Skinfaxi - 01.08.1921, Blaðsíða 2

i8
SKINFAXI
Skinfaxi
Mánaðarrit U. M. F. I.
Verð 2 krónur. — Gjalddagi fyrir 1. júlí.
Ritstjóri: Helgi Valtýsson, Pósthólf 533
Afg'reiðsla og innheimta — 516
ráð sem að haldi mega kom. Hjá ná-
grannaþjóðunum (einkum Norðmönnum og
Svíum) hafa menn séð það happadrýgsta
ráöið nú, að búa sem allra mest að sínu.
Það er að segja: Efla og hagnýta alt það
innlenda sem mest. Og skapa hætti sína
og fyrirkomulag alt eftir því sem þjóð-
erninu er eðlilegast og hentugast. Okkur
er ekki síður vert að breyta á þann hátt
og hallast þar að ráðum hins fornkveðna:
»Bú es betra þótt búkot sé, holt es heima
hvat«.
Þetta er og útvalið verkefni fyrir ung-
mennafélögin hér, því það er eitt af þeirra
beinustu áformum, og með því að stuðla
alstaðar rækilega að slíku ynnu þau þjóð-
félaginu meira gagn en nokkru sinni fyr.
Aldrei höfum við haft meiri þörf á því
að bjargast sem mest við okkar eigin gæði.
Ungmennafélögin ættu að kosta alls kapps
um að kenna mönnum að »Hér er nóg
um björg og brauð«, og að »Þetta land
á ærinn auð ef menn kunna að nota ’ann«.
(Nl.)
Molar.
i.
Útgáfusjóðurinn. Á síðasta sambands-
þingi var samþykt að stofna útgáfusjóð
innan U. M. F. I., til þess að gefa út
bækur og ritlinga um ungmennafélags-
mál; var sjóðurinn stofnaður með það fyr-
ir augum, að þeim ungmennafélögum sem
ekki vinst tími til að vinna í félagi, gæf-
ist kostur á að styðja félagsskapinn með
íjárframlögum, ef ástæöur þeirra leyfa það.
Má geta þess að önnur félög hafa tekið
upp þennan sið, eftir ósk þeirra félags- og
stuðningsmanna, sem ekki hafa átt kost á
að vinna í félögunum. Enginn vafi er á
því, að þessi sjóðsmyndun er bráðnauð-
sýnleg fyrir félagsskapinn.
Samvinna. Ungmennafélagar, sem dvelja
í Reykjavík að vetrinum, gerðu vel í því
að gefa sambandsstjórn U. M. F. í. kost
á að kynnast þeim; gæti hugsast að af
því leiddi aukin samvinna og kunnings-
skapur milli sambandsstjórnar og ungmenna-
félaga út um land.
Bækur U. M. F. í. Enn þá er talsvert
til af bókum sambandsins: Þjóðfélagsfræði,
Skógræktarritið, Nýju skólarnir ensku og
Um ungmennafélög íslands. Bækur þessar
eru afaródýrar og andvirði þeirra rennur í
útgáfusjóðinn. Ungmennafélagar verða að
eiga þær bækur, sem U. M. F. í. hefir
gefið út.
Skinfaxi. Undanfarið hefir blaðið átt
að koma út annan hvern rnánuð, en nú
verður þessu breytt þannig, að það kem-
ur út mánaðarlega, en varia nema fjórar
síður; veldur því peningaleysi. Búist var
við að mönnum þætti vænna um að fá
blaðið þéttara þótt minna sé. Svo fljótt,
sem ástæður leyfa, verður blaðið í fullri
stærð, en það er á valdi kaupenda, hvort
þess verður langt að bíða.
Ritstjórnin. Helgi Valtýsson hefir tekið
vel í það, að vera ritstjóri til áramóta, og
þá ef til vill lengur, ef vel horfir; vona eg
að það sé gleðiefni bæði ungum og göml-
um ungmennafélögum, því Helgi er að
góðu kunnur í þeirra hóp sem annarstað-
ar — einn okkar allra bezti félagsmaður.
Afgreiðslan. Ef til vill hefir útsendingu
blaðsins verið eitthvað ábótavant. Það eru
því vinsamleg tilmæli mín, að kaupendur
láti mig vita hvað þá vantar af blaðinu,
skal eg þá senda þeim það svo fljótt, sem
tími vinst til.