangóinn“
sjálfur hófst. Sá kafli hefði mátt
koma annars staðar, á undan „Sweet
Georgia Brown“ eða „Limehouse
Blues“, svo einhverjir slagarar
kvöldsins séu nefndir. Django var
líka á dagskrá; „Minor Swing“ sem
allir þekkja og ópus sem minna er
spilaður, „Swing 42“. Þarna eins og
annars staðar sýndi Björn yf-
irburðatækni og músíkalítet og Jón
Rafnsson lyfti gítartríóinu með
sveiflubassaleik sínum eins og jafn-
an þetta kvöld. Gestirnir buðu upp á
heldur slappan dúett, „Rosa“ eftir
Andrews, en það var gaman að
heyra „The Breakwater Boys“ eftir
franska Nýfundnalandsfiðlarann
Emile Benoit sem þeir fjórmenn-
ingar léku frísklega. Forvitnilegt
var að heyra í tónlistarmönnum frá
landi sem maður þekkir lítið – þótt
margt eigi þessar tvær eyjar sam-
eiginlegt.
Gestir frá Nýfundnalandi
TÓNLIST
DOMO
Thoroddsen og Andrews. Sunnudags-
kvöldið 25. nóvember 2007  Vernharður Linnet
Morgunblaðið/Frikki
Landsliðsmenn Duane Andrews
og Björn Thoroddsen.
18 ára og eldri
www.saft.is
Fyrir hvern er jólagjöfin?