Skinfaxi - 01.08.1921, Side 4

20
SKINFAXI
Leíkmót íslands 1921.
17 Júní.
(Nl.)
Spjótkast (betri hendi). Þátt-takendur 5.
1. verði. Tr. Gunnarsson. Kastaði 39,51
metra. Islenskt met.
Kringlukast (betri hendi). Þátt-takendur
5. 1. verðl. Arne Bratten. Kastaði 29,97 m.
ísl. met er 31,93 m., sett 1920 af Frank
Friðriksson, flugmanni.
Kúluvarp (betri nendi). Þátt-takendur 4.
1. verðlaun Tr. Gunnarsson. Varpaði
io.iS1/^ m. ísl. met er 10.83 sett af Frank
Friðriksson 1920.
Langstökk. Þátt-takendur 7. 1. verðlaun
Tr. Gunnarsson. Stökk 5,97m. íslenskt
met.
Hástökk. Þáttakendur 5. 1. verðlaun
Arne Bratten. Stökk 1.74 m. Islenskt met
setti Osvald Knudsen, 1,60 metra.
Þá keptu 4 félög í boðhlaupi, en í þetta
sinn segi eg ekki frá úrslitum þar, en ef
til vill gefst mér tækifæri að minnast á
það síðar, sérstaklega.
IV. Íslands-glíman.
Að þessu sinni glímdu hana 13 menn, en
hlutskarpastur varð hr. stud. jur. Hermann
Jónasson, og munu menn mega vel við
una, því hann er góður glímumaður, og þó
að hann glímdi ekki sem best að þessu sinni,
þá veit eg það, að hann á eftir að bæta fyrir
það, því það getur hann. Annars vil eg
leiða hjá mér að tala margt um þessa
glímu, enda heíir það litla þýðingu, að
setja út á eða hæla einstökum mönnum, og
að þessu sinni varla hægt, því yfirleitt var
glíman þunglamaleg, tilþrifalaus og ljót,
og væri óskandi, að nú yrði hún ekki ljót-
ari, en færi að taka framförum. En ef til
vill þarf eitthvað að gera fyrir þessa íþrótt,
til þess að sómi megi verða að henni fyrir
þjóð vora, og ef til vill er það margt sem
hægt væri að gera, ef víða væri góður
vilji og áhugi.
V. Niðurlag.
Leikmót þetta fór sæmilega fram, og þó
ekki betur en það, sem háð var síðastliðið
sumar. Það verður þó alt af merkilegt að
því leyti, að það er í fyrsta skifti, sem
útlendir íþróttamenn keppa við okkur Isl.
og sýna okkur yfirburði sína. Væri ósk-
andi, að það mætti verða til þess, að áhugi
ykist hjá ungum og framgjörnum mönn-
um, konum sem körlum, og væri frændum
vorum Norðmönnum þannig best launuð
heimsóknin.
Magnús Stefánsson.
Til kaupenda:
Undanfarið hefir verið talsverður rugl-
ingur og dráttur á útkomu Skinfaxa, og
valda því meðal annars fleira fjárhagsörðug-
leikar og dýrtíð.
Mun nú reynt eftir mætti að bæta úr
misfellum þeim sem orðið hafa á útgáfu
blaðsins og frágangi o. fl. Eru t. d. kaup-
endur vinsaml. beðnir að leiðrétta á r t a 1-
i ð í báðum þeim blöðum sem út liafa
komið í ár. Þar stendur 1920. Einnig
veldur mánaðartalan dálitlum ruglingi, ef
hún er borin saman við innihald blaðsins
o. s. frv. Þessa smámuni o. fl. eru menn
beðnir að virða á betra veg.
Með þessu tbl. er blaðið sett á rétta
braut með mánaðatöluna, og hefir þá
verið hoppað alveg yfir heila 3 mánuði.
maí — júlí! Þykir það réttara en að verða
jafn langt á eftir tímannum sem bæði er
óviðkunnanlegt og óþægilegt á ýmsa vegu.
Mun svo sambandsstjórn og ritstjóri reyna
eftir föngum að bæta kaupendum halla
þann, er orðið hefir, og vænta stuðnings
allra góðra ungm.félaga að því starfi.
___________ Ritstj.
Sambandsþingið 1921.
Fréttir frá sambandsþingi verða því
miður að bíða næsta blaðs sökum rúm-
leysis í blaðinu.
Prentsmiðjan Acta — 1921.