Fálkinn - 13.05.1960, Blaðsíða 10

10
FALKÍNN
JjaÍritHaf þrjá?
IK\ BI X AS A<; A
Einu sinni voru tveir bræður, sem
voru jafn ólíkir og dagur og
nótt. Sá eldri var þurr eins og freð-
ýsa og svo ágjarn, að hann át út-
slitna skósóla til að spara ketið sitt.
Fólk kallaði hann Lurifas. Bróðir
hans var litill og spikfeitur. Hann
vann duglega stundum, en þegar
nógur matur var í búrinu hvíldi
hann sig. Hann var hjartagóður og
gjafmildur, og fólk kallaði hann
Glað.
Einu sinni eftir messu var lesin
upp tilkynning um að kongurinn
ætlaði að gifta dóttur sína einhverj-
um, sem væri svo vitur og djarfur,
að hann gæti tekið við ríkisstjórn-
inni, þegar kóngurinn félli frá. —
Ég er rétti maðurinn! sagði Lurifas
og setti upp hattinn og hélt af stað.
— Biddu, ég ætla að verða sam-
ferða! kallaði Glaður, hann vildi
hafa með sér nesti. — Jæja, komdu
þá, sagði Lurifas. — Þú getur orð-
ið kokkur hjá mér, þegar ég er orð-
inn kóngur, bætti hann við . .. Svo
þrömmuðu þeir og þrömmuðu, þang-
að til þeir voru orðnir svo þreyttir,
að þeir urðu að setjast á stein og
hvíla sig. Glaður tók upp lummur,
en þegar þeir ætluðu að fara að éta
kom hrafn hoppandi og bað þá um
að gefa sér bita handa börnunum
sínum.
-— Far þú á þitt hrafnaþing! sagði
Lurifas. — Nei, sagði Glaður og gaf
krumma lummuna sína. — Unga-
greyunum veitir ekki af að fá bita.
— Kra-kra-kra, sagði krumminn og
flaug burt. Svo héldu þeir áfram,
þangað til þeir urðu að hvíla sig
næst. Þá kom hani spássérandi og'
spurði hvort hann mætti ekki fá
bita. Hann hafði gefið hænunum all-
an matinn og gleymt sjálfum sér.
— Mikið flón varstu, sagði Lurifas.
En Glaður gaf honum lummu, og
þá galaði haninn: „Þakka-þér-fyrir!“
. . . Og enn einu sinni urðu þeir að
hvila sig áður en þeir komu í kóngs-
garð. Þá kom spói til þeirra og
Glaður gaf honum lummu, en Luri-
fas steytti hnefanun á móti honum,
en spóinn flaug og sagði: „Ha-ha-ha-
ha!“ Loks komust þeir í kóngs-
höllina, en þar var svo mikil ös, að
þeir urðu að bíða lengi til þess að
geta heilsað kónginum og prinsess-
unni. Hún var svo falleg að Glaður
kiknaði í hnjánum, þegar hún leit
á hann, og hann þreif af sér hatt-
inn og hneigði sig svo djúpt, að tal-
an sprakk af buxnastrengnum hans
og hrökk í eyrað á kónginum. En
til allrar hamingju var Glaður með
mittisól líka. Lurifas tók ofan líka,
en horfði mest á kórónuna kóngsins.
Nú var þeim sagt, að sá, sem gæti
náð í fjaðrirnar þrjár -— gullfjöðr-
ina, silfurfjöðrina og eirfjöðrina —
skyldi fá prinsessuna og hálft kóngs-
ríkið. Þegar Lurifas heyrði það,
hljóp hann af stað. Glaður fór að
spyrjast fyrir og fékk að vita að
gullfjöðrin væri uppi á háum fjalls-
tindi og þar sæti örn, sem gætti
hennar. Það var fullt af fólki, þegar
Glaður kom að tindinum, en bergið
var svo bratt, að hvorki Lurifas né
aðrir gátu 1 ifrað upp. — Bara að
ég hefði vær.gi, hugsaði Giaður með
sér. En um leið kom hrafninn fljúg-
andi og nú flaug hann upp á syll-
una, þar sem arnarhreiðrið og gull-
fjöðrin var. Örninn var ekki heima
og krummi náði í fjöðrina og flaug
til Glaðs með hana. — Settu hana
í hattinn þinn og þakka þér fyrir
síðast, sagði krummi. Lurifas gnísti
tönnum af reiði, en lét sem hann
væri vinur bróður síns og slóst í
förina með honum. Hann ætlaði að
stela gullfjöðrinni frá honum.
Svo gengu þeir lengi, þangað til
þeir komu í Gamma-gjá. Hún var
svo djúp, að fólk skalf af hræðslu,
þegar það leit ofan i hana. Á brún-
inni fyrir handan sat gammurinn
með beran hálsinn og stóra nefið
og gætti að silfurfjöðrinni. Glaður
hugsaði með sér: —'Þetta kemst ég
aldrei! En í sömu andránni kom han-
inn hlaupandi að gamminum og
stakk skorunum í hann, og gamm-
Framh. á 14. síðu.
VITIÐ ÞÉR
að víða er hörgull á hreinu
vatni?
Þrír fjórðu af íbúum veraldar
verður að notast við vatn, sem er
óhreint og óheilnæmt. Jafnvel þó
nóg sé af því er það oft svo mengað
að hættulegt er að neita þess. —
í mörgum löndum verður fólk að
kaupa vatn fyrir verð, sem er 10—
15 sinnum hærra en frá vatnsveit-
um borganna. En fjöldi stórborga
verður að notast við vatn, sem
sannanlega er óholt.
að Bandaríkin eru að smíða
stærsta „blimp“ í heimi?
„Blimp“ kalla þeir grindarlaus
loftskip, gagnstætt „stinnu" loft-
skipunum, svo sem Zeppelin-skipin
voru. Nýjasta „blimp“ USA er not-
að í ratsjárþjónustunni, og er 121
metra langt og 35 metra hátt. Þarf
40.000 rúmmetra af helíum til að
fylla það út.
að ekki þarf annað en biðja
um sérstakt símanúmer til
þess að fá atvinnu j Vestur-
Þýzkalandi?
Þar er atvinnuleysi hverfandi
lítið, og þess vegna mikil eftirspurn
eftir fólki, bæði til andlegra og
líkamlegra starfa. í flestum þýsk-
um bæjum þarf því ekki annað en
hringja á vinnumiðlunarskrifstof-
una og segja hvað maður kann. Þá
er vísað á vinnustað undir eins.
að stórfellt tjón mundi verða
ef allur ísinn bráðnaði af
Grænlandi?
Úthöfin mundu nefnilega hækka
um 7—8 metra, þegar allt bræðslu-
vatnið rynni á þau. Fjöldi borga og
bæja stendur minna en 7—8 metra
yfir sjó, og mundi því fara í kaf og
sömuleiðis mikið land. Biðbærinn í
Reykjavík mundi sökkva, stórhluti
af Ölfusi, Flóa, Landeyjum og Eyja-
fjallasveit lenda undir sjó. En Græn-
landsfjöll mundu hækka um nokkra
metra.