Fréttablaðið - 29.09.2009, Side 12

12 29. september 2009 ÞRIÐJUDAGUR
MENNING Umræðan hefur á und-
anförnum árum æ meira færst af
síðum blaðanna og yfir á internet-
ið. Sagnfræðingum framtíðarinn-
ar er því nokkur vandi á höndum,
enda gömul saga og ný að erfitt er
að stóla á heimildir á netinu fjölda
ára aftur í tímann og sumar síður
hafa lagt upp laupana. Í dag opnar
almenningi hins vegar heimasíðan
www.vefsafn.is en þar er að finna
safn ísenskra vefsíðna frá árinu
2004.
Vinna við verkefnið hófst árið
1998, að sögn Þorsteins Hallgríms-
sonar, aðstoðarlandsbókavarðar.
Verkefnið var nokkuð flókið og því
var ákveðið að vinna tæknivinnu í
samvinnu við erlenda aðila. Unnið
er að svipaðri söfnun vefsíðna í
Ástralíu, Svíþjóð og Bandaríkjun-
um. Síðastnefnda verkefnið, sem
unnið er á vegum Internet Archi-
ve, er mjög metnaðarfullt; þar
ætla menn að safna saman öllum
vefsíðum heimsins. Í samvinnu
við þá var unnið að tæknimálum,
en vandamálið í þeim efnum er að
vefurinn vex mun hraðar en tækn-
in við að skrá hann, að sögn Krist-
ins Sigurðssonar, fagstjóra upplýs-
ingatæknihóps.
En til hvers er verið að safna
vefsíðum? Þorsteinn segir að til-
koma vefsins hafi gjörbreytt öllum
fyrri lögmálum um útgáfu, enda
sé hann nýr og sjálfsæður mið-
ill sem sé hluti af menningararfi
þjóða. Flest lönd leitist við að varð-
veita menningararf sinn og veita
að gang að honum og það eigi einn-
ig við um vefinn.Ef það efni sem
aðeins finnst á vefnum sé ekki
varðveitt, glatist hluti menningar-
arfsins. Þá myndist gat í menning-
arsögu þjóðarinnar.
Vefsafnið er í dag um 14 tera-
bæt og raunar tvöfalt það, þar sem
það er varðveitt í tveimur eintök-
um. Frá upphafi söfnunar hafa 850
milljónir slóða verið heimsótt, inni
í því eru nokkrar sem heimsótt eru
oftar en einu sinni. Kristinn segir
að þrisvar sinnum á ári sé síðum
safnað, hver uppfærsla er um 1,5
terabæt. Við síðustu söfnun voru
72 milljónir urla heimsótt.
Tæknin gerir það að verkum að
sjálfvirk söfnun nær eingöngu til
síðna sem enda á þjóðarléninu; .is.
Þar að auki eru 4-500 slóðir með
aðra endingu heimsóttar hand-
virkt.
Ísland er fyrsta landið í heimin-
um sem opnar almenningi aðgang
að slíku vefsafni. Menntamálaráð-
herra opnar vefinn við hátíðlega
athöfn í dag klukkan 13. Almenn-
ingur getur skoðað safnið á www.
vefsafn.is. kolbeinn@frettabladid.is
Fyrsta safn
vefsíðna opið
almenningi
Vefsafn Þjóðarbókhlöðunnar verður opnað í dag.
Geymir allar vefsíður sem safnað er af þjóðarléni.
Fyrsta safnið sem opið verður almenningi af þess-
um toga. Á að tryggja varðveislu samtímaheimilda.
SKOÐA VEFINN Safn allra vefsíðna með þjóðarlénsendingunni .is verður opnað í dag.
Sigurður tæknimaður (til vinstri) og Þorsteinn aðstoðarlandsbókavörður segja hið
viðamikla safn munu fylla upp í gat í menningararfi þjóðarinnar, enda hafi æ meiri
hluti umræðunnar flust yfir á vefinn. FRÉTTABLAÐIÐ/ANTON
PORTÚGAL, AP Jose Socrates, for-
sætisráðherra Portúgals, ætlar
hvergi að hvika frá áformum
sínum um róttækar umbætur á
samfélaginu.
Hann tryggði sér í þingkosn-
ingum um helgina umboð til að
stjórna annað kjörtímabil, þrátt
fyrir að margir óttist áform hans,
þar á meðal margir félagar hans í
Sósíalistaflokknum.
„Ég mun ekki hika við að
hrinda umbótum í framkvæmd,
jafnvel þótt þær mæti skilnings-
leysi, hindrunum og andstæðing-
um,“ sagði hann í kosningabar-
áttunni.
Gagnrýnendur hans, meðal
annars í verkalýðshreyfingu
Portúgals, segja umbótahug-
myndir hans líkjast frekar hug-
myndum hægriflokka en sósíal-
ista. - gb
Kosningar í Portúgal:
Socrates áfram
við stjórnvölinn
JOSE SOCRATES Ætlar hvergi að hvika frá
umbótaáformum sínum. FRÉTTABLAÐIÐ/AP
EFNAHAGSMÁL Björgvin G. Sig-
urðsson, fyrrverandi viðskipta-
ráðherra, segist sjá eftir því að
hafa ekki gengið miklu harðar
fram í því að koma Icesave úr úti-
búi Landsbankans á Íslandi yfir í
erlend dótturfélög.
Þetta kemur fram í grein sem
Björgvin ritar í Morgunblaðið
í gær. „Okkur mistókst yfirlýst
markmið um að koma Icesave
í dótturfélag úr útibúum þrátt
fyrir ítrekaðar tilraunir til að fá
Landsbankann til þess. Þar hefð-
um við átt að ganga miklu harðar
fram og því sé ég mest eftir af
öllu á mánuðunum mínum í ráðu-
neytinu,“ segir Björgvin. „Þá
hefði fyrir löngu átt að vera búið
að sameina bankamálin undir eitt
ráðuneyti í stað þriggja og eftir-
litið í eina sameinaða stofnun.
Það hefði örugglega rofið víta-
hring samráðsleysis og óljósra
skila á milli ábyrgðar og hlut-
verka í því viðkvæma viðfangs-
efni að tryggja fjármálalegan
stöðugleika í samfélaginu.“
Björgvin segir að íslenska
stjórnmálastéttin skuldi þjóð-
inni afsökunarbeiðni vegna þess
að efnahagshrunið varð alvar-
lega hér á landi en víðast annars
staðar vegna aðgerða og aðgerða-
leysis stjórnmálamanna. „Þar eru
fáir undanskildir, hvorki þeir sem
stýrðu samfélaginu frá miðjum
tíunda áratugnum né aðrir sem
börðust gegn því að skikki yrði
komið á gjaldmiðilsmál þjóðar-
innar,“ segir Björgvin. „Ég hef
beðist afsökunar fyrir mitt leyti
og undirstrika það hér.“
- pg
Björgvin G. Sigurðsson um efnahagshrunið:
Skulda þjóðinni
afsökunarbeiðni
BJÖRGVIN G. SIGURÐSSON Sér eftir því
að hafa ekki komið Icesave í erlend
dótturfélög. FRÉTTABLAÐIÐ/STEFÁN
HEILBRIGÐISMÁL Á síðustu dögum
hafa fimm greinst með sýkingu
af völdum E. coli-bakteríunnar
illræmdu, samkvæmt upplýsing-
um landlæknisembættisins. Sýk-
ingarnar hafa verið staðfestar
á sýkladeild Landspítala. Fólkið
er á aldrinum eins árs til 36 ára.
Um þrjá karla og tvær konur er
að ræða.
Fjórir þeirra sem greindust eru
búsettir á höfuðborgarsvæðinu en
einn á Suðurlandi. Líklegt þykir að
rekja megi sýkinguna á Suðurlandi
til höfuðborgarsvæðisins. Engin
þekkt tengsl eru á milli fólksins
og allir smituðust hér á landi.
Upphaf einkenna var á tímabil-
inu 17. til 23. september. Þrír hafa
verið lagðir inn á sjúkrahús vegna
sýkingarinnar en enginn hefur
greinst með alvarlega fylgikvilla
af völdum hennar. Ekki er búið að
komast að uppruna smitsins, en
sóttvarnalæknir vinnur að rann-
sókn málsins.
E. coli O157 er baktería sem
berst með menguðu vatni og mat-
vælum í menn, en smit manna á
milli og úr dýrum í menn er einnig
vel þekkt. Helstu einkenni sýking-
ar í fólki eru niðurgangur, sem
mjög oft er blóðugur, og slæmir
kviðverkir eða uppköst. Bakterían
framleiðir ákveðna tegund eitur-
efnis sem getur leitt til skertrar
nýrnastarfsemi og stundum til
alvarlegra veikinda, einkum hjá
börnum. - jss
Sóttvarnalæknir rannsakar upptök E. coli-sýkinga sem komið hafa upp:
Fimm með illræmda sýkingu
HARALDUR BRIEM Sóttvarnalæknir
vinnur að rannsókn á upptökum E.coli-
sýkinganna.
ALÞINGI Þrír alþingismenn sitja
fund Evrópuráðsþingsins sem
nú stendur í Strassborg. Það
eru Lilja Mósesdóttir, formað-
ur Íslandsdeildar Evrópuráðs-
þingsins, Steinunn Valdís Ósk-
arsdóttir og Birkir Jón Jónsson.
Á þinginu verður fram-
kvæmdastjóri Evrópuráðsins
kjörinn og rætt um átökin milli
Rússlands og Georgíu, loftlags-
mál og verndun einstaklinga
sem gera viðvart um misferli,
til dæmis, innan stofnana eða
fyrirtækja. Þá á að ræða regl-
ur um starfsemi og vinnubrögð
þrýstihópa.
- bþs
Þrjú sitja Evrópuráðsþing:
Þrýstihópar og
átök á dagskrá
LÍKNESKI BRENNUR Líkneski djöfla-
konungsins Ravana stóð í ljósum
logum á lóð hofs í borginni Amritsar
á Indlandi í tilefni af trúarhátíð hind-
úa. NORDICPHOTOS/AFP