Fréttablaðið - 22.09.2009, Side 30

26 22. september 2009 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. eymsl, 6. gangflötur, 8. sæ, 9.
blundur, 11. fisk, 12. ólögl. innfluttn-
ingur, 14. samfokinn fönn, 16. klafi,
17. útsæði, 18. fát, 20. til, 21. traðkaði.
LÓÐRÉTT
1. kvenflík, 3. hæð, 4. gutla, 5. tæki,
7. lævís, 10. kusk, 13. gifti, 15. kven
köttur, 16. einatt, 19. eldsneyti.
LAUSN
LÁRÉTT: 2. bágt, 6. il, 8. sjó, 9. lúr, 11.
ál, 12. smygl, 14. skafl, 16. ok, 17. fræ,
18. fum, 20. að, 21. tróð.
LÓÐRÉTT: 1. pils, 3. ás, 4. gjálfra, 5.
tól, 7. lúmskur, 10. ryk, 13. gaf, 15.
læða, 16. oft, 19. mó.
VEISTU SVARIÐ
Svör við spurningum á síðu 8
1. Atli Guðnason.
2. Lars von Trier.
3. Sarkozy, forseti Frakklands.
Talsverð spenna virðist
vera að myndast fyrir
Wipeout-þáttum Stöðvar
2 sem teknir verða upp
í Argentínu á næstu
vikum. Fréttablaðið
hefur greint frá
þekktum andlitum
sem verða meðal
þátttakenda, til að mynda þeim
Audda og Sveppa, Gillzenegger, Ingó
úr Veðurguðunum. Alexöndru Helgu
Ívarsdóttur fegurðardrottningu og
Ívari Guðmundssyni fitness-kappa.
Fjölnir Þorgeirsson bættist nýlega í
hópinn og nú hefur frést af óvæntum
liðsauka. Frágengið mun vera að
markamaskínan fyrrverandi og núver-
andi íþróttafréttamaðurinn Hörður
Magnússon keppi í þrautakónginum
og verður forvitnilegt að sjá hvernig
honum reiðir af.
Á meðan niðurskurðar-
hnífurinn hefur verið á
lofti á flestum fjölmiðl-
um landsins virðist
fréttastofa Ríkis-
útvarpsins smám
saman þenjast út. Á
dögunum var gengið
frá ráðningu á þrem-
ur nýjum starfsmönn-
um. Guðjón Helgason
var keyptur yfir frá Stöð 2 og gengið
var frá fastráðningum þeirra Þorkels
Sigurbjörnssonar íþróttafréttamanns
og fyrrverandi Kompás-liðans Krist-
ins Hrafnssonar.
Meira úr Efstaleiti. Skiptar skoðanir
virðast vera um ágæti nýs morgun-
þáttar Rásar 2 í umsjón þeirra Freys
Eyjólfssonar og Láru Ómarsdóttur.
Spurningakeppni þáttarins hefur
þó vakið mikla eftirtekt og eftir-
sótt virðist vera að fá að taka þátt.
Sigmundur Davíð Gunnlaugsson
átti til að mynda að vera í útlönd-
um einn daginn þegar keppnin fór
fram en hann grátbað
stjórnendurna um að fá
að halda áfram. Var því
óhefðbundnum leiðum
beitt til þess að for-
maður Framsókn-
arflokksins gæti
áfram hangið
inni. - hdm
FRÉTTIR AF FÓLKI
Atli Örvarsson, íslenska kvik-
myndatónskáldið í Hollywood,
hefur verið ráðinn til að semja
tónlistina við endurgerð Karate
Kid með Jackie Chan og Jaden
Smith í aðalhlutverkum. Jaden
þessi er sonur Hollywood-stór-
leikarans Will Smith en mynd-
inni hefur verið gefið nafnið The
Kung Fu Kid.
Eins og margir ættu eflaust að
muna voru það Ralph Macchio
og Pat Morita sem léku í gömlu
myndinni sem naut mikilla vin-
sælda á níunda áratug síðustu
aldar. Atli kveðst hafa verið of
gamall fyrir Karate-kid æðið á
sínum tíma en viðurkennir að í
dag hafi hann nokkuð gaman af
myndinni, hún sé hálfgert „cult“.
„Og myndin er víst hugsuð sem
eldraun fyrir strákinn og ekki
seinna vænna, hann er orðinn
ellefu ára,“ segir Atli og hlær.
Reyndar er forvitnilegt að segja
frá því að Bill Conti samdi tón-
listina fyrir Karate Kid á sínum
tíma, sá og hinn sami og stjórnar
tónlistarflutninginum við Óskar-
inn á ári hverju.
Atli kveðst ekki vita hvernig
hann ætli að undirbúa sig fyrir
tónsmíðarnar fyrir myndina en
hún gerist að mestu leyti í Kína.
„Ætli maður fari ekki bara og
leigi sér gömlu myndirnar með
Bruce Lee. Annars er þetta nátt-
úrulega mynd um krakka fyrir
krakka og þegar maður hlustar
á kínverska popptónlist í dag þá
kemst maður að raun um að hún
er ekkert sérstaklega kínversk
heldur undir miklum áhrifum frá
hinni vestrænu menningu.“
Atli hefur haft í nægu að snúast
að undanförnu. Hann er að leggja
lokahöndina á tónlistina við kvik-
myndina Season of the Witch sem
skartar Nicolas Cage í aðalhlut-
verki en hún gerist á miðöldum.
Þar kemur systir Atla, Þórhildur,
töluvert við sögu en hún hefur, í
gegnum tónlist bróður síns, vakið
eftirtekt hjá kvikmyndaframleið-
endum fyrir söng sinn. Þá samdi
Atli tónlist við nýjan netleik Sony
og er að fara aðstoða Hans Zimm-
er við að klára tónlistina fyrir
nýjustu Sherlock Holmes-mynd-
ina. Þar eru þeir Robert Downey
Jr. og Jude Law í aðalhlutverkum
en Guy Ritchie leikstýrir. „Þetta
gengur mjög vel núna og maður
er auðvitað bara sáttur á meðan
svo er.“
freyrgigja@frettabladid.is
ATLI ÖRVARSSON: SEKKUR SÉR OFAN Í KÍNVERSKA POPPTÓNLIST
Íslenskt tónskáld semur
fyrir endurgerð Karate Kid
Í GÓÐUM HÓPI
Jackie Chan og Jaden Smith leika
aðalhlutverkin í The Kung Fu Kid
sem er endurgerð kvikmyndarinnar
Karate Kid sem Ralph Macchio og Pat
Morita léku í. Atli Örvarsson hefur
verið fenginn til að semja tónlistina
við myndina en hann kveðst ekki enn
vita hvernig hún verður, kínversk áhrif
muni þó eflaust svífa yfir vötnum.
„Mér finnst humarsúpan hjá
Sægræfanum alltaf jafn góð og
samlokurnar í Drekanum líka.
Þessir bitar klikka aldrei og vert-
arnir eru einnig frábærir.“
Guðrún Vilmundardóttir, útgáfustjóri hjá
Bjarti.
„Ég er búinn að fá alveg heilan hell-
ing af sms-skilaboðum frá þýðend-
um með sterkar taugar sem vilja
texta fyrir okkur Antichrist,“ segir
Ísleifur B. Þórhallsson hjá Græna
ljósinu. Eins og Fréttablaðið greindi
frá í gær leitaði Græna ljósið til
nokkurra þýðenda og óskaði eftir
því að þeir textuðu myndina fyrir
sýningar í kvikmyndahúsi. Eng-
inn þeirra treysti sér til þess enda
þykir myndin nokkuð óhugnanleg,
svo vægt sé til orða tekið.
Eftir að fréttin birtist voru hins
vegar margir þýðendur sem lýstu
því yfir að þeir vildu ólmir fá tæki-
færi til að þýða og texta Antichrist.
„Því miður held ég að við séum
fallnir á tíma með þetta fyrir bíó.
En við fáum einhvern góðan til að
gera þetta fyrir DVD-útgáfuna. Ég
slepp þá að minnsta kosti við það,“
segir Ísleifur.
Ein þeirra sem lýstu yfir áhuga
sínum á að texta myndina og þýða
er Auður Haralds rithöfundur.
Í samtali við Fréttablaðið sagð-
ist hún ekki hafa minnsta áhuga
á kvikmyndum
Lars von Trier,
h a n n vær i
hundleiðinleg-
ur. „Það er til
orðtak, dogma-
hausverkur, en
það er notað
yfir þá sem fá
hausverk af
því að horfa
á d o g m a
eftir Trier,“
segir Auður
sem kveið
því ekki að
þýða þessa
mynd þrátt
fyrir orðróm
um óhugnað.

-fgg
Nú vilja allir þýða Andkrist
ÁHUGASAMIR Íslenskir þýðendur
reyndust, þegar upp var staðið, áhuga-
samir um Antichrist og fjölmargir höfðu
samband við Ísleif B. Þórhallsson. Einn
þeirra var Auður Haralds rithöfundur.
Eina skráða íslenska áhugamannafélagið um
írska drykkinn Guinness er tíu ára á þessu
ári. Þessi hressi karlahópur hittist á hverju
föstudagssíðdegi á Kringlukránni, ber saman
bækur sínar og skellir að sjálfsögðu einum
Guinness eða svo í sig.
„Þetta byrjaði á því að ég og nafni minn,
Grettir Grettisson, fórum úr vinnu klukkan
fimm, laumuðum okkur inn á pöbb og feng-
um okkur Guinness,“ segir leiðtogi félags-
ins, Grettir Sigurðsson, eða Grettir Sig eins
og hann kallar sig. „Þegar fréttist af þessum
fögnuði fór að bætast í hópinn og allir vildu
vera með. Þetta endaði með því að þetta var
orðinn fastur félagsskapur.“
Stífar reglur eru í félaginu og enginn kemst
upp með neitt múður. „Við erum með kladda
eins og í skólanum í gamla daga. Það er kallað
upp og menn þurfa að senda skilaboð til leið-
toga ef þeir komast ekki. Menn fá F ef þeir
hafa ekki látið leiðtoga vita og ákveðið mörg F
þýða umgangur á borðið.“
En hvers vegna Guinness? „Þetta er stór-
merkur mjöður. Hann er fullur af vítamíni,
humlum og bætiefnum,“ útskýrir Grettir.
„Hann er mjög sérstakur fyrir það að loftból-
urnar fara niður en ekki upp. Þetta er rann-
sóknarefni vísindamanna víða um heim. Þetta
er þessi skemmtilega blanda af kolsýru og
köfnunarefni.“ Þeir félagar fussa og sveia yfir
venjulegum bjór og kalla hann einfaldlega
sullið. „Ef í harðbakkann slær látum við okkur
hafa það en Guinness er alltaf númer 1, 2 og 3.“
Guinness-fyrirtækið fagnar 250 ára afmæli
sínu í september og af því tilefni verður hátíð
haldin á English Pub næsta fimmtudag þar
sem Grettir og félagar verða að sjálfsögðu
meðal gesta. - fb
Drekka Guinness saman á föstudögum
GUINNESS ER MÁLIÐ Eina skráða áhugamannafélagið
um Guinness hittist á hverjum föstudegi á Kringlu-
kránni. Félagsmenn klæðast Guinness-fatnaði hvern
föstudag. FRÉTTABLAÐIÐ/DANÍEL
NÝJAR GELLUR
KINNFISKUR
SALTFISKUR
LÍNUÝSA
LÚÐUSNEIÐAR
FISKRÉTTIR
PLOKKFISKUR
Hugsum um heilsunaog borðum fi sk.