Samvinnan - 01.01.1952, Síða 26

AFMÆLISRIT
SAMVINNU-
SKÓLANS
Fyrir nokkru er komið
út myndarlegt afmælisrit
Samvinnuskólans í tilefni
af þriggja áratuga starfi
hans. Er þetta hið fróðleg-
asta minningarrit um starf
skólans á þessu tímabili og
það fólk, sem þar átti hlut
að máli, skólastjóra, kenn-
ara og nemendur. Hefur
Þorkell Jóhannesson pró-
fessor annazt ritstjórn og
skrifar formála. Annars er
efni ritsins á þessa leið: 30
ára starf Samvinnuskólairs,
eftir Jónas Jónsson, skóla-
stjóra, og mun uppistaða
þeirrar ritgerðar vera ræða
sú, er skólastjóri flutti í af-
mælishófi skólans. Þá er
Yfirlit yfir sögu skólans
eftir Þórarin Þórarinsson
ritstjóra, og loks er frásögn
af afmælishófinu eftir Sig-
urvin Einarsson kennara.
Þá kemur að þætti nem-
enda sjálfra, en þar hefur
nefndin, er undirbjó verk-
ið, valið þann kost að birta
skrá yfir alla nemendur
skólans ásamt stuttu ævi-
ágripi og myndum, þar sem
unnt er. Hefur nefndin
vafalaust valið stórum
bezta kostinn, sem fyrir
hendi var, með því að ráð-
ast í nemendatal, þótt örð-
ugt væri viðfangs og vinnu-
frekt. Er það ómetanlegur
fróðleikur að geta á einum
stað fengið yfirlit yfir það
fólk, sem stundað hefur
nám í skólanum eða kennt
í honum, og jafnframt séð,
hvað úr því varð eftir aö
það yfirgaf skólabekkinn.
Það er við lestur þessarar
nafnaskrár, sem hin raun-
verulega saga Samvinnu-
skólans birtist og það kem-
ur í ljós, hver áhrif hans og
árangur hafa orðið. Von-
andi verður þessari nem-
endaskrá haldið áfram og
viðauki birtur á 50 ára af-
mæli skólans.
Ritgerðirnar í bókinni
eru hinar læsilegustu og
skapa heilsteypta mynd,
þótt stuttar séu, hin form-
lega saga Þórarins og end-
urminningar Jónasar, sem
fyrstur hreyfði hugmynd-
inni um slíkan skóla og
verið hefur skólastjóri allt
frá stofnun hans. Þórarinn
segir svo í niðurlagsorðum
greinar sinnar:
„Þótt tímarnir séu breytt-
ir, síðan Samvinnuskólinn
tók til starfa, hefur sízt
dregið úr þörfinni fyrir
aukna fræðslustarfsemi um
samvinnu- og félagsmál.
Aldrei hafa tæknilegar
framfarir orðið meiri en á
þeim tíma og möguleikarn-
ir til almennrar velmegun-
ar eru því miklu meiri nú
en fyrir 30 árum. En þótt
mannkynið hafi lært miklu
betur en áður að beizla
náttúruöflin í þjónustu
sína, hefur því ekki tekizt
jafn vel að beizla hin
mannlegu öfl og stuðla
þannig að bættri sambúð
þjóða, stétta og einstakl-
inga í heiminum. Þar er
enn mikið verk að vinna og
þar er það hugsjón sam-
vinnunnar og bræðralags-
ins, er hefur mest að vinna.
Þótt samvinnan hafi þegar
unnið marga sigra og náð
miklum árangri, er það þó
ekki nema brot af því, sem
koma skal og koma þarf,
ef hagsmunadeilur, tor-
tryggni og sundurlyndi
eiga ekki að leiða til falls
og glötunar. Þetta gildir
einnig um hið litla þjóðfé-
lag okkar. Þar eiga bróður-
hugurinn og samvinnu-
hugsjónin enn eftir að
vinna ýmsa stærstu sigra
sína, ef vel á að fara. Megi
Samvinnuskólinn jafnan
vera trúr og áhrifamikill
boðberi þeirra hugsjóna,
sem hann hefur vissulega
verið fyrstu 30 starfsár
sín.“
Þetta afmælisrit þarf
hver sá, sem áhuga hefur
á samvinnumálum, að eiga.
í bókasafni sínu.
FRÉTTABRÉF
AF STRÖNDUM
Vorið 1949 var hafizt
handa um byggingu íbúð-
ar- og verzlunarhúss á veg-
um Kaupfélags Stranda-
manna á Norðurfirði.
Gamla íbúðarhúsið, rúm-
lega 40 ára timburbygging,
var orðið lítt hæft til íbúð-
ar, en sölubúð félagsins
mjög úr sér gengin og orð-
in á eftir kröfum tímans.
Var því ákveðið að byggja
nýtt verzlunar- og íbúðar-
hús í einni og sömu bygg-
ingu. Að þessu hefur verið
unnið tvö undanfarin ár og
var því verki lokið á síðast-
liðnu vori.
Húsið er 12,5X8,4 m. aö
grunnmáli, auk viðbygg-
ingar, sem er inngangur í
íbúðina. Húsið er tvær
hæðir. Á neðri hæðinni er
sölubúð félagsins og vöru-
geymsla, auk skrifstofu og
miðstöðvarherbergis, en á
efri hæð er íbúð kaupfé-
lagsstjórans. Öll er bygg-
ingin hin vandaðasta og
vistlegasta. Er aðstaða
til afgreiðslustarfa mjög
þægileg og ólík því, sem áð-
ur var. Jafnframt er mun-
urinn mikill fyrir við-
skiptamennina að koma
inn í vistleg, vel upphituð
og lýst húsakynni, er þeir
koma á verzlunarstaðinn,
oft í misjöfnum veðruin og
illa til reika.
Yfirsmiður við húsbygg-
inguna var Guðjón Magn-
ússon í Kjörvogi, en vinna
var öll leyst af hendi af
mönnum úr byggðarlaginu,
Þessi myud sýuir Sambands-
luisið i Reykjavik, eins og
j>að var upphafiega. Sam-
vinnuskólanum var þd ceti-
að rúm á efslu hœð pess og
hefur hann verið þar til
húsa siðan, og er nú á
þeirri heeð, sem byggð lief-
ur verið ofan á húsið.
22