Iðnneminn - 01.09.1950, Side 4

Iðnskólinn
Iðnskólinn á Selfossi er starf-
ræktur þannig, aö öðrum skól-
um er hann fyrirmynd í flestu.
Þar hefur ein af aðalkröfum
iðnnemasamtakanna komizt í
framkvæmd. Krafan um, að
bóklega námið fari fram í dag-
skóla. Fjórir bekkir skólans eru
starfræktir á daginn, í stað
tveggja í iðnskólanum í Reykja-
vík. Öllum aðilum hefur líkað
þetta nýja fyrirkomulag skól-
ans vel.
Kvöldskólinn lagður niður.
Þó að fyrirkomulag kvöldskól-
ans á Selfossi væri betra en ann-
arsstaðar, t. d. að skólinn var
aðeins starfræktur til klukkan
átta á kvöldin, í stað tíu hér í
Reykjavík, var ákveðið að fara
fram á, að skólinn yrði gerður
að dagskóla. Þegar það var gert,
var talið sjálfsagt að verða við
þessum kröfum iðnnema og
koma á dagskóla.
Allir iðnnemar vita, hvílík
raun það er að sitja á skóla-
bekk að afloknum vinnudegi.
Til dæmis þurfa sumir iðnnem-
ar í Reykjavík að vera í skól-
anum til klukkan tíu á kvöldin,
án þess að fá nokkurt matarhlé.
Það er því gleðiefni að heyra,
að iðnnemar hafa fundið náð
fyrir augum almennings og
komið mönnum i skilning um,
að hið úrelta kvöldskólakerfi er
alveg óviðunandi.
á Selfossi
Nýtt skólahús, nýtt
skólakerfi.
Iðnaðarmannafélagið á Sel-
fossi gekkst fyrir því, að viðun-
andi húsnæði fengist fyrir iðn-
skólann. Það réðist í að kaupa
gamla barnaskólahúsið, sem
hætt var að nota, og hugðist
byggja við þaö. Var því lokið
haustið 1949 og var skólinn þá
tilbúinn fyrir kennslu næsta
vetur.
Þá var það sem iðnnemar á
Selfossi fóru þess á leit við
ýmsa meistara á staðnum og
skólastjóra iðnskólans, að skól-
inn yrði starfræktur sem dag-
skóli. Voru allir samþykkir
þessu, ef það tækist vel, bæði
meistarar þeir, sem talað var
við og skólastjórinn.
Síðan byrjaði skólinn. Fyrsti
iðnskóli á íslandi, sem starf-
rækir alla fjóra bekkina á dag-
inn. Skólatíminn er tveir og
hálfur mánuður á ári, í stað sex
mánaða í kvöldskólanum í
Reykjavík. Þennan fyrsta vetur
voru 30 nemendur í skólanum,
en þeir eru flestir að læra tré-
smíði, bifvélavirkjun, málara-
iðn eða rafvirkjun, en það eru
aðalgreinar iðnaðarins þar.
Kennarar voru sex, ef með eru
taldir þeir, sem kenna iðnteikn-
ingar. Eftir þetta fyrsta skóla-
ár eru allir sammála um, að hið
nýja fyrirkomulag hefur reynzt
vel, bæði skólastjóri, kennarar,
meistarar og iðnnemar, og eru
þeir síðastnefndu sérstaklega
ánægðir með það.
Ég óska iðnnemunum á Sel-
fossi til hamingju með dagskól-
ann og vona, að í framtíðinni
verði þeir brautryðjendur í sem
flestum hagsmunamálum iðn-
nema.
Með iðnskólann á Selfossi efst
á blaði hefjum við nýja sókn í
baráttunni fyrir dagskólum, en
þið haldið áfram ykkar sigur-
sælu baráttu þar til fullur sig-
ur er unninn. sj.
Kaffidrykkja í iðnskólanum á Selfossi í tilefni af afhendingu prófskírteina.
2
IÐNNEMINN